鄭洪記

Open Now

Now Closed

元朗鄭洪記.味道：8/10🌟抵食：8/10🌟環境：8/10🌟.️元朗抵食冬菇亭小店❣️呢度夏天露天座位唔算好多人，但一步入秋冬季就會多好多客🤣推介草肚牛丸河🐮草肚煮得啱啱好唔會太爽或者淋，牛丸多汁彈牙，配上特製腩汁，幾好味🤤另外，小編之前仲食過佢啲雲吞😋都係現場包，非常有特色，都值得一試👍🏻.

小店的雲吞是少有的冬菇木耳豬肉雲吞餡料鮮嫩多汁 每日新鮮人手製造足足有五粒嫁！牛丸爽口彈牙 牛味濃郁～跟雲吞一樣 都是有五粒！帶骨的炸魚皮都是小店的特式十分酥脆 食落不油膩單吃或沾湯吃都很好味跟餐加十蚊 份量十足 _傅統港式大排檔 牛腩汁味道多年維持水準不變！辣油都好香好惹味 辛辣愛好者記住一試媽咪從小教我 說這裏是「冬菇亭」「加色」即是加牛腩汁 是免費的雖然只點了雲吞和牛丸 但都可以試到腩汁的味道 每次到訪都充滿住人情味和兒時的味道~*提提大家小店逢星期日、星期一休息*

係我錯啦…唔應該淨係識得食好到x麵家…勝x牛丸…永x車仔麵…🙈太遲認識鄭洪記😅，魚蛋雲吞麵$33咋，時光倒流價，魚蛋軟又彈又有魚香，聽說是學利魚蛋，雲吞就見到是店家自製，都多人買走，傳統雲吞原來是無蝦的，雖然唔大隻，但皮薄滑，肉餡新鮮唔會過鹹，有木耳的爽口，有三隻，整體多料，湯都唔係一般味精味…唯一唔好係坐外面要不斷食二手煙😅姐姐雖然一開始唔係好熱情(企左一陣無人理)，但後來坐底都好好禮貌好照顧周到，埋單仲叫我靚女，感覺親切，想再返黎食..🥰聽說炸魚皮最出名，下次要試試。

叫了一碗牛腩河加鱼皮，只要37蚊，这么大碗，要不要这么抵食吖！上桌这盆子让我惊呆了，首先鱼皮据说是他家招牌，的确每个食客都叫了，但是我不喜欢，太油了，又厚，是很脆，但太油了…牛腩很烂就是好大块，吃的有点腻，份量真的很足

大牌檔文化是源於香港的街頭飲食文化。雖然大牌檔提供很多不同種類的食品、而且價錢非常合理，可惜現在買少見少，大部分已被茶餐厅取代，，只有舊区才见到。今天就跑到元朗大棠道熟食市場。大牌檔特色就是親民，大多数老闆同老闆娘親自落場，做的是街妨生意，冇花冇假，添加了点点人情味。今天就一起幫襯了两家大排档。鄭洪記来過牛腩米。用的是碎腩，柱候清湯味道不错。饮品就配上隔離嘅佳記奶茶。傳统茶檔做出香滑奶茶，齒颊留香。并出一個美満懷舊下午茶套餐。

元朗區食炸魚皮，鄭洪記真係唯一一間做得出色。以前食開佢既牛筋腩(餐牌無寫牛筋)同墨丸牛丸，見到佢即場包d雲吞幾靚，今次就叫左碗雲吞墨丸米($35)，再加個細魚皮($12)。魚皮唔洗多講，照舊咁出色，1個人食個細都有少少over(大都只係比多$4) ；墨丸彈牙仲有粒墨魚咬下，好滿足；個雲吞並唔係傳統雲吞，佢個餡料就好似雲吞加水餃，味道仲唔錯，一個雲吞滿足兩個願望，值得一試。餐牌唔記得影，但麵價錢主要分別$29/$31,雙併只係加$4, 仲可以加錢轉伊麵撈麵同加底，汽水好似都係$5-6，想試炸魚皮但唔想咁多既，可以加$4，都有三四大塊。雖然環境同衛生唔係太好，同埋唔好預會坐得舒服，但味道仲保持得到舊有水準，區內麵家老店都已經所剩無幾，加上價錢唔貴，食完飽肚又滿足，囉唆都要再講必食炸魚皮。

上星期睇到鄭洪記既報導 今日就入左去元朗試啦 雖然地方係無冷氣 不過今日天氣都不錯而且店内有風扇 都ok 叫左魚蛋魚皮撈麵 魚皮真係真材實料魚蛋爽口彈牙價錢仲要好親民 一定會再食!

