豐原

Open Now

Now Closed

除特飲，午餐包凍/熱飲豬軟骨肉燥飯 $60（圖中的飯是小飯）因為豐原的飯量好足料🙌肉燥都多有半隻滷水蛋豬軟骨都充足嘅鮮菌雞球滑蛋飯 $52滑蛋有蛋香、唔算好油。真心滑。少量菇低頭不是炸、似親子丼的滑雞，肉量都至少半個手心豬骨湯米線，蘿蔔+雞扒（$12） $56煎雞扒可以同店員講另上，因為我唔想煎雞扒啲油浸入湯蘿蔔4大嚿配料：菜和肉碎（含肥肉）下次我會叫佢地走肉碎店員有禮貌埋單只係接受現金和八達通環境乾淨、衛生、明亮

最近每次經過都見這小店都座無虛席，相信一定唔會伏。午市時間需要等位，要等三要枱，很快就被安排入座。點左😋雞翼肉燥飯 ，意想不到的是… 份量很足，一共有5隻雞翼，性價比極高。而且味道很好，肉質嫩滑，肉燥味道微微偏甜，❤️是我喜歡的味道，配飯一流。另外紅燒牛筋腩刀削麵也十分驚喜😍，湯底微辣帶少少甜味，幾特別。除了牛筋牛展份量十足，還有紅蘿蔔 白蘿蔔 酸菜 生菜 等配菜。值得再來👍🏻👍🏻👍🏻👍🏻

#港女覓食到屯門今日去食下屯門住宅區嘅小店，去到餐廳都幾滿座下，排左一陣隊就有位了。✨紅燒牛三寶麵 $70牛三寶: 牛肉牛筋牛肚，每樣都好入味、夠淋，食落唔會痴牙。而湯就咁飲都得，唔會太重味，麵食落彈牙口感。✨XO醬海鮮炒飯 $62佢地嘅炒飯係用珍珠米，睇得出係粒粒分明，而海鮮都足料，有蝦、青口、墨魚仔、鮑片、蟹柳，更重要嘅係XO醬係佢地自家製的！如果覺得唔夠可以問佢拎多少少自己再落，XO醬好惹味唔會話太咸或者好重油味，食得出仲有香蝦米辣椒味。✨跟餐指定送嘅凍/熱茶飲品除咗冬瓜茶外，仲有茉香綠茶、蜂蜜紅/綠茶、檸茶/檸水、台式咖啡/奶茶可供選擇。餐廳另外亦都有小食可以再嗌。✨總結人均消費💸：$66/1人味道：🌕🌕🌕🌑🌑份量：🌕🌕🌕🌑🌑服務：🌕🌕🌕🌕🌑 質素：🌕🌕🌕🌕🌑🍴 豐原 (屯門)📍屯門良德街11號寶怡花園地下G33號舖::::::::୨୧::::::::୨୧::::::::୨୧:::::::::୨୧:::::::::#hkfoodie#eat#gathering #food #foodphotography #foodblogger #foodstagram #instafood

今日黎到呢間餐廳食佢嘅雞髀肉燥飯。嫩滑的雞髀肉和香氣四溢的燥肉搭配蓬鬆的白飯。雞脾多汁嫩滑，肉燥帶有一些鹹香味，並且與米飯完美融合，令到每一啖都充滿左滿滿嘅滿足感。呢個飯仲搭配一些配菜，例如粟米同埋滷水蛋。呢d配菜為個飯餐帶來一d額外的風味。當日我仲加錢，飲咗一杯朱古力咖啡，但呢一杯嘢飲，朱古力味唔夠濃，咖啡唔夠香，所以就唔值得大家去加錢試啦。總括黎講，雖然呢個飯無咩亮點，但它的味道和質地仍然相當不錯。雞髀肉嫩滑多汁，肉燥帶有一定的香氣，並且與米飯的口感相互配合。普普通通但不失為一道令人滿意的午餐。

呢間餐廳位於一個角落。周日中午1點，對比附近既餐廳人流算多。大概1點半開始已經好多人係度等位。坐位好闊落，衞生環境都幾好，起碼我成餐飯都無蚊飛過。服務不錯，職員手腳好快。出餐時間都算快。坐耐少少都唔會趕人走。食物選擇多，一到午餐就好多都沽清，特別係小食。最主要係價錢經濟，唔好太大期望，所有野都正正常常。本身想叫牛肉麵，但身邊好多人都食飯，所以都係選擇個穩陣的。豬扒油左d，魯肉味道OK, 不會太咸。汁可以再多dd 。杯珍珠奶茶都係正常的，茶味偏淡。如果想簡簡單單食餐便飯，呢度都不錯。

