銘記潮汕牛肉粉麵

Open Now

Now Closed

潮州粉麵喺香港非常多間，但係唔係間間都好食今日經過油麻地買完嘢，見到呢間銘記潮州粉麵，雖然都係夜晚六點幾，但係裏便超級多人，所以決定試一試餐廳主打新鮮牛肉，有唔同嘅部位吊龍件、牛栢葉、牛黄喉河粉吊龍又係稀有部位，牛味香濃，而且質感非常好，食得出非常新鮮牛柏葉係少有嘅黑柏葉,口感清脆爽口,牛黃喉非常爽，但亦都夠入味三個餸都係50幾蚊非常之抵食，而且份量非常多，呢個價錢已經包咗嘢飲✅新鮮嫩牛肉牛根河粉採用新鮮嫩牛肉和牛根作為食材,搭配柔軟Q彈的河粉。牛肉和牛根的肉質鮮嫩多汁,與河粉的口感形成了完美搭配。手打牛丸牛肉丸唔會一啖粉，牛肉成份非常高，而且湯到已經有生菜，食起上嚟唔會單調😋😋另外仲叫咗一個正蘿蔔同埋油菜都非常抵食，非常建議試一試👍🏻

油麻地既餐廳比較多。但最近幾個月。我朋友介紹要去食。因為他老婆系極之喜歡食清湯牛腩。他同老婆上星期食完就不斷介紹身邊朋友去嘗試！牛三寶是邊幾個部位？最好食。正正就是牛最好食的部位，包括牛肚、牛腩、牛筋。但今次呢間麵館食的部位好特別再配上特別講究的清湯底。更加美味可口。雪花牛頸肉質順滑。肉質入口更是入口即化的現象！牛板爽脆滑口。但亦有入口有一種咬勁。吊龍件更加特別重牛肉味道清湯既鮮甜從不蓋過獨有牛腩味道。配上一杯凍檸茶。更是炎熱天氣補上一個歡愉的下午。

香港既粉麵店大多數都係食牛腩類既食物但呢度最特別既就係食潮汕牛肉算係一D比較貴價同有質素既牛肉但係價錢唔算好貴我叫左既係清湯牛坑腩粉加牛胸爽雙拼係$70, 份量都幾足牛坑腩牛味濃郁, 而且一肥一瘦的夾著, 口感比起一般的牛腩更加豐富牛胸爽是一片白色的肉肉, 口感和牛坑腩很大的分別, 是爽爽的口感, 牛味更濃友人吃的是咖哩牛根飯, 牛根勁嫩滑和入味, 而咖哩是港式的咖哩, 口感綿滑, 不辣的反而更凸出到咖哩本身的香味！

好近油麻地港鐵站，有一間好正宗食潮州牛肉粉麵嘅舖頭小店，見餐牌有好多唔同部位嘅牛肉、同埋手打牛丸、同埋牛筋等……我哋叫咗：1）吊龍伴、招牌雪花牛頸脊、黑柏葉米粉牛肉係新鮮手切，切得薄，有牛味，黑柏葉好乾淨，冇牛臊味。真心推介雪花牛頸脊同吊龍伴，好好食。2）牛筋、牛板腱招牌雪花牛頸脊淮山麵牛筋好腍，好推介！牛板腱係筋連肉，所以如果鍾意食啖啖肉嘅朋友，建議揀選招牌雪花牛頸脊。淮山麵好煙韌。3）潮州手打牛丸湯真係正宗潮州手打牛丸，彈牙，有肉汁，有牛油香，真係好好味呀！座位好舒服，係卡位，大枱都有，凍飲都只係加$3 ，罐裝可樂汽水都只係加$5 ，所以都好超值啊！服務員有禮，又識得推介吓啲食物，非常好！

