若男冰室

Open Now

Now Closed

早餐佢地可以比塊麵包皮你食,呢D係乜嘢餐廳呀,未試過在任何一間餐廳食過呢樣嘢！真心見到好嬲,唔知試咗兩啖咁硬,反轉一睇成塊包皮,點比得客人食㗎！真係唔會再去食！價錢平唔代表可以比D咁嘅食物比人㗎！

🤯第一次去同朋友坐低食飯食咗15分鐘老闆娘眼啤啤好不滿咁收咗個杯都忍你出去埋單果陣態度差到不得了只收現金唔係問題好好禮貌問你你好不滿咁答我找錢找到一半俾我怕有拗撬 驚你以為我俾$100好心講一句 姐姐,我俾咗$500一句車埋嚟 「咪找緊囉」見你找咗幾十蚊就停頓咗為免誤會, 互相提點下「我都係提點一句啫老闆娘仲要駁多一句「咁我都係講一句啫」得個平字.講真...再平但食飯食到俾人監住食幾耐仲要態度差.😅嘢食一般

呢間茶記極之隱蔽，一來佢位處工廠區尾，出咗地鐵嘅人都極少向呢個方向行，二來一睇就知喺攞廠廈食堂牌，所以，門面無名無姓，好易行過都唔知。都喺街坊通報，先知有間早餐只喺賣$22嘅茶記，應該算數一數二平通港九新界。睇格局唔似茶記，較為似家西餐廳，一來啲櫈比較西化，二來好少茶記啲位排得咁疏，所以坐起嚟比一般茶記嘅感覺舒服好多，招呼方面，朋友就話麻麻地，不過今次我就覺得無乜太多特別問題，況且出面啲茶記，一般嘅招呼都喺普普通通。早餐選擇可以講喺分為4大款式，最平嘅$22，最貴都喺$30，一張餐牌仔睇晒，而B款喺日日都唔同，當日就喺雪菜火鴨絲通粉 / 米粉，配多士煎蛋。仿鮑絲米粉配煎蛋、多士 $22初入去無為意仲有火鴨絲選擇，否則，老婆話會要佢。至於碟米粉，睇啲湯頭色澤，味道絕對唔會淡茂茂，仿鮑絲就唔喺好多架喇，但米粉份量就絕對唔少，加埋一整片多士、炒蛋，肯定夠晒飽。火腿絲通粉配滑蛋、多士 $22小弟就要火眼絲，一心嚟都喺求求其其，填飽肚為本啫，咁嘅價一早無預太高期望。不過，算喺唔錯，至少通粉唔會煮過籠，炒蛋都算滑，份量夠晒足。熱奶茶、熱檸水呢兩樣喺我哋晌茶記嘅慣常選擇，小弟杯奶茶OK啦，唔叫好好，

搞食咗碗豬膶通粉，40蚊一碗。單講價錢真係平。但係居然淨係收現金，呢點就真係要改善下，依家邊有人仲想成日帶現金㗎？希望佢哋快啲跟上潮流，方便啲客。💩💩💩💩

呢個年代環境乾淨嘅裝修時上，@工廠區，你有這個八十年代價錢食物供應！相信所賺的錢也不多！我覺得啲坐椅舒服！食物有驚喜對得住這個價錢綽綽有餘！我聽朋友講之前係$20現在$22也算十分合理！有兩款$22早餐！一款是日精選但並沒有多士另外一款性價比咁高，就係火腿通粉！我塊多士新鮮喎，熱辣辣又脆，現在是十分少見，牛油也溶掉中．．😆米粉份量適中，最驚喜是鮑魚加了少少薑絲！食完成身出晒汗😂！另外辣椒油十分出色！希望不要加價！

一入餐廳冇人招呼都算，一坐低餐牌都未睇，走過黎落單，同佢講話睇睇先，轉頭再舉手落單就扮睇你唔到，一路拖，之後好耐先過來落單，然後串你一句：而家先諗到食咩呀！真係黑人問號，態度真係一絕，唔怪得同區黎lunch黎講都冇咩人幫襯，原因可能如此。

早上來食特價早餐,服務很差! 好似唔憂做咁或者唔想做! 又經常送錯餐! 叫米粉就來通粉! 又冇人清潔枱面, 老板娘又常常黑面!有時真係寧願俾多少少錢, 食間服務好啲的茶餐廳!

嚟到荔枝角時信中心嘅【若男冰室】，叫咗一個指定特價早餐，炸菜肉絲通粉加煎蛋，我再加咗好多胡椒粉，又試咗佢嘅辣椒油，配埋杯奶茶少奶，找數$20蚊，喺今時今日嘅香港，可能會係最平嘅早餐，我想話俾你知，都好食。

平日午飯時間， 12點多不用等位。第一次到訪，幾個女職員的眼神有點古怪。眼看餐廳的佈局多是二人枱，環境尚算整齊乾淨。點了一個是日優惠豬扒飯及最樣衰香草雞扒配最難食泰式辣汁，餐牌實在太搞笑。雞扒炸得香脆，確實是香草味道，最喜出望外的是心型飯，女仕來說飯的比例剛剛好。雞扒一點都不［樣衰］，相反加了芝麻味道更加出眾。豬扒肉質鬆軟，炸得香脆，味道不會太濃，這個白飯亦是心型的，阿華田味道很夠濃，沒有將貨就價。其實這個餐牌、他們的裝修、食物都很有心思，用心欣賞就可以看得出來，性價比很高。到了一點多座無虛席，一定會再來這間餐廳。

平日在附近返工多數2：00後來吃下午茶,今天星期六放假,特來荔枝角站C出口,行前2分鐘就到若男冰室這店吃早歺,早歺選擇多$20起配熱飲還有旦及多士,份量滿足.我吃了生滾肥牛出前一丁只需$28（不用$加收3）+$5生菜,配即磨咖啡,麵質爽口彈牙,配以美味薑絲湯底絕配,必食推介.然後再加$7元双并多士,多士暖意脆口這店選擇多可額外加配由$5起.服務親切,環境清潔舒適,這店食物質素高,用心煮,價錢優惠,再加上環境坐得舒適.服務親切

早2日經過見到$20 個早餐，就入去試下，初頭以為$20 通粉+厚多士+煎蛋，仲要包多一杯野飲，一定唔夠飽 or 質素差，點知一嚟就嚟咗個通粉先，個通粉係平時茶餐廳的正常份量，Surprise, 之後黎埋個多士同煎熟蛋，多士鬆軟牛油足夠，個煎蛋仲要新鮮煎好，熱辣辣同有蛋味$20 真係無得頂，立即要分享

價錢優惠,今天首次到此店吃午歺,吃了常歺生滾豬潤烏冬配歺肉配滑蛋拼厚多士湯底👍🏻👍🏻👍🏻好味,用心即煮美食,湯好喝喝哂,,豬潤爽口,不怕有味,烏冬口感滑和湯底互相配合,下次吃早歺

無意之下發現唔起睇餐廳🤪🤪🤪🤪🤪🤪🤪🤪🤪見到餐牌，笑左😆😆😆😆😆😆😆😆😆😆最唔失敗嘅最失敗豬扒飯😋😋😋😋😋😋😋😋😋豬扒有淡淡香茅味，好好味😋可以再試吓其他嘢