蘭記金牌牛什粉麵

Open Now

Now Closed

Lunch time 放飯見冇落雨 就落街買外賣行到去英記附近 發現冇開就試左隔離呢間蘭記 兩間湯底唔同的 滿心歡喜諗住試下叫左個牛腩 加魚旦粗麵 收左$48 牛腩少韌 魚旦得兩粒 叫轉粗麵又冇轉到 $38 + $10 丸比得兩粒 多謝曬喎 唔甘心上外賣自取網頁睇下有冇圖睇 冇圖但比我發現好似收多左$2 我cap左圖 可以睇睇唔知係咪餐具錢定碗啦 佢冇講但加左雙拼得兩粒魚旦好傷心 魚旦係正常麵鋪好食嘅魚旦 但牛腩同個麵唔好食 同區應該有其他差唔多嘅 自己諗

今日經過呢間麵店,見到價錢都幾公道,坐低叫咗碗什麵走膀,唔使3分鐘碗麵上枱,淨係睇份量已經值回票價,主要係3樣材料(金錢肚,肺,腸),總共約有10件,件件都大件有睇頭,要分兩三啖咬先至可以落晒肚,麵爽彈無鹼水味,湯都夠味唔會口渴,整體值85分!下次要試下佢哋嘅筋腩,再下次就試雲吞肉丸!