夏天真係熱死人啦 🥵 一入到門口，就有強勁既冷氣 😍😍 環境乾淨，位置好闊落 👍🏻👍🏻 店員好有禮貌，點完野食之後好快就有得食啦 牛魔皇米粉 $70呢間店最出名係牛，呢碗牛魔皇米粉簡直係一次過試齊所有想試既野 😍😍😍 大推👍🏻 有牛頸脊，牛丸，牛柏葉，牛黃喉同牛骨髓。份量勁多，湯底夠曬味，牛頸脊唔會肥，肉質嫩滑；牛丸彈牙多汁；牛柏葉口感爽口；牛骨髓勁滑，以上既野食加埋佢地既秘制辣椒油，好好食👍🏻👍🏻👍🏻 油菜 $12平時外賣好少會叫油菜，但係見到好抵，就忍唔住叫碟試下🤣🤣🤣 可以選擇菜心或者生菜；都可以選擇蠔油或者腩汁，我揀咗蠔油生菜。生菜好新鮮，煮既時間剛剛好，唔會煮到淋曬！ 👍🏻 炸魚皮 $15夠曬大碟，勁脆口😍😍😍 而係好夠味，點埋辣椒油好食！ 再點落湯一齊食會發出滋滋聲 😉😉 證明夠曬熱🤣🤣 呢個炸魚皮會令人食過翻尋味 😎🥹時菜紫菜湯 $15濃或夠曬味，紫菜既份量都幾多👍🏻凍檸水 $3野飲+ $3 就有，好抵！！

牛魔王有福了，油麻地砵蘭街有一間主打潮汕鮮牛嘅粉麵店《銘記潮汕牛肉粉麵》，佢哋唔係一般嘅粉麵店，餐廳提供多款新鮮潮汕牛部位嘅粉面，例如牛腩、牛胸爽、牛黃喉、牛骨髓、吊龍件等等⋯⋯每一款都鮮味十足，可以自由搭配，等你食到多種唔同嘅口感。我今日揀咗雪花牛頸脊河粉餐廳嘅牛骨湯底非常濃郁，充滿咗牛骨嘅鮮香，湯底清而不油，雪花牛頸脊肉質鮮嫩多汁，油脂分布均勻，咬落去好有彈性，每一口都充滿咗牛肉嘅鮮甜。牛頸脊唔會過熟，保留住咗牛肉嘅最佳口感。河粉方面，唔會過軟或者黏連，滑溜爽口，口感好好，吸收咗牛骨湯嘅鮮味另外order咗多一個白蘿蔔，冇渣而且煮得啱啱好，唔會太軟亦唔會太硬，食落清甜得黎白蘿蔔仲吸收咗牛骨湯嘅精華，出色

👍🏼首先要讚辣椒油，非常香，為碗麵加分不少👍🏼另外是牛肉質素，牛頸脊肉味香濃，一碗大概有5-6片；牛腩一碗大概3-4大舊，肉質不會柴之餘，還有些爽口，而且有點肥膏和少許筋，愈咬愈濃牛味，兩者都整體不錯。👍🏼最後是湯底和麵質，湯底是牛骨清湯，不會很油膩但又不會沒味道；麵選了米粉，我個人十分滿意，是非常爽彈的口感！呀姐果然控制生熟程度十分了得！凍檸茶普普通通價錢有少少略貴但我絕對會再翻啅😋

想食牛肉麵過嚟呢邊都係一個唔錯嘅選擇。呢度嘅牛嚴選上盛潮汕牛肉，十分新鮮。呢度啲牛款式選擇好多，有牛頸脊，牛坑腩，牛王喉，牛柏葉，牛丸，鮮嫩牛肉等等，佢仲有一碗牛魔王係包含晒咁多款牛，才$70！仲包一杯飲品，真係超值啊！😋😋鮮嫩牛肉麵$40牛肉鮮嫩，佢七成熟，牛味濃郁，湯底食唔到有味精！牛坑腩麵$60牛坑腩大大件，啲肉好林，肥瘦適中，口感滑溜！仲可以加$10加一款牛配料，非常之抵食！👍🏼👍🏼

