裕一品四川雲南米線

Open Now

Now Closed

叫了一个酸辣小鍋米線（中辣），來到碗米線是橙色，一吃只有辣無酸，原來酸就是给你幾片酸菜？餸是白灼一樣，無味，凍咖啡少甜同亞姨話可否加多少少冰，因叫了少甜好甜亞姨用一個不願的眼神無禮貌地收了我杯咖啡，既然甘不想做就回家休息啦！雖然$60不算什麼？但不想煮就不要煮到甘難吃？收錢老闆可能感覺自己態度無問題，好像來吃飯欠你們全部人一樣

講到好食嘅米線，都幾推介呢一間喺長沙灣既裕一品。分店不多，食咗咁多次都keep到水準。每次去到都必食，麻辣雞翼，豬潤，大腸👍🏻佢呢度仲有黑柏葉，墨魚頭，比較少米線舖頭有的。湯底多數會叫，酸辣湯底，同譚仔一樣都係10小辣開始。但係佢個清湯底都做得幾好，食完唔會覺得好口渴🤝另外都好推薦佢哋嘅其他小食：手帕青瓜，蒜泥白肉等。

自從上個禮拜食左次之後念念不忘 食上癮真係😂上次叫中辣覺得辣左d 今次叫小辣就啱啱好雖然食中辣係爽😂😂照舊叫左生竹 芝心丸 芝士腸 都係一樣咁好食下次試下其他餸先另外叫埋麻辣雞翼雞翼同米線比就遜色好多因為比較細隻 無乜肉 又燒得太乾 完全唔juicy麻辣米線黎講我覺得裕一品比譚仔出色但一講到雞翼 譚仔就真係贏九條街譚仔雞翼大隻好多又唔會太乾下次食裕一品都係專心食返米線算話說原來過左幾年疫情裕一品全港得返長沙灣同筲箕灣兩間分店有排葵涌返工成日食佢 原來葵涌分店已經執左好耐希望長沙灣呢間長做長有啦因為麻辣湯底真心掂唔洗成日淨係得譚仔😂

好食!! 似譚仔但好食過譚仔湯底厚身d 濃d 又香d叫麻辣中辣會比普通譚仔中辣更辣不過辣得好香 所以食得辣既人應該會好中意配菜選擇同譚仔唔同好多譚仔無既料佢都有 (當然反之亦然)叫左山根 芝心丸 芝士腸山根好正 芝心丸都唔錯 芝士腸就正正常常高度推薦叫山根!!不過隨米線附送既腐竹就比較硬幾塊痴埋一齊勁厚咁呢樣就譚仔煮得比較好食另外麵質都係 譚仔會幼身d爽口d佢就粗d淋身d檸茶都沖得偏甜未食麵飲會覺得甜得滯 檸味唔夠不過食完辣 d冰又融緊d就會覺得啱啱好好解辣🤣🤣🤣食三餸米線連野飲都只係$492023年物價黎講係超值

長沙灣有一間雲南米線店叫裕一品，呢度既麻辣湯底，好似譚仔或三哥，但我覺得味道更加多層次，而且相對唔會咁刺激。或者你地以為裕一品係跟隨譚仔口味就錯了。如果你生活喺深水埗附近，就會知道呢間米線店比譚仔開得早，而且可以話係元祖雲南米線店之一。至於餸菜，雞肉相對比較碎，但唔會有雪味同腥味。如果你想試下啲特別嘅餸菜，墨魚頭絕對係我推介。首先，米線店相對比較少有墨魚頭，而且只係加7蚊，相當超值。如果你覺得米線唔夠飽，裕一品都有售賣燒烤，而且係平靚正。我首推燒豬仔脾，即叫即燒又大份，叫埋麻辣仲惹味。另外，呢間米線店價錢上非常抵，食兩餸都唔洗40蚊落樓，仲要連埋凍飲，所以你會見到唔少街坊或學生都黎幫襯。如果你鐘意食譚仔或三哥米線，就一定唔可以錯過裕一品啦！

