蛇王協

Open Now

Now Closed

雖熊蛇王協不能代表香港蛇羹,但都有唔少歷史同傳媒訪問!每年秋冬都ㄧ定会幇親十次八次!多年來質素保持相當穏定,蛇同雞嘅比例相當平均!今年第一次品嘗就感覺中"招"一样!ㄧ碗大蛇羮收$75只有三條蛇肉,其他大部份係雞胸肉同木耳!冬菇都冇多片,在埸又聴到其他食客議論紛紛話雪味重,冇蛇味等等...實在太過份!得個名乜蛇王!食魚肉湯都好味個去十陪!唔知以為雞肉羹!再咁落去,小心比海関告不合符商品條例賣冇蛇肉的蛇羹!咪做哀個名!

朋友訂了一枱，準時8:30到，太多人，等了15分鐘，食好嘢冇辦法！先上蛇羹，大碗足料，濃度適中，一個字：正！羊腩煲，羊肉上乘，味道好，略嫌太少羊肉（可能我貪心）；椒鹽蛇碌，唔係度度有得食，亦唔係度度好食，但今次的只有兩個字：極正！唯一唔好是太貴（$280）龍鳳煲，足料一隻雞和好多蛇肉，味道偏濃，又只有兩個字：極正！最後嗚謝靚女老闆娘請我哋飲蛇龜湯，超好味！總括就來說：料正、料足、好味、價錢合理，冬天一定常去！人多記住訂位先，唔係有排等！

秋冬食蛇好時間，近日呢間又出報導介紹，佢又出名，試下啦。環境係有點迫，但服務好，味道也好，也足料。叫了兩個细蛇，兩個細糯米飯，加一臘腸，加一潤腸。蛇雞肉多，但蛇肉都不少。最喜歡食木耳和薑，如果再多Ｄ薑就更好。味道不太濃幾好。糯米飯就不夠濂囗，但料足夠。臘腸和澗腸十分好味，不太油又夠軟，潤腸唔係鴨潤，真係豬潤即豬肝造。不知是那間供貨呢？一個大大的蛇柜，真的有點嚇人，老閭展示比我地知，佢只係放雜物，一條蛇都沒有，不用驚哦。叫了食物，話咁快就到。客人不段，一張長長的寫字枱都坐滿了人。為了一張大圓枱食蛇宴，老闆好有禮貌要求客人換位，講左好多次不好意思和唔該哂。又唔驚，又無忌食蛇嘅你，不妨一試。

滿心歡喜諗住食餐好味蛇宴點知中伏啦先唔好講味道啦 分量都唔夠囉 菜單就寫得正呀！裡面都唔係個啲野黎，特別推介椒鹽蛇骨囉 ，你食得哂 話你叻椒鹽蛇碌 = 椒鹽蛇骨乾 就真 點食呀蛇腩 = 湯渣就真 煮到回煱肉咁 唔掂囉山瑞 = 成件事 好似求其放啲野係啲 到咁 蛇汁菜 = 清水滾菜 油都冇滴 黃禁禁 問 佢蛇汁係邊 佢話點山瑞食 完個啲汁 唔係真事呀湯 = 煲湯燉湯 都未分到 咁你唔好話自己燉啦 師父其他餸 都係好普通 3980喎 唔係下麻真係唔知係咪樓上廚房既問題 定係大廚既問題囉？

自我星期六睇完bigbang 之後 喺啓德徒步2個鐘先出到嚟 真喺完全消耗哂我體力 如果唔喺bigbang 我應該唔會咁勁捱到十幾個鐘😭-因為咁 個個都叫我去補下 結就俾人帶咗嚟食蛇羹😂平時嘅我是對蛇羹好抗拒的 因為我好驚蛇又好驚食到蛇個浸獨有嘅味道不過今次喺蛇王協 唔講其實都唔知喺食緊蛇羹 再加埋甘草同薄脆 完全喺令到碗蛇羹變得好fresh😍 即時深深愛上咗💓-蛇龜湯朋友話喺補身之選 所以就嗌咗碗俾我補一補身😂原本以為呢啲補身野會好大浸藥材味 點知又唔會喎😍少少回甘味 入口清爽唔會好濁～ 啱哂我呢咿是又要補身又要怕藥材味嘅人🤗-生炒糯米飯嘩～我平時喺好少可喺下午茶時間食飯 仲要喺咁heavy 嘅糯米飯但今次真喺不得不破例 因為真喺好好食～糯米飯香糯唔油 而且食落又會有陣陣臘味香氣喺個口到爆發👅真喺唔知點解食蛇嘅地方總會有糯米飯 而且仲要好好食👍🏼-椒鹽蛇碌呢鋪真喺一次過食哂我廿年嚟食蛇嘅總量～其實唔講喺蛇肉 真喺唔知喺蛇嚟 因為食落似雞肉 幾嫩滑㗎😈而且椒鹽做法 令到蛇碌外皮香脆 但內裡嫩滑與此同時 仲要椒鹽味入肉入骨 連骨都好好食👍🏼要做到咁 而且仲要呃到我以爲唔喺蛇肉 實在唔易～

