華星客棧 (Closed)

中午時BOOK 枱食晚飯, 想BOOK 7:15, 職員話冇7:15 得7點同7點半, 咁都算LA,就BOOK 7點. 去到都冇客等枱, 職員叫在出面等. 到點菜時又叫了幾次冇人埋會,都算LA. 叫了套餐, 有一罐啤酒飲品送,有附上一隻杯, 隻杯都唔足夠放一整罐飲品的, 在未倒完職員己經急不及待想收走個罐, 接著的幾道菜都急不及待收走D 野, 我見身邊有幾張桌都是吉的,並未有坐滿客人,但是十分趕客的感覺, 總結食品同價錢尚可, 但服務就.......

西環近年開了許多新的茶餐廳，而聚多餐廳之中，我最喜歡的還是華星客棧的小炒。每一道菜也做得很用心，味道好之餘份量亦不少。而且來過這裡的人都知道，服務好是特色之一。希望能夠一直保持水準。

是日約了尖子吃晚飯, 來到華星客棧. Happy Friday 晚上八時半到達, 等待一會便可入座. 店內環境不大, 中式的設計又帶點fusion, 坐得也算舒適. Menu選擇很多, 最後點選了脆皮BB鴿(HK$48), 黑松露帶子炒蛋白(HK$138), 生啫滑雞煲(HK$98), 芝士大蝦伊麵.脆皮BB鴿, 皮薄又帶點脆, 肉質一般. 黑松露帶子炒蛋白, 賣相非常漂亮, 好像藝術品似的. 試一口, 蛋白的口感雖然不夠嫩滑, 但蛋白香加上淡淡的松露味, 還有帶子肉, 這個配搭也很不錯. 生啫滑雞煲, 雞也炆得入味, 醬汁調配得宜, 鹹甜味適中, 如雞再滑身一點則更佳. 芝士大蝦伊麵, 筆者的至愛, 無得輸. 芝士汁非常香濃, 啖啖的伊麵吸收了濃厚芝士的精華, 很美味. 大蝦也有數隻, 很豐富. 飯後還送甜品, 又免加一, 真好! 下次再試其他菜式.

走進這店，就像走進武俠小說的場景，裝修古色古香。餐牌選擇都夠多，唯部份菜式的價錢偏高。我們點了啫啫雞煲和上湯魚肚時蔬。這裡與華星冰室的上菜效率不同， 上菜時間約15分鐘， 啫啫雞煲賣相不俗， 熱辣辣新鮮滾熱辣，味道也很不錯，雞非常入味。 再來上湯魚肚時蔬，得三舊仔魚肚比較孤寒，白菜仔很脆口很新鮮，清淡得來亦夠味道。最後還有糖水和合桃酥添。這裡的侍應服務尚算好，有求必應。仲不停撩我個仔玩， 又劃公仔去氹佢。

$248 一個餐，免加一茶介這已是早幾個月前去食以前，總覺得華星是午餐、晚飯的不錯選擇可惜，一家人遇上不好的待遇當晚，我們還未食完糖水，二個侍應站在我身旁，趕我走其實，進食時間還不過30分鐘，比快餐更快老實說，價錢不低，服務水平超低再好的食材，配上這樣的待客態度我們自此沒有再去光顧油浸雞，醬汁夠入味雞肉嫰滑菠蘿咕嚕肉略為酸，好一般老火燉湯，每日款式都不同一向都好味，我最欣賞平時午餐都加錢飲湯真材實料芝士大蝦伊麵必食芝士極正

：校長多士 $25 平時唔係好敢食多士或者叫烘底，因為真係好熱氣🔥但呢個有人介紹到就膽粗粗試下啦，因為芝士同黑松露都係我既摯愛💕一上到黎熱烘烘，拎起第一舊就拉晒絲😍 食落麵包唔會過份乾，重點係黑松露味好濃好鬼正！！又唔會掩蓋芝士既味道🧀 最後我自己ko晒四舊原來叫校長多士係因為譚校長，至於價錢年年食都係廿五蚊，因為要跟返譚校長年齡喎😂😂至於常餐都係華星一般既水準啦～ 炒蛋冇得輸 好好食。

We saw the numerous positive reviews of this restaurant and gave it a try.We (3 adults)  came for dinner and ordered the white lung soup with almond, fried wind blown chicken, beef brisket pot, and YangChau fried rice. The waitress which helped us order the food had a bad attititue like we owed her money. As for the food, the soup was quite nice with almond flavour and the pig's lung was very soft. The chicken's skin was crispy but was too salty. The beef brisket wasnt too spectacular. The fried

化骨綿掌的糯米雞翼好好味，而且比想像中大隻好多，脆皮鷄好滑，杏汁豬肚湯好香濃。各類小菜都有齊食香美，這小店裝修清雅而且食客都好斯文，環境一d都唔嘈，是可以慢慢食傾計的地方.

