醉標無骨海南雞

Open Now

Now Closed

醉標無骨海南雞📍 觀塘協和街161號協和大廈地下9號舖抵食外賣之選🫶🏻❤️來開觀塘整野😁見到呢間新開海南雞飯鋪比佢既價錢吸引左🫢決定試試無骨海南雞飯 $32雞肉幼嫩～啖啖肉因為係去左骨😁岩哂老人家小朋友食屋企人試左都話好正泰式豬手飯 $32豬手膠質豐富～好彈牙～兩款飯餅都跟油飯雞油飯香～粒粒分明跟餐+$10 仲有杯珍珠奶茶🧋同老闆娘傾計～佢話珍珠奶茶係用自己茶膽沖制我飲落覺得茶味好出😄🫶🏻牛奶燉雪燕 $20養顏之選🫰❤️甜度適中等外賣期間好多人來買飲品同甜品

熱辣辣唔想煮到成身汗, 又唔想出街食咁多菌今日就試下海南雞外賣店啦每個飯都跟一碗椰子雞湯平時飲雞湯最怕油膩但呢到椰子雞湯除左有雞味仲有椰子香, 非常清甜海南雞飯既雞肉滑嫩嫩咁,肉質唔老,肥瘦適中食雞時記得點下泰式辣醬,辣得好過癮豬手飯既豬手好林好入味, 雖然罪惡感滿滿但都要連皮食啦!小食就嗌左泰式無骨鳳爪酸酸辣辣咁岩晒以家呢個天氣, 食完可以開下胃見到鋪頭仲有唔少糖水類既甜品,下次再去試下先.好味之餘價錢仲有勁親民,而飯既份量都幾多,除左兩餸飯有多個選擇!

今次介紹呢間就係平民少少既美食平時食海南雞飯都要起碼60幾蚊但係今次呢間居然喺通脹咁厲害之下都係維持三十幾蚊🫣而且食得飽小店只能外賣～不過買到翻去都係熱辣辣٩(´ε｀ ٩و～～～～～～～～～～～～～～～～～～～～♪ 冇骨海南雞飯 $38 (9/10)食落非常嫩口既雞塊🥰冇骨對我呢個不喜麻煩的人好friendly而且油飯配海南雞真係絕配～同埋佢附贈的泰式辣醬都非常惹味♪ 泰式滷豬手飯 $38 (9/10)佢呢間滷豬手有份量得黎唔會太多皮做到肥瘦相依而且送飯一流～滷豬手都滷得好有味道～蘸醬都超正♪ 牛奶燉雪燕 $20 (8.5/10)女士們要補補的話叫呢個好適合！飲落唔算話好有牛奶味但係雪燕多🥹而且都唔會太甜！作為飯後甜品好正

觀塘最近開左間海南雞外賣店～～$30幾蚊就食到高質海南雞！仲有椰子雞湯🥥送，十分抵食😍😍🐥冇骨海南雞飯 $32✨雞肉皮脆肉嫩，咬落啖啖肉😋😋佢地既油飯粒粒分明，唔會太油膩～～整體份量都好多，食完好飽肚❤️❤️🐷泰式燒豬頸肉飯 $32✨豬頸肉肉質爽彈，燒得好香口～～蘸泰式辣醬食好惹味🤤🤤🌶泰式無骨鳳爪 $28✨夏天最啱食涼浸浸既野🧊🧊鳳爪肉質肥厚，醃得好入味～～而且已經去哂骨，酸酸辣辣好開胃❤️❤️🥛牛奶燉雪燕 $20✨小店仲有提供多款飲品同甜品～～牛奶燉雪燕入口順滑，又唔會太甜🤤🤤啖啖都飲到雪燕，係養顏之選🧏🏻‍♀️🧏🏻‍♀️

