貴州遵義黔營羊肉粉 (興旺大廈)

Open Now

Now Closed

元朗岀名多好野食～今日星期日落到元朗，緊係唔小得搵下正野食啦🤤. 今次去左食羊肉粉🐏係香港，羊肉粉專門店真係比較少見。呢度除左最普通既羊肉片、羊腩、羊雜之外...呢度仲有比較重口味既部份可以食得到，例如：羊眼、羊腦、羊睾丸、羊鞭湯…羊羊重度愛好者既朋友相信呢度就至岩你啦！😏一場黎到，當然唔少得叫返一碗羊肉麵（$49）食下啦。先飲一口湯底，用上大量羊骨藥材淆製，濃而不騷、清爽甘甜、不油膩。咬一啖麵，麵質頗滑但略為煮久了一點，我比較中意帶小小咬口既麵質😛。 再食一啖羊肉，羊肉份量都唔少，有6-7大片，羊肉切成薄薄的一片片，嫩而不柴，而且無羊騷味～怕羊騷味嘅朋友可以放心一試。🤟唔怕辣既朋友可以加埋生蒜一齊食，別有一番風味。除咗羊肉粉之外，另外仲叫咗牛肉串（$12）同羊肉串（$12），火候恰到好處，表面燒到香脆，內裡依然鮮嫩，再灑上孜然粉和辣椒粉，香氣四溢，羊肉與羊肉之間有一塊油脂，食起黎亦特別滑嫰。好食！對比起羊肉粉&串燒，羊肉肉夾饃（$35一個）就比較普通了一點。包身略烤過係幾香口既，但同時都比較乾。羊肉炒得唔夠香，而且太多油啦，所以食完都覺得有啲漏呀😣

今日路經上址，本來想去附近買碗魚蛋粉，見到呢間門面光身、樓底頗高既食店，作為一個羊控，即刻比佢個店名吸引左。睇下Openrice啲相同食評，好似唔錯喎，買左碗羊腩粉外賣。見之前有食評講佢地用個罐頭型紙碗裝湯粉，今日我買既時候已經轉左用類似譚仔果種外賣碗，中間有個膠兜分隔啲粉同湯。羊腩浸係湯入面，份量唔算多，淋身、好香羊肉味帶少少膻（羊唔膻就唔食羊啦）佢個粉似係米線咁，比平時食既粗啲啲，好滑好易咬開，唔會太淋身但唔係好彈牙果種，我其實鍾意呢種多過平時啲米線。湯頭好有羊味，應該係用羊骨餚製，味道鮮甜飲左好多都唔覺頸渴。我點左小辣，但佢既辣係普通辣椒油，如果想飲多啲湯，辣另上會較好。下次要試下堂食，想試下羊夾饃

又去元朗覓食。今日嚟到一間專門食羊肉粉嘅貴州粉麵店。呢間店幾乎所有羊嘅刁鑽部位都有得賣，包括睪丸、鞭、腦、腰，甚至眼都有！但羊眼太可怕了，我就叫咗羊睪丸同羊鞭粉試下。羊睪丸切開一片片的，就咁睇真係睇唔出係睪丸，而係好似切咗片嘅雞腎咁嘅形狀。食落好腍，唔似食緊肉，因為冇乜肉嘅纖維感，係食到個椗嘅位就爽爽地。至於羊鞭，食落就好似牛孖筋咁，腍滑之中又充滿彈性同膠質，好似好多骨膠原咁，但就冇牛孖筋咁粘口。可能由於呢間店太專業，羊睪丸同羊鞭都處理得好好，一啲異味或者羶味都冇。我諗對於一啲唔敢食羊或者生殖內臟嘅人士，只要唔知呢啲係咩嚟，佢哋都會接受到，仲會覺得好好味。呢度嘅粉，其實係好腍滑嘅米線。而啲湯，可能係用羊肉或者羊骨煲嘅，超甜超好飲，完全飲唔出有味精，所以嚟食粉記得飲哂佢，唔好嘥！仲有，如果想食得地道啲，呢度每枱都有生蒜瓣提供。北方人鍾意一口生蒜一口粉麵咁食，食一啖好辣嘅生蒜 ，再啜一箸麵，未試過就試下，好爽架！仲有仲有，想鍾意食辣嘅朋友可以落單時加辣。想試少少辣又唔敢食太辣嘅朋友可以叫辣另上，咁就會用隻碟仔裝啲辣油畀你。據伙計講，呢度嘅辣椒油係店家自己炒，冇味精、冇防腐劑或添加劑，保證新

