財記海鮮火鍋活魚刺身

Open Now

Now Closed

好友聚會當然是…….酒逢知己千杯少今朝有酒今朝醉醉酒當歌……人生幾何❤️坐埋VIP房，舒適享受，自由自在😉————————好耐無嚟，今日同幾個好朋友聚會，大家都諗起財記，開咗過十年嘅財記，水準仍然保持，價錢一樣咁抵食👍👍👍👍👍🥥🐔椰子雞鍋：鮮甜湯底，雞肉滑溜👍🌿芫茜皮蛋：清熱降火，足料皮蛋芫茜，湯夠哂甜😋—————————🪿熱辣辣又好好味的燒鵝，肉嫩滑皮香脆👍🐟炸鯪魚球：又係炸得香脆熱辣辣👍新薑葱撈魚皮👍野山椒浸鳳爪👍手拍青瓜👍炸魚片頭👍蒜香雞軟骨👍瑤柱蛋白鮮蝦炒飯👍————————新鮮爽甜的象拔丯、鮮甜好味道👍🐮手切超靚肥牛…軟熟夠鮮👍🦪日本廣島蠔..大大隻的生蠔，肉肥嫩口👍🐟膳片爽口👍🥟韮菜餃👍🐷日本黑豚肉—👍———————款款食物都咁好，價錢抵食其實開心🥳⋯簡單就在你身邊..❤️食….拍…寫.. 已經成為我生活中的一部份鍾意食..鍾意拍…鍾意寫..留下美食回憶———————-

原本兩個人去食一去到個sales 話一條細象拔蚌$1000左右，我話會唔會多佢話二人細條好少嫁咋。點知其實差唔多三斤幾。超大條。去到尾條數都要成差唔多2000幾蚊呀。問返個sales點蝕佢就黑晒面之後原來有一份叫的。隔籬枱叫了一份 。淨食象拔蚌其他嘢都不用食另外叫了一份椰子雞湯底完全冇椰子味，可以講話冇味

之前試過宵夜餐幾抵食 今日就嚟試下晚餐正常打邊爐有好多原條魚刺身 油甘魚 池魚等等不過無得叫半條就有啲難度 除非好多人食刺身最後就叫咗海膽同油甘魚半份海膽好完整 但有陣唔知係咪唔新鮮 總之唔多討好嘅味 不過只係一百三十蚊左右油甘魚就切得幾厚同幾肥美 唔錯湯底叫咗花膠雞鍋 個湯偏清甜 無咩花膠濃厚嘅feel 啲花膠好碎同埋係爽口同無味嗰啲嚟 有啲失望 不過個湯底唔使二百蚊 起碼啲雞幾有雞味 所以都算ok小食叫咗個魚皮 完全唔係想像中嗰啲夾滑魚皮口感好唔爽脆 個汁都唔夠過癮 所以食唔晒牛就叫咗手切肥牛同金錢展火鍋料叫咗雞子 鵝腸 田雞 蠔 蘿蔔 淮山 萵筍 豆苗 皇帝菜肥牛幾好味 肥肉分佈幾好牛展就麻麻 好韌同無咩味鵝腸夠肥同新鮮 雞子雖然細粒但新鮮 都唔錯田雞都好肥 不過可能同個湯唔夾 無咩味啲蔬菜類都唔錯 唯獨係萵筍刨得唔夠深 食到渣好影響口感五個人食到好飽同叫咗半打啤酒 一人五百左右雖然唔係超級好味 都算價錢合理嘅

第一次黎食，係老公（以前係男朋友）帶我黎食。九年黎，真係黎過無數次，睇住佢由一間變兩間鋪，就知老細賺唔少啦。以前黎食，覺得d野食唔錯，價錢合理，大家睇返d comment, 就見以前既食評，大多係正評。就算疫情期間，有晚市時，我地都黎過幾次。可惜，疫情之後，就真係一路咁差落去。以前既小食，你唔食，佢收返，唔洗俾錢，而家就你唔食，佢收返，都照要俾錢，總之就係要賺到盡。其他野食，比以前細左又貴左。好似切肥牛，3年間就加左4成。如果質素一樣都算，可惜口感已大不如前，更唔好講其他野食啦。人情味都係呢間店既特色。老細以前無論你叫幾多野食，佢都會行埋黎問下野食點，好唔好，總之笑容極佳，但係而家，無啦。

