越南老街

Open Now

Now Closed

無意中發現呢間位於筲箕灣越式小店，餐廳裝修充滿越南風情，平民價錢又有質素。我哋order咗2個主食，飲品均可享半價優惠。碳燒香茅豬扒飯越式蒸蛋 $68香茅豬扒醃得夠味，外脆內嫩，仲有陣陣嘅炭燒味，與普通豬扒相比別有一番滋味。越式蒸蛋，內有粉絲、木耳、D蛋非常嫩滑。(凍)椰子咖啡 (+19），椰子和咖啡都係越南特產，兩種加埋喺絕配，店家調制得啱啱好，夠濃郁好好飲。黃咖哩牛舌牛筋飯 $78牛舌有8件，肉質口感鬆軟。牛筋都唔少，有滿滿骨膠原，非常嫩滑。黃咖哩味道濃郁，配個白飯，好快食曬。青檸梳打 (+19)，用上新鮮青檸制成的，清新又解膩。蝦餅(4件) $48一碟有4件，炸到金黃色，十分鬆脆，蝦味十足，點埋泰式甜辣醬，惹味又好食。臨記格仔餅配芒果藍莓忌廉 $48格仔餅係即叫即做的，賣相吸引，底層放咗香甜忌廉，面層有新鮮芒果肉和藍莓，然後淋上朱古力醬，多重口感。總結:雖然店子細小，但服務員殷勤又有笑容，讓客人感到舒服。📍越南老街筲箕灣南安街93號鯉景大廈地下A號舖

唔係朋友帶路，唔知道筲箕灣內街有間高質素的越南餐廳；唔入去食越南河粉，唔知道餐廳有天后嘅臨記格仔餅。餐廳細細，一眼望曬，可是出品甚佳，價錢還好親民。🏅豬頸肉沙嗲串（$72）🏅馬拉盞炒芥蘭苗（$56）🏅生牛肉湯金邊粉（$78）🏅汁燒牛肉配扎肉撈檬（$68）🏅臨記格仔餅配自家製花生碎煉奶及花生醬（$48）豬頸肉厚切成方塊，爽彈得來帶點嚼勁，本身已好入味，蘸點酸辣的沙嗲醬則更香濃。馬拉盞的蝦米、豆瓣醬、薑、蒜和辣椒結合起來夠曬鹹香又唔會過鹹，芥蘭翠綠爽脆。呈粉紅色的生牛肉夠嫩滑，金邊粉爽滑，湯底夠熱又鮮甜，不肥不膩。撈檬的汁燒牛肉鮮嫩多汁，扎肉是難得的厚切，很好吃。厚身是臨記格仔餅的特色，花生碎很脆，花生醬很滑，還有小碗朱古力醬，抵食。

今日一早拎野去筲箕灣比朋友，朋友知我未食早餐，同我去附近餐廳食。越南老街裝潢簡約，主打地道越南菜。早餐：漢堡扒湯檬：漢堡扒肉味濃，湯底香甜，檬粉爽口。配香脆可口嘅蒜蓉多士和滑蛋七喜午餐炭燒香茅豬扒湯河配越北油條：豬扒係厚切，炭燒至金黃色，食落滿口炭燒香味，肉味濃郁，唔會鞋口。河粉滑溜，酥脆油條吸收湯底味道更具層次，惹味豐富，百吃不厭。越南炸春卷:以越南特有的網狀米紙卷成的春卷，經油炸的米紙帶有脆脆的口感，饀料豐富，食落不會感到油膩。蝦餅炸到金黃色，蝦肉新鮮口感彈牙，再配上甜酸醬夠晒開胃。凍奶茶喝起來茶香味濃郁，喜歡茶味的一定很愛。臨記格仔餅配自家製花生碎煉奶及花生醬：格仔餅即叫即做，十分脆口，塗滿煉奶和花生醬甜而不膩，加添花生碎可增加口感，

好耐冇嚟筲箕灣，今日嚟覓食，發現新開越南餐廳，價格相宜，就入去試下～我地叫左火車頭湯粉，超足料，生牛肉、熟牛肉、牛丸、牛柏葉、牛筋。湯底好濃好夠熱，牛肉份量好多，牛味濃，牛筋炆得好稔，牛丸好彈牙冇羶味碳燒泰式豬頸肉，外面燒得少許脆，中間好juicy，點埋醬汁好惹味越南炸蝦餅，即炸蝦餅，熱辣辣，唔油膩，有口感，咬得到粒粒蝦肉，已經好耐冇食過咁好食嘅炸蝦餅🤤蒜蓉炒芥蘭苗，好清爽，唔會過鹹，唔油膩，芥蘭苗幾嫩幾甜👍🏻玫瑰荔枝梳打，叫湯河半價加配，又幾抵飲👍🏻我實在太貪心😂忍唔住叫多份 臨記格仔餅配 香蕉藍莓忌廉，格仔餅外脆內軟，配香蕉🍌同藍莓🫐➕忌廉，甜而不膩，份量剛好😋整體來講，主食小食同甜品都好有驚喜，又是滿足的一晚😋😋

