Video
3-min walk from Exit C2, Sham Shui Po MTR Station
continue reading
Telephone
55626808
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
呢間雞鍋米線，唔使黐膠花晚市都可以平價食到花膠，一坐低就已經擺定兩個爐當然一嚟就嗌招牌嘅花膠雞鍋啦，大貪啲加錢轉雞髀都唔肉赤啲肉果然好嫩好入味，唔做點吮都已經骨肉分離日熬六粒鐘嘅雞湯好香亦唔會鹹，飲晒佢感覺好補，仲有幾多花膠喺裡面夾啲米線落去，好快就索味，質感啱啱好又綿又彈另一鍋睇落差唔多，其實係客家黃酒雞，酒香好濃就算唔係雞髀，其他部位嘅雞肉都好嫩口，亦索晒酒香除咗米線，仲可以揀飯或者米粉，米粉都好吸湯，啖啖酒湯香味不得之了再嗌多個小食送麵都仲得，佢地嘅酥炸蝦卷一碟都有五大條，炸得幾脆身裡面蝦香夠濃，點甜辣醬食更有風味跟餐加錢有飲品跟，凍檸水都好大杯吓，雖然走甜，檸味好足豆漿都大杯，凍冰冰咁，食熱辣辣嘅雞鍋米線啱晒
continue reading
今日嚟到深水埗有啲嘢要買咁啱撞到個住喺附近嘅朋友大家未食嘢就一齊入咗呢間餐廳當時係經過聞到好香嘅鍋味XD所以二話不說 就呢間啦～叫咗以下幾樣嘢食 值得再食!!- - - - - - - - - - - - - - - - - - - - - - - -1. 客家黃酒雞鍋一上枱就充斥住濃郁嘅黃酒香氣湯底色澤比較鮮黃 飲落好天然嘅鮮甜不枉熬咗6個鐘 全部精華喺晒湯底飲完好補好暖 可配米粉/米線/白飯/公仔麵唔少嫩雞放喺鍋中 以黃酒煮成嘅雞好入味 搭配娃娃菜、茶樹菇、雲耳 仲有杞子點綴2. 娃娃菜雲吞雞鍋呢個湯底色澤比較淡黃 不過都係用心熬製全部鍋類都係用咗雞腳、原隻雞、豬骨熬成所以出嚟味道係好清甜 配搭好多脆嫩嘅娃娃菜仲有由人手包成嘅鮮蝦雲吞 夠晒真材實料如果想再食更嫩滑雞肉可+$8轉雞脾重點就係熱飲唔使加錢 都幾高性價比3. 酥炸鮮蝦雲吞呢啲雲吞都係人手逐粒包成 好有媽媽味道清晰見到個餡有真蝦肉 外皮炸到金黃酥脆搭配酸酸甜甜嘅泰式酸辣醬 食出唔同口感4. 香辣爽脆魚皮魚皮質感超級爽彈 好多放題餐廳都係浸到淋晒呢度終於食到就算加咗香辣汁外 都仲係好爽脆香辣惹味 唔算好辣 面頭加咗少少芝麻、花生如果有埋芫茜就好(本人係芫茜控表示XD
continue reading
【深水埗區】【金記鍋雞】好耐冇見舊同事經理哥，雖然佢已經離咗職，但係所謂「一日經理，一世經理」，點都係叫返佢經理哥㗎喇。約得佢食嘢梗係試啲好嘢，嚟到深水埗呢間出名食暖心雞湯鍋嘅餐廳，號稱係全港性價比最高同最有創意嘅一人花膠雞鍋喎，咁我哋就入去試吓佢。經理哥試 $58 嘅「椰子竹笙雞鍋」配白飯，加 $9 飲「凍奶茶」，個椰子竹笙雞鍋用咗新鮮嘅海南椰子，勁清甜，性價比勁高，經理哥讚不絕口。我就試 $68 嘅「招牌花膠雞鍋」配米粉，加 $9 飲「凍檸茶走甜」，個湯底勁香濃，花膠嘅鮮味係勁出。小食就試咗各 $38 嘅「酥炸蝦卷」同「酥炸鮮蝦雲吞」，前者都唔錯，但後者係現場即包新鮮酥炸嘅鮮蝦雲吞，特別好食。埋單 $220，我覺得値嘅地方在於佢哋個雞湯湯底，係每日至少六個鐘用原隻雞、雞腳同豬骨熬製出嚟，咁嘅水準係呢個價錢幾抵。。。（地址：深水埗汝州街257號地舖）@kamkee_chicken#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am深水埗區 #深水埗 #金記鍋雞 #椰子竹笙雞鍋 #白飯 #凍奶茶 #招牌花膠雞鍋 #米粉 #凍檸茶走甜 #酥炸蝦卷 #酥炸鮮蝦雲吞 #kamkee_chicken #1am1610 #1ambackup
continue reading
係深水埗發現呢間性價比極高嘅一人雞鍋！😋湯底選擇都幾多下～揀咗個清甜啲嘅椰子雞試試～仲可以加$8轉雞髀！👍🏻叫另外見到冬蔭公湯底都吸引就試埋～～聽店員講小食都出色，於是叫咗個炸雲吞😆叫完就上咗兩個爐，用黎熱住個鍋幾貼心😉椰子竹笙雞鍋大大條竹笙吸晒湯極正！雞髀好滑同好香雞味🤩個湯底好鮮甜～椰子香味突出聽講佢哋個湯係煲足6個鐘！所以真係好濃味😍😍冬蔭公雪花肥牛豆腐鍋湯底酸酸辣辣都幾開胃下！肥牛重牛味，豆腐又夠嫩滑酥炸鮮蝦雲吞皮薄餡靚🤩🤩勁勁勁酥脆！個雲吞真係好好味推薦必叫！👍🏻
continue reading
係深水埗鴨記附近搵左間全港性價比最高同最有創意一人火鍋‼️價錢都係$58起，十分親民❗️套餐仲包左飯或麵，飯仲可以叫少飯或多飯😍都好多人叫冬陰公雪花肥牛豆腐鍋，都係$68炸😝⚠️湯底每日至少6小時用雞腳、原隻雞及豬骨熬製，飲落去無味精🥰🐔招牌花膠雞鍋 $68湯底好清甜，花膠好滑同爽口，雞肉都好滑🥰🐔胡椒豬肚雞鍋 $58依個天氣叫依個鍋真係正，驅寒😂我平時好少食胡椒豬肚，但依個湯係我第一次會不停飲，真係幾好飲🤣🤣啲豬肚經過燉煮，肉質韌滑，滲透咗胡椒嘅香氣，幾過癮🐮柱侯牛筋腩 $38牛筋肉質韌滑，入口即化，牛腩就肥瘦相間，肉質鮮嫩金記鍋雞 (深水埗)📍深水埗汝州街257號地舖
continue reading