醉藥雞 (福榮街)

Open Now

Now Closed

我哋兩個人，點咗胡椒豬肚雞米線、沙鍋醉藥雞米粉、醉牛舌及麻辣豬肚。胡椒豬肚湯味道濃郁，香氣四溢；雞酒就較為清甜，藥材味不會太濃。充分吸收咗酒香既牛舌，輕微厚切，咬落有口感，牛舌控應該會鍾意。個麻辣豬肚最有驚喜，麻辣味平衡得好好，又夠入味，不太食得辣都應該應付到。價錢適中，又好味，絕對會再幫襯試其他嘢😄提提，點菜前留意牆上貼咗有咩promote, 我哋無留意叫麵食可加$1有鮑魚，落咗單之後就唔可以補叫㗎！

雞～全部都係雞🐥天氣涼咗想飲湯，就嚟深水埗一間湯米線舖試試佢哋招牌既醉雞🥘我哋2點嚟到都超級爆場，係外面等咗一陣先有位，似乎幾受街坊歡迎🤗最近仲做緊優惠，每叫一碗粉麵加$1就有原隻鮑魚，一款煮食/冷盤加$10就有一份小聚三仙😻🥃砂鍋醉藥雞配粉絲 $70（😸😸😸😸😺）店面主打醉藥雞當然要試下😏個鍋一上枱已經感受到佢嘅熱力🔥迎面而嚟就係微微既花雕酒香同藥材味🤤湯底主要用紅棗雲耳淮山同花雕酒熬成，飲落有種補身嘅感覺之餘帶有一陣清甜😋藥材味又唔會太濃郁，好有屋企燉雞湯既味🥰我哋仲特登叫左吸湯水既粉絲做底添😆雞件可能因為新鮮滾熱辣出爐而有少少過熟，不過依然保留到醉雞應有既水準😋🐷砂鍋胡椒豬肚雞配米線 $70（😸😸😸😸😺）身為胡椒豬肚湯狂熱，緊係要試埋餐牌寫咗補中益氣既雞米線😌嚟到既時候蔓延住絲絲胡椒香氣🔥個湯胡椒味濃郁程度適中，香濃惹味之餘又唔會太搶口🤩配埋米線食，每一啖都好入味😋份量方面完全唔孤寒，豬肚比咗偏薄既位置，清洗乾淨無異味而且咬落幾爽口🐷整體嚟講呢個家的味道既湯米食得相當滿足🤗 🌶麻辣口水雞撈涼粉 $60（😸😸😸😺）惹味首選😇口水雞既麻辣香好夠，辣味有四川風得嚟，又會顧及香港人口味調

今日山長水遠出黎食個胡椒豬肚湯，係好味👍但隻雞冇味，鞋連配菜乜都冇…好失望😿價錢$70唔值👎整體好一般希望店主可以有待改善可以加d配菜，支竹，雲耳，加條菜相信生意好百倍

之前仲有荃灣店嘅時候，基本上每個禮拜都會食😂，因為個湯有紅棗等藥材，湯頭清甜無藥材怪味，感覺會養生啲，特別係秋冬🍂，飲埋個湯個人會暖咗，最近做緊$1鮑魚同$10醉海鮮優惠，所以平日夜晚都勁多人等，想食可能要等一等😂🐔 砂窩醉藥雞雞份量都幾多同厚肉，就算砂窩上都保持到滑身，入面仲有爽身雲耳，哩到湯麵份量都幾大夠晒飽🐓砂窩雞湯翅湯底好香雞湯味，好似屋企煲咁，好足料，仲有啲翅係入面，係想像到嘅味道⭐️醉牛舌私心推介，牛舌腍得黎幾入味，酒香唔搶口幾舒服，CP值高✨小醉三仙 加$10有鮑魚，花螺同蝦，食材新鮮，肉質彈牙爽口，特別係鮑魚都唔細隻同幾有酒味🤤🪿醉鮑肝醉鵝肝口感綿密入口即溶，加埋花雕酒香味，會想一啖接一咁食

