金成茶餐廳

Open Now

Now Closed

我一向都有食依間餐廳(堂食)！大大份！茶餐廳水準！但自從有左外賣apps嘅影響！不夠人手！我想落早餐嘅時候，阿姐話好忙！ 我打左個突……咁我等一陣啦……都無人理我…只係做外賣……我只好離開好了！(外賣都會比錯食物) 我諗短時間內都唔會食住……好希望會有改善！

今日lunch時段，我叫咗個芙蓉蛋飯加杯凍檸茶！芙蓉蛋飯份量真係足夠，大大碟嘅蛋飯令我食得撐撐地。蛋炒得剛剛好，唔會過熟，再加埋啲蔥同埋豉油，好快就清哂！我覺得最抵讚嘅就係個價錢，加埋一杯飲品，都只係$48，柴灣就講算係中上。

我媽咪買早餐，紅腸熟蛋、沙爹牛意，冇比紅腸，返到屋企撩下個底發現冇，又要走返落去，原來佢哋打錯咗煎雙蛋，我媽聽到佢哋喺度講：「哎，佢詐型就比佢啦！」，但返到嚟一望，隻蛋都唔係雙蛋啦！咁都係你哋錯啦！

幫襯咗好多年，嘢食又平味道又唔錯，份量足，但自從裝修完之後，唔知係咪換咗師傅，冇以前咁好味，特別係水吧，買早餐外賣好多甩漏，沙爹牛麵冇沙爹牛、冇咗隻蛋、冇咗麵包、最慘係個湯冇味⋯⋯真係好失望⋯⋯

金成新裝修後第一次去，晚市小菜有20餘款，全部$58。包飯、冷熱飲品及例湯🥣。價錢好實惠。一家四口👨‍👩‍👧‍👧冇煮飯落嚟叫小菜食，order了4款小菜，但估唔到好大碟，分量多到食唔晒，要打包走。時菜火腩：火腩都好多舊幾靚，入味而且不會太醎。菜心好淋無渣。魚香茄子🍆：滿滿一大碟，賣相不佳，但是很好味，撈飯一流😋咖喱豬扒：咖喱汁唔夠香，只有微辣，水準一般，但係豬扒真係好多塊。時菜鮮魷🦑：菜心好食過鮮魷，魷魚有啲韌，菜心鮮甜又淋。實惠的街坊小菜，水準不俗，幾抵食。

上次在柴灣去過金成茶餐廳後，今日下午再來到這小店光顧。一進門口，店員即時提醒客人量度體温及使用安心出行，這點真係值得一讚！雖然店內狹窄，但店員招呼十分友善。坐了一會，從精選套餐裏選擇了黑椒牛扒煙肉蛋飯，再跟餐凍鴛鴦。稍等了一會，跟餐凍鴛鴦很快便送到面前了。凍鴛鴦夠凍，很有咖啡及茶味，味道也算不錯。再要在此一提，這店的餐飲是冷熱飲品，是相同價錢！當正在品嘗飲品的時候，我叫了的黑椒牛扒煙肉蛋飯，便送到枱面了。今次午餐的分量相當豐富，首先黑椒汁不會很辣，十分大衆化。牛扒有四小塊，炸到十分香口。煙肉也有六片，味道也算唔錯；而煎蛋方面也是半生熟，味道突出。最後飯底方面分量十足，而飯香也很吸引，口感軟硬適中。綜合各方面，這款午餐是十分超值，同時絕不欺場，店員服務良好，價錢廉美，值得在此推介。

早餐叫了土魷馬蹄肉鬆炒蛋配意粉，食物放到枱面，見到不想吃，湯碗裝滿滿意粉，好像買唔出塞俾你食咁，湯底勁難飲，炒蛋好乾身，從未食過沒有誠意茶餐廳。邨屋街坊太過包容。

曾經有飲食雜誌報導金城既特別三文治，例如土尤肉餅三文治🥪但其實金城除左肉餅系列，真係無咩特別坐又不算舒服，仲要環境唔太乾淨，價格亦唔算平（至少配佢既環境唔平），所以真係慎入

好耐冇去過柴灣喇, 難得今日同老公長征到柴灣, 就緊係要去朋友仔介紹既一間傳統茶餐廳, 試下佢既特色三文治啦.Li  間茶餐廳係漁灣村街士旁邊, 由地鐵站到茶餐廳大概要步行15分鐘 , 其實都有D遠, 不是太方便... 哈哈一去到茶餐廳門口, 已經看到一張雜誌廣告 - 推介 "土魷肉餅三文治.但我沒有試這款特色三文治, 因為本人不太喜歡土魷, 所以我叫了另一款特色三文治 - "辣肉丁蛋治" 一試.總結 - "辣肉丁蛋治" 沒有我想像中那麼出色, 味道一般未見特出. 因為辣肉丁偏硬, 好像無法和蛋結合,而凍檸茶的茶底亦是很一般不夠膿, 對我來說算差. 但勝在價錢合理.

