譚公道小食(初記)

Open Now

Now Closed

看到這些舊式店都以為很美味，那麼我就去買了10蚊三件，可惜一吃進口就很後悔了，之後忘記了又有過第二次經過也買了吃，可惜仍然是不願意想再食第三次了，味道真的很一般，真的不用試，大概可以填飽肚子的，價錢是便宜的啊，矮瓜，青椒，炸雲吞，平時都是食這些類，其實很難炸得唔好食，但真的是唔好食都無計，而且店舖外表也不是很清潔那一類，就是很懷舊的一類，我也不知道為何經營多年都沒有進步，應該都是貨品來源的關係吧，哈

一分錢一分貨，魚肉似用了大比例的粉，食唔到魚味。又可能是老闆比咗啲已經攤凍的三寶我，所以唔好食。我有要求比啲熱嘅，佢話買十蚊嘢，唔好咁多嘢講，買就買，唔買就走，超冇基本禮貌。其實你比啲凍嘅食物（由其是炸物）係會影響味道的，自己倒米。由於價錢比較平，所以唔好對食物有高要求，只是俾佢激親唔抵。其實香港不是只有你有三寶賣，雖然獅子石道太子道口果間貴小許但係味道好好多，而且一定比新鮮炸出來的，這是老闆對食物質素有要求！唔使客人要求。

上次上網睇到呢間係全港三寶十大其中一間，於是滿心期待同老公去食，叫咗魚蛋豆腐紅腸每樣廿蚊，食落口即時d咗一聲，有冇攪錯😤佢啲所謂嘅魚肉全部都係粉，我相信連一成魚肉都冇囉，仲有淋滋滋，我叫阿姐幫我翻炸，炸完行十步左右上車食咁都可以淋曬，賣相係幾靚㗎，但係一食落口就知佢咩料，我老公邊食邊鬧，話佢啲魚肉仲衰過ssp 囍囍，仲話以後唔會再幫襯，所以上網嘅嘢不能盡信，我就係咁比佢呃鬼咗😢😢😢😢😢😢

晚饭时分路过，在对面马路看到店外有不少人在买东西，原来他们都是买煎釀食品。价格是12元有4件，自由配搭，不少人买几十元回家加餸。看见店员不仃把炸好的食物拿出，总共有六至七种不同的选择，最多人买的是炸醸豆腐，但到我落单时已经卖完了。店另一边卖鱼旦、墨魚、猪皮等等，但相对下，买的人较少。买了青椒、魚肉、红肠和香芋4种煎釀食物，其中的收鱼肉口感较差，粉太多而少了很多鱼肉味。较为好吃是炸香芋，外层的炸粉不厚，能吃到芋香。至于红肠和青椒，味道正常，它们都是刚炸完不久，吃时加点豉油更好味。

連續有兩個朋友話呢間野好好食～又咁岩經開呢頭 雖然本身好飽 但都唔想錯過呢個機會試一下同老闆傾左陣計 佢話每朝佢都親手整魚肉 因為出面買既 一定唔好食 朋友們力推魚蛋 我叫左魚蛋 茄子 豆腐同埋墨魚卷的確食落同坊間既係有啲唔同你會食得出佢係好新鮮 唔會好似出邊咁樣翻炸又翻炸 或者係用啲千年油咁遺憾嘅係佢魚蛋入面係有洋蔥(個人唔食)😥$12蚊4舊 價錢ok啦😉 老闆話平時會開到晚上11點至12點而每隔一個星期日都會休息想去試嘅朋友就要留意喇 避免摸門釘

煎釀三寶是香港的地道小食，掃街首選。土瓜灣初記(小食)的煎釀三寶，炸得非常香脆口。老闆每朝都打鯪魚肉，加入葱及洋蔥粒，所以魚蛋特別香口，茄子丶豆腐及青椒，都係必食。炸大腸就略嫌乾咗啲，其他的炸物都非常出色。如果堂食，由於疫情關係，由以前不銹鋼碟只轉為紙碟，保障食客的安全及衞生。

三寶非常抵食既老店，不過炸雞脾同炸大腸麻麻；另一邊串串d醬都正，店員都做左好耐，但唯一可惜係好藍.....黑白是良知，應該唔會再幫襯lu,唉,洗腦tbb害人不淺

唯一有魚味的彈牙炸魚旦，呢間我由細吃到大，算是老街坊。食過此家之後就唔會再幫襯別家。魚旦帶洋蔥香，外脆內彈。我由多年前嘅5蚊4粒食到今時今日嘅12蚊4粒（唉！今年又加價嘞）咁多年水準還是一樣。每次放工回家途中，都會先吃4粒頂一頂肚先回家吃晚飯。路過土瓜灣，真的要試一試。