招牌砂鍋醉藥雞（煮雞酒）$98藥膳湯底味濃，雞髀🍗已煮都入口即去骨，熱辣辣湯再配刀削麵飽肚又暖胃，藥膳確不同🤭醉三鮮（蝦、鮑魚、花螺）$78見其名已知加左酒，三鮮以酒醃製後仲有提鮮效果，食用後酒可落湯飯繼續食😅醉三寶（牛舌、豬肚、薰蹄$55三寶已跟酒融為一體，每啖三寶香滑爽口👍🏻砂鍋雞包翅$98推介，湯底濃郁，可能翅量足既關係每啖都有糊口既感覺，再配白話正宗魚翅撈飯🤣

#鼠尾草食飲玩 #sagefoodiehk抵食💖 × 酒香🥰 × 海鮮🔥今次嚟到一間用平民價就食到豪華菜式嘅小店🥰！舖頭位於深水埗，雖然附近有好多餐廳，不過呢間嘅CP值極高，推薦大家要嚟試吓😍！醉肝鮑米線嘅菜式超級邪惡🙂‍↕️！又帶有酒香味、又有超濃內臟香嘅厚切鵝肝，配埋又彈牙又入味嘅醉鮑魚真係超滿足。砂鍋胡椒豬肚雞銀針粉都好濃、好香😽。胡椒湯味道惹味香口，配埋份量幾多嘅豬肚同埋雞，超級滿足，而且可以自選面底，鼠尾草就覺得配埋銀針粉最夾。睇得呢度梗係要試埋其他酒味嘅海鮮😚，醉花螺粒粒都彈牙，而且同樣走香味好濃郁，超級滿足。呢度仲有超低優惠，每碗粉麵都有得一蚊加購鮑魚💖！嗌小食嘅話，仲可以$10加購小醉三仙🔥。💰醉肝鮑米線($90)💰砂鍋胡椒豬肚雞銀針粉($70)💰醉花螺($98)💰加購鮑魚(+$1)💰加購小醉三仙(+$10)

今晚約左朋友去深水埗，朋友話有間平靚正既餐廳帶我去食，原來係呢間醉藥雞。砂窩雞湯翅米線 $70鍾意清淡少少嘅可以試吓呢個砂鍋雞湯翅，湯底好香雞湯味，好似飲緊媽咪煲既雞湯咁，幾正👍啲雞好滑，真係煮得岩岩好👍砂窩胡椒豬肚雞賴粉 $80我超鍾意呢個胡椒湯，好香胡椒味，但又唔會太濃，調味得啱啱好，超好飲，豬肚同埋雞都好食，賴粉好彈牙，食呢個超滿足👍砂窩醉藥雞刀削麵 $70當然要試吓佢嘅招牌，砂鍋醉藥雞！佢嘅湯底有小小嘅酒香味，又有小小嘅藥膳味，夾埋一齊，味道都幾好飲，又有益，可以行氣活血，好啱身子比較弱嘅人飲👍佢哋刀削麵唔會好厚，比較薄身，而且都幾滑，好味😋醉三寶 $55嚟到呢度，梗係要試吓佢啲醉小食，醉三寶有牛舌手、豬肚、燻蹄），全部都好有酒香味，好入味，感覺食材都好新鮮，正👍醉藥雞好足料，味道好，價錢又唔貴👍