今年八月喺元朗三聯書店打書釘，見倒一本書叫香港名牌小吃-作者：馮嘉橋及鄺芷凡，內面介紹左一啲元朗小食同小店，馮生話覺得以下麵店比一啲元朗名牌更有水準。鄭洪記 - 一間早上做粉麵生意，晚上做小炒嘅大排檔，聽閒扎根元朗超過三十多年，曾經同老媽子幫趁過一兩次，印像中出品唔錯，今日特登嚟叫碗麵食，寫下佢。大排檔中，佢地環境非常一般，冇冷氣，但檔主都裝左幾部大牛角扇，唔算熱，坦白講我真係好喜歡呢啲風味環境！賣相幾唔錯嘅魚蛋雲呑牛腩麵，三個餸合共HK$35魚蛋外型較細粒，爽口彈牙唔腥，用料好！聽講佢地自家製嘅，屬上品！牛腩好焾滑，柱侯醬味入哂肉，最值得讚嘅係佢地唔係用急凍牛肋條嚟炆，佢地係用左新鮮牛腩碎，好多年輕人連牛腩碎係乜都未知，喺度順便解釋下比大家知道，牛肉檔會將牛隻每一部份裁好，牛腩、牛𦟌、牛柳等等不同部位掛好出售，裁牛肉嘅時間會將一啲唔好睇嘅筋膜，同埋接連不同肌肉嘅軟組織切出，混雜不同不部份，有脂肪、肉、筋膜、筋甚致一啲皮及毛髮，以前屬於非常下價貨式，大概係牛腩嘅六至七份一價錢，依家因為牛價高昂，腩碎大概零售價都要成三十幾四十蚊斤，炆之前仲要裁走啲過多嘅脂肪呀，皮同埋毛髮咁，實則落鑊果陣

同oli一樣，是想食隔離的輝記大排檔。行山後，部份食友有下場，於是各散東西，剩下我們七人繼續搵食。經大家商議，決定食大排檔。一大埋不同牌頭的大排檔，都唔知邊間打邊間，坐落先知原來係輝記。各自點一個餸，再加上店方送出的例湯，剛好是七餸一湯，但當然唔係白飯任裝。餸菜如下：店方所送的是青紅蘿蔔豬骨湯，湯並不清甜，只好在材料足，每人都可以分到不少的蘿蔔，還有幾大件的豬骨。吃了些少煲湯骨，雖然無味，但肉不太韌，點上我們要求店方上的辣椒鼓油，都可以接受。第一味菜是椒鹽鮮魷，粉漿不多，色水卻不對辦。吃落一點也不脆口，椒鹽亦不惹味。大排檔不是應該很有鑊氣的嗎?煎蠔餅，我會叫佢做蠔仔蛋，兩者基本上是分開的。啖啖老蛋加上十罕分稀有的蠔仔，你估會好食咩。也點了Oli最愛的生炒骨，專家完全不欣賞。而我的簡單兩句評語是既不鬆化，也不醒胃，是敗筆之作。叉燒炒蛋既雞蛋是炒得不錯，滑溜又有蛋汁，可惜叉燒又薄身又冇味道，正如食友所講，如果店方覺得叉燒是配角而不用上好既叉燒，絕對是大錯特錯。說真的，若這碟的叉燒是好的話，絕對是一流的菜色。四川回鍋肉，在坐有四川人，一睇佢既面色已知唔對路。但其實唔使佢講我都知，肉排加上青紅

今次食既呢一間實在係由細食到大,味道好之餘總帶分感情.雖然直行就是街知巷閒既好到底麵家,但價錢仍然係這一間較實際...雲吞大小剛好,一口一隻,不是正宗傳統的帶尾七分蝦三分肥肉的一種,但我認為,不是傳統就代表失色,只要食的一個人覺得開心,滿足就以經夠了,對嗎?講回此店出品,加了木耳絲的雲吞爽口,豬肉能攪成彈牙膠狀,入口一嚼帶有特別的味道,應該是蝦醬吧...麵條帶一點梘水味,明顯"走梘"不足...,湯底亦平凡不過,帶一點牛肉味....但十六元的價錢能有六粒雲吞,分量足夠..亦可以緬懷一番..環境十分差,從小已經覺得了...沒冷氣...地面極濕滑...衛生亦不是太好....只有一群中年/老年人光顧吧....所以服務仍是大聲公式的下單.....寫這食評的原因是心血來潮...最近見家人太少了...突然懷念起小時侯和媽媽手牽手..一起開心歡笑地走到此店大叫...雲吞麵.....

呢間野0係元朗區大大話話都三十年有多,以前0係同益街市外面0既熟食檔,廿年前搬左去依家呢度。呢間野0既伙記都係做左一樣咁耐,餛飩河粉同炸魚皮真係出哂名,只不過佢係冇冷氣,所以好多後生仔女唔入去食0者!但好多上年紀0既市民都成日幫襯,等天氣涼番d 大家有機會去試下啦,真係唔錯0架!