華記粥品餐廳

Open Now

Now Closed

叫咗外賣生滾豬膶粥同牛肉腸粉，先唔計佢味道淡，個粥底勁稀，唔係生滾用返普通百搭粥底我理解，畢竟而家聲稱自己生滾而又真係生滾粥嘅粥鋪唔多了，成碗粥得係三舊細片豬潤都算，佢個牛肉肉腸粉先離譜，成條腸粉得中間嗰幾粒牛肉碎，細個我隻貓粒鼻屎，同佢反映佢哋話佢做咗30幾年都係呢個份量喎其實如果孤寒成咁真係唔好學人開餐廳啦，價錢又唔係話平過人，呢幾日唔舒服食咗四餐粥，四間唔同嘅餐廳冇一間個料份量係少到佢哋咁肉酸絕對絕對唔會有下次，如果老闆你有緣睇到，我祝你生意興隆啦

艇仔粥 $23返完通宵，放工當然去食碗粥降下火🔥，我叫了碗艇仔粥，啲料多到滿，粥底又綿綿的，最緊要個價錢好平，超抵食。😁粥店的位置非常方便，係安定邨巴士站行入去就見到，地舖來的。

等外賣足足等左45分鐘，等到一齊等外賣都攞晒，冇人先到我，只是一個雪菜肉絲炆米，一碗皮蛋醉牛粥，一碗咸瘦肉粥，一件炸兩，兩個粥等個雪菜肉絲炆米，等到凍晒，已問多次，每次回應都話做緊，有耐性嘅人你去食，我已經決定以後都唔會再食。

呢間真係由細食到大，由以前係安定街市後面既美食廣場，食到宜家。味道同以前一樣冇咩變過。不過以前有一陣子服務態度不太好，宜家就改善左好多，最好既就係終於可以用八達通比錢👍🏿

疫情持續，好多餐廳都好早收舖，好彩重有呢間粥舖比我同朋友開完會後做宵夜。-皮蛋瘦肉粥 $26皮蛋有差不多一隻的份量。-鮮鯇魚片粥 $26鯇魚新鮮，肉質不粘口。-荔灣艇仔粥 $22內有鱿魚、豬皮、鹹碎牛。碎牛肉略嫌有啲鹹，魷魚同豬皮非常爽口。三碗粥都非常綿滑，而且料多，食完唔覺得成肚水。-炸兩 $17雖然已夜晚，油炸鬼依然香脆，加埋甜豉油同甜醬，一流！-牛肉腸 $19腸粉皮薄又滑，牛肉亦不少。 三個人食，一人都係唔洗四十蚊。抵！

嗌咗叉燒腸粉，叉燒又少又細舊，甜醬難食到想嘔仲要有浸怪味，腸粉又生。明明嗌肉丸粥點知比咗個肉片粥，牛脷酥細舊都算啦，仲要淋過個叉燒腸粉。真係完全唔知點樣擺落口。

今早家人想食炒麵和要1杯熱鴛鴦外賣, 那名長髮收銀員收了我$31, 我在門口等候發現炒麵$15, 那麼熱鴛鴦竟然要$16?! 後又見門外貼了張單張寫住 "凡外賣/自取惠顧 炒粉麵飯 快餐食品一律贈送冷熱飲品! 所以入去和收銀查問, 點知收銀話粥品唔計算在內! 但看見單張右下方是寫住是華記粥品!一張令人誤導嘅單張, 和一個不合理嘅價錢, 加上收銀的態度, 真係令人卻步!

一間10幾年嘅老鋪，經常都有老街坊幫襯，多數粥品油器都好出名，竟然比我見到佢哋咁創新係外賣平台都可以叫，而且價錢好優惠，仲有港式套餐沙嗲牛肉麵配奄列，真係抵食自選，晨早食個大煎堆真係好滿足

員工服務態度良好，環境舒適度就茶餐廳而言較為乾淨舒適，餸菜味道惹味，尤其咸魚雞粒炒飯，鍋氣充足，使人回味無窮。極力推薦茶餐廳的所有炒飯，特別咸魚雞粒炒飯及生炒牛肉飯。交通方便，差不多所有前往屯門的巴士都能達到，很好！

通常過年後，都預咗所有食店都會加價。到華記粥品門口望下，無加價既，做街坊生意果然係開心啲既。今日決定食白粥及炸兩。白粥：淡淡地，唔覺有味精或鹽或其他調味，9蚊。炸兩： 一上枱已落普通生抽豉油，浸住條炸兩。枱面上有醬料：甜醬，芝麻，可以自己加。講明先，油炸鬼唔脆嘅係淋既，15蚊。係，呢度食物係平平無奇，但我接受。因為做街坊生意，仲想有咩要求？我坐門口位一直都見到好多長者入嚟食早餐， 都係嗌碗粥同埋油炸鬼，咁就20蚊，真係平過出面食早餐或飲茶。

有日好唔舒服諗住食粥。我叫左碗魚片粥。食左2啖令我更想嘔。第一：粥味精好勁！食粥求清淡。不需要那麼重口味吧！第二：魚片唔新鮮。又淋又猩。最後我情願浪費金錢我都照走。回家自己煮重好。病既時候重食啲咁既野愈食愈嘔

最近迷上食粥餐餐食食開呢間皮蛋瘦肉粥，粥底夠綿，超足料。今日食左鮮肉片粥，幾乎有3分1碗肉，好滑好大塊，27蚊唔包野飲係貴，但係一分錢一分貨，粥同料既份量都好多。

為了減少晚上用膳時間我選了一個快餐其實快餐的選擇大多不符合我的心意逼於無奈下我唯有選擇粟米肉片飯粟米肉片飯中有蛋絲而且粟米和蛋絲混合而成的粟米羹份量充足奈何飯堆不易瓦解粟米羹不能完全滲透在白飯中所以粟米羹只能撈9成飯幸好肉片不難咀嚼味道方面粟米肉片飯都是一般茶餐廳的質素飯比較差更有少部份形成團狀物體難以入口快餐包了熱飲吃完有9成飽埋單時只付$34算是抵食不介意味道的話這間餐廳快餐都是一個可以接受的選擇

剛回到屯門，好耐無食過佢地既粥，就一心去外賣回家食，點知我係外面等左好耐。等左半個鐘都未到我，一碗粥啫，要等這麼耐，就入去問下個收銀外來婦人，點知原來我個碗粥放係收銀台冇人理又冇人問，真係好火，我地以後都唔光顧哩間粥舖，服務差，粥品不好食⋯粥身非常傑身，令我不停飲水，味精超多，永久不再光顧了。