Video
Telephone
24892633
Payment Methods
Number of Seats
150
Other Info
Wi-Fi
TV Broadcast
Above information is for reference only. Please check details with the restaurant.
葵涌工業區裏面既隱世好食飯堂，一到午餐，下午茶呢度就會有好多人食。一路都知道但係冇試過，所以今日就俾個機會佢！呢度嘅特色係可以自助拎湯！呢度嘅湯唔算話好龍尾不過有啖湯水飲都已經唔差！🙊我哋叫咗兩碟叉燒飯（$28）同埋一個乾炒牛河（$38）呢個價錢已經包埋嘢飲㗎喇😌呢度嘅叉燒飯真係冇得彈！叉燒夠濃又夠半肥瘦，第二啲地方食都唔及呢一度咁好食！勁多白飯仲要俾埋好多菜，唔會好似出邊得一兩條咁少👍🏿一定可以均衡飲食🤩佢嘅乾炒牛河都好有鑊氣！一碟望落去d牛都比得唔少，仲要大大份真係超級抵食！加埋辣椒醬咁就一絕喇😆呢度嘅衛生都好足，見到佢哋會用消毒酒精抹每一張枱！仲有佢哋會請有需要自力更生嘅殘疾人士，真係超有愛心！😍 呢間一定會番食！🤩
continue reading
到葵涌區工作及午餐嘅幾會唔多，參考網上區內食評後，選擇最近嘅工廈飯堂及近期無乜食過又見有幾個好評嘅燒味飯。貪心一次過想試兩個好評燒味就叫咗 燻蹄叉燒雙拼飯；唔知係咪因為睇完食評大有期望嘅關係燻蹄與叉燒入口都只覺一般市場水準；燻蹄唔算特別香亦欠奉魚露，叉燒有啲瘦，肉質較結實。如果無期待的話期實係可以嘅。不過加入椰菜與整碟嘅份量全碟飯都算豐富，整體不過不失。諗深一層新冠疫情期間工廠區飯堂可能真係食得飽比好味係重要得多，只係我個人太多期望。
continue reading
今日去葵涌區搵幾個朋友，食飯時間佢帶咗我去間佢地經常會食嘅餐廳。一入到去感覺地方非常大，又多枱，朋友更話我知黎到列湯任飲，啱晒我呢啲湯水怪。干炒貴叼水準ok，見佢炒落都乾身，配料都幾足，味道唔會太重味，都唔係好覺有味精味。呢個係我由細到大嘅最愛，乾炒意粉炒得好有鑊氣，有少少燒焦嘅豉油味，再加埋啲黑椒一齊，配埋塊茶記牛柳，唔錯唔錯。係個意粉本身炒得比較油，所以間唔時先食下。個麵底非常香脆，而麵上面嘅肉絲汁都比得好足，唔會食到最尾得麵冇汁。
continue reading
葵涌區抵食飯堂之一，普遍味道正常，仲偶有佳作，地方大，易搵位。每日都有自助例湯，湯係任飲，但足料好味，唔會偷雞，啱哂我呢啲湯精。呢到選擇多，有不同嘅小菜，炒粉麵飯，蒸飯，三餸飯，不過我最鐘意都係呢到嘅燒味。呢頭燒味飯嘅選擇唔多，萃華嘅燒味飯絕對係呢區嘅首選。叉燒通常都係半肥瘦，唔會過瘦鞋口，又唔會過肥油冧冧，外表燒得乾身香甜，肉質保持彈牙，食落仲好香口。燻蹄彈牙，而且處理乾淨，唔見有毛髮，配埋酸醋非常開胃👍🏻凍奶茶味道一般，呢到嘅茶底唔啱我口味，永遠都飲到好澀🙈
continue reading
萃華最近做週年慶特價，快餐/三餸飯都係HKD$35，由於呢個反通脹價錢實在係太抵食，食物又唔錯，座位又多，所以成為左我地近期最常去既飯堂。⭐️叉燒薰蹄飯 HKD$47雖然冇做特價35蚊，但萃華既燒味的確係唔錯，價錢都正常唔算貴，以附近嚟講，佢嘅叉燒最好味!⭐️是日午餐-星洲炒米 HKD$35絕對冇因為減價而縮水，大大碟，炒得有鑊氣。⭐️是日午餐-梅菜扣肉飯 HKD$35扣肉炆得入味香軟，肥肉部份入口即溶，瘦肉有咬口得黎亦好鬆軟，食落一啲都唔覺油膩，味道適中唔會過咸，反而梅菜仲帶甜味.⭐️是日午餐-蝦米粉絲水蛋飯 HKD$35大大碟好抵食，個人口味覺得淡咗啲。⭐️熱檸茶 跟餐試過呢到既奶茶/檸茶，就算凍熱都好重澀味，應該係茶底調得唔好。📝不過!! 佢呢到既例湯係自助任飲，足料得黎都唔錯!
continue reading