Video
Above information is for reference only. Please check details with the restaurant.
本身對茶記都冇乜要求, 態度一般就間間咁上下, 唔難食就得, 點知呢間極品竟然連蒸肉餅呢d 咁穩陣嘅野都可以好難食, 啲肉無肉味, 睇落白色嘅! 如果唔點豉油真係零味道, 肉質仲柴過樹皮, 連一齊去食嘅裝修師父都食唔落去。男人老狗我要求唔高,平時都係食下大家樂, 講真唔難食就ok, 但呢間嘢連最基本都做唔到! 一間茶餐廳如果連最基本嘅快餐都做唔好, 就唔好阻住舖位, 搞到街坊冇啖好食,真係好差勁 。我已經俾足機會佢,再去食都一樣難食。
continue reading
【沙田區】【荷蘭冰室】去沙田美林邨嗰邊做義工，我住沙田但其實都好少去嗰頭，所以都趁呢個機會諗住探索吓嗰邊啲嘢食。去到先知原來都真係冇咩好食，都係啲大集團嘅餐廳為主，所以就揀咗呢間都明知佢有分店但感覺冇咁大集團嘅茶記嚟食。入得茶記好容易就叫咗常餐，我叫咗個 $54 嘅，主食「沙嗲牛肉麵」味道普普通通，啲牛肉都係比較嬌小玲瓏嘅。隻「嫩滑炒蛋」都係正常炒蛋一隻，冇特別。反而「日式奶油多士」真係幾求其吓，冇乜烘過咁，缺乏誠意。而杯「香滑奶茶」就做到正常茶記水準，係好飲嘅。埋單 $54，叫做喺做義工嘅過程裡面正正常常咁解決一餐啦。然而，個義工活動其實係兩日嘅，我第二日都係去呢間茶記，唔使煩，今次就叫個「焗白汁海鮮意粉」嚟食吓啦。點知嘢飲都上埋先話冇，嬲得滯轉 $105 嘅皇牌鐵板「美式大雜扒」，有牛扒、豬扒、雞扒同法蘭克福腸再跟薯菜，係薯角，整體味道都可以嘅。餐湯我要咗中湯，同件多士一樣都係一般啦。連嘢飲「熱杏仁霜」埋單 $105，冇下次。。。（地址：沙田大圍美林商場1樓97號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am沙田區 #沙田 #大圍 #荷蘭冰室 #常餐 #沙嗲牛肉麵 #嫩滑炒蛋 #日式奶油多士 #香滑奶茶 #皇牌鐵板 #美式大雜扒 #牛扒 #豬扒 #雞扒 #法蘭克福腸 #薯菜 #餐湯 #多士 #熱杏仁霜 #1am1292 #1ambackup
continue reading
行過以前翠x餐廳舖位，原來已改名荷蘭冰室，試下食個下午茶星洲炒米，落單唔使五分鐘，伙記攞碟㗎哩粉撈米出嚟，睇見都唔想食，勉強食咗幾啖試下，連咖喱粉味都冇。惟有走人去另處，永不會再幫襯此店。
continue reading
今日入左依間食下午茶，下午茶餐都便宜，點左黑松露炒蛋多士，份量唔算大份，味道都ok,上菜都好快。另外紅豆冰淡味左d,本身入去志在飲紅豆冰，但唔夠甜，奶味都唔夠。環境係舒服既，枱都闊落。
continue reading
今日同屋企人諗住試下，入到去自已嘟曬針卡，諗住等下佢哋安排撘邊張枱（當時每張枱都有一至兩個客，但仲撘到枱嘅，唔算繁忙）等咗一陣都冇人理。我見到有一份餐要兩個侍應一齊出係到傾偈（心諗使唔使，已經有餐車），叫咗聲 ：唔該3位！但係全間餐廳 連收錢個staff一句：等等/好啊收到。都冇講，眼尾都唔望一眼知道茶餐廳係咁架啦！但係唔會3個成人客人，咁大個入到嚟都唔招呼掛。最後冇食到，以後都唔會再食。認真希望，以前個間態度都唔係好，都未至於唔理客人，要等位定點都要通知一下客人吧
continue reading