Video
Above information is for reference only. Please check details with the restaurant.
我食車仔面，平時食車仔面最怕落單嗰刻，要諗好耐，但有時又諗唔到，搞到要再諗。呢間郭仔記就好方便，掃個 QR Code 就可以安心點餐。我呢個懶人真係好滿意可以選擇，面可以淋啲，咩都可以加，最緊要有簡單選擇。我簡咗少湯，加咗小辣、清甜蘿蔔同埋美國肥牛。蘿蔔清甜，冇渣，肥牛又唔韌。整體味道岩女仔食。如果你鍾意食濃味，可以試下我朋友加嘅鮑魚汁同埋辣汁，咁就係兩重口味。檸檬茶真係少甜，味道好正！之後我叫咗個下午茶餐：淨餸加特飲。南乳豬手夠淋，唔太咸，酸齋酸甜，軟硬適中，蘿蔔清甜無渣，陳皮魚蛋大小適中，鳳爪索汁，生菜爽口，菜甫任食辣辣地配幼面一流。另外必推：🩷🩷咖啡紅豆冰🩷🩷走甜少冰，紅豆夠粉，同冰咖啡超夾。平時行過都可以點番杯😋👍🏼
continue reading
生意無分地區性，而且遠近必達。由於公司接咗單比較大嘅生意喺大埔區，所以今日就算千里迢迢都要揸車入去，雖然地點位於市區，但對於九龍人嚟講都算係一個旅程，不過新界果然好地方，環境同空氣都清新啲。喺大埔超級城同個客傾完工程後就各散東西，呢個時候又係化身孤獨的美食家，上網睇下附近有啲咩嘢好介紹，就咁打「大埔區美食」就已經出咗幾樣我鍾意嘅食品，其中一款當然係雞髀，而第二款亦都係我好喜愛嘅港式車仔麵，因為中午時間相信雞髀滿足唔到我嘅胃口，而且地方亦比較遠，所以最後決定就選擇咗喺昌運中心嘅郭仔記車仔麵。鋪頭位處商場外面，就咁睇門面比較簡約，但入到去發現已經有好多顧客，真係搵個位都唔係咁易，最後等咗一陣都好快安排到座位。入座後第一時間望下個餐牌， 見到除咗招牌車仔麵之外亦都有快餐選擇，但對我而言一定要試下個招牌啦，除咗車仔麵之外仲有比較特別嘅叫掺掺麵，起初唔係好明白係咩嘢，但係見到其他食客都食緊類似嘅嘢，原來掺掺麵即係撈麵!!! 車仔麵嘅餸菜款式都比較多，而且都幾有特色，例如：秘製豬軟骨、鹹菜豬肚絲、豬潤、豬手等，基本上喺普通嘅車仔麵舖未必有，所以吸引好多食客選擇。最後，睇咗一陣間決定好啦，餸菜上選擇咗秘製豬軟骨、瑞士雞中翼同陳皮魚蛋，另外加杯凍檸茶。由於係手機落單，所以都好方便，麵底揀選咗要爽口啲嘅油麵，另外配個沙嗲汁（多汁），所有嘢都可以按照自己意願選擇，未上枱都已經流晒口水。等咗大約幾分鐘已經上枱啦~ 由於呢個餐包咗一碗紫菜湯，所以上枱時候已經令我好意外，因為真係好多年無飲過紫菜湯，我都急不及待飲返幾啖，呢度嘅紫菜份量一啲都唔吝嗇，份量非常多而湯底好清甜，每啖紫菜湯都好新鮮而且洗得好乾淨，完全沒有任何沉澱物質素相當高。飲品方面凍檸茶少甜，份量好足夠而且入口非常冰凍又消暑。飲到一半嘅時候，主菜終於都上埋枱啦~ 見到佢碗麵份量相當大，餸菜擺盤精美有層次，完全為打卡而設。打完卡後就用迅雷不及嘅速度撈好個麵就開餐啦。首先，佢呢個油麵底好爽口，完全唔淋身入口煙煙靭靭，配合沙嗲汁味道相當好。