華記食店

Open Now

Now Closed

今日lunch time見外賣app有一人餐幾抵食，之前同事都叫過評語麻麻地，但我諗住貪得意叫個豬扒炒公仔麵試下，依個難食極都有限啊。點知黎到真係夠膽死咩味到都無….已經唔評論佢啲豬扒得唔得😰以後唔會再叫！大家唔好諗住頹頹地食下就算，佢係頹到食都食唔落….依家隔咗幾個鐘有啲肚痛都唔知關唔關事😥😥😥

無意中係某外賣app發現此店，見有煲仔飯所以專登過去試一試佢，因為外賣app要運費專登早少少去到,舖頭好細得幾張枱，所以主要都都係坐街。不過原來好多人食，仲有蛇羹，不過今次都係試佢煲仔飯，叫咗個臘腸排骨雞煲仔飯加個可樂。好快落咗單之後原來要即時俾埋錢，咁當然冇問題啦。因為身上得一張$500咁就俾佢找啦唯有，叫咗個飯加可樂總共$68 。之後個阿姐問我有冇散紙，我話冇得一張，但睇佢個款好似唔係好想收，佢話近排好多假銀紙喎，但我問佢咁你有冇八達通啊？咁佢又冇話有定冇最尾佢都有收到錢找俾我，但係我話冇散子嘅時候佢就裝我個銀包，我覺得以下真係幾冇禮貌我呃你咩，就算我有$100我都有權唔俾㗎？上菜時間還好，應該等咗6至8分鐘到，煲仔飯太濕，不過有啲飯焦嘅，臘腸好難食，不過雞同排骨OK。總括嚟講我唔會再去啦，純粹講食物質素都唔會再去。

中環賣55元蛇羹加炒飯。單睇價錢，一個字，抵！55元在蛇王芬買半碗蛇羹都未得。但平得有道理！蛇羹見唔到蛇又太鹹。同街邊檔煲仔翅同一道理。一個名啫。臘味菜粒炒飯，只見臘腸碎同膶腸碎，價錢平，將貨就價，可理解。但菜粒不成粒。飯濕身多油，食完肥幾磅。試一試都冇所謂，不過唔會再特登行咁遠去。要平中環有$40平價外賣燒味飯。Food is edible, but a bit salty and greasy. And nothing to do with the word 'delicious'. Once is enough for me, not my cup of tea.

食物質素極差，點的乾炒沙爹牛河整份只給兩片小牛肉，又沒有其他配料如芽菜或洋蔥或青蔥花等，而且最大敗筆之處是淡而無味，完全吃不出任何沙爹味道或些少鹹味，點的飲品又送錯其他沒有點的來，又不認錯道歉，算吧以後不再幫襯，其他人請自己小心留意！

意外驚喜，住呢頭咁耐唔知有呢間，今日天氣落雨凍返，係app見lunchtime竟然都有煲仔飯，仲要成個煲咁送過嚟，心動即刻order～11:30 order，大約半個鐘已到，peak hours算快。叫咗排骨滑鷄臘腸飯，真材實料，多料，飯軟硬適中，好味，外賣都要俾5星！！美極炒飯，又係多料，炒得惹味，好味，滿意，又係俾5星！！ (食到一半先記得影相）唯一唔ok係app有min. charge先送，逼住叫一杯凍檸茶，跟餐凍飲熱飲都加$7比較貴，茶味唔夠。會再encore！！

今日與朋友搭車搭船去PMQ打咭，朋友未食飯，所以就陪佢找小店，本想去生記麵店，但竟然沒有開店。只好在附近再找好方向。朋友看到有小店話有蛇羹及腸油香糯米飯，所以找一找看，在小街巷裡看到地道小店嘩嘩嘩，蛇羹及臘腸油香糯米飯，都係55蚊開心都震。蛇羹一大窩，外面享用一窩都70蚊，仲有，多花生加上切片臘腸，吃罷又飽又暖，精神一振。貪心的我仲叫了煲仔飯（雙腸排骨飯）心，包汽水，仲要餐湯，紅豆湯自助任食都係68蚊。紅蘿蔔骨湯超清甜，冇味精，仲要開住電爐令湯保持微熱；紅豆湯好味（紅豆起沙）我就飲了3碗，令人停唔到口。嗰飯大大煲，一定要同食得的朋友一起來，不然就浪費了。小店仲有貓店長陪我玩，開心非能用筆墨形容。

