開花結果 (Closed)

好耐冇去荔枝角呢間抵食小店，今日再次返去～一直食開皇牌經典沙律餐，但今次去可能成本問題，大約7月先會再供應沙律餐。雖然冇沙律，但又落住雨，唯有照食啦，同朋友一人叫左一款是日午餐， 2人都加左6蚊要杯鮮打果汁🍹1.燒羊架配長通粉有驚喜，本身以為係頹飯，羊架會好「騷」但煎得好香有肉汁，同長通粉+汁都好正！2.西班牙班塊配螺絲粉都係有驚喜，斑塊唔係cheap果啲頹魚柳，係厚肉架！唔乾身，配埋汁岩岩好我叫左杯奇異果汁，友人叫左叫西柚汁～ 奇異果汁有啲酸，但夏天飲酸酸地幾中意埋單$110，有鮮果汁又食到超飽，抵食

成日行過呢間舖頭仔都見好多人係門口等，今日行過見冇乜人就試下啦。入去見啲人多數食沙律餐，我唔想食凍嘢所以叫左個 "lunch set" 燒汁BB豬骨意粉，個豬骨幾入味但亦都好重味，肉質唔鞋唔柴皮，杯檸檬茶我估係因為檸檬太簿又放雪櫃耐冇乜檸檬味。食物味道ok，反而我想講嘅係衛生問題，隻碟摸上手黐立立，門口地下放左一袋袋廚餘，有時仲會有汁流落地下……

媽媽一直強烈推薦我哋去食呢一間開花結果試完之後真係好難忘佢嘅沙律超級好食 雞髀牛角包薯條都好好食所有嘅果汁都係鮮榨尤其是係奇異果嗰杯真係好好飲下午茶加七蚊就有一杯 好抵食

工廠區中有間人氣小店，每次中午食晏時間，門口都排滿人，某天lunch hour 終於決定一試這人氣小店,，同事說試過一個人來也要等半小時，今次很好運，去到報上人數就立即有位～小店位置不算多，每天都全場爆滿，坐得迫一點也沒問題～食物方法，除了麵包加沙筆外，也有每天精選套餐～是次點了以下兩款食品：煙三文魚牛角酥 + 新鮮生果 + 菠蘿粟米蛋沙律 - 沙律份量很多，味道不會太酸，配料十足；新鮮水果有五至六款，份量多又很甜；煙三文魚牛角酥配上千島醬及生菜，不會過膩，整個餐超好食黑松露西冷扒配螺絲粉 - 螺絲粉份量超多，牛扒也不太過薄，不過不失，如果多點汁會天好人氣小店的姐姐很有禮貌，雖然午飯時間忙個不停也非常有禮物及快手～絕對會再encore

之前黎哩度，最中意係下午茶時段，因為有大大隻炸脾配沙律。今日早左到，原來早餐同皇牌經典餐都好正。早餐：咸牛肉奄列，牛油多士，蕃茄湯粟米長通粉 $27，凍檸茶加$2個奄列好味，坊間好少有得配咸牛肉，碎牛包係奄列入面，好香 。多士亦有牛油香同脆。蕃茄湯稍酸，長通份稍重份味。皇牌經典餐$49，凍檸茶加$2簡左煙三文魚牛角包，配西芹煙肉薯仔沙律同什果沙律，個包好多煙三文魚，足料，牛角包香酥。薯仔沙律原來入面有洋蔥粒，好爽甜。什果沙律亦好多新鮮蘋果，鮮甜。相對於市面既連鎖三文治店，呢度真係平靚正，無得輸。

見佢成日咁多人，諗住等下午茶無咁多人去試下，見到堂食d人既碎蛋沙律好吸引，就叫左個15號沙嗲牛肉飽跟沙律外賣自取，等左一段時間最後叫左佢送去寫字樓，點知送到黎一睇好失望兼好嬲，個沙律同堂食個d唔同既，個包既牛肉得2塊，打電話去問先同我講話沙律有6款。開花員工:你無指定要邊款，我地就比普通什果沙律。我:下！我第一次買，而且你餐牌就咁寫跟沙律，又無寫可轉其他款沙律，你又無問我要邊款沙律，我點知你地有6款沙律可以揀？?開花員工:咁你下次記得講番啦～仲有下次?你分明呃我第一次買啫?你有心比人揀沙律款就係餐牌寫明啦？外賣盒沙律真係好細份，個包個2塊牛肉片本人覺得仲衰過大家樂下午茶，唔知係咪因為外賣關係，所以質素係咁，但試過就算啦～

