萬發海鮮火鍋菜館

Open Now

Now Closed

星期日都full嘅, 要等一張枱。食火鍋，基本醬料都有嘅，野食算豐富，要乜有乜。不過要有心理準備，服務員係真係好喜歡說服你食貴套餐，不過你唔食佢都冇法。大家庭食的話都算唔錯，family day食得過嘅。

很多食店在工作日會供應價廉物美的午餐，但是到了星期六日和假日，就不會再供應。萬發海鮮火鍋菜館是例外的，星期六日和假日也有午餐供應，最便宜的$48就有交易，稍微好一點的就多是$55 ，再好一點的就是六十多元，茶位$4 ，免加一 ，所以是假日吃午餐的好選擇。這天我們點了京都骨、豉油皇生蝦，另加蒜蓉蝦春卷。京都骨醬汁酸甜，很開胃，豉油皇生蝦很香，味道一流，不過蝦的大小不一，有的較大，有的就很小，這兩個午市小菜套餐都包含白飯和例湯，蒜蓉蝦春卷也很好吃，全部的份量也不少，吃得很飽很飽。

原本打算去食愛民生，點知冇開門。咁就黎左依間萬發。叫左以前出名既薯仔牛枊粒。 啲薯仔淋到乜咁 冇左表面糖香既脆。最大問題係間野好熱。我地一路食一路出汗。 叫乍已地開大啲冷氣，佢地應付下就算。我最後頂唔順要求調位。 咁先冇咁熱。 下次一定唔再黎。we will never come over again. Actually we have been to another 萬發in sham Shui po., compared with that shop, this is way too bad to commend .

剛剛在西餐廳吃了生蠔和闊條麵，立即又到隔鄰的這家中菜館吃點心和飯。為什麼會這樣？就是因為兩人想吃的東西不同，這樣每一家店吃一點，就能同時滿足兩個人的願望了。這間中菜館已經來過一次，上次不知道中午也有點心供應，到吃飽了，看到服務員為鄰桌送上大量點心，點心的賣相挺吸引的，這次就來吃點心。點了春卷和鮮蝦韭菜，怕老公不夠飽，所以又點了一個咖喱牛腩飯。春卷味道很好，內有大大的蝦，也不肥膩。鮮蝦韭菜餃很大隻，餡料滿滿的，每隻餃子內有兩隻大蝦，蝦肉Q彈，味道也不錯。看來這店的點心真的質素不俗。咖喱牛腩飯則令人失望，咖喱不夠香，也不夠立，牛腩還有點膻味，結果沒把它吃完就結賬了。

假日覓食難，處處冇午餐，幸好有發現，下次可再來。走過萬發，看到有不少顧客，於是內進。侍應遞上「午市特別介紹」的點餐紙，價錢不貴，但選擇不多，我便問她還有沒有其他餐牌。她給我午市菜譜，說點餐紙和菜譜的食物差不多。我打開菜譜，發現其實菜譜的選擇多很多。我們點了潮式生蝦煮勝瓜客飯和牛腩撈麵。牛腩撈麵的牛腩軟而入味，麵拌了牛腩汁也很美味，而且麵多牛腩也多，兩人沒吃客飯的白飯也吃不完。生蝦煮勝瓜的味道不錯，可惜蝦不太新鮮，勝瓜也太少。最離奇的是我們差不多結賬時看到侍應為隣桌送上點心。我們再問她，她才說午市也有點心供應，還給我們點心紙。老公想吃點心，但我們已太飽了，唯有下次再試。其實侍應的態度不錯，我只是不明白為何最初不一次過給我們所有餐牌餐紙。

入到黎 點心紙都冇，問佢拎紙好似要求佢咁，之後發現冇筆點野食，問佢拎支筆，個疑似肥佬男主管好似比左個「我都冇筆，冇辦法啦」既表情。我真係想講粗口，我唔係求咩服務，你連最基本既點心紙 筆都冇，點叫人叫野食，問佢拎紙筆重要好似求佢咁，而家邊個係食客呀？*果時唔係咩繁忙時段，少人食，唔明拎支筆紙都可以咁懶。野食就一般般，冇話咩特別好食既野，而出菜有d慢，肚餓就唔建意黎呢度食。如大家受得佢地氣 你地可以試下，受唔到唔建議大家黎。