地方隱蔽，大道中惠康同陳廣記樓梯上到最頂。有堂食有外賣，店舖人手唔多，冇加一，大家要求唔好咁高，樓面得一個阿姐一腳踢，眼見好多堂食食客都係自助的。外賣先錢後貨，只收現金，重覆一次，只收現金！八達通信用卡咩Alipay WeChat pay 全部唔收。建議如果有大餅不妨帶啲去俾錢。俾完錢企出外面等叫餐名，自己認領，過程中冇飛冇單，自己留言領餐。食物本身足料夠味，食完底都仲有伴料，滿一盒冇欺場。店細細其實選擇都唔少，豐險由人。上環$28 午餐有鑊氣叫炒又多選擇，真心推介。

華記食店坐落喺中環士他花利街嘅盡頭處，如果唔係食店老闆喺街口擺放咗兩個大型易拉架嘅餐牌，一般路人根本難以察覺呢間舖嘅存在🤣。呢間食店真係非常多嘅選擇，各種廚房嘅炒粉麵飯都有，環境就真係非常之唔理想，外賣帶走會比較好，我當日去到叫咗一盒星洲炒米同一盒美極生炒牛肉飯，total：$52蚊，兩盒都份量十足！星洲炒米味道微辣，配料有叉燒、火腿同洋蔥，但冇蝦仁，米粉炒得夠乾身，的確唔錯。至於美極生炒牛肉飯都幾OK，有生菜絲、葱粒、牛肉及炒蛋，仲有好香嘅美極醬油味道，而且價錢夠哂平，抵食之選！備註：以中環係一個高檔嘅地區嚟講，可以揾到一間咁平嘅食店真係唔話得，係非常難得至啱🤣

去上環睇展覽, 沿路周圍隨意行; 無意中見到街邊有個易拉架餐牌印住炒粉麵飯堂食$30, 外賣$26, 本來想留肚入長洲掃街, 見咁抵, 就去試下~ 環境雖然一般, 但衞生情況無問題的; 坐低望住餐牌, 原來變咗堂食$32, 外賣$26; 講真宜家外面環境, 就算深水埗元朗等舊區都做唔到呢口價啦, 先不講舖租人工, 連基本嘅食物都好貴, 所以真的覺得$32 超平!!!!!! 當我心大心細唔知食乜嘅時候, 有位姐姐推介我試魔鬼炒飯, 姐姐話係豆豉鯪魚炒飯, 好多人食的, 叫我一試, 好, 反正我有選擇困難症, 就試下啦; 等候期間, 姐姐話呢度有免費湯及糖水供應, 平日一至五仲會有豬骨粥; 自助形式的, 仲好, 自己想食就去裝; 當日係緑豆沙, 嘩...一試, 掂呀, 好足料, 同糖水舖嘅無分別, 姐姐話佢地嘅湯及糖水係用明火煲的, 宜家外面好少用明火煲了, 有都唔係呢D價啦, 仲要呢度堂食時係免費喎!!!!! 試埋個飯, 好掂!!!!!! 宜家豆豉鯪魚外面一罐都廿幾三十蚊啦, 碟飯嘅鯪魚, 唔會因為價錢而切到好細好碎, 係夠料夠份量的(無論飯及鯪魚), 呢度嘅炒粉麵仲要係即叫即炒, 好新