之前係荔枝角返工，依度真係飯堂，沙律係必食，連我依D唔鍾意食沙律嘅人都成日食！😍.1. 芝士火腿牛角酥＋開花結果(各款新鮮生果)＋波蘿栗米蛋沙律（＄49)👍🏻👍🏻👍🏻牛角酥真係超級酥軟，勁推！🤤配上各款鮮甜生果同波蘿栗米蛋沙律真係超級大份😱，女仔真係未必食得晒！彤樂評分：9/102. 比目魚伴蜜糖照燒汁飯（＄49）除左沙律，仲有唔少主食嘅。星期三叫左比目魚伴蜜糖照燒汁飯，比目魚雪味重，不過蜜糖照燒汁就唔錯，補救到😅彤樂評分：7/103. 黑松露西冷扒飯（＄48)西冷扒出奇地幾軟腍，加上平價版黑松露汁又幾match，不妨一試。😁彤樂評分：8.5/10

鋪頭細細間，位置不多。黎到lunch同tea time,都多人等位同叫外賣。因為呢到真係唔貴而又好食又多選擇。先試呢個香茅雞翼魚湯飯（$42),眼見冇咩特別。但一擺底碗湯飯，已經聞到超香魚味！個湯真係充滿濃郁魚味。仲有酸菜、菇、芫茜，配埋啖飯真係好滿足！有點美中不足就係雞翼放左入湯，個皮淋曬所以如果大家叫呢d,個雞叫佢另上。個餐加$6就可以叫台式或者特別野飲。我就叫左呢杯蜜瓜雪香。似就奶昔嘅感覺，好香蜜瓜味，仲有杯芽係面，但略嫌唔夠凍。再試呢個tea set,就係炸雞髀沙律。呢到沙律有五六種俾你揀，絕對係推介！黎呢到真係要試，佢唔係茶記果d hea hea沙律！我揀左薯仔沙律，見到份量真係唔少，仲有好多薯仔另外我記得仲有蛋沙律，下次要試埋！！而炸脾係大隻，而且粉唔厚，又唔會炸得太燶！肉好嫩，抵食呀。（大約$3x),當lunch食都好飽。再叫多杯香芋珍珠、珍珠奶茶！而呢兩杯感覺都係香精，冇咩特別！

搬左去荔枝角返工之後日日都帶飯,但有日同事話有間餐廳真係好抵好食仲有好多沙律,即刻跟大隊!呢度每日都有唔同lunch menu,同埋健康沙律"常餐",男同事多數叫午餐(飽D),不過沙律常餐其實份量好多,我好多同事經常食唔曬原因係:佢係一個包+2款沙律+飲品/湯!!!而我gei指定動作就係芒果雞肉法包+菠蘿粟米蛋&田園沙律~視覺滿分~~開頭以為法包會好硬,原來都唔會,麵包好脆,但咬唔會好困難,加上芒果有稍稍汁,令個包無咁乾~~除左本身的沙律,佢個包裡面仲夾住好多蔬菜,真係好健康~~其實要減肥的話,菠蘿粟米蛋沙律都幾邪惡,因為用左好多蛋黃醬,不過D蛋好彈牙.粟米爆多,中間D菠蘿邊食邊爆菠蘿汁,你就唔會諗咁多~~田園沙律D菜就好新鮮,每一款咬落去都"索""索"聲又多汁,雖然佢有千島醬,但我多數都唔點,就咁食都好好味~有次我將個包轉做蜜桃火雞肉香草包,原來香草包都係健康包款.不過同法包比佢軟身少少,而且麵包本身都有淡淡gei香草味,味道就比較豐富,如果唔像攝取咁多卡路里,呢個都唔錯,火雞肉一D都唔"鞋",同雞肉一樣好入味.唔怕肥的話就可以叫牛角包啦,因為呢度gei牛角包層次分明,而且個包明顯比

同事成日講呢間開花結果～終於有機會嚟試啦！ 除咗好多唔同嘅沙律配搭，仲有飯或者意粉餐比我呢啲要食飽肚嘅人🤣🤣🤣不過間舖真係好細🤣我地都等咗一陣先入到去🙉🙉估唔到我同羊肉餐嘅緣份係去到邊都梗有得我食～～真係太開心份量都幾多下，兩件羊架、勁多長通粉（可轉意粉、螺絲粉或飯）不過啲汁就少咗啲啦😕食到最尾啲長通會乾咗啲，下次會記得叫多汁！羊架肉都夠食，羊騷味唔重，對於我嚟講有啲唔夠候。48蚊一個餐仲跟配好濃嘅薯仔西湯真係好夠皮🤤🤤

