阿久根和牛拉麵屋

Open Now

Now Closed

同朋友睇完戲係附近搵食, 隨意入咗呢間日本麵食小店, 餐廳面積不大, 全吧檯座位, 雖然唔算坐得舒服闊落, 反而感覺很有日本地道拉麵小店嘅和風感覺, 食物水準至上, 而且全日免加一, 搶返唔少分數。呢度主打湯拉麵同沾麵, 另有數款小食選擇。沾麵隨餐奉上一張咭牌展示建議正確食用方法, 夠哂貼心!【人氣慢煮安格斯牛小排沾麵】HK$148自選: 濃厚味噌蝦湯味噌蝦湯以石鍋上, 如果可以再熱得滾下滾下就更好。味噌蝦湯味道如menu上所指嘅偏鹹一點, 味道鹹鮮易掛湯, 麵線QQ彈牙; 而主角安格斯牛小排分別有嫩紅刺身同埋炙燒過嘅熟和牛, 前者係咀嚼時食到和牛本身嘅筋絡, 後者口感比較林, 牛脂較出, 另配有原隻軟滑流心糖心蛋同埋京蔥。【味自慢炙燒豚肉沾麵】HK$115自選: 濃厚雞白湯幾塊表面燒得金黃有焦嘅厚炙燒豚肉, 選自五花腩, 肥瘦相間, 肥油層比例較少, 食落唔會感覺太油太膩, 肉質軟林有肉香。雞白湯同樣易掛湯, 濃郁鮮味。享用完沾麵後, 可以示意店員協助加清湯, 品嚐餘下湯汁精華, 因應個人喜歡嘅濃度而免費添加, 將整份沾麵餐盡吃, 滿足又飽肚。

又出廣華醫院，Lunch同朋友們嚟食拉麵主要食湯拉麵同沾麵湯底配料款式多，啱晒啲鍾意選擇嘅人 (me haha)▶️ 慢煮雞肉沾麵 Slow Cooked Chicken Tuskemen ($112)濃厚味噌蝦湯超濃郁🤩龍蝦味max唔算好咸，仲有好多櫻花蝦乾杰到有啲半啫喱狀，好掛麵👍🏻三片慢煮雞肉正常，帶有少少黑椒味糖心蛋正，蛋黃巨型，晶瑩剔透入味🥚加咗灸燒豚肉 (+$15) 🐷半肥瘦，脂肪入口即融，瘦肉鬆散沾麵粗身，咬落煙煙韌韌🍜好飽肚以大量香蔥同脆紫菜作點綴▶️ 牛舌芯柚子湯拉麵 ($108)期間限定🍋湯底的確重柚子味，甜甜地▶️ 招牌三色拉麵 ($138)配香濃海老湯三色包括雞肉、和牛、豚肉，真係一次滿足三個願望✨▶️ 慢煮安格斯牛小排沾麵 ($148)同樣配濃厚味噌蝦湯慢煮安格斯牛小排份量慷慨，油脂分布平均🥩▶️ 慢煮A4和牛叉燒拉麵 SlowCooked A4 Wagyu Ramen ($158)揀配黑蒜濃湯▶️ 烏龍茶 500ml ($20)-大愛佢個沾麵香濃味噌蝦湯🦐真材實料如果大家想飲晒個湯，可以叫廚師加高湯落去溝淡再飲用豚肉、牛肉、配料都做得好好每個麵用心製作，擺盤精緻，影相都

煙廠街曾經有好多出名小店，依家變得7788，雖然覺得唏噓，但剩下來既都係經得起時代考驗，呢間拉麵店係其中之一。沾麵 VS 拉麵 ？ 沾麵較粗，有彈性，所以配濃厚味噌蝦湯先夠味。拉麵較幼，但由於湯底有油，食落似清爽油麵，係其他拉麵店少有 👍🏻，我投拉麵一票！🍜招牌三式沾麵：有齊A4和牛、燒慢煮雞、厚切豚肉。和牛充滿油脂香、慢煮雞有炭燒味、豚肉則啖啖肉好滿足😌。就好似劉備、關羽、張飛，互相輝映。🥢湯底：有蔥醬油湯、黑蒜醬油湯、白雞湯等等選擇。

