金利銀輝茶餐廳

Open Now

Now Closed

喺美孚新邨嘅金利銀輝茶餐廳，我哋一行四個人嘅晚餐體驗不錯。餐廳就喺地鐵站出口附近，好方便。入面嘅裝修係本地舊式茶餐廳風格，感覺好親切。叫咗5個餸，生炒排骨嘅酸甜味道恰到好處，排骨外脆內嫩，啖啖肉感，味道不錯。椒鹽白飯魚炸得金黃酥脆，又唔會太油，食落去真係過癮。西蘭花炒鮮魷嘅西蘭花爽口，鮮魷夠彈牙。不過，梅子蒸排骨就有少少失望，排骨有啲雪味，影響咗整體口感。至於鹽焗雞就咸咗少少，不過份量都算係足夠，2至4人食都冇問題。值得一讚是上菜前送上一鍋熱辣辣足料例湯。員工嘅態度真係無得頂，好有禮貌，仲主動提供加湯同埋清理枱面嘅服務。整體嚟講，呢間茶餐廳嘅食物同服務都係值得推介嘅，下次有機會一定會再嚟！

Lee 間在區內出曬名，根本唔我宣傳😎食咗好多年都未寫過，所以今次留個記錄🩷 電視節目效應，呢幾晚都買茶餐廳外賣俾屋企人食（琴晚個芙蓉蛋飯同埋魚香茄子飯冇影低相），今晚嗌咗小菜西檸煎軟雞同埋家鄉蒜蓉蒸茄子，例湯係合掌瓜，再加白飯同凍檸茶，盛惠$177。兩盒小菜嘅份量足夠，蒸茄子第一次叫，夠焾夠味好送飯，西檸雞係情意結，外賣返到屋企先食其實已經唔夠脆，but it’s ok! 食兒時回憶。個例湯有誠意，有成4件合掌瓜，成餐飯嘅蔬菜比例頓時增加！ 唔覺得個湯有味精，所以飲得好舒服。

真係地道茶餐廳格局，一張張圓枱，有時需要搭枱。裏面乾淨企理，做街坊生意，我都係朋友介紹先識嚟。番茄薯仔排骨螺絲通粉呢個早餐，只有星期六日先有得食，好矜貴🤭湯底好重蕃茄豬骨味，明顯熬製咗好耐，啲湯飲落口好甜。螺絲粉煮得唔淋又有少少彈牙，加埋蕃茄、薯仔、排骨，非常足料！食完滿足有飽肚！誠意推介～

金利銀輝茶餐廳位置一啲都唔起眼/唔係有街坊帶路一定唔會行到入去嗰個位仲要係去搵嘢食裝修都係一般茶餐廳格局入面都算乾淨企理同好光猛一坐低伙記就擺低大大碗湯/大碗到飲都飲唔晒✨白飯魚煎蛋白飯魚都真係算多同大條/係唔好彩夾中一個位成舊都係鹽✨蒜蓉粉絲蒸大聖子 $58/隻都叫大隻嘅/不過上咗檯擺咗一陣先食就略嫌熟得際✨生炒骨冇咕嚕肉嘅關係所以都照試咗生炒骨整得幾好/件件都掛汁/唔係濕立立同個汁好水咁價錢方面最多人評論抵唔抵食方面個人覺得呢間茶餐廳係咪好貴又唔係/好平又唔係只能夠講收呢個價錢都公道嘅最起碼食物係對得住個價錢其他嘢就見仁見智啦🥢金利銀輝茶餐廳 (美孚)🇭🇰美孚美孚新邨第6期蘭秀道25-27號地舖

这餐廳在美孚一直都有口碑和生意火爆,但近期發覺小菜小準下降很多而且很貴,由以往性價比高变得低,煲仔小菜味濃而咸,可能要掩蓋雪藏食物的雪味,所以下手重了,最不解是一碟黑椒牛仔骨要收180元一碟,而且是用梳打粉醃得毫無口感,这價格比同区茶餐廳貴了一倍,但水準比不上人,我寫这食評的目的是希望老闆看到改良一下,不要因生意火爆而愈做愈來愈差,畢竟它在美孚是人氣餐廳,我只希望它能長做長有,不要自毀前程

上星期六做完嘢攰攰哋🥱同朋友去咗美孚金利銀輝茶餐廳食飯，原本打叫焗魚腸，老闆話賣晒，老闆介紹我哋食東星班（$430）帶我哋出門口魚缸揀條靚班比我哋，再叫4隻聖子（$200）蒜蓉粉絲蒸，再整多碟腐乳通菜（$68）先嚟蒜蓉粉絲蒸聖子，蒜蓉味剛剛好，聖子爽口超甜。腐乳通菜炒得剛剛好，汁多而又不會炒得太老。最後清蒸東星班，蒸得恰到好處，肉質香甜美味，加上白飯淋汁，超好味😋老闆更窩心送兩碗老火湯和白飯兩碗。最重要係價錢包埋整工，慳返唔少錢👍👍👍

冇味精 屋企味道例湯粉葛湯都好足料今次試左兩款飯 飯量多 肉都多午餐轉凍飲又唔駛加錢比起附近其它連鎖鋪平一截環境乾淨又光猛 落單同到餐都好快手絕對係日常必食👍🏻👍🏻

平日好日唔食早餐、一食就出事、去左呢間所謂老字号舊式茶記、價錢又唔係平、点知原來早餐可以咁難食、沙嗲牛冇味不特止、d麵淋到冇得再淋、好在杯凍0T重入得口、呢間野絕对冇下次