今晚我們去咗西環皇后大道西嘅「華星客棧」食晚飯！我們叫咗萬佛朝宗「杏汁燉白肺湯」、猛火例湯「海底椰雪耳煲豬𦟌」、招牌剁椒蒸大魚頭、醋香豬扒、降龍十八炒「九層塔炒清真牛肉」、化骨綿掌「鴛鴦糯米釀鷄翼」、穿心龍爪手「特色砂鍋牛肉飯」同打狗棒法「鹹魚茸鮮魷蒸肉餅」！萬佛朝宗「杏汁燉白肺湯」嘅味道好香滑濃郁，杏汁嘅香味亦芳香！猛火例湯「海底椰雪耳煲豬𦟌」嘅湯料相當豐富，味道好清甜香濃！招牌剁椒蒸大魚頭真係超級新鮮，肉質極之鮮甜嫩滑！係本人嘅必食推介！醋香豬扒嘅醬汁有好濃烈嘅醋香味，但食落又唔會過酸，豬扒嘅肉質都幾鬆軟，唔會好「嚡」！降龍十八炒「九層塔炒清真牛肉」嘅牛肉肉質好嫩滑，醬汁嘅味道亦好濃郁！化骨綿掌「鴛鴦糯米釀鷄翼」炸得外層好金黃香脆，入面嘅鴛鴦糯米口感好煙煙韌韌！穿心龍爪手「特色砂鍋牛肉飯」炒得鑊氣十足，而且好乾身，牛肉嘅份量亦相當多！打狗棒法「鹹魚茸鮮魷蒸肉餅」係註明新鮮手打，所以肉質相當軟滑彈牙，加埋爽滑嘅魷魚粒，令到口感更加豐富！

今日攞咗leave，早有預謀要喺屋企附近食個悠閒嘅早餐，所以嚟咗華星。weekday 朝早，大把位，俾我獨佔咗四人卡位。諗都唔使諗，叫早餐，轉炒蛋，火腿通粉(而家冇得轉叉燒？)，跟熱奶茶。叫咗唔夠兩分鐘，三樣一齊上。先食火腿通，佢嘅湯底有一種甜味，令佢同普通茶餐廳有d唔同，好味少少。火腿冇乜特別，但係通粉做得彈牙，呢個真係少有。炒蛋，冇得輸！超滑得嚟，又唔會生到蛋汁周圍流，又有蛋味。水準極高而穩定，絕對超越澳牛。牛油多士，都係正。厚多士表面金黃脆口，內軟而有包嘅甜味，牛油已經溶晒滲晒入去，真係好難好食過佢。熱奶茶，香滑茶味濃，但唔會有苦澀味，都係非常高水準。加埋呢班有禮貌嘅侍應，同有軟墊嘅座位，都係嗰句：唔使再去澳牛。

想食下午茶，就入左去華星客棧喇西多士 $22香港下午茶點少得西多士西多士有蛋香麵包亦都夠鬆軟只可惜中間無花生醬唔夠邪惡唔夠過癮油雞瀨加熱飲 $32份量夠大，唔會成碗水得幾條粉瀨粉夾起唔會好易斷，唔錯油雞調味好，唔會太咸食完真係飽到上心口因為男友住附近所以都黎過幾次每次黎D員工都係咁有禮貌多謝前多謝後唔似其他茶記，幫襯佢仲要黑口黑面而且食物次次都有咁上下水準值得支持!

又係星期六同男友嘆早餐既時候了, 我叫左個我一向至愛既菠蘿油, 呢度既菠蘿油同出面既有D唔同, 比較硬身D, 個菠蘿皮就唔似傳統個D咁鬆咁甜既, 呢個包咬落比較有口感, 我都好鐘意呀!男友就叫左個豬扒包, 都不負眾望, 豬扒夠JUICY, 大塊又新鮮, 加埋D鮮蕃茄及青瓜, 好味呀! 華星依然係我倆既至愛呀!

呢度絕對系好味嘅茶餐廳,早餐或者午餐我都極之推介！呢個魷魚酥炒麵系我極力推介！佢炒得唔會好油好乾身！魷魚酥又唔會煮到好un!加埋d芝麻令到個炒麵更加惹味。飲品我叫咗凍檸茶，好有茶味好夠凍！

裝修華麗的客棧, 如武林秘笈般的菜單, 服務懇勤的小二, 都為這間餐廳加分◦可惜食物的性價比不高, 期望過大… 不過當中用餐的不少人的都是點特價晚餐, 那就真的挺划算◦ 雖然只有兩個人, 想試特別小菜, 所以就散點了, 因此每人要約二百元呢~總括來說, 可以一試~

今日週末同男友食個LUNCH, 一於去華星啦, 呢度依舊客似雲來, 不過好彩都即刻有位男友原本想ORDER豉油肶, 但侍應話要20分鐘, 炸就即有, 咁算啦, 就炸啦, 都幾好食, 肉質幾嫩, 唔太油呢個黑松露炒蛋, 係我倆既至愛, 個蛋既蛋香味實在令人齒頰留香, 再加埋個黑松露, 真係將炒蛋呢樣咁簡單既菜式帶到另一層次!豪氣橯飯, 呢個係我既至愛, 炒飯粒粒金黃, 個魚翅汁又較得個味岩岩好, 肉絲再加上疑似魚翅有咬勁, 好好食呀!