今日睇完男朋友打波，成班隊友話想打邊爐，近近地就去咗大角咀，好多舖頭都冇得walk in但係財記有就入一入去喇，本身諗住坐唔包場質素應該一半，點知埋單每人$300都唔使仲食到好飽 。例牌叫咗兩個湯底，一個辣一個唔辣豬骨湯底，估唔到都幾好飲，係用咗豬筒骨真材實料，蔬菜都唔少，湯頭都唔似味精野。之後叫咗個手切肥牛同埋金錢展肥牛就好食啲啦，整體來講都可以接受有肉味，唔算太肥。最值得欣賞就係呢一個即炸響鈴又鬆又脆又好食。花甲份糧就比想像中小同細

第二次嚟食火鍋，啲嘢覺得好出色值得推介嘅係佢嘅手切牛肉，好鮮嫩而且牛肉味好濃。以佢嘅雞亦都好有咬口，今次叫咗胡椒豬肚湯，啱晒冬天嘅時候飲。佢嘅炸魚皮好大塊，食嘅時候記得要自己整細件啲。

朋友生日，介紹去呢間食，假日最好訂位，因為都幾多人。睇見有款羣翅花膠湯底，即刻叫一個試下。另外有日式刺身可以叫，朋友叫左蝦同埋北寄貝，佢地話幾鮮，我就唔敢中餐館食刺身...食完刺身就上湯底同料，結果有啲驚喜，花膠好多，羣翅都唔少，驚煲到散晒所以食左一半左右(之後食完都仲見到少少翅)牛肉拼盤有唔同款比你試，試岩就可以叫果一款成碟上。 估唔到一粒粒厚身果款最好食，好有牛味又有肉汁又唔硬。其他海鮮都係新鮮既，無話特別驚喜 ，係貴左啲咁。一人六舊水

一坐低有個小食手拍青瓜 係我食過咁多次最好食既😽叫左象拔蚌刺身 好大份 🤤🤤好甜好爽口 好好味🤤🤤之後叫左邊爐碟牛頸真係無得頂夠厚夠嫩就算煮過左龍 都依然好嫩口唔會鞋 就算食到好飽都堅持要食曬🥴店員服務態度都好好環境都夠闊夠大 坐得舒服打邊爐同刺身真係好正☺️已經食過幾次 會繼續幫襯🥳

放寬左6人限聚後，同班老友去打佢個邊爐，實在係最好不過。同行朋友識得財哥，被安排了在角落嘅房間，幾嘈都影響唔到其他人，正！打邊爐最好就係唔使等齊人，一坐低就可以叫定嘢食一邊食一邊等，先來梗係啲開胃小食呀刺身呀嗰啲。我地叫左條章紅同埋象拔蚌，鮮、甜、爽！象拔蚌一條都係$8xx, 真心抵食！之後點左手切肥牛、牛舌、魚滑等等，水準都有中上👍🏿相無影哂，因為都掛住飲，不過就算飲大咗，都仲記得啲嘢好好食😋

大角嘴打邊爐有好多選擇，約左老婆同朋友試下馬會對面既財記火鍋，店員介紹下試下長腳蟹，仲介紹用花雕酒去煮，上台後隻蟹超多糕，蒸三十分鐘後食得，好鮮甜，食完後再order冬瓜雞湯底繼續打邊爐，牛肉新鮮牛味重，仲叫左蝦同大大隻桶蠔，全部非常新鮮。。長腳蟹超坻食