一行8人來這裡食晚飯，分兩枱坐😌😌小菜套餐都幾抵食，67十蚊，包中式老火湯＋小菜＋白飯，加杯飲品都係加十蚊中式牛柳 （洋葱好好味）蝦仁炒蛋 （蛋蛋好滑）漁香茄子 （好野味，送飯一流）牛腩煲 （牛筋好淋好好味）羅漢齋豆腐 （正常好味）梅菜蒸扣肉 （好味，唔算肥，梅菜好味）XO醬西芹炒班球 （食得出魚肉不一般平價下等貨，肉質厚實， XO醬野味，炒得夠火喉）上湯菜膽雞 （我唔鍾意食雞，屋企人講都不錯）中式老火湯 今日係蓮藕湯，不錯題外話，見隔離枱叫左粉絲蒸聖子＋筍殼魚，好似幾好味，下次一定要試下

星期日在美孚蘭秀道的街坊茶記吃早餐，餐廳做街坊生意，沒有特別裝修，卻時常出現滿座的情景，想必有其獨特之處。看到餐牌假日的早上會假日特餐，鮮茄薯仔排骨螺絲粉是比較特別的一款，一般茶餐廳都很少看到在早餐的餐牌上，所以決定一試。📍鮮茄薯仔排骨螺絲餐 $39這個確實有住家菜的味道，香濃的蕃茄薯仔排骨湯配上螺絲粉十分美味，而且感覺比起吃公仔麵更有益，假日的話大家不妨一試。配餐選擇了香腸，煎蛋和方包。建議怕胖的人士記得在下單時提示走牛油，否則方包會預先搽好牛油。凍咖啡香濃好喝，即使喝到最後一口也不會偏淡。餐廳樸素平實，走大眾化路線，食品味道質素良好，值得支持。

$34一個十分對辨的下午茶2餸面麵，紅腸五香肉丁麵，紅腸有即煎過又熱，厚切好味，唔係度度有架！另外五香肉丁唔孤寒，另成碗面都夠油夠辣香口！ 個面都係即整唔太淋又熱，悶悶地來食個下午茶加熱奶茶，都係賞心樂事~另外仲有其他下午茶小食鷄亦薯條、西多士外，仲有炒粉麵下午茶餐另發現呢間茶仔晚餐竟有蒸海上鮮, 門口有魚缸, 見到有大蝦, 有大花甲等, 幾有意思, 有機會可以試一下丫~最後係門口準備了兩個「米缸」方便食客，我估有煙癮的都會覺得細心滿意～

有外國朋友嚟，我最鍾意帶佢哋去「叫餸食飯」，因為感覺好香港，好地道❤️今次揀左美孚新邨裏面嘅一間茶餐廳🍚🍲 紫蘿雞柳 ($60連白飯)紫蘿!?咩嚟㗎 ？原來即係紫薑加菠蘿，食落酸酸甜甜好開胃，雞柳滑滑dee~送飯一流~金銀蛋浸時菜 ($60連白飯)最傳統嘅小菜，金銀蛋其實即係鹹蛋+皮蛋，加埋少少蒜粒，就成為簡單又好味嘅小菜❤️ 味道正常law唔會太鹹，一般金銀蛋味道，其實呢個餸又好難整得難食嘅

今次想介紹下呢間我經常幫襯嘅小菜茶餐廳，美孚區嘅餐廳選擇比較少，有小菜叫嘅飯廳更加少之又少，所以我如果想叫餸食飯的話都一定會幫襯呢一間，貪佢夠多選擇質素亦都算係OK有成咁多款選擇，梗有一款啱你食掛今晚我哋兩公婆加埋叔仔叫咗三個餸，分別係咕嚕肉，時菜牛肉同埋咖喱牛腩順帶一提，一坐低伙記便會送上老火湯，就算係一個人去都一樣會有，仲要好好飲㗎，絕對唔係味精湯，都幾窩心，好有家嘅感覺咕嚕肉係我至愛，我每次來都一定會叫，做得都算幾好架！酸酸甜甜好醒胃👍🏻咖喱牛腩煲做得好出色，好足料，唔會太辣，牛腩亦都燘得好林，送飯一流呢個時菜牛肉就比較普通，正正常常咁啦！另外推介椒鹽鮮魷都好正嫁大家都來試下啦！我地開反lu

平時嚟呢度都係食早餐，下午茶。近排喺度食咗兩次晚餐，水準都相當唔錯，寫返篇食評記念下。呢度食晚餐送例湯。西檸鷄，酸味適中，肉又夠嫩滑。咖喱牛腩煲，牛腩夠冧，最鍾意薯仔係炸過嘅。咖喱汁食落有椰奶味，個人口味覺得可以再辣少少。粟米班塊，熱辣辣上碟。個汁甜甜地，班塊個漿略嫌有啲不均勻。有幾件個粉好厚。八珍豆腐煲，勁足料。除咗豆腐，仲有豬潤，豬肚，肉片，冬菇。椒鹽豬扒，不過不失，略嫌個味重咗少少。呢度晚餐真係好抵食，最平一個套餐都只係60蚊，唔怪得逢星期六日晚都咁多人排隊嚟食。

呢間茶餐廳位置向蘭秀道油站後邊一個唔起眼嘅角位，裝修殘舊，做街坊生意居多，晚飯小炒響美孚買少見少，呢間已經係同區比較好D嘅一間；午餐嚟講我就第一次，以前試過嚟，但剩返D唔好坐嘅出入口位，所以走左，今次完左早餐，啱啱開始午餐嘅時間，搵位好小小，叫左時菜炒牛肉飯，例湯粉葛湯，個湯真係無嘢講，唔凍唔熱，飲左一啖放低喇，反而個時菜炒牛肉幾Ok，似晚飯feel～～即炒，夠蒜蓉香味，四十四蚊都叫做大碟，配埋餐飲。