金牌牛什

Open Now

Now Closed

本身諗住去黃埔有一間好出名嘅串燒舖頭，但因為嗰間舖頭實在太多人排隊，於是我哋去咗佢附近另一間。自己對比兩張餐單嚟講覺得金牌牛雜嘅種類比較多，當中竟然仲有$10.8粒魚蛋！除此之外，仲有碗仔翅，車仔麵等等。講返入面環境，入面呢就唔算大，但係呢志在有冷氣！ 如果夏天想食串燒同朋友傾吓偈，我覺得呢個地方都唔錯👍講返食物嘅質素啦，咁整體普普通通，佢呢就一次過消好晒上枱嘅，咁樣呢就變相有機會後尾食到嗰啲串燒已經攤凍咗，但係呢個我諗都冇辦法，始終香港好多舖頭都講求效率。

喺外賣App order.... 未上黎睇食評，點知牛雜裡面淨係得牛肚同牛肺， 仲要麻麻地，唉， 伏已中！睇完其他評論都係話得兩款就當牛雜，證明佢地跟本無心改善，得兩款好心你寫明啦一定無下次！ 成肚氣，不過公道講句，蘿蔔無渣算好

我都算係老顧客，自從呢兩三個月，唔知係咪而家轉咗個阿姐燒，定係大學開咗學，多咗客做串咗，而家同以前嘅水準爭好遠一係就燒到乾晒，一係就燶。以前一個禮拜食幾轉依家食一次後悔一次牛雜就更加唔使講，完全都唔係牛雜，除咗牛肚蘿蔔之外完全冇其他嘢食，不如改名做金牌牛肚睇返佢最近啲食評，以前真係嗰個好評，而家最近嗰幾個，差唔多全部都係負評。希望佢睇到之後可以轉返以前嘅質素。唔想紅磡冇咗間出色嘅串燒舖。暫時呢兩個月都係食住隔離嗰幾間先

已經係俾第二次機會佢, 因為後面間麻辣燙無開, 迫住黎呢到買酸辣粉, 今次唔係同一個人整, 係個呀伯整, 我叫左酸辣粉外賣$23 中辣睇住佢逐樣調味放落個碗, 叫左要中辣架啦...以為正正常常, 有花生又成, 點知返到黎打開, 個色水差到呢....淡到呢....睇到都知奶野同上次一樣無味...食落去又係無辣無酸, 唔知食緊乜野...之後係PANTRY搵到辣椒油自己加返.. 先似淘寶最基本一包包咁賣既味道..如圖下...紅幾多呀!!我真心想知點解可以咁多年佢都可以係到, 未執,D粉都似係淘寶淘落黎既口感. 咁點解唔用埋人地個調味包呀!

呢間垃圾拎得"金牌牛什"黎做招版，賣牛什兩個居然一兜只得兩款 - 牛肚，牛肺再加蘿蔔。 算！當你專做兩款，麻煩都比d心機去做。淸水白煮不在話下，兜湯完全係師傅味。配埋個個得死咸嘅油，難食過屎！先講個湯汁，一陣煙頭味，似燒焦鑊再無限次重煲去左陣味，加一堆辣嘅醬去頂陣臭味。主角牛什完全清水白煮，陣雪藏味都仲係度，垃圾！$24一兜細真係好平，但價錢完全充全反映質素。如果你想中伏可以一試，同區仲有大把其他野食選擇，三十幾蚊已經有三餸飯，無謂食佢貼錢買難受！

今天晚上叫外賣吃，叫了金牌牛雜。原本有着很高的期望，因為OpenRice上有眾多好評。牛雜 -只有牛肚同牛肺，蘿蔔仲多過牛肺，切的size超薄超細粒，零口感燒金菇 - 有湯水、不夠乾燒雞髀 - 乾、柴、無味道燒韭菜 - 韭菜是黃的、不新鮮燒翠玉瓜 - 翠玉瓜是又黃又酸燒魚皮餃 - 因為來貨是現成的，所以不俗燒豬仔骨 - 乾、柴、無味道燒雞皮 - 硬到咬唔到燒牛肉 - 細過骰仔，唔知食左燒牛脷 - 唔講都唔知係牛脷丸串燒 - 現成食物，尚可接受

我係叫外賣既金牌牛什入面牛肚佔8成，牛肺2成，仲加蘿白翠玉瓜係酸既韭菜係黃既，金菇都可以整到咁難食肉類都係柴同乾，成隻雞脾食唔落全部冇落到粉，冇味茄子係正常既...

生菜魚肉是不知所謂，一嚿嚿粉之外知自己食咗啲乜🤮。車仔麵湯底除咗鹹之外，食唔到其他味道。餸菜，質量超差最基本嘅魚蛋都可以咁垃圾⋯⋯粉，冇應有基本嘅魚蛋味🤮真係唔明點解咁多好評🤔

見到佢門面無乜特別 餸選擇又唔多 $32/3個餸都平 咁就試試 揀咗蘿蔔 冬菇同魚蛋佢仲跟埋啲韭菜 蘿蔔好甜好淋 又大舊而且無渣！冬菇佢再煮返熱 無乜味麻麻地 魚蛋都好食彈牙有成五粒咁多 佢個湯底好濃好味 成碗湯飲晒 以後都會揀呢間嚟食

