金豐車仔麵

Open Now

Now Closed

呢度附近都係得d茶記同連鎖餐廳，下午茶都唔平，臨近16:00，連鎖店燒脾都賣晒。行入少少見到呢間下午茶時間2餸連嘢飲，只需$34，算是附近比較好的選擇。今日就係想重口味一點，點了3餸大腸+尤魚+牛腩+$9，要腩汁+秘製辣汁河粉。 飲品要凍鴛鴦+$3。碗粉一嚟到都要少少嚇親，幾大碗，難怪下午都有不少人光顧！湯底顏色都深，又唔算太咸，只係有點太油。豬腸乾淨無腥味，尤魚都爽口，唔難咬開，這2款餸算中上。唯一是牛腩真的麻麻，食落痴牙，味道普普通通。飲品凍鴛鴦幾好，有做到少冰少甜，如果可以轉做紙飲管就更好更愛地球了。

忙咗一整日，5:00pm 都仲未食午飯，隨便找間餐廳就衝入去，我同大胃王衝咗入一間食車仔麵嘅餐廳。我點咗木耳、魚腐、雞翼、蘿白粗麵+凍檸茶($7x)：上次試過小辣無咩感覺，今次挑戰中辣，但辣到飛起咗😂😂要麻煩姐姐比多碗清湯嚟減辣😂😂 但係湯底喺夠味嘅。至於食物方面，蘿白唔夠冧，有些硬；魚腐喺切開咗一半，其實完整得兩粒，+$12兩粒魚腐，個人認為喺偏貴嘅，雞翼味道正常，麵底口感煙靭彈嘅。大胃王緊喺要加底啦😂佢點咗鮑汁雞腳、豬腸、豬頸肉粗麵+凍奶茶($7x)：佢點咗清湯湯底，夠晒穩陣，我覺得佢嗰碗車仔麵，賣相就嘛嘛地，但喺呢嗰喺佢點咗雞腳所至。😂😂😂整體嚟講湯底同食物正常，但餐廳嘅位置唔算喺旺區，那麼CP值算偏低嘅。🔎金豐車仔麵 (九龍灣)📌九龍灣宏光道80號麗晶商場1樓

車仔麵簡單美味，唔知食咩嘅時候就去食。特別係牛腩和冬菇，都幾入味。平日裡人不多，隨時想食就可以去食下。雞腳也不錯。另外可以看到廚房，衛生非常好。總之係平價美味之選。

      好久沒寫食評  疫情以來 沒推動寫 久之(復寫) 有因  在堂食小數下  推動到本星寫評 2大原則  1.好食到上天 2. 差到落地.  (慾知1,2 在下文)5好話5撐(自已友)  本住麗晶都食過晒.. 邊間好食/邊間差都已有底.. 車仔面實5多間商場一間/屋邨/大排檔etc  商場此店新開有食過2-3次  初開時覺得好食尤其雞翼尖.. 現在應還有因實沒有再食..直至昨日       2人分叫左3個餸+面 $50+ & 2個餸+薯粉+芽根水 $40+ 原價錢值與否5多評, HK 地一碗車面$4/50 是normal .. 評只有質量最直接(入口) , 先寫本星食的那碗, 一般小食薯粉. 聽過但沒意慾買煮/食 又試下, 加左爽肉(即豬頸肉wor店員姐姐話)  大既...................個碗, 份量呢就比較小啦  唔知米薯粉貴過面/其他  面價又一樣$14 食感是滑嘟嘟的, 有嚼口 (EE奀奀) 咁質感OK, 至於爽(豬頸)肉呢就切到(肥)條狀, 即呢一條未算 一塊塊又5到咁 (食開豬頸肉)都係一塊塊大大地算各店有各店切法同份量5多評,  味道normal, 

中午一個人搵食, 這家小店坐滿食客, 門口也有多人等外賣, 應該可以一試。店員指示我在一張已坐有兩位客人的小檯坐下,  劃好點餐紙, 未見店員來收, 只好自行走出門口交給收銀員。轉頭送來的不是一碗車仔麵, 而是帳單, 原來要先找數。點的車仔麵包括通菜+腩肉+猪紅+米粉, 當中最可取的是猪紅, 夠爽滑; 最需要改善的是腩肉, 太硬身, 欠缺口感。

呢間餐廳唔係太大 得5-6張枱 仲有張bar 枱 獨食都唔會太尷尬 另外餐廳裡面有啲懷舊擺設 都幾得意間唔中都會食下呢間車仔麵 6點前落單 有下午茶優惠 $32有2個餸 再加餸$8/款 送熱飲 凍飲+$3 如果時間岩 真係好抵食第一次揀左鹵水蛋 不過隻蛋已經煮到好老 麻麻地 另外揀左水🦑 新鮮爽口 同埋咁既價錢 算俾得多 平時仲會食鮑汁雞腳 夠入味😋 同埋呢到既辣汁好好味 唔會死辣 咸香辣 正🤤 呢到冷氣夠大 唔怕食熱野同辣野出一身汗😆😆😆