今次好友推介帶我地走到黎呢邊食，同地鐵站都有一段距離。七點黎到，入面已經有一半客食緊。野食分量都幾多，有水準，最鍾意碟碟都熱辣辣，而今次六人叫五餸一飯一湯，每人平均$250。 胡椒豬肚雞煲 $298 胡椒味好香好濃少少辣，飲完成個人好暖好舒服，豬肚爽口又無腥味，分量都幾多，我地每人飲兩碗都仲有，而隻雞係比豬肚包住咁煲，侍應會幫手剪開分埋雞。 薯仔牛柳粒 $98 薯仔面有層糖咁脆脆地甜甜地，入面好淋，而牛肉整得唔鞋唔韌，加埋少少胡椒味，好香又有鍋氣味，正。超值孖寶E (1) 即燒乳豬件 $408好香好脆，真係熱辣辣，肥肉又唔多，好好味。超值孖寶E (2) 薑蔥炒肉蟹 $408大排檔嘅鍋氣味出哂，味道咸味夠又惹味，蟹肉都多又甜，但個分量就一般，一隻完全唔夠喉。 蒜蓉粉絲蒸大元貝 $288好大好大嘅元貝，元貝蒸得好好，輕輕一堆就甩到，好好味，蒜香味好夠又入味，粉絲完完全全吸收哂蒜香味又夠爽口。 萬發石頭飯 $78好一粒粒，炒飯咁，咸咸地幾好味，有啲肉粒，料唔太多。 雪裡紅芥蘭 $88呢鍋菜好多，又綠又爽口，食落索索性，有埋雪菜肉碎咸咸地撈飯食一流。

萬發海鮮火鍋是一家兩層菜館，設有落地玻璃的食材區域，放置不同種類的海產 ; 另設燒味部，有機會一睹師傅在烹煮燒味的過程。店內通道尚算寬敞，出入口有無障礙設施。為了慶祝親友生日，在一週前已訂了枱，點了大家都喜愛的菜式: 魚、蝦、雞、牛、豬等。灼海蝦($224) 大隻海蝦，蝦肉鮮甜，好味咕嚕肉($88) 沒有太多肥豬肉，甜酸度適中，每塊肉都能掛汁，掛汁後仍有輕微脆身口感翠塘豆腐($78) 份量足兼材料豐富，內有豆腐、菇類、蛋白等材料，口感軟滑，加上芡汁的調味是一道特別的清淡菜粉絲什菜煲($88) 煲內有粉絲、菜、黑木耳和菇類等，是用熱鍋上的清淡菜玫瑰油雞半隻($98) 肉質嫩滑，稔身薯仔牛柳粒($98) 薯仔脆身，牛柳粒入味及稔身，夠鑊氣，再加上黑椒粒格外冶味，非常好味兼抵食清蒸沙巴龍躉一條($198) 肉質新鮮，魚肉嫩滑甜美，烹調恰到好處 豉汁蒸鱔($168) 魚肉厚薄適中，夠入味無論是炒或蒸的火候、食材配料和醬汁的處理，足以證明掌廚者的工夫認真不錯!

同朋友九點幾十點去咗食萬發 因為知道深水埗嗰間一定好多人 所以就嚟咗呢間食啦 入到去即刻嗌左個招牌薯仔牛柳粒 再嗌多個咕嚕肉 本身以為薯仔牛柳粒應該冇乜特別 但一試驚喜薯仔咬落面頭脆脆地 有啲蜜糖同黑椒味 唔似得平時喺大排檔食嘅薯仔咁淋淋地 幾惹味又幾得意🤣 咕嚕肉都唔錯 係平時食到嘅味道 下次會再嚟幫襯 不過大家如果食嘅話 建議必點薯仔牛柳粒 再試吓其他野～埋單兩個人食咗200零幾蚊 下次食叫多啲朋友黎 咁就可以試多幾味喇~~~~

今日約左一班朋友去partyroom！要自備食物。咁岩partyroom係大角咀！即刻諗起可以去萬發外買小菜。當然係叫佢最出名既黑椒薯仔粒啦！佢有三個size既，分別係大中細。大即係三份例牌左右，中即係兩分，細即係例牌。我地7個人，叫左個中size食。外賣既口感雖然唔夠堂食正，但係味道依然好入味！食到停唔到口🤤🤤🤤

