辛鮮 (Closed)

眼見上水老舖消失，小店絕跡，取而代之是專為陸客服務的藥房和奢侈品店，身為北區人無不心痛。要數上水著名的食肆，除了歷史悠久的廣城冰室外，更是「後無來者」。喜見此火鍋店開業，食物新鮮，價錢合理，上水人總算有點安慰。九點多來到，無須等位。劃紙下單，食物未到，店員先提供青蔥、辣椒、蒜蓉、炸蒜、芫茜、沙茶醬、胡麻醬、豉油等，讓客人自製醬料。招牌「福袋醉雞鍋」上檯，店員讓我們先拍照，才攪拌湯底，再交代吃法，服務貼心。這裡的「福袋醉雞鍋」甚有創意，用腐皮包住豐富藥材及雞件，上檯後略剪開腐皮，待腐皮煮腍後，雞件再煮一會即可。店員指腐皮是選用深水埗60年老字號「樹記腐竹」，因此格外香滑。湯底奶白清甜，帶微微花雕酒味，吃完絕不口渴。雞件肥瘦適中，入口嫩滑。整個鍋底以養生為概念，吃火鍋也可以很健康。火鍋配料方面，海鮮拼盆(例)和也是非常出色。拼盆有海蝦、珊瑚蚌、鮮魷、脆肉魭和青口，份量十足，也只是百多元。珊瑚蚌爽口彈牙，灼後亦沒有「縮水」太多；青口夠大件，鮮味突出，吃得出是新鮮貨。隨拼盆附送時令蔬菜一款，照顧飲食均衡的需要。即炸響鈴非常香脆，而且尺寸也是大大件，灼3秒後放入口，飽肚又滿足。最後結脹才知道免加

一班好友北上按摩，天寒地凍回到上水吃火鍋，朋友住上水，吃過這間小店，勁like，便一行六人去試，一到落馬洲便打去訂位，好彩訂到，唔係就冇得食。友人勁推介椰青雞鍋，吃完雞先開始打邊爐，個湯底勁清甜，正！主打梗係海鮮拼盆和牛肉拼盆炸魚餅及紫菜響鈴，正跟住不停叫...黑豚肉, 羊肉, 魚滑, 餃子.... 勁食

係上水食來食去打邊爐都係藥膳雞煲好煮意，雖然好好味但已食到有點悶，有質數既火鍋店難求。見到新店辛鮮尚未試過喎，今晚終於約到飯腳共赴晚宴！正常地都係我最先到，混住醬先啦！基本提供青蔥、指天椒、生蒜蓉、炸蒜、沙茶醬、芫茜。我既獨門邊爐混醬非常簡單，指天椒、生蒜蓉、炸蒜搞掂，有辣已經非常足夠。青芥辣青瓜，水左少少喎，唔夠好睇，但味道唔錯既，清爽新鮮醒胃又多水份。麻辣炒花生，又香又脆啊！我一向都少食花生，但真係好好味，食唔停口，微辣微麻卜卜脆，好惹味！Asahit 朝日啤酒，朋友仔仲未到，收工飲杯啤酒，爽呀。嘩！超冰凍呢，仲有冰杯提供，好少飲到咁凍既啤酒，透心涼！運行全身，係裡面凍出黎呢，打晒冷陣。侍應哥哥姐姐們服務殷勤、面帶笑容、招乎周到，另外樓面及廁所都非常乾淨，推介可以一試，價錢經濟又而且仲好食過小肥牛。侍應四眼嬸嬸就勁風趣，不停話牛柏葉係海鮮，我同朋友仔不約而同您眼望我眼，只笑不語，您唔係搞笑麻，哈哈。莫非牛柏葉係海牛個胃？有 promotion 喎，朋友仔非常雀躍，要呀﹗要呀﹗要呀﹗好好好，無問題。$1 蚊碟響鈴、$1 蚊碟菜，抵食！雜錦冬瓜湯，大大舊冬瓜車轆佔左大半個鍋既空間，又厚

外表睇落以為好貴,食完埋單都係千零蚊鬆啲,5個人每人除開都係200幾蚊左右.店舖乾淨整潔,環境光猛,坐得舒服,職員又好禮貌,食材新鮮,足料,絕不取巧,用心經營.當晚點了:,除賣相很精美,優雅,湯鍋味道經過精心調製,不會很濃郁,搶喉,刺鼻,也不會很油膩,最重要雞件煮了很久也很嫩滑,非常利害.,味道很突出,酸,辣,鮮,味道很驚喜,很明確,分明,大家沒有搶去大家味道,湯底非常好味.相對下個人較愛魚鍋.另加火鍋配料:肥牛,菜,珊瑚蚌,手打墨魚滑,手打芥末墨魚丸,即炸響鈴,鮮鵝腸,汽水最特出係珊瑚蚌,灼完都非常厚肉,非常有份量,大塊,很抵食,很爽口,沒有腥味.另一款就係即炸響鈴,真正即叫即做,上枱一刻,香噴噴,好想立刻放進嘴裡吃,每件響鈴還夾了一大塊紫菜在內一起炸,非常香脆,更加好味,店員好用心,提點放下熱湯内3秒便可.其他火鍋配料食材非常新鮮.辛鮮=新鮮 這一餐5人吃完大家一致同意這一餐非常好味.