一星期前訂左半圍$2080 (包一窩), 今日剛剛好開始凍, 食蛇就啱晒！🐍🐍🐍🐍正7個人黎食佢都唔會收多你一人錢, 除開每人$300其實都抵食, 用料足👍送2L可樂, 1支啤酒, 1支三蛇胆酒!唔飲酒既可以都可以換2L可樂添, 我好耐無飲過咁大支😂食蛇羹最正就係配埋 D脆卜卜, 好好味, 不過佢個湯壳就好大, 不過D飯碗就好細😒希望改善一下, 換個大少少既飯碗, 一裝就好易倒瀉晒椒鹽蛇碌第一次試,好惹味半圍都係全隻雞上枱架, 好夠味, 勁快清晒糯米飯好食, 好鬼香, 唔識形容😂呢個湯勁呀,用烏雞, 8對蛤蚧燉湯, 好濃好好飲真係好多料, 見到條尾就覺得好....🙈唔知係咪今日太爆場, 上菜好慢, 食左2個半鐘😅 因為係摺椅,坐到Patpat都痛😰

穆斯林兄喺香港食過蛇之後，返到家鄉一直念念不忘，今日適逢同佢經過蛇舖，即刻同佢入去食先。蛇龜湯有大生地土茯苓等一齊煲，有陣陣嘅藥材味，係一個好濃郁嘅湯。秘製五蛇羹，食到一碌碌蛇喺入面，真材實料，味道亦都唔錯。糯米飯，呢個就最普通嘞，色水又唔夠，同埋淡口咗啲。

在街走著走著, 本來是想去附近的拉麵店吃碗熱呼呼的拉麵, 但附近的拉麵不是多人排隊, 就是已吃過數次沒有新意, 但太遠的店子又不想去. 走至一半時想起, 即然身體發冷, 何不去吃蛇進補一下? 使用Openrice的定位功能看到就近有兩家蛇店便走去最近的這家蛇王協. 來這裡自然主要是吃五蛇羹, 但只吃蛇羹感覺不太飽肚, 便加一碗糯米飯及臘腸, 三款都驅寒妙品!以$43的價格, 當然不可能希望滿碗都是蛇肉, 而混進雞肉會令蛇羹更鮮味. 吃起來的感覺像是加了雞肉及蛇肉的碗仔翅但更顯鮮味, 蛇肉去皮後的樣子其實並不難看, 完全不會令人抗拒. 臘味飯雖然是預先煮好再翻炒的, 但捧出來前估計有翻炒一下加熱, 糯米飯類的材料不算太豐富, 但配上一條津潤的臘腸令胃口大開, 即使干掉兩碗亦不困難. 吃畢回家途中, 已感覺身體裡有暖意, 看來每至秋冬都要來進補一下了. 翻食指數: 70分.  自己較少吃蛇羹沒法比較, 味道只給中庸的3星, 但價格不貴, 蛇與秋冬進補亦相當合適, 冬天還會再來吃一次. (此指數平衡店舖交通, 味道, 環境, 價格... 等等, 個人作出的評價.)

呢幾日凍凍地，食蛇取下暖。同朋友一人一碗大蛇，再share一煲蛇腩飯。蛇羹加上薄脆，檸檬葉絲，好吃，蛇肉足量大條，味道鮮美。美中不足是放久了，羹變得水水的。蛇腩飯，香氣撲鼻，蛇腩香滑味濃，但不會膩。小量飯焦夠香。

每年冬天都會擺番圍蛇宴，而平時亦會一個月幫襯大約一兩次，所以今日下午經過入去攞張新餐單，順便嘆番碗大蛇羹。大蛇羹一到，份量不變，蛇肉粗過手指尾，而蛇肉同雞絲比例大約7：3，羹底不變。習慣性加薄荷葉、胡椒粉同小小醋，但食多兩啖竟然有些透明的粉團物體，應該係一D未溶解的芡粉。即刻食慾大減，但好彩仲有我最愛的薄脆，本人每次都坐底食半碗薄脆。到底是一時失手定水準下降，有待蛇宴再評。

食蛇羹首選去鴨寮街（蛇王協），天氣漸涼而又感到有些疲累，每年到冬季都會去食碗蛇羹補身，打好基礎及要多運動，保持身體健壯去對抗寒冬及病菌！而蛇肉功效能保暖，養顏，補血，食之適當可強身，是冬季的上品補物！通常都是去品嚐一碗秘制五蛇羹，加上脆化的蛋散及香味的檸檬草，落些胡椒粉就配合味蕾感覺肉質爽口而香氣充滿舌頭及濃郁喉嚨，一吃難忘，每逢經過鴨寮街都必定去食碗味道濃郁及肉質爽滑的五蛇羹！蛇肉入口濃烈，香氣肉味柔軟，好綿好柔溶化在口腔内，溫暖飽肚，更帶有檸檬草的清香味，一食再食，不二之選！