位於觀塘協和街開咗間新嘅外賣小店～ 主打平民價無骨海南雞飯☺️ 除此之外亦提供多款泰式主食同小食，有口水雞、麻辣豬手🐷 滷水豬手、燒豬頸肉🔥 無骨鳳爪、炸蝦餅、涼拌青瓜🥒 應有盡有，一定有款啱你心水😍🐔 無骨海南雞飯 $32海南雞無骨啖啖肉，肉質超級無敵嫩滑～ 皮同肉之間仲有啲透明啫喱😗 雞油飯色澤好靚，有油香得嚟食落去完全唔唔油膩！點埋泰式辣醬都幾過癮～ 三十幾蚊有交易仲要咁高質真係好抵🥹 十分推介😍 🐷 泰式滷豬手飯 $32好有驚喜！滷肉豬手炆得夠腍，味道適中唔會過鹹，上邊亦冇毛毛出現🤣 食得好安心😝 整體份量十足，食完超級滿足，推薦推薦～ 🥥 椰子雞湯散發著淡淡又清甜嘅椰子香味，健康又養生，好有住家嘅味道呀🥰🥛 牛奶燉雪燕 $20估唔到海南雞店都有甜品🍮 滿滿嘅雪燕好足料呀，美顏又滋潤食多啲都唔怕😍

又係海南雞外賣店啦😂 呢到每份主食可以免費揀油飯🍚同會返送一碗椰子雞湯，即使平日中午時間都已經好多人排隊👭👫*椰子雞湯淡淡椰子香，好清甜🥰 雖然係雞湯但係冇乜油浮面，幾鐘意飲☺️*泰式豬頸肉飯 $38豬頸肉正常發揮，油飯如果再乾身爽口就更加好😏*泰式口水雞飯🐥 $38啲雞又真係幾滑，不過雞肉斬得比較散*牛奶燉雪燕 $20好得意，明明甜品但好似廢水咁插支飲管飲🤭 雪燕份量都算多，而奶香味可以再重啲

觀塘協和街沿路都可以快快趣趣解決肚子餓嘅問題最近又有新外賣小店吸引我眼球🥸🥸係醉標海南雞飯啊～肯定比三餸飯專注做雞～而且價錢亦都唔貴三十多元有交易仲可以揀辣同唔辣。-海南雞飯雞肉滑唔洗多講，外皮亦都夠爽雞油飯有油香但又唔算肥，食雞飯點埋泰式辣醬就仲過癮。-除左海南雞餐廳仲做埋泰式豬手同豬頸肉豬豬頸肉切得薄，燒得香口食落都好爽。泰式豬手就留番下次先試。-唔好唔記得個雞湯，清甜椰子香氣，雞肉香滿滿，夏天飲都唔錯ga。-順帶一提，餐廳仲有其他甜品小食，綠豆沙楊枝甘露，今次叫左牛奶燉雪燕，美顏之餘夠晒滋潤，女人最愛～

上兩次分別試咗豬頸肉及泰式豬手，今次終於試埋個雞啦！我今次揀咗少人叫嘅口水雞飯，而唔係好多人叫嘅招牌海南雞飯，原因係泰式醬之前試過，想試埋佢嘅口水雞汁究竟係咩一回事，我亦相信店家唔會另外再獨立烹調一個口水雞，而只會用現成海南雞做口水雞，結果我嘅推論係正確嘅。謎底終於揭盅啦！原來呢個汁同麻辣豬手飯個汁一模一樣，即係話佢哋主打食材有三款：去骨滑雞、豬頸肉及泰式豬手，而醬汁有兩款：泰式酸辣汁及麻辣汁。咁究竟個口水雞飯係唔係可以叫麻煩雞飯，而麻辣豬手飯又係唔係可以叫口水豬手飯呢？既然係咁，點解店家唔提供多一個選擇：麻辣豬頸肉飯？又或者簡單啲，主打食材，三揀一；醬汁二揀一，合共6個不同組合，咁係咪好啲呢？先講個湯，上次剩係見到有椰子，今次有埋粟米同甘筍，而且今次我買完之後，因為某啲原因，延遲幾個鐘之後先至食，通常咁嘅情況下，雞湯嘅話一定有一層凝固咗嘅黃油浮面，但佢無，雖然凍咗，依然好清甜，唔油，好好飲。加$2便可以紙包飲品同例湯二選一，咁梗係要例湯啦！分分鐘好飲過，又有益過阿媽嘅老火湯，絕對無呃你。至於個飯味道又點？好多人都話個飯係雞油飯，我就堅持話係黃薑飯，原因係如果係雞油飯嘅話，啲飯無理由食