【油麻地•銘記潮汕牛肉粉麵】@ππππππππππππππππππππππππππππππ油麻地牛氣頂配粉麵店牛魔皇粉河粉（牛頸脊、牛丸、牛柏葉、牛皇喉、牛骨髓）新鮮雪花牛頸脊及吊龍河粉淨手打牛丸油菜（生菜及蘿蔔）凍檸茶凍奶茶雪花牛頸脊伴吊龍河粉非常新鮮，肉質鮮嫩可口。配上濃郁的牛骨髓河粉湯汁，清爽的菜葉，以及手打的牛丸，營造出了令人垂涎的美味佳餚。搭配凍檸茶或凍奶茶，更是愜意享受。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 200✨✨✨✨✨✨✨✨✨✨✨✨✨#油麻地美食 #銘記潮汕牛肉粉麵 #web3油麻地銘記潮汕牛肉粉麵油麻地砵蘭街35號地舖

平日晚上經過油麻地發現呢間小店，主打多款牛雜同粉麵，平均一碗都係$50幾，有唔同部位可以選擇，雙拼/三拼，亦可轉主食類，包埋飲品。見咖喱幾特別所以叫咗個咖喱牛坑腩飯，估唔到份量十足，裡面有成8-9塊牛，肉質嫩滑，入口即化，肥瘦均勻，而且吸飽咖喱汁。咖喱味道香濃惹味，帶微微辣，配飯一流。另外要埋碟油菜配住食，感覺更加健康。呢度有生菜、菜心同白蘿蔔，而且仲可以揀要蠔油定腩汁。生菜油得嚟又掛滿湯汁，蘿蔔大塊又甜，$12蚊好抵食，份量又多，唔錯👍

呢一日心思思，做完治療後，立即沿砵蘭街直行，再次嚟幫襯呢間店舖。入到店後，立即安排我坐卡位嘅一邊，而店員已經拎好筆同紙起側邊等候，令我有啲壓力感。好彩我沒有選擇困難症，很快就決定要一碟食過翻尋味嘅炸魚皮，$15，牛坑腩加牛板筋幼麵，配熱咖啡，$70，一共$85。先嚟炸魚皮，而熱咖啡亦好快就到，麵就隨後到，雖然都等咗碗麵一段時間，但都無第一次咁耐。炸魚皮依然咁大碟，依然係咁脆，依然放落湯度會有滋滋聲，呢啲係新鮮食材嘅證明，無得唔服。坑腩好腍，牛板筋呢就啲肉食等到鮮味，但啲筋就真係好硬，雖然切得好碎，但都好似食緊硬膠咁硬，唔太好食。幼麵係蛋麵，唔係鹼水麵，好爽口彈牙，而且份量都好多，多嘅程度係比普通粉麵包嘅份量多，唔會係兩三著就食完，所以食嘅時候，一定要揚鬆先好食，因為佢嚟嘅時候，啲麵係壓起底，而且有啲實心，但啲麵係熟透嘅。至於碗湯就好失敗，好鹹，完全唔係清湯，成個飲食體驗最差就係個湯。而呢餐最大驚喜係咖啡，雖然我唔係好識欣賞，但飲落口嘅感覺好似連鎖快餐店嘅即磨咖啡，而唔似茶記嘅咖啡粉開出嚟嘅味道，好正。美中不足嘅係只有包裝白砂糖，而無咖啡糖供應，否則成件事會更完美。碗麵揚鬆後嘅賣相，可以