喺筲箕灣諗唔到食咩好？可以去試一試呢間越南菜，近街市嗰頭，位置會偏少少，但都幾受街坊歡迎！主打傳統越南菜式，米紙卷、檬粉嗰啲，叫主食類可以半價加配飲品，幾抵食，唔怪得咁多街坊支持！------------------------------🌯◖汁燒牛肉米紙卷◗ $98汁燒牛肉甜甜地，每舊都包住幾片牛肉同沙律菜，幾足料！建議淋埋佢哋自家製嘅酸甜醬汁，一啖食落去好滿足！🍲◖熟牛肉湯粉◗ $78揀咗金邊粉底，湯底清淡但更加突顯牛肉嘅味道，金邊粉好食吸晒啲湯汁，但略嫌牛肉嘅份量唔夠～🦑◖燒原條魷魚筒◗ $68大大隻汁燒魷魚筒，食落幾香，味道偏甜口，滿滿醬汁好香！🍊◖柑桔梳打◗ +$19🍋◖鹹檸梳打◗ +$19🌟 Encore指數：8/10

越南老街 • 筲箕灣筲箕灣呢間越南餐廳個人覺得食物價錢唔貴，而款式亦唔少，性價比高，做街坊生意，岩附近住嘅人食。😋😋..✅ 生牛肉湯粉 🐮 $78牛肉即使滾耐左都唔鞋口，仲係非常嫩，少筋位容易咬，湯底香料味濃，較特別的是，加上比較多芫荽，增加一份芫荽嘅香味😙..✅ 汁燒牛肉配扎肉撈檬 🐮 $68牛肉加上醬油汁非常惹味，牛肉肥美，食落嫩滑，扎肉偏彈牙質感，整體唔錯😙..✅ 炭燒泰式豬頸肉 🐷 $98豬頸肉份量超大，目測有4人份量，豬頸肉外層燒至微微焦香，入面仍保留少許肉汁，非常惹味。..✅ 墨魚餅 🐙 $58墨魚餅有6件，墨魚肉爽彈，夾雜粟米粒係入面帶啲咬口。

我寫這篇是因為完全唔明其他post 的賣相，點解可以影到像雜誌一面倒的稱讚昨晚跟朋友二人8pm多入座叫了二人餐，包括素香卷、牛油雞翼、馬拉盞芥蘭仔、兩碗生牛肉河、青檸梳打、咸檸梳打。素春卷很快上枱，裏面只包括一堆很乾嘅粉絲，及幾條蔬菜，完全沒有味道，加了醬汁後也只食哂d菜就算。個生牛肉河真跨啦啦 ，湯只係微暖，牛肉只能浸泡2成熟，仲要係好多肥膏，滑潺潺像毛巾，只食了半碗。咸檸梳打的味比一般都咸及跟平時的感覺完全唔同。牛油雞髀實在太油，我只吃了一隻。只有菜最正常。在餐廳離開個一刻我已覺得肚唔舒服，坐地鐵回家，到銅鑼灣我已衝出車找職員，要衝去廁所！是再遲一個站出車就會在車廂出醜的地步！！！

在筲箕灣有一間越南老街,聽人講非常地道今天就跟朋友一試！裝修有特色,非常有越南風格！店外也有小型露天茶座方便食煙朋友,車放在門口也方便睇車..我們點了幾樣食物：1.生牛肉湯河：-半生熟牛肉肉質鮮嫩,牛味濃鬱,越式湯底加薄荷葉非常配合..河粉彈牙 .. 好味！2.炭燒豬扒配扎肉撈檬-看似像炭燒叉燒,食落嫩口配搭扎肉,檬粉也唔錯！3.墨魚餅：即叫即炸墨魚餅 ,香口好味,墨魚餅有六塊 厚度十足,唔會偷工減料！4.燒原條墨魚桶-原條墨魚炭燒風味 加上爆香蒜頭加蔥花 口感彈牙唔韌 非常匹配！5.柑桔梳打柑桔由越南空運到港,味道真係唔同啲,..喺咁熱嘅天氣飲杯柑桔梳打嘆返下,是個不錯的選擇！兩個人食都唔使300蚊,價錢合理..呢間越南餐館絕對可以encore！

