茶果財

Open Now

Now Closed

記得差唔多十五年前有一次跟d長輩入大澳行既時候,係搵靚鹹魚途中發現此無名小店, 小小的一顆白色糯米磁, 一食之下卻驚為天人!!自此每次入大澳一落車都一定會9秒9向郵局方向行入去搵美食. 呢間小食店無"四正"既門面, 唔知訂既人都真係幾容易行過左,認住小店門口的木柴就唔會錯!同埋有一位超熟手既伯伯 (**佢就係傳說中的茶果財) 係入面係咁搓搓搓最緊要記得食佢親手製作既花生椰絲饀糯米磁! 出面真係好難搵到咁有口感, 而且饀料同皮既9:1比例岩岩好,食落唔會覺"痴牙", 簿一簿既糯米皮軟得黎又有彈性.平時紅豆饀既糯米磁就食得多, 花生椰絲既糯米磁確係比較少做得好又唔會太過甜.伯伯都已經好大年紀, 希望有接班人可以將佢呢門手藝延續落去!佢其實好講得笑, 仲記得細個既時候入去食, 當時仲未有咁多遊客, 有一次伯伯仲教小弟親手整糯米磁只係叫我唔好係佢隔離開鋪搶生意就得LOL其實"茶果"同"糯米磁"都好代表到香港既傳統特色, 真心希望呢d咁正既傳統小食唔會係我地呢一代消失...P.S. 如無意外小弟農曆新年前會再入去多轉, 今日食緊茶果既時候收到風介時有另一樣好野食, 到時再報導!

排隊買也值得, 很少吃到那麼認真製作的食物. 有多款選擇, 我試了花生椰絲, 紅豆 ... 等等. 難得饀料不會太甜, 沒有用膠牙的糖那種感覺. 皮薄, 饀料多得滿滿的像要迫爆漏出來. 來買的人多數也不只買一個, 尤其是已吃過的 ... 惟獨是獨立包袋盛載好像太浪費膠袋了, 若能改用紙袋更好. 本來路過也沒有留意到此檔, 因給客人擋著了貨品. 剛巧碰到友人在介紹其他人試飲, 便問一下. 最特別是有免費桑寄生喝, 當然由於店主太忙, 要自助啦! 洗碗也是自助. 煲底可見藥材和蛋殼, 可能蛋已給前人吃了. 藥味也可以, 始終我不敢喝太濃的涼茶, 這個以可以.

oct 29, 12...........比較遲先入到大澳...........急急腳咁行嚟...........剩番最後1層咋................買咗 :1) 眉豆茶果 x 2 (@hk$4.5)-事隔3年...............佢嘅眉豆餡好似深色咗,有明顯花生粒-不過個5香粉味亦舊香濃.............不枉特意入嚟1食2) 花生糯米糍 (hk$4.5)-見1場嚟到,無理由只買2個茶果,今次試下佢嘅花生餡糯米糍-皮軟糯,不過厚咗些少-始終茶果先喺我嘅心頭好

從華記雞蛋仔離開，繼續前住Tai O Lookout的路，剛食完雞蛋仔不久，男友便嚷著往下一站。在烈日當空的下午時分，多走一會也不太願。步行約數分鐘，男友就話到了，但眼看附近，都似是鄉郊民居多於美食呢！在一間其貌不揚的村屋外，有一個小攤檔，分門別類的放滿不同味道的茶果及糯米糍，而店員則於店內密密包著糯米糍呢！味道如下：糯米糍：花生、豆沙茶果：眉豆(咸)、花生(甜)、豆沙(甜)由於本身打算往lookout 吃tea，就淺嘗花生糯米糍及紅豆味茶果。紅豆味茶果每一粒的糯米糍及茶果已預先包裝好，確保衞生！雖然已經入了袋，但茶果是熱得燙手，明顯是剛出爐不久，當然要趁熱食啦！茶果煙靭軟糯，富有米香，中間部分為紅豆蓉，紅豆甜度適中，份量亦不會太少。略嫌外皮較厚，比起糯米糍較為遜色。花生糯米糍花生糯米糍相當墜手，但同時亦軟棉棉，放在手上的感覺相當有趣！糯米糍雖並不燙手，但亦是新鮮的，因只有新鮮製造的糯米糍才會有如此手感；放久了的話，糯米皮就會失去軟棉棉手感，變得較為硬身！糯米糍表面灑上麵粉，皮薄身得來又沒有穿，同樣地富軟糯的口感，而內裡是滿滿的餡料，餡料有已炒香的花生粒、砂糖、椰絲。香口十足！口感比茶

久仰大名的店 之前來的時間都沒找到這次傻佬帶我來 一下下就到了我肯確定上次來的時間是沒有開店的還好這次有開 不然又錯過了在大大的太陽照耀下 路旁一間鐵皮屋外面有好多人喔 有遊客 有一天團的香港人我們排著隊 一個跟著一個的買茶果只可惜好多味道都賣光了 /___\最後我買了三款 : 一款茶果二款糯米滋《眉豆茶果》是有古早味的感覺因為自我懂事以來 我只知道甜味茶果這些咸味的我是後來才知道 只一直都覺得怪怪的 這次吃起來味道不算很怪 只是餡料比較乾啦《紅豆糯米滋》& 《花生糯米滋》糯米滋本身的外皮不會太軟 有點QQ的紅豆餡很綿 花生餡很香 兩種都不會太甜