呢一日，原本打算沿彌敦道南行，經加士居道去土瓜灣醫肚，點知行到窩打老道口，遇紅燈，而對面彌敦道就綠燈，於是把心一橫，過對面馬路，再行前一個街口轉右，再次嚟到呢間特色店舖食嘢。今次係第二次嚟，當然係食一啲食都未食過，甚至聽都未聽過嘅嘢啦！左揀右揀，左計右計下，叫咗碗三併麵：吊龍伴、牛栢葉及牛黃喉，上次試咗公仔麵，今次就試粉麵店比較少有淮山麵，連熱檸水，承惠$56。今次上檯速度算快，約5分鐘就到，唔使好似上次咁，等到頸都長，差啲忍唔住連包魚皮食埋都未到。先咬一口吊龍伴，嘩！鮮味都不得了，即使事隔多日，依然回味無窮，上網查資料得知佢係吊龍嘅下邊，即係肉眼邊，油香及肉香比例都好高，真係好好食，可惜係太碎，唔係一片片牛肉，否則就更好食。牛栢葉係用唔常見嘅黑葉，又睇翻網上資料，原來黑栢葉係鮮貨，而白栢葉係經雙氧水漂過。呢個黑栢葉比白栢葉好食，除咗都係爽脆外，唔韌，證明唔會過熟之外，口感都比白栢葉豐富，但點豐富我又唔識形容，總之就好食。牛黃喉係繼上次之後第二次食，仲記得上次感覺麻麻，淡而無味，得個爽字。但今次好唔同，爽得嚟又有啲味，會唔會同個配搭有關？抑或同師傅嘅火喉有關？至於淮山麵都好滑，好好食。

早前油麻地做野，朋友介紹有間平靚正麵店值得支持， 我們便去了附近一間 銘記潮汕牛肉粉麵， 位置都近地鐵🚇站， 舖頭直長空間， 企理舒服、窗口可以看到廚師煮麵。其中皇牌潮汕牛肉的粉麵牛肉鮮味十足又有咬口，粉麵軟腍可口， 份量都夠小食炸魚皮魚皮香口惹味，脆卜卜香口還有丸類都不錯， 埋單一百元左口食飽飽， 兩個人都覺得平靚正之選喔！如果有菜點便更好啦！ 銘記潮汕牛肉粉麵地址: 油麻地砵蘭街35號地舖電話: 69211398

自從去完潮州打邊爐之後，就愛上咗嗰邊嘅牛肉，🤩🤩🎉牛魔皇河粉：牛魔皇河粉是一道all in one 既麵，湯底由牛骨熬煮而成，搭配牛頸脊肉、牛丸、牛柏葉、牛黃喉和牛骨髓。這道湯粉的特點是濃郁的牛肉風味，配料豐富，口感鮮嫩。配搭店裏面本身有嘅沙茶醬，滿滿嘅潮州風味🤩🤩🤩新鮮吊龍牛根河粉：吊龍係牛嘅其中一個部位，可以話係我嘅最愛，有咬口得來非常嫩滑，牛肉味爆棚腩汁白蘿蔔：蘿蔔吸收了湯汁的滋味，口感鮮美。淨手打牛丸：牛丸肉質鮮嫩彈牙，口感十分獨特。牛丸會放入湯中煮熟，然後與湯一起享用。😝😝😝

身為籍貫潮州嘅人，真係好鍾意食牛肉河粉！呢一間位於油麻地地鐵站幾步距離，居然提供雪花牛頸脊、吊龍伴、牛柏葉、牛黃喉嘅選擇。定位可能比一般嘅高少少，但係食落肚嘅梗係着重味道👅分別叫咗一個牛魔王河粉同咖喱牛坑腩飯 。牛魔王已經包含晒牛頸脊、牛丸、牛柏葉、牛骨髓、牛黃喉，湯底特別清甜，河粉滑捋捋，最特別嘅佢仲可以轉做淮山麵。咖喱飯份量好足，咖喱唔會太辣，濃郁夠香！炸魚皮當然不能夠缺少，魚皮香脆，沾沾牛肉湯再加少少辣椒油，完美(⁎⁍̴̛ᴗ⁍̴̛⁎)另外仲叫多碟蠔油生菜🥬！餐廳仲可以俾你買當火鍋底料