隱世惹味越南菜😋必試撈檬👍🏻天氣咁熱，都無乜胃口食野。做完嘢無意中經過呢間越南餐廳，最適合食返碗撈檬😋真係意想唔到咁好味，仲好抵食👍🏻碳燒豬頸肉配扎肉撈檬 （$68）炭燒豬頸肉好爽口，少少脆邊加肉汁香濃，仲有大大塊扎肉，配埋秘製酸甜汁，撈埋一齊食，真係食到停唔到。店員仲介紹啲酸甜汁係每日新鮮製👍🏻👍🏻每人樽都放係雪櫃雪住，客人要用先拎出嚟，好貼心👍🏻啱晒咁熱嘅天氣食。越南老街小食拼盆 $138呢個小食拼盤啱晒我呢啲有選擇困難症嘅人，一個拼盤已經有齊雞串、牛串、素菜米紙卷、柚子沙律。原本仲有春卷，但賣晒，廚房轉左雞翼俾我哋。每樣都好好食😋串燒點自家製沙嗲汁真係好正，雞翼炸到外脆內嫩，真係幾唔錯👍🏻 另外叫左馬拉盞炒豆苗（$58）👍🏻豆苗新鮮，馬拉盞好香，仲有啲花生粒粒，份量好足👍🏻叫左杯青檸🍋‍🟩梳打，清爽解喝最估唔到越南菜竟然有窩夫食！👍🏻而且好足料！窩夫即整，個皮脆卜卜，蛋味香濃，最正係舖滿芒果🥭粒！呢排嘅芒果好甜！店員仲話下午茶嚟食，仲會二人同行，第二份半價！三人行，仲一人免費。咁抵食，下次再嚟食下午茶先得！

生牛肉河粉，越南餐廳必點食品，這裡的生牛肉很鮮嫩質感柔軟。河粉亦幼滑，湯頭有肉的甜味，很有風味。碳燒豬扒配扎肉撈檬，很推薦大家去食撈檬，因為餐廳特調既汁係好濃郁好杰，但味道係調得好好，絕對係有驚喜，酸酸甜甜的味道。豬扒既碳燒超香外皮亦帶點脆感。越南老街小食拼盤，有越南春捲、雞串、牛串、素菜米紙卷同柚子沙律。串燒juicy配埋沙嗲醬有粒粒花生感，好味道! 柚子沙律超fresh 又解膩! 捲物包住粉絲呀~木耳絲、蘿蔔絲等等也十分健康!雖然我地個日只飲左可樂同奶茶，但呢度好多特色飲料，也很值得一試!

我去咗間越南餐廳在筲箕灣，真係有種身在越南既感覺喎！牆上掛滿咗越南傳統藝術畫作，令人仿佛置身於越南嘅街頭巷尾。真係好有越南特色啊！首先係炭燒原條魷魚筒整得好香，真係食慾大增！一咬入口，啲魷魚筒香脆多汁，個炭燒味道滲入魷魚肉度，好濃郁呀！真係令人回味無窮。再嚟就係墨魚餅，佢個外皮金黃酥脆，慢慢咬落去，啲墨魚汁同埋魚肉香氣爆發！口感就好彈牙，好滑嫩，真係可以感受到每一口都充滿咗魚肉嘅鮮味。然後就係生牛肉湯河粉。呢個湯底真係越南風味十足，好鮮甜，帶有淡淡嘅牛肉香氣。湯河粉本身軟綿綿，配埋啲嫩滑嘅生牛肉，喺嘴裡慢慢融化，夠味又唔會太膩，真係好開胃！最後，炭燒豬扒配扎肉撈檬。豬扒炭燒得好香，啲肉質嫩滑多汁，配搭埋扎肉撈檬，味道更加豐富。扎肉撈檬嘅酸爽味道同炭燒豬扒嘅燒味真係絕配！

