醉標無骨海南雞

Open Now

Now Closed

住在觀塘20多年街坊的我上星期的起心肝 試下呢間海南雞髀飯， 覺得好吃所以今晚又再買半隻海南雞， 街坊生意75蚊半隻海南雞， 雞髀夠滑， 醬汁好吃 收錢的老闆娘有笑容所以加分 雞胸肉正常發揮但有待改善， 下次會買兩個海南雞飯轉肶 會繼續幫襯

相隔上次貼文，已有半年時間，今次路過，見到佢哋多咗嘢賣，又魚蛋又燒賣咁，應該生意唔夠做，要賣多啲嘢拉上補下啦！見到佢哋飯款多咗一樣，臘味飯，於是叫嚟試下，但佢哋居然話冇臘味，既然係咁，係唔係應該貼張紙出嚟話停售，而唔係擺起度變相呃人呢？既然無臘味，咁試返個豬手飯啦！價錢依舊係$34，但之前有送湯，依家冇，即係變相加咗價。先講個湯，可能係擺咗一輪先至食嘅關係，個湯凍咗，飲落味道冇之前咁甜，椰子香味亦無之前咁濃。至於豬手呢，皮依舊稔滑，但啲肉依舊偏硬，唔係我杯茶。呢間店有個好處係接受多種電子支付方式，方便唔同客人。

這天晚上我在回家的途中，經過這間外賣店，看到買外賣的客人廷多，證明食物都有一定保證，我便決定試一試冇骨海南雞飯($32)海南雞十分嫩滑細密，黃油飯濕潤順口，份量十分多泰式滷豬手飯($32)豬手稔香軟彈，配上黃油飯，非常豐富，十分抵食泰式炸蝦餅($35)用新鮮蝦肉炸成的蝦餅，十分脆口，配上甜酸醬，酸酸甜甜的味道令人十分開冑整體來說，食物的質素不錯，食物的份量十分多，食物的用料十分新鮮，食物的定價很大眾化，所以我認為這間餐廳是可以再去惠顧

今晚夜左收工，買個外賣回家好方便，見到有間海南雞店就想試下，個menu簡單清晰，好快就諗到食咩。用得海南雞黎做自己招牌的名，緊係要試下佢地既冇骨海南雞飯，雞好滑，同埋啖啖肉，配埋個醬汁，好好食。飯份量都好多，一個人一份岩岩好。見到都有好多小食揀，有皮蛋、蒜泥白肉、青瓜同埋泰式鳳爪。但見到藤椒魚皮，未試過咩黎，就決定試下，辣辣地，好爽口，用黎送飯都好岩食，估唔藤椒魚皮都幾岩食。有主食有小食唔差在叫埋個糖水，見到有楊枝甘露幾多喳，應該幾好飲所以嗌埋。都夠芒果味，都食到西米同柚肉。下次再食可以再嗌。冇骨海南雞飯啖啖肉， 又夠滑，而且員工做嘢都幾快手，喺地鐵站附近，所以都幾方便。

好耐之前偶然見到呢間外賣專門店既介紹，之前咁啱有事去觀塘，醒起呢間鋪頭就順便買返去試下🤤🐥冇骨海南雞飯($32)：佢地既外賣單上面寫左「我們只做滑雞」🤣幾搞笑，不過雞件食落真係幾滑喎🐷泰式滷豬手飯($32)：豬皮幾淋，同埋滷得頗入味🐷泰式燒豬頸肉飯($32)：每一塊都切到一口size方便食，燒得幾香，唔會太油，3個飯入面最鐘意食呢個💖3個飯都多料而且份量好大，仲要全部都係跟油飯！另外仲配有泰式醬汁，酸酸辣辣好開胃，除左飯之外仲試左：🥣椰子雞湯(加配+$2)：好清甜，雖然味道偏淡但椰子味都幾出，絕非一般例湯🥛牛奶燉雪燕($20)：雪燕都幾多，但冇乜牛奶味，反而係冰糖味重啲，整體上偏甜🥭楊枝甘露($26)：第一啖已經飲到好濃芒果味，仲飲到好多西柚同西米，飲到底仲發現有好多舊大芒果粒係入面，既好味又抵飲，推薦👍🏻👍🏻除左飯同甜品之外，佢地仲有小食賣，價錢大概都係$10~35左右，大件夾抵食，而且味道又唔錯，唔怪得係等緊外賣個陣見到不斷有街坊同學生黎幫襯啦👻如果經過不妨試下啦！

