茶記

Open Now

Now Closed

地鐵站D出口一條街有幾間工廈餐廳唯獨喱間有自己焗嘅新鮮麵包下午茶時段諗住入去試試點知新鮮麵包所剩無幾去到茶記唯有高脂高卡下午茶餐懷舊炸雞脾好大隻外皮脆卜卜雞脾肉仲有雞肉汁有少少辣粉醃過香口易入口辣味再食埋半份西多士花生醬餡多士就唔脆嘅不過上到碟牛油蜜糖好好味真係好好味座位皮凳卡位為主都算好坐要嗌職員落單職員太忙要叫幾聲先會比反應哈哈好食嘅餐廳服務就總會。。。。。

「茶記」係一間名副其實的茶記，門口只放了幾個價錢牌，沒有招牌，不起眼，見到價錢幾相宜，同幾多選擇，就一於試吓雙拼蕃茄薯仔湯通粉 $34個蕃茄薯仔湯好濃郁，入邊仲有蕃茄肉同薯仔粒，通粉係舊式冇坑紋嘅通粉，湯汁吸晒喺通粉入邊淡淡都食到蕃茄湯底雙拼就揀咗煎蛋同餐肉，個太陽蛋撈埋蕃茄湯汁好惹味，餐肉仲係好厚身，仲有好多粒早餐仲配咗個蒜蓉包，可以點落個蕃茄湯到食，幾好味餐飲仲叫咗個茶走，幾香滑，個茶底都幾濃郁

Lunch時間經過九龍灣見到茶記，於是入去快速醫肚。入到黎二話不說叫咗黑椒汁炸雞髀意粉，個雞髀好大隻，炸得好香口，啲皮炸得好脆，入面啲肉亦都好嫩，味道不錯，值得一試。

今日過嚟觀塘行下，老公話之前食開有間茶餐廳幾抵食，所以就過去Tea 1 Tea餐廳係工廈入面，大街落幾級樓梯，環境好大，lunch time應該好多人食，亦都好多卡位。下午茶吉列魚柳沙律魚柳就細件左小小，炸到脆卜卜，不過又唔係好油嘅。沙律係薯仔粟米同椰果。份量小小，輕食啦。干炒牛河炒得好香，唔會好油，份量牛肉都算多。不過就覺得咸左小小。不過起碼食哂成個河粉都唔會成碟油，夠哂熱。不過茶記環境就係一般啦，下次都係老公自己一支公食就算😎

位處觀塘工廠一線街成業街，觀塘區平價午餐，12點半前光顧可以平些，40元在觀塘區可以吃到午餐的地方真的不多，而且午餐有湯，有餐飲送，稱得上觀塘區平民食堂，味道不過不失，這個價錢也不要要求那麽多

第三次來，好想再來呢度食，不單止平又正，又好態度，卡位又多真的值得一讚放假於是趁有機會帶個朋友來試，我地揀左粒粒西多士同瑞士雞翼撈公仔麵！飲即磨咖啡冋紅豆冰。西多士切細件炸，好平均又脆口又唔燶，炸到金黃色，熱騰騰的好正瑞士汁雞翼味道真係100分。瑞士汁非常香濃，雞翼唔細隻，煮得好入味公仔麵仍爽口，沾上果D瑞士汁，味道同口感都真係非常滿足架 紅豆冰感覺紅豆都幾新鮮，勁多紅豆同椰奶有味道又好有口感，同時好似食緊甜品咁 ~兩人埋單$60真心好野，又抵食，大大份！性價比唔錯 ! 叫得茶記，都真係有返D傳統 特色野食啦。

茶記, 觀塘地鐵站落黎就有兩間, 兩間都好近講真句, 呢間野係懶人茶餐廳, 有時間想行遠唔想諗食乜就會貢入去價錢一般, 但唔好有乜野期待, 求求其其就可以入黎是日, 天氣熱, 唔想行, 走左入茶記因為呢個禮拜佢地正門閂左, 從側門入去, 所以人無平時咁多可以坐卡位撘枱佢地招牌係咖喱雞, 長期供應1: 咖喱 : 黃咖喱, 非一PAT PAT果種, 其實味道OK, 唔辣, 有咖喱味道, 但唔夠椰香2: 雞 : 基本上唔使講, 無味, 淨係得雞皮有口感3: 薯仔 : 因為怕肥, 所以食左少少, 其實咪又係蘿仔一塊 4: 飯: SIZE OK, 夠飽4: 奶茶 : 愧對"茶記"呢個名, 白雪雪但無奶味既...午餐+凍飲48, 質素極普通, 招呼又唔係好, 淨係就腳同區其實有唔少其他選擇, 如果唔係大太陽真係唔會走入去