唔知大家有冇去過觀塘嘅協和街呢？哩度算係一個平民區，而且附近都有幾間學校，所以哩帶嘅食肆都係做平民同學生生意，相對價錢都比較相宜👍🏻最近見到新開嘅無骨海南雞飯見個賣相都唔差，價錢都只係$32 仲有湯送，平平哋可以一試👍🏻 除咗海南雞，仲有口水雞，豬手，豬頸肉😀 另外都有小食同糖水我同阿妹叫咗兩個飯，分別係「無骨海南雞飯」同「豬頸肉飯」，兩個都係用黃油飯，色澤幾靚但味道略淡，海南雞雞肉都幾滑，無骨啖啖肉食得好爽😄 豬頸肉都幾淋，有咬口，都唔錯👍🏻當日嘅例湯係椰子雞湯，椰子味好香👍🏻都幾足料另外再買咗一個「牛奶燉雪燕」，做緊試食價都係$20，好甜好好食😋留意番哩間係外賣店冇得堂食㗎😆

經過見到呢間海南雞，$32 咋。估唔到味道有經喜➽個雞算幾滑雞肉既份量以呢個價錢黎講, 俾得算係咁個飯量仲要超多➽個豬手整體有點爽偏硬, 唔係軟身個隻但味道又幾好食個豬手皮好食呢個都值得試下靈魂重點，佢個雞汁好好食好香，而且好辣（平時我唔食得辣）都忍唔住沾好多黎食豬手我都用呢個汁, 真係好食$32 真係超值唔計價錢，佢個味道都覺得值得推薦加埋咁平時價錢，性價比好高加$2 就有個湯，要加啦好清甜椰子香味有而且大大碗佢用既外賣碗仲要係有質素既整體呢間真係好推薦!

由於上次食過呢間嘅麻辣豬手飯印象太好，心思思想試其他，於是相隔幾日又去幫襯，今次揀咗豬頸肉飯及一款小食：涼拌雞腎嚟試，結果如標題所講，沒有期望就沒有失望。先講個飯，佢好嘅地方係豬頸肉明顯係煎，唔係炸，脆口而唔會油淋淋，而啲飯係黃色，初時我以為係雞油飯，但「bug」起時見到間中有絲狀物體，我諗到應該係啲薑嘅纖維，咁即係個飯應該係黃薑飯。問題係我食唔到黃薑嘅獨有似咖喱嘅香味，原因可能係佢落得太少，只求做到有色嘅效果，而冇要求有香嘅味道；而另一原因可能係佢用黃薑，而唔係薑黃（兩者外型似，但肉心顏色不同，黃薑色黃，薑黃色橙），所以香味冇咁出，而想效果好啲都唔難，只要加少少黃薑粉落飯度就得。至於豬頸肉呢，雖然上文話佢煎得脆身，但其實中間有幾片有幾多肥膏，而啲肥膏係唔香，而係「淋p糍糍」嘅，唔好食，其實佢只要煎之前先去咗啲肥油，我相信已經解決到問題，但花嘅時間會多啲。都係嗰句啦！$32畀你食到黃薑煎豬頸肉飯，你仲想點？收貨啦！所以我畀佢3粒星，即係一般，唔係太差。而於涼拌雞腎就真係大失所望，正所謂沒有比較就沒有傷害，佢同轉個彎起巷仔嗰間厚興瑜記嘅雞腎就差天共地，呢間無論係墊底嘅青瓜，抑式主角雞腎，