成日見到有人話呢間嘅煎釀三寶好正🙈仲話炸魚蛋係必叫😛.店員會幫你翻炸啲煎釀三寶，所以食落係超熱辣辣的😆豉油就自己鐘意落幾多就幾多😄平時我不嬲都唔算鐘意食魚蛋，但煎釀三寶嘅炸魚蛋又唔同講法🤤唔知係心理作用定點😂我覺得呢到嘅炸魚蛋又好似真係好食啲咁😂😂煎釀三寶嚟講十蚊四件其實唔算特別平，但咁啱經過嘅話都可以encore，esp炸魚蛋😝見到其他人買煎釀三寶會成盒成盒咁買😂呢到仲有燒賣魚蛋雞脾炸大腸等等小食賣㗎！.PS 我見到其他人即買即食會係用個不銹鋼碟裝，我諗應該要特別同店員講聲先會用碟裝？🤔我都係買完就即刻企喺街邊食，用碟裝其實好過用紙袋同膠袋🙈

從小到大， #煎釀三寶 🍢我比較喜歡魚旦。有天跟男朋友漫無目的地散步時，經過《譚公記小食（初記）》，男友大地推薦我要試一下這店的炸魚旦，十元四粒，有點貴💸。 #炸魚旦 的確很有咬感，口感很立體，每啖入口都軟Q彈牙，紮實有韌性。😋而且流量很高，保持得到每粒都好像剛炸一樣！😎大推大推！👍🏻🔎 http://fb.me/imLaurierLaw.hk

呢檔喺土瓜灣唔知幾多年嘅煎釀三寶堅厚切，真係真心抵到暈！雖然魚肉比以前少咗dd, 但釀落嘅食係都依keep住做呢個size，大啖食真係好滿足，仲有少見嘅炸尖椒（青嘅，有時會撞正勁椒嘅）。想返熱又會幫你炸一炸先。

初記三寶，香港人唔會陌生。九成九香港人都會食過，仲要係每區都有一間係左近！但是，次次都能食到熱辣辣嘅三寶，就唔係間間做到！唯獨，呢間做到，點解：一，老板每次炸食物不多，保持熱度。二，好多人好多人買嚟食，所以老板相隔好短時間，又要炸過，熱力就能保持。三，指天椒，只是半熟。有客人要，不論多舊或是一舊，老板都必定要幫你，反炸整熟佢！呢個必定是熱辣辣！除了三寶，仲有雞肶，雞亦，這都是炸到半熟的。不過，我覺得呢幾樣唔係太好食。雖然啲雞肶，雞亦剛剛炸熟，但是火喉太猛烈，啲雞肶，雞亦炸到太硬！唔係太得。

譚公道小食，呢間小食店係譚公道已經有幾十年歴史，係附近都出名，雖然除了煎釀三寶之外，還有炸雞肶、咖哩魚蛋等等，不過都只是普通貨色，不值一提。多年幫襯，由於百物騰貴連煎釀三寶，現在都已經十蚊四件。🍆茄子－茄子炸得幾淋，連埋魚肉一起吃，都算幾好味😋😋😋青椒－沒有去除内𥚃的子，所以都幾辣，釀在內面的魚肉都辣辣地😜😜😜整體味道都可以，不過如果唔鐘意太油，就會幾肥膩了，因為唔係煎而係炸。😅😅😅

這間在土瓜灣區已經有好耐歷史，我初來這裡，它的價錢是五蚊4件，現在是十蚊4件，而係幫襯的人都沒有減少，六、七點最多人，因為未到食飯就先吃幾件填肚。這裡的炸魚蛋最好味，因為有少洋蔥粒，食落彈牙。

前晩同朋友去土瓜灣食雞煲，響停車場泊好車一落街，嘩，陣陣炸味飄過，成條街香哂，一路沿氣味行到街頭，終於發現源頭來自呢間食店。 雖然開飯前即，但香味實在太誘惑....店鋪小小，一邊有咖喱魚蛋魷魚，另也有煎醸三寶及(???淺色的😮鹵翼同鹵...肶😲???), 晤通香味係三寶？不過見D肶好大隻，肉質嫩身，都試下啦，點知阿姐將隻鹵肶放入油鍋🙄😰心想唉..中伏了，鹵完再炸 = 乾貨。不一會，阿姐撈起隻肶，叔叔灑淮鹽，☺️😌😊ummmm⋯好香啊，係呢隻味喇，一口咬落去😳😧😱😍😝哇，個皮無炸粉且脆喔喔，肶角第一啖有少少肥羔，雞味甘香，D肉啖啖嫩滑，好吃到不得之了連相都影唔到了.....l will be back😜