收工後太疲勞了 決定來一碗蛇更先來碗蛇湯試試 起初以為是涼茶 怎知味道還挺不錯 好似家中煲的明火靚湯一樣再來碗蛇更 料相當豐滿 啖啖蛇肉 絕無比少 加上 檸檬草 蛋散 加上胡椒粉 一碗香噴噴的蛇更味道足以震撼的舌頭味蕾了 可能是我太肚餓罷了 哈哈 每試一口相當美味 啖啖蛇肉啖啖滋味 實在無法即時以文字形容

港島居住的我，極少走進深水埗這個地區。但人大了愈喜歡懷舊的味道。週末總是喜歡尋覓這些特色小店，「鴨寮街」可以看盡時代的變遷，各式電子零件、懷舊老店、特意店鋪或是新派小食店等；重點保留傳統的店鋪更加盡入眼廉。港鐵深水埗站，只需一分鐘便到「蛇王協」。我對蛇的認識白紙一樣，莫説蛇湯甚至蛇羹我從來都沒有吃過。朋友說道：「深水埗有數間蛇店，但此店卻深得佢心。」吃食羮很多人話冬天比較適合，但單看食客卻認為應該不分四季。步入此店已覺得歷史悠久，牆身更印有「蛇后」的報道。看到這些報道憶起在電視中曾看過捉蛇的畫面，怪不得那麼多名人光顧；可見吸引力。一直以為到蛇店只有蛇羮，但原來蛇的種類繁多。有五蛇羹、椒鹽蛇碌、蛇膽陳皮、蛇龜湯等，憑這些名稱真的好得人驚呀。係咪真係食得嫁？朋友話真的好進補，又容易入口；決定試下。五蛇羹(細碗)$42秘製的五蛇羹有大細碗之分，大則$71而細碗$42。第一次品嘗蛇的味道，細碗淺嘗便可以。不過$42都相當足料，貌相有點像碗仔翅。內含:肉絲、冬菇絲、蛇肉等，每啖都滿滿蛇肉而且口感濃稠不稀。旁邊更有甘草及薄脆，甘草的清新與薄脆的香脆，令蛇羮無論外觀及味道也相對地提升。椒鹽蛇碌$13

1月份天氣持續反覆不定，但可喜的是溫度下降令香港人的真。冬天翻黎了。好不容易飯腳湊了半席食蛇宴，大家浩浩蕩蕩訂了枱去食🐍🐍🐍去了。老老實實，今次“蛇宴敢死隊”隊員其實九成只吃過蛇羹，跟本未食過全🐍宴的，多多少少有些“驚”喜😂😂😂蛇王協位置方便，深水埗鴨記出口轉左行30秒便到。蛇宴設於店旁唐樓上1層，內裡似住家裡的私房菜。該晚蛇宴席爆滿，大家未吃前已喜孜孜地笑個不停，想必一定是嘗過多遍的老饗了。先黎個份量十足的太史五蛇羹: 半席6人吃得下這一大盤蛇羹嗎？! 其實食得落喎又! 蛇肉條條分明，舉勺盡是同蛇肉，配機切超幼細檸檬葉絲及薄脆，很惹味啊！配上檸葉絲後美觀多了!材料豐富秘製燜蛇腩: 乍看以為是鮑片黃鱔呢！ 其實近睇蛇腩的鱗狀紋有些核突，但食落肚那刻其實味道近似黃鱔片的有咬口。係咪好核突呢？密集恐懼症者勿看龍飛鳳舞(炒蛇片，駝鳥肉):其實此菜式有視覺效果及豐富味蕾， 只是駝鳥肉較難分辦哈哈金龍獻珠:原來是有陳皮的蛇肉蓉炸球，但內裡肉質鬆散，口感好“削”，比較一般椒鹽蛇碌: 嘩!大家見到有點期待的!試問有誰不喜香口脆炸食物呢！可惜，一入口已經失望，eeee點解嘅點解嘅! 蛇碌唔脆嘅喂！略

為了下年初的一場蛇局，又再來到鴨寮街的蛇王協，先吃碗蛇羹。上一次來，已是四年多前的事，那時候已移居加拿大的火兄，回港過新年，趁他未回去，就辦一桌蛇局，由頭蛇到落尾，受不到蛇腩，蛇碌，蛇皮的人，吃碗蛇羹算吧。沒錯，很多人又想食蛇，但又怕蛇，通常蛇羹是人人都可以接受。我笑說：（你當食碗翅得喇！）現今的蛇舖已不太多新鮮蛇，蛇王協是少數有新鮮蛇的蛇店。一絲絲豐厚的蛇肉，質感恰當，厚度適中，並不像某些蛇店，做出的蛇羹，杰撻撻如獎糊。個人吃蛇羹的習慣，可以不下檸檬葉，菊花瓣，但一定要下薄脆！與我小時候，上酒樓飲茶，叫一碗皮蛋瘦肉粥，例必要一大碗薄脆來送的習慣一樣，多年以來，沒有改變。看過蛇宴的菜單，價格較四年前上漲不少，由以前二千四一圍十二人，加至差不多四千大元一圍。無論如何，蛇宴還是要辦，在Facebook一開event，三圍旋即爆滿。期待。