得閒嘅時候走來觀塘感受一下新嘅景象再加埋新嘅環境，人流雖然慢慢增加但亦都係感覺得到開始都備受重視,咁當然都係一件好事啦。 經過留意到有海南雞飯，價錢30幾蚊，值得一試。😌泰式無骨鳳爪— 🐓食泰國嘢當然唔少得呢一味開胃菜，去咗骨嘅鳳爪裏面嘅結構依然保持完好無缺，仲有每一個關節位嘅脆骨都仍然喺度，🐓凍冰冰咁樣食就絕對食得出彈牙咯咯聲嘅脆骨，😋全賴新鮮即整再配合自家調製嘅泰式酸辣汁，🌶充分咁融入喺無骨鳳爪裏面就先可以品味得出兩者融為一體，🌶另外仲額外配埋原個蕃茄，又健康又開胃又有益🍅無骨海南雞飯— 🐣亦都係呢一度嘅招牌菜，海南雞飯唔少得嘅當然係雞油飯，粒粒分明嘅結構絕對係正宗嘅感受。 🍚至於海南雞要衡量新唔新鮮除咗重肉質嘅觀察之外更重要亦都係放入口裏便嘅汁水🐣再加埋雞皮嘅光澤度亦都係好重要，當然成為得招牌亦都唔野少，每塊雞都皮光肉滑，切得又整齊而且皮肉都好輕鬆分離，份量亦都唔少絕對可以夠食一餐飽肚🍚醉標無骨海南雞 (觀塘)觀塘協和街161號協和大廈地下9號舖

吃了幾次此店附近的兩餸及三餸飯，每次經過此店時，都有留意此店的食物選擇，尤其是那個坊間甚少見的麻辣豬手，亦留意到此店不是好幾個人在等，便是鋪滿一檯都是的外賣單。今日離遠已望見等的人不多，於是一於試試。埋到櫃位，果然外賣的單不多，大概等了5分鐘便可取走，我叫的當然是前文提到的麻辣豬手飯，再加一個例湯，相信是老闆的阿嬸解釋因為係即做，所以一定要等。10鐘後回到家，打開飯盒，先來一啖豬手，Wow！完全喜出望外，豬手做得稔滑適中，不會燜得過稔或過硬，味道亦不會過鹹或過淡，而麻辣味亦非常適合我這個不識得太辣的人，有辣味但不會過辣，有麻的香味，但不會令你口唇全麻，只會留給口腔一點麻的存留，亦食到一粒粒的花椒，完全感受到花椒帶來的麻香味，令人一試難忘。而且只賣$32這個價錢，即使遠至粉嶺區，同類產品都要$50一客，而且質素完全比下去，絕對是超值。超值的，何只豬手那麼少？莫以為加$2附加的例湯沒那麼特別，原來一樣有驚喜，湯回到家時，仍然是燙手（是燙手，不是熱那麼簡單），而且完全密封，要慢慢用力才可打開，即是它不是像大部份外賣店做法，預先盛好，而是所有食物連例湯都是即叫即做，絕不馬虎，值得一讚。再喝一啖

而家新張優惠海南雞飯、口水雞飯、豬頸肉飯、麻辣豬手飯、泰式豬手飯都係賣緊$32。真係分分鐘我食早餐都貴過佢。咁我就買兩盒返屋企慢慢試啦。如果$38正價仲有椰子雞湯添。打開後見到啲雞賣相唔錯，去晒骨之餘仲好嫩滑，佢個味道其實偏向白切雞，係冇再浸白滷水，不過見到就浸咗冰水，因為皮同肉中間仲有啲透明啫喱喺度，配埋泰式醬食落都好好味，$32簡直係超晒班。滷水豬手都炆到淋晒，入晒味滷水就偏甜。雞油飯就正常發揮啦。

最近疫情又嚴重左少少，買外賣返屋企食似乎係最穩陣。屋企附近最近開左間海南雞飯，人氣都幾高，新開張仲有優惠，我地買左一個海南雞飯同一個口水雞飯，兩盒飯加埋都係六十幾蚊，會唔會太吸引丫～我地等緊的同時都有唔少人幫襯，大概都因為價錢太吸引。我地拎住盒飯都行左差不多9個字至1個鐘先慢慢返到屋企，盒飯都仲暖暖地，打開個湯原來係椰子雞湯，好香椰子味，同埋唔會好油，因為我地咁晏返到屋企，Ｄ 湯都唔會有層油張住個口咁，個湯非常清甜。黎到盒飯，口水雞飯一打開已經好香，仲要都係油飯，正❤️口水雞飯個飯底有熟油加豉油，撈飯真係一流。同埋兩盒D 雞都好滑，就算我食胸位我都覺得幾好，呢個價錢有呢個質數真係無得輸。下次一定會再去👍🏻👍🏻😝