郭仔記粥麵專家

Open Now

Now Closed

今日行開大埔大榮里突然間好想食車仔麵，係度四處望時見到佢，這裡都十分多人，可以外面或堂食，我即興當然就係堂食，有圓枱或自閉位置，都係按店員按排😜，今次係對牆自閉位，望吓點菜紙，車仔麵3餸起，餸菜分類清楚，5款價錢6個種類，真係按自己喜愛選擇，麵底亦係在同一張點菜紙選擇，加埋個汁都有得選擇就係車仔麵號精神！還有點了麵後可以加$9跟多杯冷熱飲品，咁計都相對較抵！今次點了個幼麵，要牛腩汁，少辣，配菜有咖喱魚蛋、牛根腩、瑞士雞中翼，當中有兩款係推介之選！3款2中了店舖推介我都幾有眼光!😜等待時心血來潮想吃埋碗碗仔翅，都大碗足料，有雞絲、冬菇絲、同埋彈牙爽口嘅翅啦！主角原來都係轉頭就到，同樣大大碗，上面放滿了自己點嘅三餸，咖喱魚蛋咖喱味道濃郁入口夠晒彈牙！牛根腩夠晒軟淋，牛根入口都十分軟淋，超好味！瑞士雞中翼亦十分入味，一啖入口就可以將肉同骨分開，雖然哩個不是推介，但一樣好味！湯底夠晒腩汁味道之餘加埋爽口幼麵今日十分滿足！今日夠晒飽下次可以食埋腸粉燒賣！

今日去一間我經常都會去既餐廳，因為真係成日都食，到依家先發覺原來去左咁多次都無寫過食評~就係郭仔記喇！~~係點餐紙上面打圈圈.同fd兩個去食, 叫左2個3"食送"既車仔麵,我地都鐘意油麵做麵底!我最鐘意水魷魚, 所以每次去都係必點 ~~ 好爽口!我fd就最鐘意魚蛋, 因為好少車仔麵檔會用 陳皮魚蛋 ~~! 仲有上面既沙嗲醬, 真係好有舊時魚蛋檔仔既味道!!另外再叫左腸粉~腸粉一如既往好大碟, 又滑~當然最重要係講句: 混醬萬歲~~~仲有2杯大大凍檸茶，埋單 $122~位置方便, 又大碗好食, 基本上已經係我既日常飯堂 XDD滿足又飽咁食完,  咁岩雨又落完, 就周圍去玩 lu ~~

As I am quite a fan of HK-style traditional food no matter how rare or uncommon, I would also love to try them all! And this time, I chose a very HK style noodle which is called cart noodle, for those who don’t know what cart noodle is, here is the reference from Wiki:  “Cart noodle is a noodle dish which became popular in Hong Kong and Macau in the 1950s throughindependent street vendors operating on roadsides and in public housing estates in low-income districts, using carts. Many street vendo

今日出咗大埔接媽咪收工，見有啲肚餓就去咗大埔墟郭仔記車仔麵食少少嘢先，再順便去埋大埔墟街市買餸😂郭仔記車仔麵已經開咗好多年，細細個媽咪已經成日帶我嚟食😂價錢唔貴超抵食！除咗車仔麵之外，仲有其他小食～車仔麵最少兩餸一麵起，如果唔要麵底，淨餸就要4餸起，車仔麵每樣餸都入好味，足料，仲有好出名嘅振興丸類選擇，就算我淨係嗌清湯底都已經好好食喇😍跟住仲叫咗咖喱魷魚、生菜魚肉，非常大碗😍加埋咖喱汁好惹味😋

見到抗疫餐26蚊雞翼面加野飲，好似幾抵就入左去！ 點知伏到😐野飲只包氣水同豆漿，我簡左凍OT ，職員話因為未到11點所以加6蚊，我ok! 計埋抗疫餐是26+6系32蚊之後發現本身正價雞翼10蚊，面10蚊，就是加野再加凍飲都系6蚊，都系26蚊再次詢問職員，職員就話之前咪同你講左？ 🙄你只是跟我說凍ot加6蚊，冇講其他野lol之後我問點解抗疫餐重貴過正價？ 有一個職員又大聲夾惡咁話之前咪同你講左lol! 🙄另一職員表示因為抗疫餐有菜，計正價重貴…..我看一看只見生菜兩條….心諗….OXOXx⋯⋯下之不會來

