興記食堂

Open Now

Now Closed

說過要在石門試晒所有餐廳，我首先的目標，就是要試晒區內的各大小工廠飯堂。這一日，我又選擇了一間工友才會看得上眼的飲食地方。是門口長期有一塊未溶冰塊的《興記食堂》。當日，我看中一個上海式的回窩肉飯啊。出來的有大大碟肉同菜同一大碟飯，加上份回窩肉看似很美味，打了一支強心針。食落，這一份肉很多的回窩肉是令人滿意的，味道夠濃，有適中的辣味，雖然好油，但伴飯吃，又香又夠辣，令我感覺歡喜。奶茶也是很好的，香滑俱全，不給一個小讚是不行的。味道其實好好，只是飯堂的環境，吸引不到你我再入去。

此間店之前食過都不敢再食, 但我見好耐無食咪再試下囉, 點知結果都係一樣, 佢地 D 味精好似唔洗錢咁, 每樣食物食完渴到爆, 仲好咸添, 根本好難食得落, 雖然平姐, 但都唔好用咁多味精丫, 食完真係好辛苦呀....

堂食環境不好, 有時d 員工仲講粗口...不過價錢平, 份量夠.炒既野食鑊氣都算唔錯.下午茶都係$20 左右, 仲有紅豆凍, 咁既價錢, 宜家真係少有.不過建議都係外賣好喇, 堂食真係有少少影響胃口....

由於要在client 的office audit 幾天, 所以要在石門這個鬼地方搵食, 去年已經來過, 深知"無啖好食" , 想食好d都要搭車去沙田第一城, 但由於時間有限, 加上那幾日又時常落大雨, 所以被迫在附近搵食. 由於幾日前在金輝食完後胃痛了兩日, 所以友人建議我試下食興記, 這幾日我食了:2010-6-23: 干炒牛河這日我外賣自取, 只是等了五分鐘, 都算快, 不過食堂內的環境真的比較dirty, 而且大部份也是工人或三行佬. 收銀的阿嬸個樣好似好串, 但其實有禮貌, 地方也比較狹窄..我最怕在又dirty又狹窄的環境食飯, 所以都是外賣.上返office食飯, 干炒牛河很熱, 一定是即炒, 不是太乾身, 牛肉也算是稔, 幾好. 凍飲不用加錢, 我叫她少冰真的少冰. 讚.2010-6-25: 魚香茄子飯無時間出去食了, 所以打電話叫外賣, 都好快就送上來, 只是等了十分鐘. 出面有些魚香茄子飯很辡的, 但這次不太辡, 而且有很多汁來送飯. 飯有很多, 如果一般正常男仔都應該夠飽.2010-6-28: 日式鮮菇牛柳絲飯又是無時間出去食, 加上很大雨, 所以要叫外賣. 鮮菇

工廠地方..都係呢d咁既茶餐廳架喇..但無諗過會咁離譜囉:早餐: 蕃茄火腿蛋三文治烘底 + 凍檸檬茶 (p.s. 已叫小冰..因為天氣凍..唔想再咁凍喇)嘩..見到個樣就唔想食..油淋淋..咦..睇真d..塊多士仲要黑蚊蚊..(見圖) 想點呀..杯嘢飲仲唔掂..冰多到丫..飲完都成杯冰向度..唉...平嘢真係無好架..$15 一個早餐..係平..不過攪到自己無胃口..所以...no next time 啦...!!!

這裡專門有道午餐是以齋菜奉客，標明是健康齋菜，試過三趟後仍覺清淡得宜之餘鑊氣真夠。純粹為簡單的菜心、牙菜、雲耳、黃牙白、白菜…，而加入了炸菜實情令到整碟齋菜生色不小，而最主要不油膩，這才是強項！

是日太忙，又要Tealunch，醒起這裡真的不錯的鹽焗雞，而起碼有半年未有到來，馬上跑來坐低光顧。下午茶時段，點了鹽焗雞米線配涷鴛鴦小甜；鹽焗雞仍是水準之作，但配米線就覺過咸，加上加上薑油在面，油上加油，下次都係要走薑油；鴛鴦仍能保持水準，咖啡奶茶味道夠平衡。若不是太油賸，今次會有笑臉食評，但真的不俗的鹽焗雞，配米飯才是皇道。

每間食肆，總有她的主打美食，到石門商業區，到興記食雞飯，是眾多這裡食肆中的不二之選！這裡的鹽焗雞飯其實不是正宗的鹽焗雞制法，極其量只是用鹽水浸熟，斬件後淋上沙薑汁，但強項就是水準很平均，雞肉就算胸部都很滑，有雞味。另外不能不提的是其例湯，完全沒有添加味精，足料，有時筆者亦因其例湯賣清而謝絕光顧。佈局是工商業區的快餐店格局，座位擠迫，有時會煙霧彌漫，但沒法，此帶就是這樣。

去親工廠區,都係要食喱類飯堂,無辦法.叫個香茅豬扒飯,喱類飯堂o既特色係D飯一定夠晒大碟,今次仲係炒底,有驚喜,但比較油膩.豬扒炸得夠腍,夠入味,切成細細舊,易入口.上面加一pat由蔥,蒜蓉等整成o既醬,撈飯食相當開胃.但整體尼講比較油膩,宜改善.