中午經過屋邨舊式茶餐廳，顺便叫了一個菠蘿雞粒炒飯外賣，等了十多分鐘，拿出來的炒飯真叫我嚇了一跳，飯盒衹有4粒菠蘿，2粒雞肉，飯也好像没炒過，這麼差的炒飯，還是第一次品嚐😤👇

今晚和媽媽到柴灣漁灣村附近找食，漁灣村有兩間茶餐廳，一間只做早午市，現在晚上唯有光顧另一間。金成茶餐廳 之前吃過兩三次早餐，不過不失，早餐向來難以評論一間餐廳的好與壞，今次晚餐卻令我帶來沒帶太大我驚喜。餐廳座位不多，相信是做外賣為主，座位都很窄，餐牌有茶餐廳基本的炒粉麵。我和媽媽點了兩個小菜，中式牛柳、生炒骨，配白飯和餐飲。中式牛柳 份量可以，味道偏咸。生炒骨 份量足，但味道咸到一個點，而且沒有酸甜味，都被咸味覆蓋，青椒偏少，不合格。總評：可以有更多進步空間

老實說，雖然在柴灣工作了這樣久，還是很不習慣。 特別是談開午餐，工作太忙，自然冇心機食。 好多人都說其實柴灣都有不錯的選擇，有好燒臘，有茶餐廳，有小吃，仲有，又平又靚。 我會說，這裡不乏有特色的東西。 就例如今天我去的金成茶餐廳。 你很難找到一間咁舊式的茶餐廳，記得六七年前來到漁灣村搞掂左過工作災難後，來過這裡買件美味出名的土魷肉餅煎蛋三文治獎勵自己。 那刻的味道我也忘掉了，因此應該不深刻。 三十幾度的高溫，我放棄了熱奶茶，冷的始終飲不到其真蹄。 今天再吃那個土魷肉餅煎蛋三文治，是否好味見人見致，不過是絕對有特色。 烘底後的包當然是可愛一點，土魷肉餅的味道不濃烈，反而我吃到最強烈是馬蹄味，說真，以二十八元來說的質素，絕對是可以，不過驚喜就欠奉。 聽說這裡的炒野都非常好，乾炒牛河碟頭飯每樣都出色，我面前的四眼哥哥就吃得津津有味。 特地過來就免了，經過來試一試，都可以的，起碼吃完新桂香，吃多件三文治都不太過份。 金成茶餐廳 柴灣漁灣村漁豐樓地下9號舖

太耐無去柴灣了，柴灣不算是旺區，很少理由讓我專程到來！自裝潢後去過一次，加了價，但加幅不大，我住個區的茶餐廳都加了五至七元不等，這是都是加了兩三元的感覺最近有事做，去這一間食個豐富早餐這次點了４號數字餐，不是碟頭飯，送冷熱飲品，店員說可以互相調配喔。牛油方包，火腿奄列方包軟熟，唯牛油份量唔夠多，有點乾涸。火腿奄列的火腿很多，落重手，但好凍，似係雪櫃剛拿出，加埋半生熟的蛋，唔熱，好一般。熱鴛鴦，淡奶、茶味適中，處理得算是很好，茶啡味不會蓋過，咖啡味唔錯，濃而香，係我杯鴦！熱辣辣，冬天醒杯就最正。叉燒米難得一見有叉燒，就叫了一個來試試，個白幼米線用料唔掂，好硬，林Ｄ會好食Ｄ，頂胃。。去開柴灣又鍾意嘆下茶記，金成這是最掂是熱鴛鴦吧，下次去開絕對唔可以錯過飲番杯喔！

去開附近探朋友，之後黎左呢間我抱著睇落幾好食的心態，就去左金成餐廳一試感覺火喉幾夠我睇完餐牌，見到$36都幾平試左個菜遠豆卜火河，都算好多材料菜都ok新鮮，不過食落就硬左D啦，特別係個心我鍾意林D的口感囉豆卜索左超多汁，好熱！豆卜都夠林的火腩一般，唔計D汁，簡直係乾柴D部位好瘦削,比得唔靚河粉比較油，同埋好似一舊舊黏著咁，真心麻麻地估唔到下午茶時間都有咁多人食完好走人啦

妮姮八號波1240落，lunch時間好多餐廳都無開，包括原本同事想食嘅香江，於是轉投我想試嘅金成。可能風後獨市，人山人海，要等一陣。是日快餐，包括有乾炒牛河都係$36，凍飲仲唔使加錢，餐牌其他飯都係$38包冷熱飲品，的確幾抵。試咗另一位同事推介嘅椒鹽魷魚飯，同事叫個碟賣相都叫正正常常靚靚仔仔，但我嗰碟就真係打完風一樣樣。餸嘅份量唔算多，飯多，有油蔥。魷魚外表黃色，沒有厚厚的炸漿。魷魚算彈牙，但無咩味，又無咩椒鹽味。有啲乾難送飯。反而驚喜發現佢支任落甜豉油，味道好濃郁好送飯。