蛇王良

Open Now

Now Closed

已是未凍之前食的了。由於有地利之便, 這一帶又似乎沒有其他蛇店, 每年冬天老媽都會從這裡買蛇羹回家吃,自己到店吃倒是第一次。本想吃糯米飯但怕自己消滅不了, 故要了細蛇羹+ 上海鹹肉菜飯的套餐($41)。蛇羹沒有某些店做的生粉水過多太杰身的弊病, 蛇肉也多; 檸檬葉和薄脆任加, 前者的清香與味濃蛇羹形成有趣的對比, 更是愛吃香草的我食蛇最喜歡的東西; 薄脆不會淋pat pat, 也沒有油益味, 加分! 上海鹹肉菜飯可沒有太多菜, 但相當大碗, 如不是我極餓兩個人share 都仲得。蛇店來說這兒相當清潔, 不過有一樽二樽浸蛇酒浸蛤蚧等陪你食, 膽小者宜外賣。

咁凍既天氣，雖然在地盤工作的我都叫強壯﹗不過夜晚真係凍打哂冷震，所以一要我諗食咩我第一時間就係想到要食糯米飯暖身﹗工友話食得糯米飯就要跟番個蛇羹先有feel先似樣，所以今晚來左呢度﹗北角蛇王良，仲以為今晚得九度會全店爆滿，咁岩又比我地搭到張小枱喎﹗我又見到老闆蛇王良先生了﹗上次十幾度黎佢無著衫周圍行，今次得0個九度佢終於都肯著番件短打T-Shirt了﹗食蛇真係咁壯？？？點左個糯米飯餐同埋羊腩餐，我當然係負責糯米飯一part啦﹗由於我從來都不食羊的關係，總係覺得0的羊羶到無朋友，不過工友讚不絕口話好好味份量岩岩好﹗我唔識欣賞，不過佢係咁隊俾我叫我食﹗我當然婉拒之.......第二次來呢度食，覺得個蛇羹再足料左，真係啖啖肉﹗你真係不可以找到有一啖係無料到的﹗個羹不會像出面地方食的太咸，咸是因為要癖蛇腥，不過呢度既蛇肉一0的都唔腥﹗是清清的你可以食到蛇的甜味﹗加多0的薄脆同檸檬葉食真係一流﹗糯米飯好乾身是一粒粒的﹗臘味好足食落好有口感好滿足﹗小小一碗不會太飽岩岩好﹗食完之後成身暖哂大褸都唔洗著﹗Yeah﹗

凍番當然周圍搵蛇吃，是日來到這裡。見阿蛇王良一家在吃飯，與客人打成一片，好一個街坊小店的景象。上次來沒吃羊腩，這次來就要了個有羊腩的A餐。先來「細蛇」，初吃幾杰，但吃至中段已變稀了。肉絲很多，是蛇肉的三倍，蛇湯底也算鮮甜，加上薄脆及檸檬葉絲，味道不錯，仍然保持水準；羊腩是連骨的，炆得腍身又肉質軟熟，看樣子已經很對辦。羊肉不羶，吃起來南乳味十足，難怪店方言明不給腐乳醬，因為根本是不需要腐乳醬，已十分夠味。還有冬菇及馬蹄在內的，製作認真，輕易的就下完一碗飯。這個炆羊腩，做得不錯。不要看這裡只是小店一間，也有熱茶奉客的，招呼不錯。埋單50蚊有找，又吃蛇羹又吃炆羊腩，很經濟，也有水準。

Ｔ不吃蛇羹，兩個人便叫了一個Ａ餐，即是一碗細蛇羮，一碟羊腩和白飯，另外加一碗大糯米飯。細蛇羹都幾大碗，材料豐富，吃完都差不多飽了。羊腩份量略少，味道較清淡。糯米飯軟軟的不太硬，不過臘味粒太少，不夠香。環境和服務都不要計較吧。

