豐記雞蛋仔美食

Open Now

Now Closed

本來想到尖沙咀吃個下午茶，但半路收到公主急call去shopping, 唯有急急買一厎雞蛋仔邊行邊食。看見剛剛有一底紫芋雞蛋仔剛烘好，便二話不說馬上買了便吃，顏色很紫，外脆內軟，但芋頭味就欠奉了，甜味適中，作為一個填肚的小食，也算可以。

行過肚餓，買左個雞蛋仔。過淋，但好彩無一舊舊粉咁！花生醬有好多，幾好食，砂糖就普通，夾埋唔會太甜，好彩。之後食埋魚蛋，麻麻地，但都有辣味，算可以嫁啦，小食又咁既價錢

說到雞蛋仔，從小街到大街有各或各樣的做法以及不同的口味。香港人品嚐雞蛋仔，最為公認的品質必定是外脆內軟，有香甜的蛋味，帶著陣陣的回憶。但是這間店舖的雞蛋仔，正正就是掛羊頭賣狗肉的表表者。出爐後數分鐘立即品嚐，就算是隨便一家店舖至少都能做到中度好味的程度，但這家店舖的雞蛋仔，可謂連食物都談不上，咬上第一口的感覺，就像吃還沒熟透的肥豬肉一樣，外軟內韌，胶著口腔的感覺極為難受。我個人更品嚐(香芋味，原味)，別說有香芋那種鮮明的味道，我只感受到那種像腐透的蛋液味道，更為我增添對難吃食物的一種認知。而那種服務態度我就不評論了，有興趣去體驗一下吧

🍠香芋雞蛋仔$17-豐記雞蛋仔令人失望的雞蛋仔,吃得大面滿肚氣😓 先講味道, 一早沒期望香芋味會很濃郁,但沒想到真的丁點味道也沒有💩我何不乾脆買件原味來吃😂 再說質感, 雞蛋仔並非即叫即做的, 恐怕已放涼了一段時間, 致口感又乾又硬, 更不要說外脆內軟了😕 蛋香更加沒有, 整體大面只吃到像餅乾一樣乾巴巴, 淡而無味,毫無質感可言的雞蛋仔😓rating:2/10

今日同事請食雞蛋仔...哩間雞蛋仔開左好耐喇！今次第一次食芋頭味！整好後將吹風機吹乾佢, 仲係熱辣辣同埋好脆!唔知係咪天氣凍, 拎到反公司幾步路已經凍哂!反到公司食落去依然好脆好脆! 中間就好夠軟! 好實~雞蛋仔入面都算多餡! 顏色好紫色! 當我好期待既時候~果然佢好香蛋味! 但原來冇香芋味既....

是人行過tst 有點肚餓, 物價高漲一串魚旦已11元。行過見到有名的雞蛋仔只售16元, 所以選了吃雞蛋仔。原味雞蛋仔熱騰騰的, 可能因為預先做好, 外皮不是很脆的, 但中間軟軟的, 還可叫外脆內軟, 不太甜重蛋味。可真不錯, 我會end call~

行過呢間鋪頭，見有人排隊，諗住係好嘢，就買件格仔餅食吓！點知，食完都唔知自己食咗D乜！ 1） 格仔餅冇味，而且顏色非常淺（好似冇落鷄蛋咁）2） 餡料只有少量花生醬同牛奶，糖同椰絲都欠奉，咁就收$15。食到中途，已經要放棄，因為覺得自己只係食緊一團麵粉 相都費事影！

今日出開黎，食雞蛋仔出哂名嘅梗係豐記平時不嬲排哂長龍，今日好好彩，唔洗等得好耐佢有好多味道選擇，原味，朱古力，香芋，芝麻椰絲 通通都係街坊價-15蚊雞蛋仔即叫即製，新鮮熱辣今次叫左芝麻椰絲 味道不太甜，外脆內軟，蛋漿足料令雞蛋仔食落好香，但略厭芝麻椰絲味道不足，入口味道跟原味分別不大，雖然有見芝麻響雞蛋仔之上可能芝麻椰絲炒香會令味道更好，但總體來說，是一間不錯的雞蛋仔經典，外脆內軟且實心，的確沒有幾多間可以做到

同阿妺睇完電影，準備返屋企嘅時候佢話肚餓，就睇下附近有咩好食啦，行下行下聞到陣陣雞蛋仔嘅香味，原嚟系豐記雞蛋仔，但好多人排隊，我話唔想等，但阿妺話好好食，排隊都值得，雖然多人，但都唔算等得太耐，等左大概十五分鐘左右。雞蛋仔聞到好香，有四種味，有原味，朱古力味，紫薯同埋香芋味，我地要左個原味，原味雞蛋同奶香味好濃郁，外脆內軟，新鮮出爐時最好食，好香，下次經過會再買。碗仔翅味道都唔錯，料比較足，湯好濃，有香菇絲雞蛋絲，食落好滑又香，做宵夜唔錯哦。呢間點既魚蛋同其他小食都可以嘅，魚蛋彈牙，加上佢地秘制嘅辣醬，辣得好過癮。