朋友介紹呢間餐廳，餐牌所有台式食物都係好大路，樣樣都想試。😝😝結果揀左自選麵。1.湯底揀左麻辣，老闆好細心問係咪食得辣，因為驚我頂唔住🤪。結果食到流鼻水🤣2.麵原來可以揀台灣麵，有驚喜喎，軟硬適中，又掛到湯，建議大家試下。3.餸揀左豬大腸同牛筋，豬大腸好厚肉又乾淨，鹵到好入味，牛筋一樣入味，而且炆得好冧。飲料揀咗香芋雪泡，穩陣。朋友話呢間舖中午好多學生幫襯，難搵位。🥺女仔好有機會食唔曬，男友加油💪🏻

去到店舖堂食嘅時候，因為話只有薄荷朱古力雪香，要朱古力雪香嘅話就要叫朱古力雪泡再加錢加雪香。冇問題呀！因為屋企人唔飲得薄荷嘅嘢！但喺網上叫外賣嘅時候因為冇朱古力雪泡可以選擇，只能夠叫薄荷朱古力雪香走薄荷，亦都第一時間通知平台聯絡店舖。自己亦都打電話去店舖。點知店舖堅持，因為沖咗所以就算加錢都冇辦法處理。ok ，冇辦法！完全明白！但嗰位收銀嘅女同事啲態度真係差到呢。。。。去堂食咁多次，其他店員都好有禮貌好客氣。無諗住第一次叫外賣就變成咁。其實見到客人張單落咗要走薄荷，當然係有原因啦。點解店舖唔可以主動聯絡客人處理好，先去沖杯嘢飲呢？冇辦法嘅情況下，只可以掉咗杯薄荷朱古力雪香，再另外俾錢買朱古力雪泡加雪香。

好少寫食評不過遇到好嘅食店，值得鼓勵下叫左外賣雞翼沙嗲牛肉米線裝雞翼嘅紙袋裡面用錫紙可以保溫，又唔會搞到啲食物有陣紙袋味好細心👍🏻米線雖然叫麻辣湯都有好多配菜同肉碎唔係一味得個辣字奶茶好大杯，又唔會太甜👍🏻手撕雞肉燥飯頭兩啖冇特別撈埋啲配料一齊食越食越好味

良德街一帶都好多嘢食，今日想食台灣野，就搵到呢間豐原。店內嘅枱唔算多，但勝在夠闊落，坐得舒服。不過有d位俾冷氣吹到正一正🥶。見佢個Menu ，肉燥飯個section有隻手指公，既然係推介，就試下極具台灣特色嘅肉燥同鹽酥！-鹽酥雞翼肉燥飯 $56 雞翼的確做到鹹香惹味，表皮香酥，而且好乾身，唔會油淰淰，雞肉亦保持嫩滑，肉燥嘅豬肉碎粒粒分明，大小均勻。跟餐送嘅-凍蜂蜜綠茶茶味香，甜度適中。仲叫多左個小食-椒鹽豆角 $28炸得爽脆，食落索索聲。

去咗朋友樓下嘅會所唱左4粒鐘K，唱完之後朋友就带我去食呢間台式餐廳，因為佢成日食。佢推介我食:-红燒牛肉麵 $63台灣麵嘅牛肉係用牛展，肉質好腍亦唔羶，腍得嚟有𡁻勁，湯底濃郁，麵條彈牙，好鍾意佢有好多菜，唔會淨係覺得食緊好多肉。朋友就叫左:-生炸雞髀肉燥飯$56雞皮炸得好香脆，雞肉亦保持嫩滑，一啲都唔鞋。睇相好似唔係好多肉燥，但其實係足夠撈曬啲飯。半價轉珍珠奶茶$9唔會好甜，好大杯，珍珠亦QQ彈牙。

最近呢區開左間新台灣嘢，lunch過黎試試。1. 豬骨湯拼沙爹牛雞扒新竹米粉 配蜂蜜綠茶 $502. 豬骨湯拼沙爹牛米線 配台式咖啡 $38本身以為豬骨湯好清淡，但其實佢加左蔥油肉燥，再配埋沙爹醬，湯底都唔錯。 沙爹牛好香，另我諗起以前細個係戲棚買沙爹魷魚個個沙爹醬。 麵份量正常，再加上叫左兩份肉，食到好飽。台灣咖啡奶味香濃，仲要lunch包埋，抵食唔錯。