尋日去咗觀塘買嘢，唔熟呢區，但見到有間茶記叫茶記，覺得有啲特別，而且望到餐牌都啱食，所以入咗去食下午茶。一入到去，地方都幾闊，坐得幾舒適。而且，每張枱都有紙巾可以自己拎，幾好叫咗個越式炒飯，飲餐湯。約40蚊個炒飯唔太油，有好多扎肉粒，有火腿，西生菜味道同普通炒飯冇咩分別，但好大碟，下午茶黎講算抵食。個湯有冬瓜，豬肉，微豆，八爪魚夠熱，都ok好飲整體黎講，不過不失啦！未到好好食嘅程度，希望你地繼續努力

在觀塘收工了！同朋友一齊搵嘢食！見到茶記個Menu 幾吸引我地就入去試下啦😄特價小菜好吸引！只係$50 加飯都係$59觀塘雖然好多工廈都好多食肆但係喺呢度食嘢其實一啲都唔平所以呢一個價錢真係幾吸引我哋叫咗大蝦沙嗲粉絲煲好大碟好香亦都熱辣辣即刻好想食試味之後都覺得唔錯 D 蝦都幾大隻朋友就叫咗紅棗蒸雞都好大碟好吸引我哋仲話好似有半隻雞食咁真係大件夾抵食有驚喜而且味道唔錯熱辣辣下次收工都會再嚟試吓其他小菜

「茶記」是一間名符其實的茶記。門外除了放著幾個價錢牌之外，並沒有招牌。兩個入口亦不起眼，只有經過門外望進去，才可以見到「茶記」二字。幾次經過也沒有幫趁，一則附近有太多選擇，二則見到餐牌沒特別吸引的套餐。不過經過望進去，均見有不少食客，故今午便去試試下午茶。餐廳內地方頗大，大部份是卡位，坐得亦舒適。我選了沙爹牛肉包和奶茶，想吃簡單點，不試茶餐或炒粉麵了。我還是第一次在茶記點沙爹牛肉包，一般會吃豬扒包，這裏兩種都是$26。沙爹牛肉包用了中型的鹹豬仔包製成，包面有些芝麻，稍烘過，上檯時包面有點脆。牛肉的份量不算多，但原來咬開了，卻是個”deep V”，所以餡料亦算豐富。沙爹的味道不錯，配包吃是夠味的，但如果用來配粉麵的話，就似乎濃味點較好。肉質很「林」但有點「鞋」，不過總好過吃「來自鬆肉粉的滑牛」吧！至於奶茶則稍遜了，茶味雖濃但不夠香滑，也許多一點淡奶會較好。總括來說，我覺得這裏在同區而言，屬於中規中距，因為價錢較適中。

某日, 遊走在觀塘的街道上 .... 見到有間名叫 " 茶記 " 的茶記 , 感覺頗有趣的 , 心想吃個碟頭飯也不錯, 於是便入內幫襯 ～Menu ~先點一杯 鹹檸 7 Up $ 8 (跟餐) , 過過口癮 .... 鹹檸夠味道 , 七喜夠凍 , 一個字 : 爽 ~窩蛋免治牛肉飯 $ 45 : 感覺很久沒有吃過 港式窩蛋免治牛肉飯 , 先用匙羹搗穿蛋黃 , 讓它在熱騰騰的白飯中翻滾穿插，再把茄汁免治肉醬撈勻有蛋黃的白飯來吃，蛋黃香味四溢，加上味道酸酸甜甜又夠肉味的茄汁免治肉醬，每一匙飯都很美味 , 這是本土獨有的味道 , 令人感動～本篇完 ~