作為一家只做外賣的海南雞飯餐店, 它的競爭對手並不少, 單是在油塘已有拍檔和瓊媽媽兩家同類型的外賣店, 要突出自己除了是在菜式選擇上多一點, 也要從周邊入手, 例如是油飯和小菜的做法與種類.點的是口水雞飯, 其實就是海南雞上面加上麻辣醬汁的口水雞, 再加上油飯而已. 無骨做法的海南雞很常見, 但口水雞則相對少見, 雖然做法上有點取巧, 但吃起來不會論盡, 算是有點小心思. 雞肉口感嫩滑, 雞皮則有點過油, 不夠彈牙, 吃起來有點膩. 醬汁辣度OK, 略嫌麻度沒有太多層次, 流於表面. 總括而言, 就是合格而已.油飯飯身圓潤, 口感不夠乾爽, 但未至於糊化, 加上青瓜粒令其有爽實的口感, 營造出口感上的對比, 而且加上醬汁就成了麻辣青瓜, 有一雞兩味之功能. 蒜泥白肉的白肉是切得很薄的五花腩, 有皮, 脂和肉層的口感, 蒜泥除了加上辣油, 也有大量胡椒, 辛香層次比口水醬汁更豐富呢!Drunk Pui is focus on takeaway lunch box. The spicy chicken rice is ok with the boneless hainan chicken

疫情期間就梗係會發掘吓外賣店,  外賣店太遠拎到返屋企凍晒, 點算?  買D 凍食為主既野咪無死囉  海南雞, 口水雞咪本身凍個囉,本身都無乜大期望嫁啦, 三十幾蚊一個海南雞飯喎..... 呢個時勢買盒兩餸飯就差唔多,  諗住得兩三舊雞啦梗係,  一係就好鞋好難食啦。點知拎到返屋企打開都唔少野喎!!  試落都OK 滑添喎~  真係跌眼鏡。口水雞D雞都係應該一樣整法, 係加口水汁 ,所以都係滑,  拎外賣返屋企又搭車拎得衰, 意外地將D 口水汁流左去隔離D 飯到, 點知好好味 好好撈飯。純綷係無人地果D 貴既海南雞有三款汁比你點黎食, 佢得一味。但呢個價有咁既質素真係無得輸。

陪呀媽喺觀塘打完針，費事要佢煮，所以喺附近買埋嘢食先返屋企。佢成日都話觀塘啲嘢特別平，果然係真😆。我哋呢晚幫襯咗位於瑞和街嘅「醉標無骨海南雞」，勁多人排緊隊。我相信咁墟冚係因為佢超抵食，新開張價每個飯只售$32🈹，簡直係難以置信。其實原價亦都係$38，性價比極高。我一向認為外賣飯盒根本就唔應該咁貴，而係主張平靚正，呢間小店絕對做得到👍！我買咗兩盒飯同一枝飲品，埋單都唔使$90🍱。再者，外賣份量一啲都唔少，餸同飯畀到足，男仔食都夠飽。泰式口水雞飯($32)，🐔雞肉大致上經已去骨，雖然唔算好厚肉，不過起碼肉質嫩滑，雞皮爽彈，而且去毛去得乾淨。🌶口水雞醬幾惹味，辣度適中，麻香突出，無川式嗰種咁重藥材味，但食到尾就有少少油。泰式燒豬頸肉飯($32)，🐷豬頸肉有成十幾塊，即使係外賣，但都食得出邊邊位燒至微脆。同時，豬頸肉無太多脂肪，感覺無咁肥膩🙈。配豬頸肉嘅汁分開另上，咁就唔怕整淋啲肉，醬汁帶蒜香，微微酸辣，開胃。油飯，我估唔到小店連飯都煮得幾出色🍚，飯粒分明，口感軟熟，並均勻地染上黃色，食落帶油香，但絕唔油膩。旁邊有少許青瓜味搭伴。椰子雞湯(+$2)，例湯望落平平無奇，不過堅係滲出椰子香🥥。佢

H小編男朋友家姐之前極力推介呢間餐廳嘅楊枝甘露好好飲 之前咁啱經過就諗住買黎試下 見佢地又推介埋海南雞 就一次過試晒啦無骨海南雞飯🐔🍚 ($38)海南雞滑溜又多肉 最正係無骨呀 啱哂我呢啲懶人😂 啖啖肉 配上佢地特製酸辣醬好開胃 另外個油飯粒粒金黄又分明 唔會得個油字 幾好 配埋個椰子清雞湯 2個人食都飽哂😋楊枝甘露 ($26)估唔到都幾大枝 好足料 飲到啖啖芒果🥭肉 呢個天時飲 消暑一流👍🏻

收工黎到觀塘，買個外賣回家食，見到有間海南雞就食下。menu 都幾方便易明，揀左冇骨海南雞飯配油飯同埋麻辣豬手飯。飯餐都有跟送椰子雞湯 或者花茶，咁我就揀左椰子雞湯。先講冇骨海南雞飯配油飯，佢雞好滑，都幾多雞肉，飯既份量都多，油飯幾香，但唔係好肥膩，最正係佢跟配既海南雞醬好開胃同好夾個雞，好好送飯。另一個麻辣豬手飯，有麻香味既，但唔係話好辣，所以一般人都食到，仲有豬手同飯都係好多份量，絕對抵食。佢既椰子雞湯一打開係勁香椰味，清清地都幾好味，拎到番屋企仲好熱，食完飯飲碗湯都好爽。總括黎講，食飯又冇取巧，又方便，唔想煮飯既可以買盒當晚餐就岩哂。見到飲品櫃，見到佢既牛奶燉雪燕，$20就試試佢，唔係話好甜，都有雪燕係底，正正常常。