呢間我地已經食過好幾次啦, 仲記得當初係因為想食牛雜而黎, 點知發現牛雜唔好食而串燒好食😋呢度既串燒簡直係驚為天人, 佢係我目前食過最鍾意既串燒🥰⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫🥬蔬菜: 招牌燒茄子($25) | 菠蘿($12) | 蘆筍($11) | 韭菜($10) | 娃娃菜($9) | 金針菇($11)🍖肉類: 牛仔骨($40) | 秋刀魚($23) | 雞軟骨($11) | 雞腎($11) | 牛舌($13) | 墨魚鬚($13)⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫⧫佢調味比其他串燒店更好, 岩岩好濃味得黎燒得好juicy唔會太乾, 尤其佢既茄子🍆超級無敵好食 嫩滑既茄子肉一條條夾起 有孜然粉蒜蓉同蔥粒, 有d汁掛住又嫩又多汁, 有蘆筍同韭菜都係好多汁, 菠蘿🍍佢貼心地切好左, 酸酸甜甜無渣好開胃😍相比起d蔬菜, 佢既肉就無咁出色, 牛仔骨好鹹同un, 秋刀魚普普通通啦同孜然調味唔太夾, 雞腎味道就正正常常不過燒得比較硬身, 最好食就係雞軟骨燒得好入味, 整得好香口又唔會太咸或者太油, 如果撇除某幾款，呢間串燒我地比接近滿分💯😍🏡環

一間好殘舊門口嘅鋪頭街外人唔係街坊都唔會留意到佢同入去食好出奇依個位鋪嘅地方都可以賣到依個價錢晏晝得一個幾nice嘅叔叔睇鋪同埋都有幾多嘢食揀😯張紙多到有啲難tick😂格局主要係做外賣但都有得比你入去堂食嘅入到去就比較凌亂（好多汽水貨）同地下污糟 （影唔到）叫咗個牛雜麵 32蚊送埋蘿蔔同埋生菜牛雜味道就一般水準 不過不失咁嘅價錢咁足嘅料 都無乜投訴空間係抵食嘅唯一唔鐘意就係堂食都全部用即棄餐具其實好唔環保😐

都是附近居民才會去的地道小店，不過服務太差，等了差不多一個鐘三道菜才上齊，真是吃到完全沒有耐心！不過煲仔飯味道真的正，幹蝦臘腸臘肉味道都唔錯。椒鹽魷魚咸少少，但是很酥脆，生炒骨味道也ok

其實我真係好中意⋯食牛什紅磡呢間 金牌牛什 街坊小店就滿足我幾個願望。一般要食牛雜都要去潮式粉面店，但呢度除咗牛雜之外，仲有車仔麵、串燒、小食提供。除左有一碗碗牛什外，就連車仔麵都可以揀牛什做車仔餸，非常少見！牛什 （大碗）$37 份量都算幾多，內裏主要係牛肚、牛肺，底部仲有清甜蘿蔔墊底！湯底屬濃郁牛味清湯～車仔麵 （$32/3餸）抵食係所有車仔餸劃一$6收費，牛什亦可揀做車仔餸，大腸鹵得入味，而且仲有牛肉餅幾爽彈，湯底方面較特別可選鹵水汁或牛什湯。 魚肉翅兩溝 $16魚肉份量都算幾多，不過個碗仔翅就比較黏感重。印尼撈麵 $9太耐無食印尼撈麵，見到真係會有種突然想食嘅感覺。魷魚/齋 $8（小食）$8/串店家秘製嘅咖哩魚蛋醬超正勁吸味！雞翼 $11/2隻牛根丸 $13/3粒 五花腩 $15/串豆卜$10/串 招牌燒茄子 $25串燒類價錢相宜，食落就係內地正宗惹味！叫夠10串仲送汽水一罐 。豪食一頓都$200/有找，不過對環境高要求嘅就可能唔適合。

探完朋友仲有啲餓，臨搭車返屋企之前見到間有得買牛雜串燒嘅。朋友話佢由細食到大，難得嚟到就試試佢。叫下叫下叫咗勁多串：雞全翼x2、雞皮、五花腩、五餐肉、牛肉、魚皮餃、雞髀菇、煙肉金菇。落單之後佢哋即刻整，大約等十分鐘左右，熱辣辣即刻食咗串，好正。其他拎返屋企，搭車時勁香孜然味。全部都燒得好好味，啲肉都唔會好乾。我最中意食燒雞翼，大大隻多汁唔鞋口。朋友介紹嘅雞皮都唔錯，平時我都唔中意食雞皮，原來燒香咗咁好食。呢到仲有牛雜，不過拎返屋企有啲煩，下次有機會再返嚟試下。

今日整天在紅磡上堂及開會，終於放工啦，帶着疲倦身軀，正準備回家時，途經蕪湖街見到金牌牛什+串燒小店，覺得胃口不太好，不如吃小食當晚歺🧐大牛什$37他用牛腸、牛膀、牛肺、蘿蔔用加了花椒、八角等五種味料的醬汁慢火炆好幾個小時，等牛雜炆透了，而蘿蔔又吸了加入牛雜味的醬汁後，入口回味無窮。車仔麵$32三餸之內（另外加餸$6一個）除有多種麵底及湯汁選擇之外，豬手同豬大腸炆得腍滑兼入味、魚皮餃，墨魚丸彈牙👍酸辣粉$23（小辣）那種酸酸辣辣的感覺令人食慾大開，吃完后大汗淋漓的通透感真的很舒服😌串燒：$10 韮菜必食之選、$13 墨魚咀、$12 羊肉串 ，孜然粉調味令燒物具有強烈香氣且略帶辛辣味的口感，能去除羊肉的腥羶味，還可解油膩、增加食慾，尤其經過高溫加熱後香氣更濃烈😋😋