記得好耐好耐之前係食過一次宵夜，不過當時冇咩印象。今次幾個朋友都推薦呢間， 即管嚟試下！招牌嘅胡椒豬肚雞湯超級勁好飲而且非常之多豬肚！發達喇但係相當重胡椒味嘅！跟住嚟嘅乳豬同薑蔥炒蟹係一個孖寶，乳豬其實又乾又肥，薑蔥炒蟹就正常豉汁蒸白鱔正常水準， 整得好入味 酒焗生蠔就唔錯喎！全部脹卜卜其中一個招牌叫做雪裏紅芥蘭，大家都覺得好奇怪！原來佢嚟嘅時候係用煲仔上，最頂係有雪菜，夾走雪菜下面有紅色嘅辣椒，之後就係芥蘭。所以叫雪裏紅芥蘭，原來係上海菜不過好好味！

一直都好想去深水埗萬發 食佢個招牌 薯仔牛柳粒 但深水埗確係唔方便輪椅。但我最近先知原來大角咀輪椅係入到雖然輪椅入到，但環境都幾逼。兩部輪椅應該係極限了；雖然依間萬發喺餐廳格局，但係侍應仍然不失大排檔嘅獨特性格。薯仔牛柳粒果然係名物，薯仔外脆內軟，有甜甜嘅蜜糖漿包住，最利害係凍咗，薯仔仍然保持到外脆內軟。牛柳粒就最好趁熱食哂佢，凍咗就真係麻麻地，亦證明薯仔先係主角。（搵人同我食哂d 牛柳佢！）另外叫咗套餐 例牌燒鵝 加 豉油王海蝦，同埋單點咗胡椒豬肚雞。每一樣嘢都好食：燒鵝皮脆，但未至於肉嫩豉油王海蝦無過咸，蝦大隻有膏湯。辣勁足、味濃、分量夠。下次一定再嚟。

今晚同母親大人食飯，母親大人話天氣凍想食嘢暖身滋補一下，帶我到萬發食胡椒豬肚雞煲。😍一開始上咗個小菜，係魚皮炸花生D frd,覺得有些好笑，好似食緊零食咁😂個煲好快就上咗來，店員推住張細臺過來，上面擺住個火水爐同雞煲，然後當著我哋面幫我哋剪開D豬肚同雞😬好正啊！成塊豬肚包住成隻雞，睇住店員將佢剪到一塊塊，聞到D香味都已經留曬口水😗店員幫我哋剪完之後就盛到小碗裡，好香好好味呀，個湯好濃郁，辣辣地，胡椒加足料，入門有雞，豬肚，紅棗和蔘，我最鍾意食個豬肚，好薄身，冇麼脂肪，超級正啊，辣度都可以接受，食完個身好暖呀。

同朋友聚餐想食小炒小菜類的晚餐，所以選擇了萬發。環境算整潔，不過枱同枱之間距離有點近。店員好親切會介紹有什麼值得食同直接叫我地有啲餸唔好叫唔抵食😂最後我地點左胡椒豬肚雞湯，黎到係個豬肚包住整隻雞，店員會再剪開，好有效果，味道都好濃唔會好辣好好味。我地仲嗌左黃金炸鮮魷，超邪惡，不過真係十分惹味停唔到口。而豉油皇炒麵同燒鵝就一般比較油。薯仔牛柳粒醬汁甜甜地幾好味，不過略嫌牛肉較鞋。蟶子好鮮味，鵝腸爽脆好味。呢餐飯食得好滿足！

萬發菜館有幾間分店，但大角咀這一間光顧兩次水準也能保持。三人行，乘座的士由尖沙咀出發，大約十時半到達菜館，完全不用等位，叫了五個小菜連三個白飯。1.沙薑雞，很入味，雞肉滑嫰，配白飯一流。2.薯仔牛柳粒，肉不會很韌，薯仔和牛柳比例恰當。3.瑤柱豆苗，這個餸菜必定要在街外吃，豆苗鮮嫰。4.土魷魚蒸肉餅，很有口感，不會一口咬下都是肥肉。5.豉椒鵝腸，一般大排檔風味，不過不失。餸菜比較濃味，必須要配白飯未來日子也會繼續光顧。