講到有抵食又正嘅海南雞非醉標莫屬😆😆，呢間醉標無骨海南雞位於觀塘協和街，之前經過都冇留意有呢間海南雞外賣，我諗佢應該係新開無耐，佢只係供外賣，冇堂食，最適合啲上班一族，點解咁講，因為佢夠飽之餘又抵食，仲要質素唔錯，最出名嘅無骨海南雞飯都只係$38咋😆😆我哋叫咗一份招牌嘅🐔無骨海南雞飯同埋🐷泰式燒豬頸肉飯，兩份飯都係配油飯，要讚既就梗係佢個海南雞，好重雞味，肉質唔錯，份量又多，最緊要係佢嘅脂肪唔多，另外份豬頸肉佢燒得好均勻，肉夠爽口，份量都多，有泰式製法，兩個飯都叫咗油飯，油飯都幾香，又唔使額外加錢，另外都有幾多小食揀佢哋嘅餐湯係椰子雞湯，雞湯好清，配料有粟米椰子等，唔會好油，另外兩份都跟咗秘製嘅酸辣醬，酸酸辣辣咁幾開胃

-🔸泰式燒豬頸肉飯 $38🔸冇骨海南雞飯 $38🔸楊枝甘露 $26-收工買平靚正嘅海南雞飯返屋企食，唔駛$40有個飯盒，都算係性價比之王。海南雞飯冇骨又香又滑，雞件份量夠晒餸成盒飯，配份量十足嘅黃薑飯，仲有啲醃青瓜粒。男朋友食燒豬頸肉飯，豬頸肉亦係份量多塊塊厚切，都係配黃薑飯同青瓜粒，跟埋泰式辣汁非常開胃好味。仲叫咗飯後甜品楊枝甘露，插支飲管就飲啜到，夠晒方便，而且裡面超多芒果肉、柚子肉、同西米，好足料啊～

去左觀塘搵家姐玩，見天色昏暗，就提議嗌兩份外賣去佢屋企。今日觀塘大雨到整濕條褲，不過好在間餐廳整外賣的速度都幾快，唔洗我企咁耐。睇個餐牌每款飯都只系30幾蚊，外賣黎講都算抵食。 ⦁無骨海南雞飯⦁泰式燒豬頸肉飯⦁例湯（椰子雞湯） 餐廳主打無骨海南雞，雞肉嫩滑仲要無骨，岩晒我尼d懶人。而豬頸肉切得好薄，燒得外皮香脆，仲要唔乾唔韌。泰式醬酸酸辣辣配起兩款肉都好好味。 順帶一提，油飯系必點，雞油滲入每粒飯度，仲要乾爽得黎唔會有油既感覺。果例湯一流，好大陣椰子味，唔知老闆用左幾多個椰子去熬呢？🤔

去開觀塘搵好野食，就食下呢間無骨海南雞飯，睇一睇$32蚊好抵食佢哋主打有三款:去骨滑雞、口水雞、豬頸肉及泰式豬手，醬汁有兩款：泰式酸辣汁及麻辣汁$38仲有椰子雞湯無骨海南雞飯完全係冇骨啖啖肉仲夠嫩滑，雞肉鮮甜雞皮彈牙，油飯夠香且不會覺得肥膩泰式豬頸肉飯豬頸肉唔肥，咬落去肉質夠爽有口感，最重要個泰式醬味道夠惹味。一個飯都夠晒飽肚泰式無骨鳳爪小食識食當然要試下無骨嘅鳳爪，仲有夠入味洋蔥幼絲，個酸辣汁好好味，入口非常開胃。牛奶燉雪燕 $20天氣太熱，企係邊睇完已經即時想飲， 雪燕份量滿滿夠多，真心覺得好抵飲，我怕奶味重所以減走左牛奶，超好味。抵食之餘味道真係一流架，絕對係勝價比高之選。應該仲有個例湯，因為太好賣下次先可以再試醉標無骨海南雞 (觀塘)觀塘協和街161號協和大廈地下9號舖

👧🏻😋👅🍽✨平靚正海南雞🤩-醉標無骨海南雞（只做外賣）🇭🇰觀塘協和街161號協和大廈地下9號舖🇭🇰-🐥冇骨海南雞飯 $38✨雞肉連埋翼有9-10件, 呢個價錢算超多✨飯 default係油飯, 雞肉同皮好滑✨個汁酸酸辣辣惹味但唔太搶✨配幾粒仔酸青瓜好開胃-🐷泰式燒豬頸肉飯 $38✨豬頸肉薄片十幾片✨雞同豬頸肉都係同一個汁, 但都夾既✨本身兩個飯餐都送椰子雞湯, 但送完即止🥲 下次唔OT即去買希望有😂-🥛牛奶燉雪燕 $20✨啖啖碎燕同埋唔會太甜, 清新甜品-