及後餸菜上陳皮魚蛋，陳皮魚蛋喺香港已經有好多年歷史，同坊間唔同嘅係入口有陳皮味，而且每粒煙韌彈牙，細細粒容易食，非常吸引。到秘製豬軟骨，佢嘅豬軟骨都係一件一口，女士們都可以食得好有儀態。佢嘅豬軟骨好入味而且非常淋，除咗有豬香之外亦有醬汁嘅加持，味道有層次。最後到瑞士雞翼，就咁睇賣相已經非常入味，每一隻雞翼好飽滿，所有餸菜好足料。正當我享受緊嘅時候，見到枱面上有樽辣菜脯而且真係唔係間間舖有，我都唔執輸加埋落油麵食，辣菜脯好爽脆而且同油麵好夾，真係一絕。食到尾聲飲埋個紫菜湯，成件事好完滿。由於愈來愈多學生加入，所以我都快手埋單走人，呢餐飯$70蚊唔駛，有完整嘅撈麵及飲品，再配合一大碗紫菜湯，性價比相當高，又一次證明大埔環境好、大埔人質素高之外，食物亦都有返咁上下，下次再過嚟開會都會介紹俾同事一齊試下。
continue reading
大埔 郭仔記Ꮚ･ꈊ･Ꮚ大埔郭仔記是我中學的回憶Ꮚ･ꈊ･Ꮚ 以前訂外賣都會選擇郭仔記 不過是大埔墟那一間～～今天經過昌運中心這間，決定也回味一下舊味😝😝😝°．﹒ ☆°．﹒ ☆°．﹒ ☆°．﹒ ☆°．🤍八寶麵。這碗麵包含了八種豐富的配料：菜心、豬紅、豬皮、豆卜、蘿蔔、雞翼尖、魚蛋和紅腸，每種配料都新鮮可口，讓人一口接一口。特別是豬紅和雞翼尖，肉質鮮嫩，絕對是重口味愛好者的最愛。🤍麻辣牛展水魷魚米線。這道菜的麻辣味道非常入味，牛展肉質軟嫩，水魷魚彈牙，米線則吸收了湯底的香味，讓整體口感更為豐富。🤍生菜魚肉。份量很多，魚肉鮮嫩多汁，搭配生菜的清脆口感，十分清爽。🤍值得一提的是，店家提供的辣菜圃，讓我們可以隨意添加，微辣的口味讓這餐更加開胃，增添了不少層次感。
continue reading
在大埔昌运中心的一家车仔面，老字号了，店面不算大，生意还算火爆，应都是附近的居民和回头客菜品种类丰富，有三送套餐、车仔面和饭可以选，点了一份八宝面，里面有鸭血、鱼丸、猪皮、香肠、萝卜、豆泡、菜心、鸡翅尖、鸡中翅，还送饮料⋯面的种类很多可以自选，我换了一份出前一丁。八宝里面最喜欢的是鸡中翅和鸡翅尖，带有一丢丢的甜味，尤其是鸡中翅，炖的都快脱骨了，入口即化猪皮艮揪揪的，豆泡蘸汤吃好吃，萝卜甜甜的，香肠很大一片。建议加点醋和辣椒油，清爽解腻，再配上汤很美味
continue reading
糧尾與胃常在，對於一個月有30日都係糧尾嘅大胃嚟講，平靚正嘅車仔麵確實可以救胃於水薪火熱大埔呢間勁隱蔽嘅車仔麵，都係唔錯嘅選擇工作已經成日被逼做選擇，今餐大胃實在唔想再揀嚟個招牌麵，乜餸都有啲有蘿蔔、魚蛋、牛筋腩同菜心仲有雞翼尖，啲料醃得幾入味配咖喱味湯底，成兜麵變得更加有味道另外費事揀嘅精選，就係牛三寶有牛丸、金錢肚牛筋腩同菜心，同樣都有送魚蛋牛丸大大粒，牛筋夠晒份量，配腩汁湯底更係絕配麵底揀河粉更吸收湯汁精華，又唔會散颼颼嗌凍飲未必係有錢人，只係怕熱到唔想慳嗰兩蚊，但呢間加$2就有大大支港式豆腐，非常抵飲又健康
continue reading