家住北角多年，得閒也去呢度嘆下蛇。通常放工後做完Yoga冇飯開，便在此叫上海咸肉反+蛇羹醫肚，蛇羹稀杰適中，最緊要足料又冇味精。我最鐘意这這店D脆卜卜薄脆，好正。服務好鬼死家庭feel，蛇王良成日四季都著往件背心底衫招乎客。店小而乾淨整潔，值得一讚。

11月02日，20:45乘坐118回家，例必經過這店，但不可能下車一試(不願再付額外車費)。今晚在灣仔下直巴後，便轉車到這店。店的地方真是少得很，幸而剛有客人離去，否則要擇日重賽(因我討厭等位)。要了套餐：細蛇羹和羊腩配白飯蛇羹：羹底不是豆粉一族，薄而清，蛇絲、肉絲、菰絲，絲絲入扣(幾誇^m^)。南乳炆羊腩：份量偏少(見照片)，但食味極好，南乳、花椒、八角等香味，全混入肉中。最終我要用汁淘飯，差點兒要多加一白飯。我吃羊肉是不喜歡沾腐乳的，我讚成老闆娘，若本身羊肉炆得好，為何要加腐乳。我對純和真是有渴求！

星期四收工凍到不得了，條街好似開左冷氣一樣﹗估不到天氣一變就跌左十度了，一出到門口，冷得我騰騰震去左北角蛇王良食蛇羹，網上熱評，呢間野好專業，全間野都係食燉品，仲要係幾百蚊一碗0個0的﹗咩蛤蟆怪獸都有得食﹗十分之勁﹗大部份都係壯陽補腎之物，亦真係見到有人幾百蚊一碗都食，睇黎真係堅野﹗點了蛇羹糯米飯套餐，蛇超足料仲要好清甜，感覺不似有味精，亦都唔會好似出面地方食的一樣杰到作嘔，0的蛇多到好似食左成條一樣﹗薄脆任君嚐，其實點解要加薄脆呢？貪得意乎？不過又真係幾好味既.....好耐都未食過蛇喇，食完之後成身暖烘烘的好舒服，臨場加映蛇王良先生在十幾度的氣溫下唔著衫周圍走招呼客人，唔通食得多蛇真係咁勁？我著緊大褸喎﹗真係好野﹗好味道又飽飽，大家經過北角不坊一試﹗

成個星期在會展擺show, 放工又冇飯食, 而又撞正秋風起, 一個人去到呢間蛇王良起個套餐, 我揀A餐, 有一個細蛇, 一個白飯, 一個羊腩, 入到去... 得一個人睇鋪, 講真... 呢間野既服務態度就真係麻麻, 不過我都係外賣, 都費事理佢喇~ 細蛇: 比較稀, 無咩蛇肉同木耳, 個人不太LIKE;羊腩: 之前都睇OPENRICE話唔會有腐乳跟既~ 因為夠味~ 好, 一入口, 的確係夠味, 第二口, 始終由細到大都係點開腐乳既~ 所以就覺得係爭咁D囉~ 而且... 唔係羊腩囉~ 成兜羊想搵塊皮食下都無~_~ 真係...可以講係食羊肉既遺憾呀~_~白飯: 咪白飯囉~ 之後就食埋佢跟既薄脆, 呢個可以講係我最滿意既, 平時食蛇我甚至叫人唔駛畀我, 但今次無講, 咁就TRY下囉~ GOOD喎~ 唔同以前食過都怕既薄脆~ REALLY NICE FOR IT ONLY~雖然薄脆係好香口好脆無油益味, 但...我係去食蛇, 所以... 真係唔會再去~_~ 人人口味唔同, 怕太杰既朋友可以一試~

早幾天再去吃蛇羹(中)，次次d薄脆都好新鮮，又無油益味。今次癮唔住問老闆娘：羊腩為何不供應腐乳呢？她謂這樣才能真正吃到食物的原味，亦算對煮食物的厨房師傅的一種尊重！如果吃甚麽都要下醬料，那就是喜歡吃醬料而非食物。她說因為這問題老闆還跟人客頂過嘴呢。另外她們賣的藥材燉湯，的確料足兼夠火候！值得推介！！

我差不多每個月都去食碗蛇羹,蛇羹的用料, 口感同味道都是Perfect Match. 每次食完后都有種滿足的感覺!

