苑記

Open Now

Now Closed

晚上八點半加班完，同朋友一齊搵晚飯食，這時間大部分茶餐廳都已經關門，於是我們便駕車去駱克道熟食中心搵野食，因為我和朋友都想邊吃中菜邊飲啤酒，所以酒吧餐廳就不合要求。最後我們選擇了駱克道熟食中心苑記，去得大牌檔當然要叫炸豬大腸、椒鹽九肚魚、啫啫芥蘭煲，然後當然要了4支大啤酒。炸大腸整體不錯，顏色不像翻炸多次，我外皮鬆脆不硬，腸內脂肪依然柔潤，不會太乾，份量也很充足，入口也沒有異味。送酒一流。啫啫芥蘭煲夠晒火候，配料蝦乾夠多而且用大隻蝦乾，令芥蘭非常香口和入味。這個椒鹽九肚魚只得半碟，因為老闆話賣晒唔夠，一半用鮮魷頂上好唔好，嘩同一價錢，食兩款野，咁我當然沒有問題，九肚魚和鮮魷都沒有炸過火候，依然保持內裏鮮嫩，而且食物表面沒有太厚嘅炸粉，非常香脆可口。又是送酒必備的食品。總括來說是一間食宵夜飲酒的好地方。

一如以往，一定叫個蠔餅，今次個汁勁咸，唔點個汁以為就咁食就ok，點知食食下成口鹽，唉…d鹽未搞混呀小炒王就ok，足料又夠鑊氣，蓮藕絲香脆可口，係同區來講比較好食

［#熟食中心 ］#苑記 今日又去咗灣仔駱克道街市，想試吓苑記午餐，因為都有唔少人介紹。中午去到都幾爆，好彩有位，拿拿聲叫 #涼瓜牛肉飯 同 #凍檸茶 ，$38。份量都好多，牛肉涼瓜最少十件以上，而且都夠熱。不過牛肉好淋，冇乜牛味，涼瓜就好爽，應該係未夠熟🤔杯茶一直都未見，飯由熱食到凍都仲未上，一追就有😅 都係好普通既檸茶，應該係一早沖定一大壺果種。有少少不似預期，如果有機會再來會試吓炒野，睇吓會唔會好d。推介指數：6/10苑記灣仔軒尼詩道225號駱克道市政大廈街市熟食中心2樓@foodiehck2022 #港飲港食平靚正 #灣仔 #午餐 #碟頭飯 #抵食

灣仔街市熟食中心入面有好多間茶記，今日黎左呢間苑記。台有好多，不過櫈就唔夠，職員即刻幫我地班左幾張過黎，服務態度非常好👍🏻叫左個粟米斑腩飯（少飯）加凍檸茶（走甜）$35+$3熱飲同凍飲都係加$3，抵讚👍🏻個樣都唔差，叫左少飯真係少左飯，不過都係多左少少🤏正常既粟米斑腩味，以$35黎講味道都ok我幾中意個凍檸茶幾岩味，夠檸檬🍋因為叫左走甜，個姨姨拎黎既時侯有問邊個要走甜，係值得加分既，因為有同事都叫左凍檸茶，最擔心就係調轉左，好多時都會黎到唔知邊杯係走甜，但呢度無呢個問題。整體黎講，唔怕街市嘈左啲啲之外，係灣仔食到$35真係算係平靚正。以下係餐牌：

早餐最鍾意食粥 ,於是就嚟呢度, 一碗的分量好大,兩個女仔其實都夠分. 肉片的分量, 這個價錢來說都算多.上次食過覺得幾好食,再返轉頭食. 今次幫襯一個生滾牛肉粥. 覺得個粥都幾綿， 粥內放少許薑絲， 另外會再畀一碗豉油點牛肉，啲牛肉食落幾滑， 可惜的是有有兩三片牛肉食落好像不夠新鮮 。 Anyway ,27蚊，大件夾抵食 。中間有個小插曲, 因為阿姐忙緊,  所以入去佢哋廚房睇下有冇其他人手，個阿姐即刻好勞氣。 其實我都係食過返尋味先至嚟幫襯 ，加上肚餓，先至咁心急姐！

上次食評有提及過30元午餐，說時遲那時快，估唔到今日只有自己一個食飯，於是決定去試一試! 走進熟食中心，食檔多得眼花繚亂，繞了一圈才找到這間食檔。看一看餐牌，30元的飯類選擇甚多，有數十款，另可叫炒粉麵飯，都只是35元，突然間有選擇困難症。正所謂豆腐火腩飯，男人的浪漫，一支公來吃飯，當然感受下什麼是浪漫。碟頭飯份量超大，火腩肉很多，唯肉味不太突出。芡汁略帶一點咸味，都幾開胃，送飯一流。整體來講，不過不失，始終30元的價實在不能奢求太多。

