茶記 (Closed)

工作關係,黎到荃灣中國染廠大廈,見到呢間茶記,名字有點親切感, 因為以前九龍城都有一家，不過我相信兩者並無關係, 都幾特別,樓底比一般茶餐廳高,感覺幾開揚。碰arm有d胃口，於是就試了蝦子大蝦球瑞士汁澇粗麵以及極其邪惡的奶醬骰仔西多士，罪過。因為本人酷愛粗麵，所以最想試呢個。大蝦球有兩隻，個人認為如果能夠多一隻就更好, 蝦子算唔少，賣相都可算是對版的。瑞士汁雖然唔會太甜，個人認為用來撈麵都係腩汁最夾, 麵條就瀝得幾乾身. 不錯.奶醬骰仔西多士顧名思義，將西多士切成骰仔狀再炸，surface area 大左，更加香之餘，亦更邪惡。總括而言, 這餐的整體感覺是Ok的。以後在荃灣都可以多一個選擇。

這天下午我自由行荃灣, 一邊為工作~,一邊為搵食, 途經中國染廠大廈地下, 見到一間叫茶記既餐廳, 好奇地望吓門口下午茶個餐牌幾吸引~入面女侍應又好有禮. 我就叫左兩個下午茶餐來醫肚餓 1.馬來星洲炒米粉+涷奶茶/2.奶醬骰仔西多士+涷好立克. 先講星米~雖無一般茶餐廳既鑊氣, 但用料上乘, 食落清新, 不油不膩. 而骰仔西多士: 有煉奶:~西多士裡面有花生醬, 口感特別/像油炸鬼, 整體來說@物有所值, 希望它在鴻星管理下~可發光發熱, 因為香港有質素既茶餐廳買少見少無左飯廳~仲有這一間茶記

中染大廈碌冧的舊址，如今變身成為名叫茶記的高級版茶餐廳，同屬鴻星集團旗下食肆。前後來過兩次，分別吃了瑞士汁雞翼以及磨菇汁焗豬扒意粉，前者用上頗大隻的全翼，色水夠深，甜甜的夠入味，用來送飯最好不過。再來的時候，吃的磨菇汁焗豬扒意粉，上桌時很大股香草味，太濃烈，我不甚喜歡。撇開這點，由於意粉加了芝士去焗，是香噴噴的，加之豬扒亦是腍身，配合有咬口的意粉，總算合格。首次來時，大師傅親自沖製的咖啡，香濃可口，而當日他也正在教其他同事沖飲品。然而，第二次由另外員工的熱奶茶，太薄身，水準有明顯差別。