舖頭細細大約十幾個座位, 平日lunch time都要等一輪先入到. 燒牛肩胛拉麵 $108黑蒜濃湯真係好濃. 牛肩胛燒過牛肉香味更出. 溏心蛋好夠入味, 半熟甜甜哋好食麵口感唔會太腍招牌三色沾麵 濃蝦湯 $148三色沾麵有齊炙燒豚肉、慢煮雞肉、慢煮A4 和牛, 岩哂選擇困難. 三款都好唔錯, 最欣賞灸燒豚肉, 厚切但唔會乾柴. 反而煮得腍身炙燒過好香, 比平時拉麵店薄身叉燒好食. 下次黎會直接選佢. 雞肉同A4和牛都唔錯蝦湯都幾濃稠, 沾麵係粗麵好掛湯阿波美雞皮餃子 $48以雞皮包肉餡, 如果皮再脆d 會更可口

自從食開果間黑蒜沾麵結業，已經好少去搵沾麵食。呢間話有黑蒜沾麵，可以一試。裡裡外外都好傳統既日式拉麵店，完全令你感受到果種”氛圍”。拉麵款式也不少，最留意當然係沾麵。人氣慢煮安格斯牛小排沾麵安格斯牛小排雖然唔係大大片，但一碗有成十片，個量都算多。最關心既沾麵用石鍋上，喜出望外，因為好夠熱，直頭滾，加上石鍋，令沾麵湯唔會即刻凍晒，影響整個體驗。黑蒜味唔霸道，入口反而似黑椒味多，熱湯底下都幾好食。比晒咭片教你最佳享用三部曲，不過我淨係沾麵已經幾乎食晒啲湯。招牌三色拉麵（豚肉、雞肉及A4和牛）三色拉麵有齊豚肉、雞肉及A4和牛，加埋糖心蛋同紫菜，賣相唔錯。拉麵湯揀左雞白湯，清香唔鹹，個人認為比較適合拉麵。

呢一間喺旺角嘅拉麵店，我竟然咁遲先發現‼️呢間舖頭鋪仔細細，但係一入到去就覺得有驚喜，因為真係好似行咗入去一間日本嘅拉麵小店咁，咁岩店員攞緊拉麵出嚟俾其他客人，香濃嘅蝦湯味撲鼻而黎🤤🤤難怪舖頭keep住有人等位啦！🫶🏻🫶🏻黑蒜生牛肉拉麵 🧄 $98黑蒜湯底味道香濃，入面嘅生牛肉，經過浸泡湯底之後，生熟程度啱啱好，口感腍得嚟牛肉味濃！我另外仲加咗$30加配 味自慢灸燒豚肉🐷，佢哋嘅豚肉同樣都好腍，而且好入味😋😋招牌三色沾麵🍜 $148三色沾麵嘅配料分別有豚肉🐷、雞肉🐔、A4 和牛🐮，非常豐富！三款配料都好食，其中A4和牛最出色，油脂感好重，做到入口即溶，極推介大家試吓！另外，呢一個沾麵嘅濃厚味噌蝦湯🦐都令人好驚喜！蝦味非常濃郁，嚟到嘅話絕對要試！🙌🏻🙌🏻烏龍茶 $20

餐廳設計簡約日系，座位寬敞，播著輕快嘅音樂，適合兩個人悠閒食飯。慢煮安格斯牛小排沾麵，香濃海老湯牛小排慢煮至軟腍，肉味濃郁，油花分佈平均。麵條彈牙，掛湯效果不錯，香濃海老湯加上櫻花蝦令鮮味提升，味道較濃厚，完全冇味精，鹹香帶少少甜味，食完拉麵之後可以加上清湯飲埋最後一啖湯。慢煮牛舌芯拉麵，柚子白味噌雞湯牛舌芯厚切夠份量，質感軟嫩中帶咬口。拉麵配上柚子白味噌雞湯，湯底清香鮮甜，味噌鹹香中帶柚子清新，飲落冇負擔。麵質同沾麵的不一樣，比較幼身，食落有層次感。雞軟骨餃子餃子外皮煎得微脆，餡料夾雜雞軟骨粒粒口感。咬落多汁不膩，外脆內彈牙，作為配菜幾特別，適合同拉麵一齊食。