✨誠意台食 每日限量✨夜晚7點幾落街搵啖食，又有一間新舖開，梗係都要試試佢啦！門口已經有一堆人等枱，等外賣。我都快快手排隊等食。一路等一路聽到話唔同配菜已沽清，好似好受歡迎咁。更加有d 期待。~~~~~~~~~~~~~~~~~~~~~~🔷麻辣鴨血配牛筋 + 蔥油肉操拌麵熱辣辣送上枱，大大舊鴨血已經吸引住我！影完相，即刻試食鴨血先！咦...無咩辣味嘅，以為我食錯，明明有麻香味架，店員話我知，原來係呀佢地特別調制出黎架，令到食唔到辣嘅朋友都可以食到。幾細心嘅， 不過食辣嘅朋友就會覺得有d唔過癮啦。試下個牛筋，炆到好淋，而且五香味好重，好多台灣嘅味道！！！好鍾意，店員仲十分推介 “紅燒四寶面”話係呢間嘅招牌！每日嘅4，5點道出賣晒～～～真係要lunch 黎先得呀！而個肉燥都唔係平時見到嘅滷水顏色，而係見到肉碎，香菇，無平時見嘅肥豬肉，反而輕盈啲冇咁油膩佢跟餐嘅嘢飲係冷熱同價，而且佢嘅飲品都好快沽清，要有多d 選擇就要5點前黎啦！食物上完之後，會走黎睇下有無漏單，問下你意見咁，係幾有heart🤙🏻🤙🏻~~~~~~~~~~~~~~~~~~~~~~~~👅味道 🌕🌕🌕🌕🌑🌻環境 🌕🌕🌕🌑🌑🐋服務 🌕

大家都知道屯門建生係特別多嘢食，呢間台式餐廳一眼就吸引咗我注意力，所以就搵日去咗間餐廳度試，果然係冇令我失望(｡ì _ í｡)麻辣鴨血豬軟骨粉絲（小辣） 份量好多，本身望落去以為會食唔飽，點知食落其實都幾飽肚 衰鬼～鴨血唔腥，冇啲奇奇怪怪嘅味道，處理得唔錯，俾咗三大嚿望落去好似好少咁，但其實真係真係好飽 至於個豬軟骨，軟骨嘅部份係炆到淋晒，非常之入味，呢一點我十分之鍾意，但美中不足之處就係佢啲肉質有啲韌。粉絲就係一般嘅粉絲，冇話特別淋，或者碎。至於個湯底都冇乜特別，開頭覺得小辣唔辣，但食食吓其實都有浸麻味，食得多仲有啲口渴。凍冬瓜茶（少冰少甜） 講到台式飲品店可以少得冬瓜茶，講真呢個冬瓜茶一定冇出邊啲手搖飲品咁好飲，但係講到餐廳來講叫佢少甜有少甜，少冰有少冰，仲要冇呃秤，一杯裝到滿晒我都非常之滿意。總括嚟講，呢間野我得閒經過想食嘅話都一定會再食。 食物嘅水平唔差，中上咁上下，如果我住樓上都應該會周不時encore。

原址餐廳拍烏蠅多年終於執🙈最近新開咗間台式嘢，有返新景象～有台式牛肉麵、多款肉燥飯、仲有麻辣鴨血麵😋款款都大大碟、份量夠👍🏻仲有埋台式飲品🧋紅燒三寶牛肉麵🍜有齊牛肉、牛筋、牛肚牛肉軟腍～牛骨湯底濃郁清甜。鹽酥雞翼肉燥飯，非常抵食😋有成6隻雞翼㗎🤪🤪🤪雖然雞翼係細Size，以哩個價錢仲想點吖～🤨肉燥加入香菇好好食。生炸雞髀🍗肉燥飯，大大隻雞髀炸到跪卜卜，裡面肉質依然嫩滑😌👍🏻一個餐仲有埋台式飲品，蜂蜜綠茶🐝蜂蜜味濃👍🏻🐝食完嘢點都有味精味，嚟一杯蜂蜜綠茶剛好可以解解口裡嘅咸味☺️仲有冬瓜茶可以解口渴😋