我起外賣app訂左個油鴨卑飯同排骨飯。跟住送來兩個排骨飯。外賣app線上客服回覆又慢，我就直接聯繫餐廳話送錯。跟住佢地個就話知道送錯，但係聯繫唔到外賣app又無我個電話，你唔食都無計。自己去退錢。我話你晒左我30分鐘，一句唔好意思都無，好似好正常咁。無就及時update下，唔好唄人訂。佢話唔識搞，我就話唔識搞就唔好送外賣住啦，等搞掂再送。佢跟住就用粗口鬧人。跟住我就鬧返佢。跟住搞到都無胃口食飯啦。痴線嘅餐廳。之後有個自稱老細嘅人打過來話唔好意思，又解釋一輪。跟住話點評論佢地都無所謂。我只想起度分享下經歷。各位自己判斷。唔知係心情問題定咩，個煲仔飯係好難食。

叉燒炒意粉😎$24 (外賣)記得以前響中環返工🙈除咗權記雲吞麵😎另一間抵食嘅飯堂就係佢哋😂咁啱響中環，臨離開之際😊忽然經過佢哋，嗰陣大概係下午5:30🤓我膽粗粗問老闆，仲有無外賣呀🧐佢話冇飯冇河粉喎，要嘅話就叉燒炒意粉😇結果我話要一份😆然後一邊玩貓，一邊等老闆即炒🤣拎完外賣之後😌同以前一樣，去返隔離公園食🤣鑊氣依然，但油份都係依舊😁$24大大份，響中環，唔想點😋華記食店 (中環)中環士他花利街10號地下

今日lunch time經過華記食店，見比平時少人，所以走上去試一試，堂食$30，又有得送埋湯/糖水，自己去裝，幾特別喎！再望望外賣的話只係$24！！真係好好好平！要多啲嚟食啦～～

良心小店，有誠意，係中上環區24蚊有個炒粉麵飯，真係你搵比我睇. 仲要係足料足量夠火喉，然後多口問左句係咪有湯送，阿姐姐二話不說，果到有兜有蓋，自己去裝丫. 但自己傻瓜見到有煲有豆既，當然裝果煲啦，一裝，糖水黎架喎，正呀. 阿姐都冇小氣，一句都冇講過啊. 真係有人情味既感覺.走時大家都同對方講左聲香港人一齊加油. 萍水相逢卻不失人與人之間既感情，野食係ok架，除非你話要同高級少少既餐廳比，同係平時食茶記既水準一樣好味，量分分鐘仲多過. 決定將佢定為外賣飯堂呀！ 支持良心小店！

第一次叫煲仔飯外賣係連埋個煲!!!!!真係好得意haha 好少寫食評因為覺得好有創意所以上黎寫一寫由於今日唔太得閒出去食飯所以就叫左依間既煲仔飯同同事一齊叫左5個飯有窩蛋牛肉飯有鹹蛋肉餅飯有臘腸北菇滑雞煲仔飯等等我自己食既就係鹹蛋肉餅飯肉餅都算幾厚身同埋鹹蛋都大大粒飯蕉就唔算太多 可能因為外賣關係佢唔會太熱令佢overcook同事話窩蛋牛肉飯相對黎講就唔太多牛肉好食係好食 但食落唔算太抵食 而我就覺得鹹蛋肉餅飯係最高分既一個聯絡左店家聽日上黎收番D煲就可以退番十蚊一個又幾sweet . 75蚊(連煲錢). 聽日黎收番就即係65蚊一個飯唔錯唔錯 下次同同事會再叫 好似凍D仲有羊腩煲食🤤🤤🤤

某日lunch time一個人周圍逛，發現左呢個廣告牌，發達嘞! 咁近公司有蛇羹食，超開心!過左一個星期，搵左個都鍾意食蛇羹嘅同事，懷住興奮嘅心情一齊準備去食蛇，坐低我地指住牆上嘅餐牌: 老闆，唔該兩個蛇羹餐!老闆話: 剛完左食蛇嘅季節，停左...晴天霹靂 !!... 冇蛇食...不過，好彩仲有煲仔飯...我地叫左兩個煲仔飯。我果個係臘肉煲仔飯， 老闆入去煲咗十五分鐘，熱辣辣咁攞出嚟，香噴噴， 好好食 !呢間餐廳湯、糖水自助任裝... 好抵食 !