早幾日自己一個在旺角行街～見有啲肚餓突然間想食拉麵🍜原來呢間拉麵店曾經攞過獎～都幾受歡迎👏🏼當日我叫左碗（期間限定）自家製雲吞及灸燒豚肉拉麵🍜～雲吞的外皮滑嫩😊內餡鮮美多汁😜灸燒豚肉～表面微焦，肉質鮮嫩，帶有一點煙燻風味☺️拉麵的麵條好有嚼勁，吸附了湯汁的味道👅阿波美雞皮餃子雞皮餃子的外皮薄而韌，帶有一點嚼勁🤣雞肉味道鮮美，肉汁豐富🙃飲品配波子汽水餐廳環境比較細～而且座位唔算多🥲佢既裝潢風格掛滿了好多日本海報🤪好似去左日本店舖咁🥰

每次想食拉麵都會揀呢間餐廳，無論食物份量，肉質，沾麵定湯麵都性價比好高，而且水準都一直保持到。餐廳裝潢幾有特色，職員服務親切。落完單等左一陣就有野食！今日點咗個慢煮豚肉拉麵，加$3轉左香蔥醬油湯底，個湯底充滿醬油嘅香味，加$9有一粒自家製雲吞，餡料嘅蝦肉彈牙。豚肉每塊都好大塊煎到好香。拉麵方面口感好煙韌，而且份量都幾多。每個拉麵嘅配菜都配上糖心蛋、大蔥同紫菜食，糖心蛋超正！飲品🥤：烏龍茶(500ml)

✨ 慢煮牛舌芯拉麵($108)撞正佢哋六週年限定拉麵，即刻試下佢！🔥牛舌芯幾爽脆彈牙😚！配埋柚子白味噌雞湯🐔，清新嘅柚子香中和咗油膩感，夏天食就岩哂啦😛。✨ 人氣慢煮安格斯牛小排沾麵 ($148)有蝦湯同黑蒜濃湯揀，我就揀咗黑蒜濃湯😎。湯底超濃，沾一下湯汁已經掛晒上麵條🍝。 慢煮牛小排夠哂軟淋，一啲都唔韌🙂‍↕️！最正係食完麵可以叫師傅加清湯😮，即刻變身成湯䁔一䁔胃😚。✨ 唐揚鷄件 ($38)呢個又係做緊優惠所以咁平🤑。即叫即炸！外皮脆卜卜，入面雞肉都夠嫩滑有汁🐔。

今次嚟到呢間拉麵店, 最特別係佢嘅 topping 有得揀A4和手、慢煮安格斯牛小排、牛舌心、虎蝦等等！非常特別~ 麵方面有湯麵同沾麵揀！特別喜歡味噌蝦湯😍😍勁！濃！味！週年限定嘅柚子白味噌雞湯都好清爽😋😋人氣慢煮安格斯牛小排沾麵配濃厚味噌蝦湯 $148安格斯肉質軟熟又重牛味🐮唔會食到好濟！勁愛個蝦湯底🦐🦐好濃味沾麵一流！！雞軟骨餃子 $48煎得好香脆, 配上雞軟骨好食！（六週年限定）慢煮牛舌芯配柚子白味噌雞湯 $108牛舌心好有咬口又厚身, 煮得剛剛好！湯底嘅柚子味幾清爽而且唔會過份搶戲🍊

慢煮安格斯牛小排沾麵，味噌蝦湯濃郁味道偏重，但又唔會太鹹，質地杰身，非常掛麵，麵質軟硬度適中，仲有大量櫻花蝦乾，香味加配，食完沾麵，可以叫職員加高湯溝勻再飲用，完全係另一種層嘅味道。另外點了黑蒜濃湯，自家製雲吞及灸燒豚肉拉麵，湯底同樣濃郁，超強蒜味值得一讚，即燒豚肉非常香口。拉麵/沾麵任君選擇，湯底配料選擇多，總有一款啱你口味，另外仲有多款小食提供，由於尋日太飽嘅關係，小食就留返下次光顧再品嚐，下一次一定要試埋佢個雞白湯，期待！