昨天和朋友去位於深水埗福榮街103號的醉藥雞吃午飯。點了三個菜，包括砂鍋胡椒豬肚雞(半隻)、口水雞(半隻)和人蔘湯浸娃娃菜。另外加一碗飯。先上口水雞，藍色花紋的白色瓷碟盛着的口水雞，油亮亮的，上面是一些黑紅色的醬料，還撒上白芝麻，見着它，我的口水快要流出來，趕忙吞回去。同時間，提起筷子，夾一塊來解饞。先是一陣冰涼，咬一口，滿口的的雞味，喚醒了我味蕾，繼續咀嚼，感覺嘴裏麻麻的。透過我的味蕾感應，我知道那些醬料有辣椒干、花椒、蒜泥、干葱等用料，醬料很野味。加上香滑的雞皮，鮮嫩的雞肉，口感先是冰涼後是麻辣，很過癮。這道菜得配上白飯，說真的，我一個人也能吃一大碗呢。接着上桌的是砂鍋胡椒豬肚雞和人蔘湯浸娃娃菜，兩個菜都是熱氣騰騰的。黑色的砂鍋下面還有一個白色盤子墊着，怕是太熱了，方便侍應端上桌子。满满的一大鍋雞湯，湯裏是雞塊和豬肚，中間還放上一些花椒，起畫龍點睛的作用。我先夾了一塊豬肚吃，剛好能咬爛，不錯。豬肚太硬没法咬得動，吃起來費力；煮太久了，又會沒口感，這個火候剛剛好。然後喝一口湯，熱騰騰的，味道剛剛好，不鹹不淡，雞湯濃郁鮮味，是我喜歡的味道，我連喝了兩大碗。這道菜的雞是熱食，和口水雞不同

坊間食湯麵的地方多不勝數，但以無添加味精精心熬製的養生湯底作主打，而質素又高的則寥寥可數。“醉藥雞”可說是其中的表表者～砂鍋生滾麵的各款雞湯底包括人蔘雞、胡椒豬肚雞、雞湯翅、雲吞雞及醉藥雞等，種類繁多。🐔🥣醉藥雞瀨粉～以煮雞酒及鮮雞熬煮的藥膳湯底清甜滋補，雞肉嫩滑，雞味濃郁。每條瀨粉均吸收了鮮味的醉雞湯底，非常掛湯，果然是招牌之作。🐦🍲醉乳鴿刀削麵～以鮮雞湯底搭配刀削麵，麵條順滑掛湯。醉乳鴿肉質結實，充滿酒香。🦐🥢🐚醉三鮮～鮑魚，蝦及花螺以花雕酒烹調，酒味與海鮮味互相輝映，味道鮮香可口，非常搭配。🥒醉涼瓜～涼瓜甘甜，帶有微微酒香。餐廳現在更推出了兩個超正優惠：凡惠顧任何粉麵一碗，可以$1加購1件鮑魚。而凡惠顧主菜或冷盤一款，加$10便可獲小醉三鮮。

平時出街食醉雞湯底，好多都係得個樣。呢度就好唔同，湯底全部真材真料，食到啖啖藥材既清香🍜砂鍋醉藥雞刀削麵即係黃酒煮雞，湯底入口充滿藥材既清香味，飲完成身暖哂。雞肉質地嫩滑，而且酒香入味，刀削麵爽口彈牙，配醉藥雞湯一齊食好夾 🦪醉花螺花螺肉質彈牙，味道鮮甜，加上花雕酒既清香，令鮮味更突出，而且份量仲唔少 🦢醉鵝肝鵝肝嘅脂肪豐富，口感細膩，凍食減輕左油膩感之餘，經過醉酒嘅處理之後，味道更加濃郁，仲好大件，勁抵食。

