裕一品四川雲南米線

Open Now

Now Closed

食了近十年譚仔，由三哥未分家前巳幫襯，無它，只因佢在我心目中還未遇到對手，以往甚麼雲桂川、巴蜀、景霖、金源、新富盈等全部唔入流，直到上星期偶然在長沙灣碰到「裕一品」，無論口味，賣相，件頭都一模一樣，重以為譚仔又再分家，細問之下，老細話佢哋係元祖級，開分店時譚仔重未上位，結果我一星期食了三次。頭兩次都係兩餸米線大辣，黑百頁加雞肉或黑百頁加竹笙，点解叫黑百頁？因為第二家無，而且黑百葉來貨貴，但喺呢度加4蚊就有。可惜第三次就玩完，啲伙記話近排都無貨返，可惜，可惜。今次叫了雞肉豬皮大辣，味度点？咪同譚仔一樣囉，但就平啲，麻辣又唔洗加錢，又唔會多人。

裕一品好多間我都試過晒,但 呢間 裕一品 係新開的就去試下,入到去叫左碗(過橋米線),餐牌就寫住 37蚊 的,凍飲+3 總共應該是 $40 蚊,但佢打給我張單就寫住 $38 +3 碗野多左 $1 蚊,但我在其它分店食過好多次 都係 $40 蚊連埋凍飲,但佢就要多收我 $1 蚊雞....搞到我 $40 蚊都唔夠找數,多 $1 蚊雞算數,費時搵佢地理論晒口水!!碗野黎到 份量跟其它分店差唔多,味道也係差唔多,但就多左幾片黑色的黑百葉...其它分店冇架喎,怪怪地老實講d野食就一般啦!!大大碗一次整出黎就是大雜薈,大雜感、大兜亂、一鍋熟、內類就(靴濕濕)...呢碗野勝在夠份量及餸菜夠多...順便一提,呢間 d 辣度比較輕手,叫同樣既辣度級數,覺得冇咁辣,北河街過間就重手好多,中辣都辣到噴火咁制..哈！