餐廳係旺角一間拉麵小店，店鋪掛左好多日本海報同播住日文歌🎶，一秒飛到日本嘅感覺🤣🍜 慢煮雞肉拉麵$95 雞湯奶白色夠濃郁，飲落暖笠笠，簡單調味更飲到雞嘅鮮味。雞肉用慢煮方式煮，超嫩滑，入口即溶。糖心蛋蛋黃啲流心啱啱好，唔會過熟，有甜醬油味🥰食食下老闆比左枝辣椒粉🌶️，辣得好過癮，提升味道層次又唔會搶左雞味👏🍜 招牌三色沾麵（豬肉、雞肉、A4和牛）$148三種肉一次過滿足晒：雞肉嫩、豬肉香、和牛勁入味。個沾汁係濃味味噌蝦湯，好有層次感，鹹香中帶少少甜，撈麵一流。麵條彈牙，掛汁力強，每啖都好有驚喜。🥟 沖繩苦瓜餃子$48苦瓜餃子比較特別，唔係間間有。餃子皮唔算太厚，煎得香脆，內餡有陣陣苦瓜香，不過唔會太苦，反而幾甘。

今次專程嚟到旺角廣華街呢間「阿久根和牛拉麵屋」，為咗試佢哋嘅招牌和牛拉麵同埋超濃蝦湯！門口掛住巨型日式燈籠🏮，木系裝潢似足日本屋台，仲有卡通塗鴉牆啱晒打卡📸，坐吧枱仲可以睇住師傅煮拉麵，氣氛滿分💯！  **✨必試Menu亮點**  ▫️「味自慢炙燒豚肉拉麵」配濃厚味噌蝦湯——豚肉肥瘦均勻，灸燒過嘅焦香撲鼻🔥，咬落軟嫩到唔使用力咬！個湯底不得了，用咗大量櫻花蝦熬製🦐，濃到掛係匙羹唔滴返落嚟，飲完仲唔口渴證明冇落味精👍！  ▫️「燒牛肩胛拉麵」配雞白湯——牛肩胛慢煮到粉嫩嫩，浸落奶白色雞湯嗰陣，肉汁同湯汁爆炸式融合💥，飲一啖湯即刻有種「升仙」感覺✨！  ▫️小食驚喜位：「唐揚雞件」炸皮薄脆到似玻璃紙，咬開肉汁bi出嚟💦；「沖繩苦瓜餃子」將苦瓜嘅甘味平衡得剛剛好，煎到底部金黃脆口，食完想encore🥟！  **🌟總結**  呢間絕對係旺角拉麵界黑馬🐎！由湯底、麵質到配料都感受到日本師傅嘅執着，特別欣賞店員會主動教點樣食沾麵最正，服務貼心到爆❤️！下次一定要試埋佢哋嘅三色拉麵

今日我帶大家去到旺角廣華街，呢一區好多食肆，絕對唔會餓親，今日仲要介紹一間好出色嘅拉麵屋，麵條好彈牙，加埋高質嘅配料，大家點可以錯過我嘅推介😚=================Food list📌😍🩵人氣慢煮安格斯牛小排沾麵：呢個絕對係全間舖嘅人氣之作，採用鮮嫩嘅安格斯牛小排，肉質除咗鮮嫩之外，仲要多肉汁，加埋熱辣辣嘅沾麵，成個配搭簡直係一流，誠意推介每一位顧客🥳😍🩵香煎虎蝦濃蝦湯拉麵：🍜呢個又係一個好有誠意嘅推介，虎蝦固然之好大隻，仲要煎到好香口，加埋特濃嘅蝦湯，十分之入味，令到每一啖嘅拉麵都有好香嘅蝦味，完全係色香味俱全😊😍🩵雞軟骨餃子：呢份餃子好特別，唔係採用傳統嘅豬肉，而係用雞軟骨，效果好好，加埋餃子皮好薄，煎起上嚟好脆好香口😋