蛇王龐

Open Now

Now Closed

抵食, 好味, 真材實料. 蛇羹好好味, 糯米飯好香, 蛇湯藥材味恰當有個set都幾抵食 :蛇羹+糯米飯+蛇湯 ($40)糯米飯好大碗, 我0地兩個人再加多碗蛇羹 ($23), 仲有碗細蛇湯送.食完成身真係好暖, 搵日再幫襯先.

今年都17歲..但呢間野我都食左10幾年喇*v*由細到大我地成家年年都至少食一至兩次! (因為冬天先去食)係因為拜完年都會落去食=]老細都認得我地成家..因為大大話話都食左咁多年!佢d蛇羹真係足料又香噴噴! 依家食蛇羹仲有蛇湯送=]以前係冇架-__-蛇羹入面好多蛇肉同冬菰, 雲耳等等..而且每碗都滿寫咁滯 ;) 我唔覺有味精..只食到好香既藥材味..證明係有益=p 食左仲真係好暖笠笠=]年年食..風味依然!老細仲成日上報紙見到佢捉蛇..都咪話唔勁!

超耐冇食過蛇羹...我諗有十年以上了!今日咁凍.. (早上<10度)...最好就係食蛇啦!!同事介紹去lee 間試下...真係冇介紹錯...好好味!!你地睇相就知了...好足料....味道好好!!我食左A餐...有一碗蛇羹一碗糯米飯/盅頭飯一碗蛇湯....全部都好好味呀!! 都只係$40蚊....我覺得係觀塘黎講...係好抵0家啦!!

炎夏將到, 去睇下食開個間官塘蛇王龐收左爐未, 老闆話做埋今日, 過完暑假至開番, 點左碗細蛇羹成為$24, 湯底夠味, 蛇肉夠足料, 唔似銅鑼灣某蛇羹40幾蚊得小小蛇肉溝豬同雞肉, 老闆話佢志在過日神, 賺錢其次, 一定要過到人過到自己, 佢個副關二哥既氣勢令我好欽佩.

天氣轉冷, 吃蛇佳期. 一進店, 就看見報紙頭滿貼, 店主每年皆有出擊, 四處捉蛇, 真是身手非凡.蛇羮, 蛇湯, 加上糯米飯, 此三劍客是很多蛇店的組合, 此店亦有. 叫來A餐, 蛇王龐親自盛上蛇羮, 蛇湯, 看上像兒子的"小龐"就拿來糯米飯. 蛇羹真材實料, 蛇肉足, 蛇湯更是一絕, 鮮美甜甘, 非其他味精蛇店可比. 糯米飯也炒得不錯. 三劍客只是42元正, 請快離開快餐店.說這是區內最頂蛇店, 不誇大.ps 還喝了一小杯五鞭壯陽酒, 真是有點用的..........

上星期天氣轉冷，最好去食蛇。晚上一人經過，就來碗蛇羹 (+蛇湯)，再加碗糯米飯。蛇羹先上，一看，好多料，蛇肉很粗，又有很多木耳和肉絲。之後就來蛇湯和糯米飯，蛇湯不會太重藥味，糯米飯夠乾身，如果可以多 d 料就更好。份量都幾多，結果勉強吃完蛇羹，飯只吃了三分一。之後老闆更問我是否要打包個飯走...以食蛇的店來講，這店都算乾淨企理。可以再去。

剪完頭髮成十點~就同mama去左心儀已久ge蛇王龐食蛇la!^^日日番工番學都行過~岩岩秋風起~想食蛇都好耐~叫左個Ａ餐＄32 - 燸米飯、蛇羹、蛇湯蛇羹好足料!啖啖有送~好香藥味陳皮味~+埋ｄ檸檬草~成碗野唔洗+醋／生抽已經好好味~好好食~蛇湯~好香中藥味~好清~濃香而不膩~燸米飯~係kt食過幾間~我同ma都覺得呢間最好味~ｄ飯唔膩~仲好香好有咬口~!~不過ｄ配料就好少~得幾粒=-=食都一半已經好暖~爭ｄ標汗==好飽~一個餐２個人食好夠~至於服務~唔知個個係咪太子仔呢~完完全全心不在焉咁款~同佢講野好似聽唔到咁==２個人食又淨係比一隻匙=0=拎完蛇羹同蛇湯就算~碗飯同匙羹要由老闆娘拎比我地==環境光猛整潔~其實主要黎食野~環境同服務都唔需要~電話冇電影唔到相T33T

前幾個月已吃過多次了.食暈哂官塘既蛇羹,包括2間蛇王兄(唔會再去),以呢間係最好食的了(雖然都有味精,吃過後會口渴)大:$40細:$22

3月25日12:00替太座到AMP2取回修理好的電話。便走進蛇王彪，一心試碗掛鹿米線，阿叔竟說說午市祇有碟頭飯，便轉到這裡來碗蛇羹。第一啖感到幾杰，但再來幾口，則感覺不同。蛇肉不是一絲絲，亦不是一片片，而是一段段不同種類，已去骨的蛇碌，口感極好。配料木耳、冬菇和肉絲的份量不少，有點點胡椒香味。見櫥窗放了各式各樣的蛇酒，最後忍不住來杯細五蛇驅風酒，藥味香濃，飲完暖氣直達丹田。店內掛滿了剪報，全是老板大顯身手的照片。