To gooder my power of course go eat Snake as well my choose is Snake King Leung in North Point bcos there no MSG as well, tast yum as well snake very soft!Today my choose is set A. One small smake + 1 sheep stew + 1 bowl rice.Snake no need to talk bcos I maked writing beforeTheir Sheep stew very good favour as well strong. There many belly as well skin as well braise very tendered. Source is very strong favour with star anise, szechuan peppercorn as well chu hau source favour as well some red to

是日有點雨，秋風起，沾寒沾凍，最好莫過於吃碗蛇羹，暖暖身子。人在北角，記得這裡有間蛇舖，門面幾對舖，就來碰碰運氣。這裡舖面不大，只有四張檯，有電視送蛇羹，很不錯。入門一陣湯料受藥材的味道，有點對辦了。午市的蛇羹，可配雞或羊腩飯，亦可簡簡單單的配個糯米飯，當然是選後者。這裡的蛇羹，茨底不厚，合口味。蛇湯清鮮，喝不到有多少味精，真的不錯。煲了蛇羹的蛇肉沒有什麼味道，沒辦法，本地十居其九也賣雪藏蛇，有心機煲個清鮮的蛇湯底，已要加分。配蛇羹的薄脆夠脆美味，檸檬葉絲就差了一點，下與不不也沒關係。跟餐的蛇羹是細的，加多15蚊就可以加大；糯米飯不像是生炒的，帶點濕，幾黏身，不過都幾有香味，切粒的臘味及蝦米都下足，沒有欺場。埋單45蚊，吃得飽飽，水準也不錯。行開順腳又想吃蛇的話，還裡也是選擇來的。

25/11(六) 7:30pm開班的第一天,確實忙到一頭煙.到了放工時間,總算可鬆口氣.會合於酒店外等待的男友,不欲多走半步,到了酒店對面的"蛇王良"吃晚飯.甫入店子,昂首一望,看見數排"蛇鼠一窩"的大保酒,頓時教人有點毛骨悚然!不過,對我倆這老饕來說胃口丁點兒也沒被影響,我倆點了套餐$65--大蛇羹,大糯米飯;另要了蛇湯一碗$15.蛇羹--用大湯碗盛上,蛇羹味鮮料足,真材實料,無任何雜質添加,配以檸檬葉及薄脆,相當具水準!糯米飯--食味平實,腊味,腊腸及冬菇絲份量不太多,花生香脆欠奉,而飯粒可做得再有咬口些,不太油膩是其可取之處.蛇湯--蛇湯呈泥色,呷一啖已感覺到濃郁的藥材味,繼而滲出蛇香,喝畢整碗感覺蠻滋補,誠意十足!小店格局,光猛整潔,沒講究的裝修,屬家庭式經營.服務是絕對的窩心,外賣盒用上印有其商號的環保微波爐盒,老闆娘更埋怨時下不少無良食店忽略食客健康,將熱騰騰的食物放入發泡膠盒內,因而分解出有害物質.花費僅$80可嚐一頓簡樸美味的晚餐;這般良心滿瀉,碩果僅存的小店,值得支持!

凍凍地又係食蛇既時候...蛇羹- 打開個外賣碗仲好熱, 蛇肉雞肉份量都幾多, 味道幾濃糯米飯- 唔黏亦都唔油膩, 幾好羊腩飯- 份量唔多, 但羊腩幾淋, ok

炮台山蛇王良，幫襯咗考多年lu。。。揀咗細蛇加細糯米飯,一人前飽死咗。。。都係$42咋！Ｄ脆脆好正，喎尾次takeout都要兩包。。。糯米飯飯考煙韌哦！Goodz!細蛇考足料考考味，呢間冇落味精架，蛇王二反而有,不過如估要食埋膶腸就要去返蛇王二。。。