九龍灣來講，車仔麵嘅選擇都幾多。今日叫咗外賣自取，叫咗四個餸，價錢大概四十幾五十蚊。價錢還可以啦嘢食算係幾好食，而且熱辣辣👍🏻整體來講都幾好唔錯，下次會再叫

金豐車仔麵 @ 九龍灣麗晶花園推介⭐️⭐️⭐️⭐️/5星滿分每次必叫金豐酸辣粉$48+魚皮$8 + 雞翼尖$8 薯粉有得揀爽同淋又有脆卜卜既炸菜湯底都有得揀唔同辣度不過十次叫佢走花生只有一次會幫我走花生🤷🏻‍♀️#屋邨美食

等到頸都長😎😎😎我仔終於開學了(me time只有1.5小時)，我終於可以一個人享受我的早餐和睇雜誌，唔再自己煮一人，煮完仲要洗碗，去我家附近經常食的車仔麵，2餸麵優惠價27元(早餐時段，用QR Code程式下單減一文，原價28)，包熱飲一杯，今次再食我最喜歡的花膠，令人驚喜已變得好淋，同好大塊，滷水牛肚也好入味，而佢最秘製的醬汁是必叫的，就是加沙爹汁和少辣汁，令淡而冇味啲花膠變得滋味！同時去魚腥味。第二次叫的是豬爽肉和鮑汁雞腳，豬爽肉很有豬味，雞腳很淋不用怎咬。佢嘅熱鴛鴦都幾好飲！

上次自己來吃完這家車仔麵後，今天帶同事一起來Encore。今天比較餓，點了4個配料。$48這裡的沙嗲汁值得一讚，很香濃，花生味很出，不過如果份量多一點才更好吃。麵底：米粉 $12冬菇$8：不是我愛的厚身冬菇，不過這個都蚊得夠入味，份量也不少，會Encore蘿蔔 $8：雖然不硬，但也不夠軟和入味，未必Encore。牛腩 $10：蚊得都算軟稔入味，不過比較肥，份量都算多豬爽肉 $10：我猜是豬頸肉，不過不會很肥，但沒有滷過或者調味過，味道比較單調。不過質地爽口，不錯。

『足料抵食車仔麵』⠀⠀不知道你們愛吃車仔麵嗎？這是我最愛的港式美食之一。⠀最近發現公司附近有一家車仔麵，看見食評不錯，立即來試試看。⠀麵底方面，我選擇了薯粉，質地煙靭爽滑，份量頗多，$12一份。⠀選擇了自家製麻辣汁，中辣，不算辣，覺得沒什麼特別～如果再惹味一點更好喔。⠀配料我選擇了豬軟骨、花膠和鮑汁雞腳。⠀豬軟骨（$10）比較失望，不夠軟稔，也不算入味。⠀花膠（$10）份量很多，比較厚實，會再encore。⠀雞腳@$10）夠稔，但不算很入味，也不會煮大軟爛，滿滿的骨膠原。⠀這樣下來一碗才$42，算是抵食之選。

店舖位處不起眼的位置，雖然去過麗晶商場多次都不為意有這麵店，店內輕有懷舊裝飾品，枱椅尚新、乾淨企理。比較環保的點菜做法：在過膠的餐單紙上用油性筆圈餸，可重用重寫。凍豆漿是預先包裝好，一插粗飲管必預算內裡滿滿的豆漿會濺出來。點了3碗車仔麵，其中一碗選了薯粉，首次見是微曲的薯粉，麵底通通都自動加底，所以如果3人點兩碗麵已足夠。配餸計有 豬大腸、紫菜、豬腩肉、魚蛋、雞翼尖、水發魷魚，腩肉、大腸都大大舊，味道和別家車仔麵沒太大分別，反而是價錢比起啟晴邨某車仔麵更相宜，所以我覺得可翻叮。

金豐車仔麵呢間車仔麵好環保，order係用可擦既墨水筆比客人圈食物，揀左個蕃薯粉底、花膠、辣水魷魚、腩汁加埋雪碧。圈完係先比錢後等waiter送野食。薯薯粉好煙韌、好好咬、腩汁少少spicy但可接受。估唔到車仔麵都有花膠揀，花膠10蚊既價錢，但份量有好多，又抵食。辣水魷魚，都超有咬口，又冇渣，勁好食呀！配埋雪碧very gooddddddd😍朋友啡叫左個豬紅，豆卜，牛栢葉都超好食，豬紅好結實，豆卜就差少少，唔太夠火候，牛栢葉都控制得好好。

早上，我一接完阿仔上學。就好喜歡去這間餐廳度坐低食個車仔麵早餐。因為店鋪新裝修環境不錯，冷氣足夠，因為早餐特惠時段26元就能夠叫到兩餸面連埋熱飲，凍飲只需要加2元，個店員好有禮貌，曾經請我仔仔食粒魚蛋，我特別推介的就是花膠、豬爽肉、豬紅、滷水雞蛋、五香牛腩、咖喱魚蛋、滷水豬肚、瑞士汁雞翼，每次都係我必食的。另外我好喜歡佢個沙爹汁。少少辣好開胃。有別於其他車仔麵佢個自家製麻辣醬是特別濃郁，我每次都會叫小辣，零舍開胃！

今次第二次黎食，叫左碟鮑汁花生雞腳，另加一個四餸麵（豬紅，魷魚，豬腸，炸魚皮），餸菜份量都算足料，豬紅唔會一夾就散，魷魚味道不錯，豬腸個人幾推薦，入味又夠「林」，炸魚皮唔係碎既，而且好夠脆，雞腳都好入味，唯一可惜就係鮑汁花生雞腳入面冇花生食