🇭🇰郭仔記粥麵專家·呢個其實我哋係分咗幾次食既 因為我哋之前去白石角wakesurf嘅時候都食左啲小食 但係個次唔算話食咗好多嘢 所以就將幾次加加埋埋一次過post比大家睇😌至於正餐嘅話我會另外post架 大家可以咁返落啲hashtag度睇😎😎·魚肉燒賣$9呢個我哋超高期望㗎 我見IG超多人推介呢個 話佢係世界級嘅燒賣 所以我超期待😭😭但係我覺得佢係比較粉嘅燒賣 而且冇乜魚味 所以我覺得比較一般 我自己鍾意食燒賣皇后多啲🤭·📍大埔大榮里42-44號美發大廈地下

車仔麵，又名那渣麵😆喺香港嘅特色飲食文化‼️真係由細食到大😚我哋真係會為咗一碗車仔麵，特登揸車出去食🤩因為係同小朋友share, 所以點左碗唔辣加腩汁，而老公就叫咗碗大辣，連嗜辣嘅佢都話夠辣🌶🌶🌶🌶🌶豬大腸講明係用新鮮豬腸🐷所以食落一啲都唔腥而且唔會好肥，爽口又入味。大埔友就梗係支持返大埔友，牛丸係用大埔振興牛丸🐮用真材實料嘅牛肉造成，爽口彈牙牛肉味濃‼️瑞士雞中翼夠入味‼️大大舊嘅白蘿蔔非常清甜又🈚️渣‼️豬紅好滑又夠入味，連老公都忍唔住食完碗麵之後叫多個淨豬紅配淨腸粉😋淨腸粉都唔錯，幾滑唔會林pat pat☺️連燒賣都係用靚貨，唔係一團粉嗰啲，食落煙煙韌韌，小朋友好鍾意食😌食車仔麵就梗係要配返杯港式特飲傳統鹹檸七🥤gur返下😮‍💨餐廳寫明飲品嘅冰係佢哋自己用過濾水做嘅，唔驚飲到肚痛😌呢間車仔麵真係有下次😍

👍🏻魚肉燒賣 $9/6粒慕名而來果然無失望🤩！魚味香濃又唔腥，夠哂彈牙煙韌👍🏻👍🏻👍🏻老闆見我地落好多豉油同辣椒油仲好nice咁叫我地落多啲，好大方🤣🤣豉油有調較過，燒賣就算沾滿哂豉油都唔會好咸推薦要落辣椒油既渣，好香好惹味🤪！味道：10/10 性價比：9/10-📍#郭仔記粥麵專家大埔大榮里42-44號美發大廈地下#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #大埔 #大埔美食 #大埔小食 #大埔好去處 #大埔打卡 #港式小食 #燒賣 #魚肉燒賣 #魚蛋 #咖喱魚蛋 #陳皮魚蛋 #郭仔記 #香港燒賣關注組

郭記車仔麵喺大埔街市開咗好耐，次次去買餸都行經見到佢，但都未試過。今次就踩場黎試試！招牌面材料有時菜蘿蔔魚蛋牛筋腩，蘿蔔好甜炆得好入味，牛筋腩係半斤半腩，牛腩好嫩，食落唔係肉柴果隻，好欣賞佢個湯夠濃郁，一d都唔油膩唔係死咸飲完口渴果款，加埋腩汁一流！牛三寶面牛三寶有牛丸牛肚牛筋腩，一樣咁有水準，牛丸好爽好彈牙有牛味唔係d加左好多面粉嘅假野！牛肚再加埋佢個辣汁，又入味又夠冧！最緊要係一定要落佢個秘製菜甫，呢個係車仔面嘅靈魂黎！夠辣又爽脆！郭仔記三寶腸粉白滑米味十足，秘製辣陳皮魚蛋個沙嗲汁好惹未，辣得來夠過癮，真係停唔到口。燒賣好夠魚味又有口感。追求刺激嘅人一定要落埋佢個秘製辣椒油，有花椒嘅辛辣味好香口。

今日行經大埔，醒起郭仔記既燒賣都幾高分，所以去食左個下午茶。去到都幾多顧客，好彩岩岩好有2個空位！我地叫左個郭仔記三寶，分別有腸粉、燒賣同魚蛋，三樣既口感都唔錯，腸粉幾爽口，燒賣都少少彈牙，魚蛋既陳皮味幾濃！👍🏻另外，我地叫左個抗疫特惠套餐，只係$26 ，仲包飲品！我揀左牛筋腩麵配豆漿！麵份量好多，幾爽口！牛筋腩幾冧，幾入味，仲有成6舊！最後飲埋杯凍豆漿（無渣，甜度適中），飽哂！😆$26好抵！👍🏻👍🏻👍🏻