午膳時間跟同事出外吃飯，首次造訪熟食中心的苑記。一如其他熟食中心的食肆，用餐環境衛生普通喇。一份客飯 $30，即炒客飯 $33。這碟楊州炒飯份量足，肉香鮮味稍遜，以淡鹹味為主。蝦仁沒有經過挑腸處理以致蝦背位置黑卒卒不太討好。

相約了朋友去一連幾天的美食及茶展，入場預計會有大量試食試飲，所以與朋友商議選個便宜及份量不會太大的午餐。以地點考慮，第一時間想起灣仔街市。上面的冷氣充足，食物便宜而鑊氣夠。看看餐牌，最貴的午餐$33 近來燥熱，很想吃一吃炒涼瓜，便點一個涼瓜班腩飯。不用5分鐘已炒好，鑊氣十足。碟上有數不清的涼瓜件，班腩5-7塊，飯自然是大大碟。班腩不會太淋身，涼瓜有出水苦味不多(個人其實較愛苦味多)，加$3有一杯凍檸茶，比連鎖快餐店還要便宜$10，真希望公司附近的海防道街市有類似價格(妄想中)。

炎炎夏日又侵襲香江,朋友早上來電約個夜晚消暑配酒平民餐,當然爽快答應;地點在灣仔駱克道街市樓上,冷氣足夠,氣氛又熱鬧!放工後馬上起行,到來時朋友們三人已就坐了,所以點菜任務也是交給他們!打頭陣的是鹹魚煎肉餅;此菜式煎得外脆內嫩,而且鹹味令豬肉的鮮味突出,配起酸度高的紅酒,更有滋味!豉椒牛筋腩煲,調味適中,從青椒中啖出也夠火候,可惜牛筋有點過韌,或是材料問題所致;造成整體感覺有點不夠愉快!至於苑記小炒王,又扳回一仗,無論材料/火候/調味都是比較適中;尤其是當中的蝦乾,鹹鮮味突出,配著濃厚的白酒,相得益彰!再來的涼瓜肥牛煲,表現中規中矩,不過涼瓜的甘苦配著重單寧的紅酒,邊喝邊食令涼瓜變得甘甜而不苦;肥牛因為失去了重點,就當上了配角的位置!出奇地,此味京都煎豬扒甜酸度掌握得很好,而且醃得重口味,加上肉質夠腍滑,朋友們都盛讚!喝酒喝得有些起勁的時候,好像需要一些澱粉質來讓身體對酒精的互補;就點了兩個炒粉麵,先來的星洲炒米,米粉夠乾身,油份不多,但咖喱粉的味道有點搶喉,且略欠一點火候,但整體還是不錯的!此麵算是在這類食肆中高水準的演繹;麵底乾身之餘火候足,豉油的調配得宜,令到吃起魷魚鬚上來吃出鮮

涼涼地，心思思又想食羊腩煲！今次去駱克道市政大樓熟食中心。來到第一個印象，地方比鵝頸橋街市闊落，第二係差不多一半人大模施樣地抽煙！不管了……要了一個羊腩煲、一碟魚雲及脘鱼片。羊腩炆得入味不過未夠腍，大部份肉質都好瘦，咬得好吃力！這樣地水準以下重要收$268,要比5個喊！魚雲一般，但係用羊腩煲灼完都幾好食。脘魚片正常。入冬以來吃過幾個街市熟食中心的羊腩煲，當中漁光道祥記及鵝頸街市三興最為和味。題外話:食到中途突然走出六七名控煙辦，結果一人中招1500蚊，我替佢肉赤！

平時LUNCH都有食開呢間野,貪佢D炒野夠野味又大碟,價錢又平,尋日下午4點幾去到,見到佢地執晒野準備夜市,又冇晒伙記,見到有個似係員工既阿叔坐係到食緊飯,所以問佢有仲有冇飯食,佢問我食乜,我話要楊州炒飯,講完之後佢就掉低手上食左一半既飯,入去整左個楊州炒飯連埋凍奶茶。我當時諗估唔到街市都有咁既服務態度,相信呢位大叔係苑記既老闆。講番正題,平時係到食開乾牛河,本身都世界級,今日突然想食飯,所以叫左個楊州炒飯,果然不付所望,無論味道,賣相,食材都係一等一。 OVERALL來講灣仔區來講真係又平又正,強烈推介:

中秋夜唔想煮，食開個幾間茶餐廳又早收鋪，又唔去酒樓被迫食ABC套餐。突然想起不如試下熟食中心，因同一張枱係日間同夜間都可以由唔同既店舖經營。試過日間幾間都覺得麻麻地，今次就試下晚市。上完自動電梯，就見到一陣油煙霧，真有衝動想縮沙走人，但人都到左就試一次。行到轉角位有兩個店員不斷向我地拉客，其中一個亞叔講左句「試下啦! 食過唔好食，下次咩唔幫親囉!」就因為亞叔呢一句，我地就坐低左兼叫左五個餸： 口水鷄半隻$70 - 隻雞好肥，啲雞皮肥到係一定要走皮，但啲雞肉好滑，雞胸一啲都唔鞋。啲醬汁都夠惹味，唔太辣，但就少左麻辣嘅麻味。本人對麻辣嘅麻一向唔like, 所以正合心意😄。下次要試霸王雞，橫掂都係淋個汁上去唧。咸魚茸煎肉餅$52 - 肉餅煎得好香口，咬落去好juicy 咸魚份量剛好不會太咸，攞黎餸飯一流。下次一定encore! 薑汁炒介蘭$35，椒鹽九肚魚 $45，府乳通菜$35 - 一般貨仔，但咁嘅價錢可以話值八十分。本來想整枝朝日啤飲下，但無貨。叫左三個白飯，一罐汽水，埋單唔洗$240。原來白飯係免費😋，有驚喜!順帶一句，員工用膳都幾豐富，有蒸扇貝，原條海班，灼中蝦，清炒白菜。

早上尋訪駱克道的最後一站，(若我沒估計錯誤，怡興是不開早市的)，苑記就是這篇文的結尾。而因為這街市不太吸引，亦不就腳，中午同夜晚我都不會 "特登來"。來到這苑記，起初我還以為是在準備中，後來看見有人在吃粥吃炒麵腸粉才知道這兒是開早上，讓人食返碗早晨粥的。廚房走出來一個師父，招呼我坐低，我問了一問有什麼食 (因為冇早餐menu)，他說有粥有腸粉。我好快的回應，皮蛋瘦肉粥同叉燒腸。皮蛋瘦肉粥，粥底夠綿，但未算得上我食過最靚既粥底。好的是皮蛋夠多，而且食的溏心流黃，很有香味。而瘦肉極瘦，醃過的瘦肉條也十分入味，肉帶點韌，但用於瘦肉粥，這倒是正常。腸粉，我要了一份叉燒腸。腸粉皮不厚也不薄，而且腸粉卷得厚厚的，餡料十分之豐富。比起酒樓的扁平腸粉，更有口感同質感。而且甜豉油夠香，覺得不夠好之處，就是這腸粉不夠滑。 總結了這幾天的食歷，這平凡的銜市的確非常之平凡，不過，環境靜靜地，沒想過街市會是那麼的清靜。在灣仔上班的大家，這兒食早餐雖是一般，但平凡中找到了清靜，可以看看報紙，打下手機上的遊戲，也樂。再回看我以前在opernice寫過的東西，才發現這也是我在 "當年" 食

食左兩次潮州野, 今日返學前午飯就轉轉口味. 地點一樣係駱克道市政大廈food court, 選左苑記快快手手食個碟頭飯算. 午飯時間似乎呢間同另外一間最清閑, 其它幾間都坐滿. 各式碟頭飯都係$24送凍/熱飲品. 無咩心水求其叫左個涼瓜牛腩飯. 牛腩飯賣相其差, 牛腩還牛腩, 涼瓜還涼瓜, 汁還汁. 我估D豉汁係一早整定, 有order就淋汁上面. 食落無味度可言, 好彩牛腩同涼瓜都算夠淋身. 送既凍飲凍0茶, 茶色深帶苦味, 兩片厚切檸檬"督"左好耐都係無咩出味, 亦唔夠甜, 原全係唔合格. 見其它中記, 英記, 怡興果幾間午飯時間咁好生意, 呢間就小猫三兩隻, 可能真係有D原因. 企枱阿姨一路拉客一路話生意難做. 我心稔你地搞好D出品而價錢又實惠既, 何愁無客. 不過, 我就唔會有下一次.

今日中午沒甚胃口, 可能是猛食曲奇之故. 一個人去到灣仔找食, 一份茶餐也許吃不下. 連鎖麵檔又完全沒興趣. 行下行下, 決定上來街市, 睇睇大排檔有乜好食.上到街市, 檔檔到出來 "猛" 客, 自己當然不會理會那些拉客者. 心裡只想著粉麵的我行了半圈, 麵檔找不到, 粥品油器檔就有. 時間有限就不多揀了. 面前就有間叫苑記的檔仔. 就這一間吧.阿姐先以食飯送汽水作招徠, 然而被曲奇擠得半飽, 一碟飯肯定食不了. 便來一碟腸粉加皮蛋瘦肉粥吧.先來的是腸粉, 叫下叉燒腸一碟. 皮光肉滑的腸粉, 餡料比起一般茶樓既腸粉少, 而且比較鬆散, 時不時跌哂d叉燒肉出黎. 豉油汁幾好, 夠甜夠味.皮蛋瘦肉粥, 雖然皮蛋不是什麼正貨, 肉也普通. 不過夠滾夠熱. 有泠氣都食到大汗淋漓. 有病呻吟時, 呢碗粥, 絕對一流.