Video
6-min walk from Exit B2, Long Ping MTR Station
continue reading
Telephone
67630919
Opening Hours
Today
Open 24 Hours
Mon - Sun
Open 24 Hours
Public Holiday
Open 24 Hours
Public Holiday Eve
Open 24 Hours
Above information is for reference only. Please check details with the restaurant.
Signature Dishes
凌晨兩點喺外賣平台搵到呢間餐廳叫宵夜，哎咗乾炒牛河、楊州炒飯同埋皮蛋瘦肉粥，價錢正常唔算貴，但都唔係價廉物美嗰一隻。.整體食物質素一般，乾炒牛河同楊州炒飯明明有加咗十幾蚊加底，但唔知加咗啲乜嘢，個份量同普通茶餐廳飯盒一樣份量，可能佢原來個份量好少啦，加咗先係人哋嘅正常份量。.乾炒牛河：係好食嘅，牛河都有口感，醬汁都唔錯，但佢有一浸唔知係有少少窿定係炭嘅味道，嗰陣味有少少似喺出面燒完嘢食，返到屋企啲頭髮同衫嘅味道，又或者呢啲係鑊氣嘅味道？雖然我未試過喺啲好有鑊氣嘅菜式入面嘗試過呢種味道。.楊州炒飯：飯粒炒得夠鬆散，係粒粒分明嘅，吵得幾好，餸菜有細蝦仁、叉燒、蛋同埋蔥粒，呢一盒炒飯係我成世女食過最少餸菜嘅炒飯，至少有95%都係飯，連蛋都特別少過人，你話少蝦仁叉燒呢啲貴嘢，我當然明白，但你至少都俾多啲蛋同埋蔥粒吖，同埋佢超級超級淡味，食到懷疑人生，係今晚最差嘅餸.皮蛋瘦肉粥：粥夠滑，料都多，同埋我鍾意佢啲皮蛋夠大舊，啱晒我呢啲皮蛋控，但呢碗粥好鹹。.整體黎講，佢有啲餸菜好鹹，有啲又冇味，整體來講非常一般，其實今日都係叫啲平價嘅飽肚嘢求其食，但佢嘅質素令我唔夠膽試佢其他貴啲嘅餸囉，如果搵唔到食咩，咁啱佢又方便，我會再幫襯嘅，但只限於求其填飽肚，唔會預佢好食，同埋一定唔會再叫楊州炒飯。
continue reading
以後都唔會再幫襯，員工會係店入面食煙，服務態度又差，野食一般，又貴過出面，環境又細。問佢有冇xx炒麵，一句答埋黎，自己睇(^_^)v 唔休做或唔想做就唔好開啦，態度超差，
continue reading
星期日放假，晚餐家人想食得清淡啲，所以揾咗英記粥粉麵，過往粥粉麵通常幫襯其他的店舖，今次係第一次幫襯。- 家人叫咗田雞粥，肉質新鮮，味道亦OK- 我叫咗豉油皇炒麵，香口及份量都OK, 而且唔會太油膩- 蝦醬腐乳炒通菜，略嫌煮得過咗- 炸兩及滑牛肉腸都算唔錯，尤其係牛肉腸，幾有咬感整體食物的質素OK，不過性價比就一般。
continue reading
收工約朋友食飯試下水邊圍呢間英記今次叫既野食唔多 因為我地都係3個人只係叫左乳鴿 暏暏豬肝煲椒鹽九肚魚皮蛋瘦肉粥同埋一兩支啤酒埋單:500左右味道唔及大排檔 價錢亦都貴過大排檔所以覺得唔太抵食 所以試左呢次之後都冇再去幫襯了我諗因為味道同價錢不太合符同埋都比較細碟 如果有其他選擇 應該都唔會揀呢間服務態度麻麻 所以都不太推薦總括而言:唔抵食 味道一般優點:開得比較夜 如果唔介意比貴D食宵夜可以諗諗既
continue reading
疫情底下，外賣已經係主流既避免用餐感染既方法！但呢間英記，本人食過佢一次，味道唔係話好好，但又唔係差，勝在款式多多，價錢合理！但本人食過一次之後，從來未成功食過第二次！每次用外賣app叫外賣，一係就訂單被取消，一係就明明顯示今日6點開，到6點去訂就突然又變左聽日先開！分別試過5-6次都係咁…咁我心諗唔通係冇開門？咁試吓打電話去睇下有冇開，有開就直接落去佢地鋪頭叫外賣啦，點知打去問，佢話：「我哋好忙呀，冇時間接你單呀！」然後cut線！哇！呢個態度呢….仲衰過90年代既大排檔！！而且佢開6pm，外賣app我6:30pm落單既（當然佢又係取消左我啦），電話我6:45打既！距離佢開鋪一個鐘都唔夠！既然咁忙，咁點解你要開外賣app部機？！既然忙到咁無時間，不如你索性只限堂食不設外賣啦！你join咩外賣台啫！！join左又唔接單！！又取消單！！浪費消費者時間！！網紅名店都冇你咁離譜！簡直不知所謂！🤬🤬
continue reading