- 砂鍋雞湯翅配白飯 $70 + $1 鮑魚- 砂鍋雲吞雞配米線 $70 + $1 鮑魚- 雞絲粉皮 $40- 麻辣雞腎 $38嗌一碗粉麵就可以加$1要一隻鮑魚 鮑魚唔算細 食落唔會韌仲好淋 牙力唔好嘅都會食到 $1真係好抵食一向都鍾意食熱辣辣嘅湯飯 呢度係用砂鍋上枱 一上枱仲有煙出 一匙羹飯浸落雞湯 好暖胃 冬天食就一流 兩碗雞嘅份量適中 雞算嫩滑 入面仲要有金華火腿 個湯好足料 飲落唔覺有味精 一人一碗絕對飽肚雞湯翅個碗 翅份量算多 雲吞雞個碗 雲吞係包咗蝦除咗主食之外 呢度仲有好多冷盤選擇 雞絲粉皮啲粉皮好滑 醬好多 算唔錯麻辣雞腎食到底就會覺得好麻辣 但可以接受 雞腎好爽口其實除咗一蚊鮑魚優惠 呢度仲有嗌主食或冷盤 可以加$10要小醉三仙(有鮑魚蝦同螺)但我哋太飽關係就冇加到💰$220

每隔一排就會返黎食佢個招牌砂鍋雞湯趐，今日又忍唔住黎食嘞。重點係呢期既優惠，加一蚊有多一隻鮑魚，升級成為砂鍋雞湯鮑趐！個砂鍋一路滾左咁拎上枱。濃郁既雞湯，除左用重料淆成，仲飲得出有金華火腿既香味。米粉，趐都畀佢帶起左，相信就係呢個湯吸引左唔少回頭客。雞就唔係好多，大約有6件。趐就有3小件。整體唔算好飽，啱晒我呢啲中年人。係時候又諗下幾時再黎食嘞

必點砂鍋醉藥雞是我每次來都會點的，選的依然是刀削面，雞肉在砂鍋中慢燉，湯底藥材的精華滲透進每一塊肉裡，滑嫩多汁，湯底醇厚。每一口都充滿了濃厚的藥材味道。小食 - 涼拌青瓜為了平衡味道，涼拌青瓜是絕佳的配菜。清脆的青瓜搭配特制的調味汁，既清爽又開胃小食 - 鵪鶉蛋小巧的鵪鶉蛋蛋黃鮮嫩，口感滑膩，既可以單獨享用，也可以搭配米線，個人認為放久些，讓鵪鶉蛋吸收汁料後，味道更佳小食 - 醉藥海鮮小食最後，特別推薦加一蚊的醉藥海鮮小食，簡直是一份超值的美味享受！有鮮美的鮑魚、彈嫩的蝦和鮮甜的螺，搭配獨特的酒藥調味，讓人一口接一口，停不下來。醉藥雞📍香港深水埗福榮街 103號地舖

雞湯米線黎講，醉藥雞一定係排頭位，所以間唔中都會去食。 今次黎到見到餐廳推出左新野，有$1 / 1隻鮑魚，真係心震價錢呀! 而家凡惠顧粉面一碗 ，就可以加一次! 鮑魚砂鍋雞翅 上台到熱辣辣，好滾，要小心食~ 湯底清得黎食到雞湯既鮮甜味，感覺係冇味精既湯底! 雞件大大件，肉質好滑，完全冇雪藏味。米粉吸曬湯汁，好食。雖然加$1 就有一隻鮑魚，但都唔會太細隻，真係建議黎到要叫$1 鮑魚。砂鍋胡椒豬肚雞米線 湯底既胡椒味好重，有少少辣口，感覺好岩冬天時飲，一定更加暖笠笠! 入面仲有豬肚，洗得好乾淨。店員仲推介加$10 有迷你醉三鮮 ，入面有鮑魚 ,蝦 同埋螺，好開胃既一個涼拌菜，帶有酒既甜味。雞絲粉皮味道清新，雞絲鮮甜美味，配上香濃既芝麻醬，同樣開胃。

食完一次會想再食嘅雞湯米，咁多次，我已經試哂所有款嘅湯底。個人認為最好味嘅湯底係雞湯翅，之後係胡椒豬肚，之後係藥膳。d雞好滑，好有雞味，一時會比雞腿，就算唔比雞髀位，都會有雞翼位，都容易咬。冷氣充足，午飯時間都多人等位，同埋仲有$1一隻鮑魚，呢樣真係好抵。