出嚟辦事都忘記已經過左下午茶時間，正餓就聞到香香既雞蛋仔味道，越聞越餓。睇嚟我既下午茶就系距啦。行到鋪頭門口驚喜（平時行過都見好多人排隊），呢個時候無乜人排隊，拿拿淋叫左原味雞蛋仔再要左串咖喱魚蛋，因為趕時間拿住就邊行邊食啦。呢間就系豐記雞蛋仔，距門面唔大，生意卻很火爆。雞蛋仔有好多味道：原味、香芋等等，我個人都系終情於原味。除左雞蛋仔，距仲有賣咖喱魚蛋、魚蓉華夫餅等等。全部雞蛋仔都系現做現賣，香甜脆！！雞蛋味超濃的，食得落的話真想一次食距幾份。咖喱魚蛋，D咖喱夠辣，回味無窮！魚蛋入曬味，好好味吖，仲好彈牙，最中意呢串魚蛋啦！唔系正餐，食距地填下肚系一個唔錯既選擇！

路經TST見到呢間鋪頭排晒隊咁又香噴噴就忍唔住手要買返底黎試下!!有原味、朱古力、香芋...等等既味可以揀~我就揀左原味~$15一底, 對於我黎講唔算平, 但還可以!等左5分鐘我底原味終於有啦, 拎出黎要放響個風筒既風機度吹一陣好貼心喎驚你辣親呀!食落外脆內軟, 正!!!不過最好5-10分鐘食完, 如果唔係就無咁好食!

雖然唔記得影相...但相信其他人都影左不少相架啦~有圖有真相, 自己去睇睇啦同fd 行下街街, 見到呢間雞蛋仔有人keep 住排隊, 又聞落幾香~ 就知一定有點“料“到(⊙o⊙) 跟住就去左排隊~好快就排到我地~大慨5分鐘~ 要左底香芋同朱古力味~~即叫即整~所以係熱辣辣~~聞落已經夠香, 究竟食落係味都係咁?! 一口咬左半粒, 果然係“有料“~!!裏面係熱辣辣既餡~~呢d 先叫真正既雞蛋仔, 再黎就係, 究竟你叫左香芋味係咪真係有香芋味, 朱古力味係咪有朱古力味~?! 香芋個隻, 食落都係有香芋味既, 都幾香, 但試完個朱古力, 就覺得朱古力更有味同埋甜少少, 濃d, 但係兩隻都好好食, 最緊要係佢係粒粒都有餡!!! 同埋價錢都唔貴, 15蚊合理價, 係正尖咀, 算係咁啦~

今天去了香港尖沙咀，再一次光顧「豐記雞蛋仔美食」，購買我最喜歡的美食─雞蛋仔，該店去年已經搬遷了。我最喜歡吃香芋口味和芝麻椰絲口味雞蛋仔，顆顆新鮮香脆可口。只是香芋口味的雞蛋仔，並沒有香芋做餡料，只用上了食用色素，有點兒名不副實，這個口味略遜一籌。希望我再一次光顧的時候，可以吃到顆顆有香芋餡料的雞蛋仔。反而，芝麻椰絲口味雞蛋仔，真的顆顆有芝麻餡料，只是椰絲太少，真的吃不出。

依間雞蛋仔同隔離個貢荼，長期都排滿晒人，唔上吸引到遊客仲吸引到好多LOCAL。今日我襯去銀行入數，又蛇去買個黎試。今次揀左香芋味雞蛋仔，外面少少脆，入面多多餡，其實比起其他舖佢唔算貴，尖沙咀wor。唔講味，佢個樣已經好得人心，食完實大紅一紫。叫香芋，但食唔到芋頭俾，令我有小小懷疑佢係咪用色素溝出黎>< 不過其實佢個味都唔差，一般蛋香一般用料。美中不足係，有D小家，因為粒粒都唔係實心，一半左右係空心， 好唔開心><

本來是想嘗試九龍區另一家有名的芋泥雞蛋仔，惜一直未有機會，不過由於當天太想吃的關係就到了學校附近看似風評不錯的豐記過過口癮！因為到達時間尚早所以沒有排隊的問題，下單後即叫即整，只需5分鐘，還包括了烘乾時間，十分適合趕時間的我！香芋雞蛋仔(3/5): 經過吹風機烘乾的雞蛋仔上手溫度剛好，不過重量過輕讓我有所憂慮。不出所料，整顆雞蛋仔咬下去不但沒有外脆內軟的質感，還有種若然若失的空虛感，看似色水十足卻沒有芋頭味，也只能由剩下那微微的蛋香稍作安慰。雖然由我一個獨自完成，可是肚子的回應仍然是空蕩蕩的，究竟是我變大食了還是它的存在感太弱呢？