我每個星期日都係長沙灣上堂進修啦.本身今日想去食螺螄粉. 但係點知未夠鐘開門.咁我又趕時間.所以就近 入一間裕一品雲南米線.味道正常 普通 冇咩特別 同譚仔差唔多feel杯凍檸茶 又麻麻地. 雖然我落order 個陣 話少冰. 但係杯野上臺個陣. 我係睇到得3 粒冰溶緊..而杯野係 得甜味同茶味. feel唔到檸檬 我已經好盡力督檸檬. 都係冇咩味…um… 我最後試下食檸檬啦. 唔知咩品種呢.. 個檸檬冇味ge係埋單個陣. 個收銀 我唔知距係咪老細. 定係員工.. 距個樣好似我爭距錢咁. 超唔舒服最終比我感覺 我唔會再食呢間ps： 我重口味

當以前譚x仲未出名既時候長沙灣有好多好味既米線 裕一品就係其中之一 就算而家 耐唔耐都會特登番黎食下 今日食左個大窩過橋米線 麻辣 小辣 套餐有好多配料 同譚x 差不多 味道方面 呢到既麻辣算幾辣 小辣其實都好勁 但辣得黎湯頭有d甜味 黎到大大碗 加埋 d 送兩個人食岩岩好 加左個小食 紅油木耳 佢切到幼身一條條 撈左d 酸醋 一黎幾開胃 二黎可以解辣香草大雞翼 Request 烤得乾身d 因為乾身d個邊就會脆d 而入面d 肉 仲係滑既果然係原祖米線 每隔一排就會想黎食下

話說譚仔三哥同裕一品都係👧🏻嘅童年回憶，三哥就話周圍都食到，但裕一品越搬越遠，真係十幾年冇食過🤣。剛巧米線Group朋友提起，忍唔住買返碗外賣賣回家回味一下😋。🌟腩肉 炸醬 腐皮 10小辣米線先講湯底，比起連鎖店米線湯底較厚實，豬骨味頗濃郁。不過辣度，亦都係比較重手🥵。平時食10小辣冇咩難度可接受，但呢碗湯底顏色係幾紅下(見到好多辣粉沉喺底😣)。餸菜方面，腩肉係厚切冇雪味；炸醬係比較重番茄醬🍅味，肥豬肉VS瘦肉比例大概係3:7，個人認為肥肉比例略有點高，深信多啲瘦肉口感都可以保持滑身。腐皮絕對係呢碗米線嘅重點‼️腐皮差唔多佔咗半碗半線嘅份量，重黃豆味，連自稱腐皮怪😈嘅👧🏻都竟然食唔曬啲腐皮，大家可以想像入量有幾足！

曾經看過一篇報導是介紹裕一品這間米線，一直很想嘗試， 可惜沒有機會。今天有幸經過看到，便嘗試一下。叫了酸辣三小腩肉貢丸，以及加了一份新疆香草味雞翼。米線酸辣顏色有點深，與以往食連鎖米線店的有少少不一樣，猜想可能是用鎮江醋所以顏色比較深，酸度辣度都夠。腩肉厚片軟腍，很有家的感覺。隨米線附送的腐皮，味道也不錯，量也不算少。新疆香草味雞翼是用烤的，外表乾身香脆，內裡肉質鮮嫩，是不錯的。大家經過不妨嘗試下 。

話說第一次食黑柏業（其實仲係第一次見識到🤣）就係裕一品而接觸到個陣先知原來黑色既柏業係咁好食雖然黑蚊蚊咁但係比平時見到白色更爽所以每次到裕一品都會叫黑柏業裕一品因為係讀書附近所以真係由細食到大係另一間鋪食到呢間鋪我真係好鐘意呢度既湯底今次就叫左黑柏業+豬大腸米線 中辣米線煮得冧左啲， 豬大腸勁入味食小店就係有種人情味係度老細係十年如一日咁親切啲姐姐會係落單時同你傾兩句可能因為咁，就算住得吾近都會有心掛掛耐吾時都會特登搭車去食