見到呢間越南餐廳喺筲箕灣後街新開無耐，睇餐牌價錢唔算貴，就坐低試吓～佢本身有兩個二人餐 ($248 / $398) 可以揀，但果晚我地想食得light d，於是決定散叫😄1. 碳燒豬扒配扎肉撈檬 ($68)本身都鍾意食撈檬，見到有碳燒兩個字即刻被佢吸引咗🤣 塊豬扒燒得好香口，外脆內嫩；扎肉都好食，而最有驚喜係佢既酸蘿蔔，偏重口味，岩哂我🤣🤣 值得一讚係份量好大碗，食極都仲有👍🏻 餐牌上有寫「凡惠顧湯粉或撈檬，飲品可享半價」，所以我個椰青🥥只需要$24！2. 越式春卷 ($58)雖然一份只有3條，但係每條都大大條～仲送上大大塊生菜俾你一齊食，食落無咁熱氣😆 個人推薦要加埋枱上面支雞醬，感覺比平時既泰式辣醬更加惹味😋 老公見食脆口野就即刻叫返支藍妹啤啤佢🍺 餐廳做緊優惠，酒精飲品買二送一，都幾抵架🤣3. 青咖哩配香烤豬頸肉 ($128)全晚最貴既菜式～值得一讚既係真係有好多塊豬頸肉🐷肉食者應該會鍾意🤣 佢既豬頸肉係偏紅，店員話係佢地既獨家醃法，我地開頭仲以為唔熟😝 食落就偏硬，可能係因為佢既醃製方法～而佢既青咖哩係偏汁狀，同平時偏杰身預你可以點蒜蓉包果種做法好唔同🤣最後睇返張單發現佢係無加

今天和住在筲箕灣的好朋友到筲箕灣這間新開的越南餐廳吃晚餐。餐廳面積不太大，佈置簡潔，牆上掛着一幅幅富有越南特色的相片，天花板上的吊燈，恍如越南少女的帽子一樣，讓我們暫時忘卻工作上的煩憂，盡情吃一頓特色的越南菜。碳燒豬頸肉配扎肉撈檬：豬頸肉經過碳燒處理，質地較為軟嫩，入口後嚼勁十足，還有濃郁的炭燒香味和爽脆的口感。搭配扎肉撈檬，增添了酸爽的味道，十分開胃。生牛肉河粉：生牛肉很鮮嫩，肉質厚實且絕不韌。河粉則柔滑口感，配以清淡的湯汁，入口爽滑。加上傳統的辣椒、香茅、香檸及香草等，吃後一種清爽又美味的味道在口腔內盤旋，傳統經典簡單又好味的一碗越南河粉。芥蘭苗飛天炒：芥蘭苗很鮮綠爽脆。以飛天炒的方法快速炒，搭配着蒜蓉和辣椒，炒熟後仍保持一定的嚼勁，並且與蒜蓉和辣椒的香味相得益彰。蒜蓉牛油香茅雞中翼：這道菜真是不得了！脆卜卜的外皮，搭配生熟蒜蓉、牛油和香茅等調味料，外層粉漿亦很薄，入口不會太油膩。雞中翼肉質鮮嫩多汁，並且吸收了蒜蓉、牛油和香茅的香味。蒜蓉味道濃郁惹味，牛油味香濃，吃後滿口香蒜味道，令人慾罷不能。蝦餅：蝦餅的外層酥脆，內部則充滿了鮮蝦的香味和彈性口感。咬下去仍吃到一粒粒的蝦肉，口感非

同朋友喺我哋2個屋企中間點見面喺筲箕灣見到間新開嘅越南餐廳 環境唔錯 見天氣熱想開開胃就決定食越南野都唔錯😌 我哋嗌咗牛肉湯粉、 炭燒豬扒扎肉撈檬 同 越式豬肝醬多士～仲見到有越南西貢嘅啤酒就嗌咗嚟試、邊傾邊食。牛肉湯粉肉肉都大大塊，肉質鮮嫩、而炭燒豬扒燒得好唔錯唔會柴又夠大塊配埋酸味嘅撈汁👍👍而豬肝醬多士外脆卜卜配埋肝味十足嘅醬好可口🤤 配埋越啤嘅麥味都幾唔錯～ 埋單價錢亦幾親民☺️兩個都食到飽飽又傾得好開心～

筲箕灣出名本身都多地道嘢食，估唔到俾我搵到呢間隱藏版嘅越南小菜招牌菜式💛口感香脆的蝦餅外皮酥脆內裡鮮嫩多汁，每一口都散發著蝦嘅彈牙，價格親民，只需$48一份💛炭燒豬頸肉拼扎肉撈檬是🥲豬頸肉經過炭烤處理，肉質鮮嫩多汁，搭配著扎肉和酸甜風味，令人回味無窮💛雞絲扎肉湯河清爽可口的湯河料理，清淡的湯汁中滲透著雞絲和扎肉的鮮香，搭配彈牙的河粉，帶來舌尖上的幸福感餐廳入邊仲有好多唔同嘅特色小食，下次要試埋