向大澳間活化酒店行就搵到岩岩到步就已經聽到有個EE話訂左各10個既咸甜茶果,就知冇搵錯係由2個伯伯1個婆婆打理 我同我fd各要左1個咸/甜茶果, $4.5 1個...Wow..1上手熱辣辣,咸既眉豆餡, 好正 好重眉豆味囉!而且d餡多到趺入左我件衫tim... 甜既花生餡,都ok 總之係皮薄餡靚啦! i love this >3<唔怪得個EE要咁多個啦!但諗住番轉頭再買陣時就收左門了所以要買要趁早d...

入大澳食茶果好像已成為了指定動作之一。這天大澳一日遊我們亦湊湊熱鬧分別幫趁了2檔伯伯買茶果。2檔的伯伯待客的態度都很親切有善，很值得不少市區的服務性行業的朋友學習。在往新酒店途中經過這檔茶果檔，有3款茶果。分別為眉豆鹹茶果，花生甜茶果和豆沙甜茶果。全部還燙手的，真是新鮮做起呢。全部一律$4.5一隻。我選的是眉豆鹹茶果，餡料落得好足，令茶果很飽滿。每一口都吃得到鹹香的眉豆蓉，真材實料，茶果皮軟滑，好吃！才$4.5一隻，真是便宜又美味的小食。

這是一個半陰小晴的下午, 同友人K相約到大嶼山行"東大古道" 當天天氣稍稍帶點熱,來到大澳已經是差不多四點半, 很多遊客(行山客)已經走咗,並未致太多人, 心想真好, 不用太擠迫也可以自在地逛逛, 同時亦念念不忘之前吃過的茶果, 自己無論咸的眉荳餡,或者是甜的花生餡都十分之喜好,眉荳那粉粉的口感咸中有甜其實有點唔係咁"傳統中式" ! 但這就是自己喜愛佢嘅地方, 而花生餡嘅花生/椰絲份量一點都不會少, 新鮮做出來還有點熱, 同另外一些同類型也是在鄉郊賣茶果的, 一早做好一大堆, 放置室內溫令致茶果嘅質地因為溫度下降變成有點嚼勁的又是兩回事, 自己個人則喜歡還帶點微暖的茶果了,免費糖水實在表現了鄉民嘅人情味, 即使互不相識但從來沒有計較, 城市人何時才能學會呢?

5月12日同家人去了大澳,兩点几先去到，人好像沒有早上那麼多，第一時間去食碗豆腐花先，食完就去食茶果呀!哗！！門囗全部都係人在等茶果，有的在排隊，有的在等食，真的好誇張！！我們排左唔算耐，但係好驚眉豆茶果賣晒！等左唔係好耐就買左每人—個啦，另一條隊係排糯米磁的！我們也有買嚟食！眉豆茶果好熱好軟淋淋，好好味，入面的料好香但又唔會好咸，真的非常好功夫，配合得真的好好，有好好多的旅遊團体來買，有一團一次買了二百個，真的好誇！！糯米磁有花生及豆沙味，我食豆沙味，雖然唔係熱辣辣，但係都你軟林林的！！好味，屋企人食花生味都話好香好好味！！

我已有幾年時間沒踩足大澳，想起大澳就自不然想到我愛的紫貝天葵。出發一星期前友人突然發訊息話周日去返轉，因為屯門碼頭有直船到大澳，那麼方便我點會不答應﹖繼而在出發一天加多妹妹和友人。在陽光極普照的今天，四人浩浩蕩蕩就衝入大澳去。拜會過車站豆腐花後，我們行返出去大澳街市街，在這裡遇到肥妹燒烤小食，待妹妹他們吃過後，再向石仔埗街方向進法。下一站本來是去看看(其實是吃吃XD)新開的大澳文物酒店(Tai O Lookout)，不過，行到半路時醒起要到茶果財吃糯米滋!!(並不是茶果XD)。一點半鐘，人流稀少，門口企有兩位人士負責擺賣，三個盤之中放有眉頭咸茶果﹑花生甜茶果﹑豆沙甜茶果﹑花生糯米滋和豆沙糯米滋，貨源充足不用等，我快快手買了三個花生糯米滋。糯米滋比以前細棵了很多呢，以前是一隻手咁大，現在只有半隻手份量，相信是來料貴了的原因吧。拿上手，糯米滋的軟度尤如啫喱一樣，軟得彷似一握就會搓爛之。面頭撲了很麵粉，一口咬下後，食物未咀嚼我們先變成"小白臉"皮層相當之軟糯，而且做得並不薄，更是有一定的厚味，所以第一口只吃到淨糯米皮再大啖後才接觸到餡料，內有椰絲﹑糖粒﹑大大小小的碎粒花生，甜度不重，相信多吃

無招牌, 有少少難搵, 但見到有條人龍就係佢喇!花生糯米糍皮薄涵靚 $4大大個, 抵食! 老闆(兩公婆!?)現場即包。好好味!!好多人排隊, 我地買左7個, 有盒, 可以拎比屋企人做手信!! 茶果賣哂, 希望下次有機會試下啦!