十年前左右，小弟仲讀緊ive，喺長沙灣讀，第一次真正接觸叫餸米線，就係呢間裕一品，當年譚仔仲未做到好大，分店未有依家咁多，裕一品仲係有力一戰，但依家冇啦，實力分野已見到...閒話講完今日再去長沙灣總店，鋪位搬左，但老闆依舊戴住個腰包，講嘢語氣冇變，落完單一定講：「睇下張單有冇錯，廚房照單煮」一陣莫名的感動。有時食野係食回憶，味道反而其次。我叫左豬潤、魚旦同墨丸，3小麻辣裕一品陣麻辣味係有別於譚仔or三哥，點講啲，陣味係出啲、立體啲。係豬潤太薄，過熟魚旦同墨丸正常水準同埋個米線唔會煮到爛，彈口架三隻麻辣雞翼$19，我鐘意啲雞翼唔好過大隻，呢隻size剛好，皮係脆，陣陣麻辣香凍檸茶都有水準

我勁鍾意食米線，今日想介紹呢間開左好多年的，其實都有分店的裕一品。長沙灣呢間起大街，好易搵。我幾鍾意呢間米線的麻辣湯，味有d似譚仔的麻辣，但就濃味D, 不過呢間米線的送好少，有時哎幾拼，覺得好唔抵。墨魚丸我覺得幾好味，但哎雙拼先得3粒，好細粒，豬腩肉太肥，薄d會更好。不過反而他d小食好平，有d十幾蚊就有，朋友哎的肚絲幾好吃，好幼。今次仲試左$28口水雞肶，估唔倒超大隻，但有d雪藏感覺，味道還可以，咁平可以一試。

呢日同朋友行去元州村嗰邊食lunch，行嚟行去唔知食乜，終於見到第一間食店，係米線舖嚟就入去啦，因為已經好熱。一入去發現好彩冷氣充足，又坐得闊落👍。睇下有乜食先，主要都係大路嘢，一款$5餸米線就$29，飲品另加錢。另外亦都有幾款$12小食。我同朋友都唔食得辣，叫咗清湯，比落單呀姐笑我哋渣😑🤣。等咗陣就有嘢食，我同個朋友會share啲餸食，我要咗墨丸米線($30)，因為墨丸係$6餸，所以要加$1...。嚟到見到碗粉第一個反應係有無搞錯，得3粒墨丸😡，夠邊個食，都算。飲一啖湯先，真係嚇親我，因為勁鹹，但就咁食米線就唔覺嘅。米線就普通料啦，正常的，份量都多。至於粒墨丸，咁矜貴吖喇，食完仲嬲，因為粉到不得了...。唉明明係入貨都入啲咁難食。我朋友就要咗雞肉芝士腸米線($35)，芝士腸就有四節嘅，味道正常。而🐔雞肉呢，就碎濕濕到一個點，見到都唔想食，我朋友夾唔到比我咁濟...，而且啲肉亦無厘味道，唔掂囉👎🏿。不過呢到唯一可取就係佢啲配菜算多，有芽菜、腐皮同韭菜，如果有邊樣唔食就預早落單時講定。總括嚟講，米線舖嚟講佢都算幾差，因為都好難會唔好食，但佢啲餸同湯底都好唔掂，唔知辣湯係咪會好啲啦😟。價錢

好耐冇食過一間米線咁用心做小食，除左比較大嘅連鎖米線，深水埗仲有裕一品不可錯過。原來有20年歷史之久。豬大腸嘅紅油勁吸引我，麻油帶微辛，好好咬，開胃之選。雞皮串好好好脆！12蚊好抵！有d似腐皮卷，雖然好Guilty！但一見到忍唔住，咬落好香口。雞翼兩款口味，20蚊！鹵水比較入味多汁，四川麻辣就脆口刺激。當然唔少得四川米線，10小辣俾我舌頭嘅麻痺感好正，又不失清甜湯底味。配料有少有嘅生根~每一樣都用心整，雖然位置唔多，但都坐滿人客。非一般連鎖做到，下次一定幫襯。

經過深水埗想食米線都有好多選擇，今次就試吓裕一品，我叫咗豬腸同腩肉3小辣，我覺得個湯底都唔錯，一d都唔油膩，豬腸都好淋，一d都唔韌，腩肉肥瘦適中，味道咸咸地，都唔錯，佢地d餸都幾多選擇，下次可以試吓其他款式