呢到LUNCH已經好多人係到排晒大隊 有D就等外賣既有D等堂食, 見到咁多人都黎試下佢係咪咁好食先 我叫左個炸雞脾沙律因為呢排想減下磅所以就食D健康D既野 咁樣都唔錯呀 雞脾好正啖啖都係肉 唔錯呀

今日又黎荔枝角做野，12:15行過見到呢間鋪仔細細，但已經有幾個人等緊位既鋪頭，決定都等埋一份望入去見好多人都食沙律餐，再加上上網食評，我都揀左碎蛋牛角包加吞拿魚沙律同鮮果沙律，飲熱奶茶$49，同事就揀左是日午餐黑椒牛扒意+熱檸水$48因為等位期間已經落左單既關係，一坐低就好快有得食，嘩，份量真係好多，跟住一刀切落牛角包係脆架，入面除左碎蛋沙律之外，仲有生菜同蕃茄，到吞拿魚沙律，有火腿同粟米，而鮮果沙律就有蘋果，半邊桃同椰果，同事話覺得太多沙律醬，但食呢啲沙律冇醬既話，不如揀淨水果啦至於同事既午餐，一啲都唔差，牛扒有2塊，四十幾蚊當然唔會奢望比咩靚牛扒你，但呢2塊牛扒就一定每塊都大過連鎖快餐早餐嗰塊牛扒，而再有意粉，西蘭花，小籮白同粟米，真係大碟夾抵食，難怪出面長期有人等位

之前去親荔枝角，我都一定會話食程班長🙈因為佢嘅牛肉麵真係無得輸嘛❗️不過已家比我搵到多個好地方啦😎呢到環境雖然麻麻，但勝在食物方面性價比超高👍🏻每次嚟都係食牛角包牛角包大份之餘，食落仲要酥化，配埋煙三文魚食，呢啲組合邊有得輸㗎🙈另外生果款式都幾多，有奇異果、橙、火龍果、木瓜、西瓜等等，加埋個田園沙律，都先係$48❗️食得油膩嘢多，有時食吓呢啲健康餐都唔錯😜另外加杯雙拼鮮果汁都係加$8，真係抵到爛！

請聽電話的同事上心一些, 本人叫了幾次外賣, 在時信中心上班, 一直只會叫兩樣外賣, 西多走牛油+凍0茶同香茅雞中亦薯條+凍0茶，叫了幾次呢兩樣, 有次講明西多走牛油, 聽電話位姐姐話唔會放牛油, 送到上黎又成PAT牛油, 本人至憎牛油, 講明走牛油, 又冇走到, 都算啦, 今日10/10叫香茅雞中亦要薯條+凍0茶, 送到黎變左沙律, 想點呀? 打去問, 個聽電話位姐姐話可能聽錯, 因為有電話入, 呢D唔係藉口囉, 唔該唔好成日送錯野啦, 問我介唔介意食沙律, 我真係好介意, 但好肚餓, 再等唔知等幾耐, 大佬個外賣都$30, 我仲比$2貼士, 30幾蚊叫個唔鍾意食既野, 都唔知有冇搞錯, 成日聽錯, 唔通要D客食D唔係自己想食既野咩, 唔該請上心少少~~~~

平日草根冇去搵好西時食d咩？其實我地成日食佬飯😂不妨同我地交流下心得🤗紅酒燴牛尾（$46）由於選擇有點多，所以草根決定係是日精選套餐中4選1😂👭草根揀咗紅酒燴牛尾配螺絲粉🍷🐮🍝首先，真係好想講句，份量好好好大份，性價比高👐牛尾都有成6-7嚿😍嚿嚿都大大件，肉質軟腍😋有肉又有充滿膠質嘅筋👅紅酒汁酸酸地好開胃👍仲有D黑胡椒添，調味好十足🙌雖然螺絲粉煮得有少少過腍，不過不太影響到成碟牛尾嘅味道😎蔬菜有紅蘿蔔、西蘭花同粟米🌿好健康👏👏紅蘿蔔煮到婆婆都岩食😙 🐷白咖喱豬扒飯（$46）第一次食呢間，真係比佢個份量嚇親😲#豬扒 🐷有兩大塊👏👏豬扒肉質非常腍、入味😘白咖哩中#椰汁 味較重偏甜，無咗辣味🔥🔥如果可以有少少辣嘅話就更好了P.s. 聞説🌸開花結果 🌸係荔枝角工廠區都幾受大家愛戴，大家有冇食過呀👀