11月5日, 買咗雞蛋仔一路行一路欣賞大澳嘅風景, 跟住當然又要搵下野食~ 知道呢度有間好出名嘅茶果, 我地就朝住茶果出發, 不過明明行啱方向, 行嚟行去都搵唔到… 最後搵到一間無名嘅野賣茶果嘅, 設置簡單不過規模唔細, 對一對相原來呢間就係茶果財~::: 眉豆鹹茶果 ::: $4我地買咗一鹹一甜, 先食個鹹嘅~ 大大一個有手掌咁大~ 茶果好熱好熱, 非常辣手, 一咬開仲有煙標出嚟~ 茶果好黏, 好煙韌嘅質地, 但係唔會黐牙~ d餡勁足料!!! 名副其實皮薄餡靚~ 眉豆味都重, 有d似食緊糭咁~ ::: 花生糯米糍 ::: $4同樣呢個糯米糍都好大個, 面頭有一大層糯米粉~ 呢嗰就唔係熱嘅, 不過又冇攤凍晒~ 花生餡料真係大堆頭, 有好多粗粒嘅花生碎, 夾埋一樣咁煙韌嘅茶果皮食, 又有軟有硬嘅口感~ 食一個都已經好飽~唔怪之得咁多人買, 真係又抵食又大件~ $4可以甜可以鹹, 滿足晒所有人, 食一個可以頂一段路~ 所以話, 有質素嘅, 就唔需要太多門面功夫, 都會有人賞識嘅~

上次去大澳, 想一試呢度d茶棵, 點知賣晒, 失望而回一年後, 再到大澳, 終於如願以償, 由於之前剛食左下午茶, 飽到上心口, 所以只係買左一個花生甜茶粿, 茶棵到手時係熱辣辣的 (雖然係由一個發泡膠盒拿出來), 茶粿皮厚度適中, 質地煙韌, 餡料係花生碎加五香粉, 香口惹味, 唔會太甜, 整個茶棵最妙之處, 係用柴火蒸同埋塾底塊葉, 令到整個茶棵滲透柴香同葉的清香味, 係外面鋪頭食唔到的美味! 個茶棵一到手, 我已張開口, 搞到唔記得同佢影番張相添一個小小的茶棵, 已睇到店主對食物質素的執著, 外面的食店, 真係要多多向呢間鋪學習! 仲有, 店主的態度係好友善!

星期六, 文迪不用上班的日子, 想起有好一段時間沒有到郊外走走, 就兩口子搭車入來大澳. 未夠十二點就來到, 好像是第一次那麼早抵達, 也因為如此, 是終於有機會一試茶果財的出品.雖然時候還早, 也有不少客人, 見不少人都是大手大手的買入, 一次過要二三十件, 我們都要等好一陣子先有得食.眉豆鹹茶粿 $4: 10分, 一拿上手, 是非常之熱辣辣, 其實那些茶粿應該已經放了在個膠盒一陣子了, 還是這麼熱, 那在製作過程中的熱度是否更為得人驚? 茶粿皮不會太厚, 幾煙韌. 入面的餡料更是精彩, 眉豆加上五香粉, 相當之惹味. 單是為了這個眉豆鹹茶粿, 已值得再來這裡惠顧.花生甜茶粿 $4: 9分, 當然, 愛甜的我們怎也要吃個甜茶粿, 在花生以及豆沙中揀了花生. 跟眉豆一樣的熱辣辣, 入面的餡料變成花生碎, 也是相當的香口. 不過兩者相比, 就會更加喜歡眉豆鹹茶粿.花生糯米滋 $4: 10分, 糯米滋有兩種口味, 就是花生以及豆沙, 結果又是揀了花生. 糯米滋這個小食, 當然最懷念還是小時候在星光行吃到的味道, 現在已經甚難在市區找到有水準的了. 至於這裡的糯米滋, 果然是高水準之作, 皮

在石埗街走著想找傳聞中的茶果財，初到貴境，不太懂辨識街號，路上只看到一處售賣茶果檔，有花生及眉豆兩款口味，各買了一個試試。對茶果的愛好一般，給了錢拿上手，嘩，暖的！立即咬了一口花生茶果，像花生糯米糍的餡料和質感，皮薄軟身，餡料中的花生、椰絲等比例恰當，弄得細緻均勻，甜度適中，不錯。第二天番蒸了眉豆茶果，質感依然黏軟，餡料充實，帶有輕微甜味，比我想像中的眉豆好吃多了，抵讚！隨後發現，這檔原來就是馳名的茶果財！