舖頭主打食羊同貴州地方美食,羊肉粉既湯底係由羊骨熬制,但個人覺得較淡,而店舖建議要加辣椒油一齊食,嗜辣既我岩哂,而除左麵食之後仲試過呢度既牛排,炸得有D乾,而且份量好少,唔太抵食

呢間鋪頭主打食羊肉，平時都見有唔小人入去幫襯，今日叫左個羊肉串，土豆絲同羊鞭麵。羊肉串肉質鮮味，唔算太騷，愈食愈上引。土豆絲份量合理，辣辣地，好開胃。羊鞭麵就唔係太多地方食到，食入口爽爽地，好得意。食完當然要配番個王老吉啦！

見fb有人介紹過呢間黔營，是日朋友入黎元朗就同佢黎試下，話晒我地兩個都鍾意食羊，應該會啱口味嘅。中午後黎到，店幾乎全滿，但又未去到等位。呢個舖位都好大間，幾高樓底好大空間感，但唔知係咪坐近廚房，個人覺得冷氣唔多夠。先點兩碗粉試試，飲品得汽水個類罐裝野唔多想飲，都係一陣出去飲珍珠奶茶啦，呵呵～枱面上有孜然粉，辣椒粉同生蒜，啲蒜係原粉連衣個種，朋友生嘟左幾粒真係好大陣蒜味呀…自己點左羊肉粉，小辣，望落幾正常嘅賣相。小辣一啲都唔辣，湯底都幾清淡，無乜味亦唔油。米線都幾爽，但份量偏少。羊肉幾鮮味，但得好少片又細塊，唔夠過引。朋友嘅羊腩粉，要左中辣，真係紅好多喎。羊腩好軟腍，層肥層瘦好食喎，可惜又係得好少。整體味道不過不失無驚喜，米線同羊肉都偏少一碗係唔飽嘅，ok啦，鍾意食羊嘅可以一試。

睇返其他人以往對此家店的食評，似乎與我的感覺有很大落差。經過此店外，已被店名吸引了，再看看食材相片及內部裝修，決定與太太入內一試，看看是否遵義的風味。來過羊雜粉，再叫了不少小吃，味道很懷念，因為已很久沒有返內地消費了（疫情關係），結果吃出了國內的情懷，遵義的羊肉粉口味。尊尊的羊製法，放入粉之食材，都是薄薄的，碎碎的，很有羊肉的膻味，好正！最後兩公婆吃到滿枱都是碟，$300下樓，有人認為好貴，我就覺得貴有貴食，平有平食，總之呢間我會扯大隊再嚟食，提起都口水流，好正嘅遵義羊肉！

2021年5月8日(六)豐盛的全羊宴晚餐羊腿棒$68預咗佢骨大，大腿肉沒有油脂的，冇諗過啲肉咁少，肉嘅份量同一件羊排差唔多，唔抵食，都係秘製羊排(2件)$65 最好味，同埋有油脂先至最正羊肉串$12 肉質較乾，羊腸串及羊肚串雖然每串只係$6，份量真係太少喇，浪費咗一支咁長嘅竹枝，膠杯裝住辣汁，沒有蓋的，返到屋企全部流晒出來，不明白為何外賣會這樣包裝，但係湯粉的設計非常之好。羊腩粉$52同上次堂食一樣美味，最令我大開眼界都係佢嘅外賣包裝，罐頭包裝第一次見，一滴湯都唔會漏出。

第一次叫，其實味道不錯，羊肉份量頗多。不過，都收了外賣盒錢，為甚麼唔用正常外賣盒？？用一個紙兜裝湯，冇得蓋實，淨係用膠袋打結，幸好回家時沒有倒瀉，否則架車有排洗另外，舖面地方大，人手得兩個，落單收銀煮食一腳踢，所以都要花時間等待。

