Video
Above information is for reference only. Please check details with the restaurant.
食車仔麵都係鍾意濃郁嘅湯底配上香辣嘅醬汁，但呢間位於鴨脷洲大街嘅輝記車仔麵或許會令重口味嘅你失望。話說，我哋上網搵鴨脷洲必食推介時，就發現呢間輝記車仔麵。輝記車仔麵嘅價錢非常貼地親民，加上係小店，我哋絕對支持，只係唔太適合偏向重口味嘅我哋囉！四餸車仔麵（冬菇、豬皮、豬紅、豬腸油麵）輝記車仔麵嘅價錢真係非常貼地親民，任揀四個餸加埋麵底，再配埋一罐汽水或涼茶，都係$46，確實抵食！值得一讚嘅係豬皮，真係好乾淨，爽口又索湯，但略嫌薑味太重；冬菇份量多，但唔入味；豬紅雖然口感嫩滑，但味道較淡；至於豬腸洗得乾淨，唔會太肥膩。四餸車仔麵（冬菇、豬皮、雞翼、牛柏葉油麵）雞翼兩大隻，勁入味，唔錯；牛柏葉爽口，即叫即淥，不過由於湯底較淡，所以牛柏葉都係無乜咩。整體嚟講，個湯底同醬汁如果可以濃郁啲就更加完美喇！
continue reading
黑心店！唔使幫襯！做完運動食少少嘢， 叫一個四餸麵加小食炸雲吞，二人食咗$65。 四餸每餸收$12，煎釀三寶$6一件， 個茄子薄到比手指仲薄... 唔抵食又唔好食都算啦⋯⋯寫到明$50 四餸餐車仔麵係跟嘢飲，店主就話我唔夠最低消費， 要我自己多付$5 買一罐可樂，態度仲要好寸好不屑咁，佢話每人所謂嘅最低消費係要分單計（出去食嘢一枱要分單每人分開計真係聽都未聽過😆）根本係刻意唔俾我哋。 其實啲嘢都係好食又唔平，正常肚餓食要$120 起碼二個人，點解要計到咁，呃旅客錢？仲要店入面佢寫到明最低消費每人$20 。 找錢仲要找張爛嘅十蚊紙俾我哋⋯⋯走咗先至發現，真係以後都唔使幫襯 ， 估唔到街坊舊店都可以咁差。唔係隔離嗰間無開咁多年都唔會入呢間店， 一試難忘啊！
continue reading
話說朝早2個人做完運動去食碗車仔麵，呢間車仔麵有最低消費$20，反正食碗麵加小食點都有$40(2人)。餐牌門外已經有貼，咁佢有一個$50四餸麵餐寫明(送飲品 或 + $5轉涼茶)，我哋一枱叫咗1碗四餸麵轉出前一丁麵(老闆娘話要加錢$5)、另加1份炸雲吞$15，我相信睇到呢度已經計到我哋張單合共係$75但佢收咗$65。我哋睇睇食物先，煮得正常但餸量偏小($12得2件煎釀三寶仲要薄過杜_ _0.01)，係呀$15嘅炸雲吞得5舊咋，鴨脷洲大街嚟㗎唔係尖沙咀。我平時食嘢俾錢好求其，所以老闆/老闆娘話幾錢我就俾張$100佢找錢，找返$35(3張$10仲要有一張係爛嘅，不過我當時無睇又無數)。食到尾我先醒起未拎嘢飲就問咗老闆娘先攞，點知佢同我講我地淨係食一碗麵+1份小食未夠最低消費，要俾多$10先有嘢飲。起初我未為意，但後來一睇之下，明明你麵餐係送飲品，你夠唔夠最低消費都要送㗎啦，正路唔夠我再叫其他嘢食囉，你套餐都係要送㗎，但2位共$40就算你收錯錢$65點都夠啦！結果呢？唔送，仲要同你講「食麵嗰個夠，無食嗰個唔夠，應該仲要俾返$10我！」。你分開計最低消費都算，你收我錢嗰時無即刻提我未夠錢之餘，仲要商品說明不符(要送但無送)，我返轉頭同你討論反而係我差你錢。希望大家路過想食之前諗一諗自己數學考幾分先好入去。
continue reading
10幾年前開始吃的車仔面麵現在市區車仔麵 大多重視裝修及門面重視食物 做街坊生意又有幾多鋪頭細細 簡簡單單餐牌都係大大隻 一目了然4餸送汽水 大份又抵食餐牌簡潔 吾需要過多圖片 不過來的大多是街坊 大家都想好食咩由於太餓 只係叫左3餸雞翼 魚肉餃及釀魚肉豆卜粗麵 34蚊魚肉釀豆卜有4件 其實平時食煎釀3寶就常見 但是車仔麵店 平時食的都講究效率那有時間慢慢包魚肉再炸 豆卜已經可能吸湯 加入魚肉 食出店家心機雞翼有2隻 大大隻 吾係油粉炸翼這個是魚肉餃 比較少見 一般都係韭菜餃 豬肉餃本身只係打算問 是不是豬肉餃 還是什麼 得知魚肉餃 就更加要試了 一共有2粒是鯪魚肉 用水餃皮包住魚滑 車仔麵少見的餸吾錯吾錯 中學食到現在 畢業後少食了 仍然好食
continue reading
適逢小編要在鴨脷洲大街辦點事，隨意在附近速食。從𥚃𥚃外外觀察「 輝記車仔麵」勻是一間街坊小店，用餐環境衛生一般。 食客自由入店安座，再走到 (相信是) 老闆娘面前挑選車仔麵配料。配料不下二三十種，一半是熟食成品，叧一半是冷藏食物，賣相普通。 一碗貢丸餐肉雞翼茄子蘿蔔腩汁米綫，連汽水飲品作價 $43，不算特別「街坊價」。環顧各種配料，味道上只可説不過不失，尤其是雞翼選材過於瘦小令小編最為不滿。蘿蔔製作清甜軟腍則屬佳作。店家既然有腩 (湯) 汁選項，一試無妨，只可惜腩汁味道很淡，相信與清湯分別不大。反而外加的青蔥能帶來更搶香的味道。雖然小編也鼓勵支持小店，但實在沒有條件推介這間「 輝記車仔麵」。
continue reading