我地幾個朋友10月有3個生日之星..分別3th、6th、9th..多謝兩位好友請我地3星食飯慶祝好朋友為我地安排ge係呢間係大角咀ge火鍋活魚刺身店呢度環境係好地道ge大圓枱..用電子爐ge湯底都有好多選擇..價錢合理揀緊湯底waiter哥哥放左兩碟小前菜~唔知使唔使收錢花雕醉雞鍋 (半隻) $108因為我地想試多d其他野...5個人都係叫半隻雞過下引算lar湯滾落雞..水滾食焗一陣食得食醉雞鍋梗係要飲啖湯試下啦..但係...好！失！望！醉雞鍋無酒味！淡到近乎0 ge藥材味！湯底好淡口...完全係唔合格、失敗囉鍋底唔掂我地係寄望火鍋料...都點左幾多本地手切肥牛 小 $198肉質係合格ge..但本地牛出名係重牛味..呢個無乜日本黑豚肉 $78一d豬肉味都無..淥熟後個味道就好似一片薄切煲完湯d瘦肉咁...........豆苗 $38  午餐肉 $38有得食豆苗..我覺得好開心午餐肉係預設仲要原碟雪落冰格備用咁款..因為完全係成碟痴埋一齊！分唔開架桂花蚌 $98呢個價錢呢個份量..係少左d...但肉質ok ge脆炸響玲 (8件) $48響玲熱辣辣即炸..好食中山脆肉鯇 $48唔怪得之咁平

I have been eating here very often before but today I am super disappointed.There is a client who vomit and spill over to our food and I ask to return the food to them. However the waiter still charge us full price for the food which we returned and when we ask the waiter did not show any sincere to us. Super disappointed for a restaurant that I have been eaten for the past year.

環境唔錯，衛生都好，可惜水都無杯，筷子一對，湯勺，厘都無(可能要問先比)醉雞鍋(半)108 隻雞比較細份量少美國牛88 牛胸爽88花蛤68 有4隻之多(好在無沙)唐生菜30啤酒20*2前菜一碟青瓜埋單HK$514本來叫左碟墨丸，原來漏單，等好耐都無黎取消左2個人咁樣係食唔飽

咁凍個天氣當然要做最喜歡的活動，就是跟好朋友們一起去吃火鍋。我們很喜歡大角咀這個地方，位置方便而且人也不會很多。這次我們選了這一家財記火鍋，他們家的刺身我們之前有吃過的確很新鮮，這次特意再來吃一次。我地叫左鍋清酒煮阿拉斯加蟹。姐姐先在燒香鍋入面的蔥，西芹等再加入清酒同蟹煮，幾分鐘後食伯。呢碟係我認為今晚最好食的，清酒好能夠帶出蟹的鮮甜，比平時酒店自助餐的凍蟹腳好食好多，今晚我食左好多隻腳。味道唔錯，不過有點數量少。應該沒下次。

又一舊同事飯聚，有人介紹食呢間刺身+火鍋店，一聽個名財記以為普通打冷店咁上下，但唔好講笑，真係幾掂。兩碟小吃椒鹽豆腐炸魚片頭都炸到好脆口。以上5 款係我地叫的刺身，有象拔蚌，鱆魚，蝦，海膽，生蠔，幾款都好好食。象拔蚌、生蝦好鮮甜爽口，鱆魚都好鮮甜，生蠔都好唔錯。我個人不是十分好海膽的，但食呢碟都比我一個好唔錯的印象。總之，黎呢間一定要食海鮮。之後我地叫左鍋清酒煮阿拉斯加蟹。姐姐先在燒香鍋入面的蔥，西芹等再加入清酒同蟹煮，幾分鐘後食伯。呢碟係我認為今晚最好食的，清酒好能夠帶出蟹的鮮甜，比平時酒店自助餐的凍蟹腳好食好多，今晚我食左好多隻腳。鹽燒鮑魚, 呢碟又係好食，外面焦香，裡面爽口湯底有豬肚雞湯，雞讓入豬肚內煮，有點似曾相識，可以看看我另一篇《高質邊爐》。湯底好好飲，佢係預你先飲為敬的，飲完再火鍋。火鍋配料有手切牛肉，海蝦與蟶子皇，海斑等，海蝦上枱時仲郁的。整體都好唔錯，呢間都唔平，但呢個價錢有呢個質素係值既，有機會再覆桌。