少棘羊肉粉味道一般重香港味道，不似國內原味，粉有靱度比較硬少少，羊肉太少又太薄，以這價錢略嫌貴了些，座位都算闊落舒適，清潔度一般，看餐牌食物種類不算多選擇，而且整體感覺價錢都偏貴！

依間羊肉粉好癲😂差唔多所有羊既部位都可以係度搵到😂羊心、腸、羊睪丸、羊腦、連羊歡喜都有⋯我就食返普通既羊肉粉已經好滿足💓.牛肉粉🐮$47牛肉鮮甜👍🏻👍🏻建議一定要配粉（唔好揀麵）粉個質地好搞笑～好Q彈又好掛汁.羊肉粉🐑$47份量都算大碗，女仔一個人都夠食👍🏻我叫左小辣覺得辣左啲～但食落都幾過癮😂～羊肉好香好香～超濃既羊肉味但唔會好騷🤩正呀～.另外叫左啲麻辣串串 $5起有一串覺得可以唔洗叫😂因爲feel到臨叫先浸落啲辣汁度～變相唔夠入味（如果可以醃落啲就perfect啦🥲）.羊肉串&牛肉串 $12@1羊肉燒得好香～醃得好惹味～超香口😚.食羊之人千祈唔好錯過依間舖🤪下次想試下食羊雜粉💛

家姐話有新店，今日過來試新嘢羊肉粉$47職員問要乜嘢辣，因為想試佢個原味羊肉湯，要求左辣油另上，真係萬幸，好在冇加辣油在湯內，否則就嚐不到羊肉湯的鮮甜，辣油只是一般在粉麵檔桌上的普通貨式，辣油唔要冇損失，加左就等同老火湯加辣油（純粹個人口味）秘制羊排$65排骨位，有肥有肉，加上辣椒粉，惹味可口，唔食得辣，記得叫走辣粉羊肉夾饃$35/個麵包煎到脆脆，外脆內暖又軟，好美味道手撕雞蛋餅$25正確寫法應該要係，手撕雞蛋·餅，味道OK嘅。涼拌羊雜$58上文都有提到佢嘅辣椒油，只係普通粉面鋪的辣椒油，所以呢個涼拌羊雜，冇乜嘢驚喜，樣樣有少少，叫做試吓味。

完成體檢正值下午6點，下午茶時間已過，見到一間『黔羊肉粉』貴州菜試業，又好 試下。新開的關係非常明機潔淨,環境闊落 不擠迫，樓底也高, 鮮風足夠。這個時間不用等隨便坐。服務員也殷勤熱情。第一次光雇當然點招牌羊肉粉 $47碗多種辣度，我選小辣，期望嘗鮮嘛！碗是夠大的，賣相與菜單上的圖差不多羊肉片沒羶味， 肉片薄，量不多。粉似米線,量夠，煙韌彈牙,不錯因是小辣，我要加點辣粉，桌上有呢....白色是塩，中間是紅辣椒的磨成的，另外一個是青椒粉（服務員說是自家制）非常麻 正原來還有一碗生蒜粒，我的桌看不見，離開時才看到隔桌有再加點了羊雜串及烤羊串羊雜串是以部位計：腸肝心肚肺，我點 各一串。嘩！每串$6 只兩小塊像尾指甲大小上桌即食，已涼了！不像餐牌圖有湯浸影響味道也一般，算貴！再來烤羊1串 $12孜然粉夠多 食落也香口 找數暫只收現金（試業吧！）不過收銀姐姐心算不精， 收我$92！後註：餐牌上有些特別風味眼 鞭 腦 腳 睾 胎，或許下次試試

慕名而來 換嚟只有徹底失望第一次食到一餐只有滾水味的特色「美食」嗌野食齋坐8個字連汽水都冇上到羊肉粉完全冇藥材湯頭味 辣味唔香 失敗烤羊肉又唔香 啲肉又散 又冇孜然香 難食野食等足八個字都未到 失敗羊雜冇用湯頭飛水 淨係得滾水味 失望木耳又唔爽 一舊舊 失敗呢幾年嚟第一次食到成餐都係冇樣掂嘅野最掂係罐汽水最慘係 嗌乜都賣曬開24嘅鋪頭乜都冇得食有得食嘅就好難食本人極不推薦一個人幫襯左百幾蚊最後換嚟嘅冇貴州風味只有滾水風味