一年一度 好朋友生日，提議食上水一間打邊爐，因為佢試過話不錯，咁就一於去試下啦=)六點半到，時間尚早唔洗等位就入等喇一黎到枱上六種調味料俾你揀，仲有麻醬添湯底有好多選擇，麻辣，椰子，清湯，亦有麻辣魚，雞煲等。我地就揀左藥膳醉雞煲半隻，一個海鮮拼盆同牛肉拼盆，2個都可以加$1有時菜，仲點左埋四色丸 另外就係加$1有既 西洋菜同白菜仔 。湯底到，店員一黎將支竹解開就開爐將雞煲滾，煲個時聞到好香既酒味。一開始當然要試下啲湯底啦，除非你唔鐘意藥材味，藥膳醉雞煲好適合女士，雞和藥材能補身，仲有紅棗同杞子，吃過火鍋全身暖晒。雞肉都好好味，好嫩滑。海鮮拼盆同牛肉拼盆牛肉拼盆 - 打邊爐最喜歡就是肥牛, 佢有3款牛,肉味夠濃,滾幾秒就食得, 不過份量略少(例)海鮮拼盆 - 脆肉魭, 鮮蝦, 青口, 珊瑚蚌, 賣相可能唔吸引, 絕對新鮮(因為店員講係每日新鮮送黎架)脆肉魭, 鮮蝦仲好爽口彈牙可以一試既即炸響鈴，好脆，好味!四色丸既四個味道(好似係黑松露，墨魚，菌，仲有一隻唔記得左),丸係手打既,口感的確彈牙,但4隻丸味道唔太突出，亦有點貴。總括藥膳醉雞煲值得一試！

早兩個星期，先在這裡吃過辣雞煲，覺得不錯，女友說，這裡的藥膳醉雞煲也好好味，於是急不及待，到這間火鍋店試一試這個藥膳醉雞煲。半隻新鮮雞放在支竹内，店員會你切開， 在煲滾的過程中，你會聞到很香的酒味，真是急不及待把它放進口中，果然雞肉十分嫩滑，而中藥味十分濃，加上酒香，非常好味。安格斯肥牛，質素一般，份量不多，不太推介。手打杞子豬肉丸，款式新穎，味道不錯，而且口感彈牙，推介。花甲新鮮，份量多，68元，低食。 即炸響鈴，十分香脆，可以一試。整體環境及飾物不錯。

晚餐也是在上水，我們研究一番後，去到這間新開的雞煲料理。點了我最喜歡的辣味雞煲這個雞煲辣度十足，可是欠缺了味道，雞肉尚算味不錯， 也點了不少的配料。大花甲，牛頸脊，竹笙，鵝腸等等， 配料新鮮， 十點後雞煲有半價， 兩個人500多元埋單，不便宜但合理。

可能係小座位的關係，要等二十分鐘才有座位不過唔緊要食物先係主角！我地點左椰子雞腳湯底，奶白色好正，而且雞腳都有好多隻，足料👍🏼！打邊爐點少得牛肉 ，經店員介紹牛頸脊係用人手切，食落口好新鮮好有味！不用豉油！手打墨魚丸都好彈牙，海鮮拼盤又係不能不點！重可以優惠價加$1換響鈴，係鋪頭自己即炸的！最後點了蔬菜拼盤！三人份量剛剛好！

一坐低叫左麻辣加豬骨湯底,點知同行小朋友覺得辣,所以要追加蕃茄湯底(不過唔記得影相).講返呢個湯底先,麻辣叫左中辣(夠辣度,因為試過食其他店中辣都唔夠辣),呢個唔錯夠香又唔算太油.個豬骨湯底都重胡椒味,D豬肉亦好入味.個蕃茄牛腩湯底都唔錯,勁多牛腩,淥粟米蘿蔔同蟹都非常甜.呢個唔記得價錢,不過印象中都幾抵食,D蟹同螺好鮮甜,魚方面因為個人嚟講不太喜歡食脆肉魭,如果换左係魭魚腩會更好,如果下次再嚟,依然會再叫拼盤.另外再叫左雞子,不過略嫌太重酒味.wasbi丸呢個唔錯,好熗口.安格斯牛,一般正常水準.蝦滑正.蟹柳都唔錯.另外再叫左金菇,響鈴,5支細可樂,4礶清涼爽.四大两細(小朋友一個5歲一個7歲大約$1200埋單