今日小編又有大埔食燒賣上次食咗粉果佬啦今次就試吓呢間個，咁before食呢間之前都有順便去食埋粉果佬嘅因為上次覺得都唔錯但今次再食囉就極度失望個皮硬嘅，冇魚味，總之係唔好食最慘就係見到啲阿姐阿婆佢用佢對勞工膠手套去撩d燒賣又揸開d燒賣落個蒸爐度，睇到唔開胃佢仲要用返同一對手套做其他唔同嘅工序，我覺得就非常之污糟所以應該唔會再下次啦咁我講返郭仔記啦，見到事頭婆呢個生招牌就一定冇去錯，我記得個事頭婆好似上過電視架咁呢度就買$9有六粒，我覺得點都抵食過粉果佬啦因為佢地賣$10得五粒，另外呢其實我覺得呢度嘅醬汁係好食過粉果佬嘅，因為粉果佬嗰個豉油呢好稀撈撈，但呢度係厚身d唔係🉐️個鹹字，不過佢個辣椒油就一般應該係用咗李x記嘅潮州辣椒油，咁我覺得個辣椒油係失色嘅，但係個整體嗰個口感呢度燒賣完勝粉果老，另外佢口感比較煙韌，又冇咁硬又唔會整過籠，所以我覺得其實除左車仔麵，都不妨試埋佢地嘅燒賣，起碼好食過粉果佬，估計係出自民豐貨但小編唔cfm，最好都係請教下燒賣關注組好d但係我覺得以當日嘅質素黎講，一定係郭仔記勝出

中午黎到大埔四方公園午餐見到郭仔記大招牌即刻想食下好耐無食過車仔麵叫左兩碗車仔麵店鋪主打係佢地既清湯同炆餸店員表示炆餸會較濃味好吃炆餸包括豬軟骨，牛根腩，牛肚等等餐廳提供辣菜脯同辣椒油同樣辣勁十足第一碗係紫菜土魷配沙嗲汁依碗可以先嘗清湯，再混合沙嗲汁一碗清湯稱有由多種材料熬制我都覺得個湯底味道示錯唔油膩油麵底同紫菜份量充足紫菜吸味一流油麵質地適中另一碗係咖哩魚蛋豬軟骨配牛腩汁依碗腩汁底係無清湯，想飲清湯既朋友要注意咖哩魚蛋選用細細粒魚蛋有緣可能會食到有少少果皮味咖哩辣度適中豬軟骨肉入味，軟骨跟粗麵麵比較硬身，需要多咬幾下腩汁加入辣椒油或菜脯會更加野味好辣朋友可以試試總結裝修簡潔燈光充足衛生情況不錯車仔麵唔係那渣麵xD 餐廳另有不同小食，例如腸粉燒賣都有岩早餐外賣的食品

支持左十幾年郭仔記都重KEEP住食既主要因素係因為佢既味道依舊唔變,香港既地道小食風味文化最中意食佢既生菜魚肉溝碗仔翅,魚肉新鮮制作完全唔同出面食果D咁淋身冇口感,魚肉加埋蔥花令食落更香口.碗仔翅非常夠味足料重完全唔水,有粉絲,肉絲,木耳,旦花等等一D都唔媽夫.腸粉滑身加埋芝麻重有不可訣小既陳皮魚旦(好多地方已經冇得食家啦,濃濃既咖哩味加埋有咬口既魚旦)屹立不倒係有原因

呢間野我由細食到大，不過今日帶左朋友一齊黎食，所以就順便介紹下佢。你睇佢個Menu其實都幾多款式揀，呢個就係我由細到大都成日去食嘅原因，因為每次都可以揀唔同款式嘅食物。我最鍾意食既送係魷魚、牛柏葉、通菜同埋紫菜。出面食嘅車仔麵一般都唔係好多間有牛柏葉嘅，同埋佢啲牛柏葉又唔韌，加上魷魚又好爽口，兩樣加埋食就真係絕配！佢啲紫菜每次啲份量都好多，同埋啲紫菜同埋通菜好索汁，一齊飲佢個湯底好正。佢個湯底有好多款揀，有鮑魚汁、牛腩汁、秘製辣汁、沙嗲汁同咖喱汁，真係唔怕簡唔到！同埋你見佢都幾大碗，而且個油麵好爽口，真係食到雪雪聲!食到咁口渴，梗係要飲返杯豆漿，佢個豆漿個豆味都幾重，而且唔甜，係我每次黎都會叫嘅飲品！

經過大埔街市附近 一定會再去食佢哋嘅 碗仔翅 同埋郭仔記三寶好少地方有得食陳皮魚蛋ga la💕 完全係童年回憶🏠：郭仔記粥麵專家 (大埔)大埔大榮里42-44號美發大廈地下🚅：大埔墟站行8分鐘