阿甘車仔麵

Open Now

Now Closed

【荃灣區】【阿甘車仔麵】以前做十八區 Foodie 嗰陣，成日都捐窿捐罅，去一啲一般人可能成世都未必去到一兩次嘅地方食飯。當時每逢收到啲留言話點解我會走咗去佢屋企樓下食飯，佢自己都好少食嗰間，我都會覺得好好笑，咁我真係癡綫㗎嘛。而家雖然已經轉型成為生活雜誌，但係周圍食嘢呢鋪癮畢竟都係我興趣，好難搣得甩。今次就嚟咗荃灣海濱花園食嘢，其實都唔係第一次講呢頭啲餐廳，唔知大家有冇印象我之前已經講過新卓蕾茶餐廳同埋喜登堡茶餐廳喇。今次講呢間係車仔麵，我平時就好少食嘅，不過呢邊選擇唔多嘅我就姑且食吓佢啦。叫咗佢哋似係比較多人食嘅 $45 嘅「自選三餸麵餐」，揀咗「韮菜水餃」同「咖喱魚蛋」做餸，仲加 $5 要埋「秘製蝴蝶腩」，剛好三個餸。食車仔麵配個「香濃腩汁」梗係掂，麵底加 $6 配「稻庭烏冬」都幾好。成個麵睇落唔大份但食落都飽，所有餸都唔錯，好食。嘢飲我用 $12 要「香滑豆漿」係枝裝壹品豆漿嚟，都係咁。最後埋單收我 $64，我覺得價錢可以。。。（地址：荃灣海濱花園第六座海霞閣地下120C號舖）

作為荃灣街坊同埋海濱嘅居民，我覺得阿甘車仔面絕對比得上出邊一啲好多人排隊嘅車仔麵店。雖然住喺附近，但我間唔中都鍾意堂食多過外買。因為佢嘅舖頭好乾淨好舒適，我特別鍾意自己一個坐喺近玻璃窗位置既高枱，感覺都幾休閒。佢嘅車仔麵可以揀湯麵或者撈麵，兩個選擇都非常美味，餸選擇唔算話好多，但每樣都好美味。蘿蔔，雞腎，芹菜餃，生菜，蝴蝶腩，雞翼，呢幾樣我成日都嗌，都係我嘅favourite 。佢既羅白好諗，好juicy , 同埋無渣，雞腎既調味亦都係岩岩好。至於水餃係佢地招牌食品，有時想減澱粉質，我會叫淨餃，非常推介。車仔麵仲可以加滷水或者腩汁，佢嘅辣醬亦都好香。叫車仔麵仲可以以優惠價配飲品，有豆漿，涼茶，汽水，滿足曬各種需要，推介大家黎試下。

牛腩簡直擦子膠一樣，咖喱魷魚完全唔爽脆，咖喱味欠奉，沒有車仔麵的嘢味，所有嘢只係一個咸字，一點香味也沒有，幼麵也只用最劣質的麵，只係可以講一句，完全唔掂，沒有下一次。

今日試咗牙咁車仔麵，間舖頭其實幾得意， 估唔到車仔麵檔都可以咁有特色。今日叫咗個三餸麵，有魚蛋、雞翼、同埋蘿蔔。最正嘅我會覺得係個雞翼，好入味。同埋d肉非常之淋，一食入口就溶化咁，好正❤️ 魚蛋都唔錯，值得一試既。蘿蔔就普普通通啦，冇乜特別，但都合格既。而個餐既份量就唔係太夠食喇，d面底就比較少啦，我一個女人仔食完都唔係太飽🤣（唔知係咪我太大食）總括嚟講都OK嘅，不過味精好似有少少重，食完有啲口渴。一個合格既選擇👍

湯底味道不錯牛腩可再改良滑些更好、口感很柴豬腸再淋身會更好吃、分量多返少少覺太小其他料如再試再評送的豆漿甜度適中，可試加麻辣湯底自選服務快、態度好街坊多一個選擇

今晚去新屋做清潔，吾想搞到甘夜，所以無咩選擇，係附近食個快就可以，之前食個兩次金海濱，係好好好食，但想explore 下新野，我記得有間車仔麵，所以去try try. 吾算多人，吾太貴都，揀左河粉，無，甘叫左油面，加豬大腸，墨丸同”9”菜餃，叫左bb辣。一黎到，已經好香，叫拒個面底甘少，仲擔心會吾夠飽，如果你吾係特別肚餓，都ok夠的，個湯底加左辣，好香好惹味，應該係自家整。個豬大腸感覺都好乾淨，其他料就正常。之後嗌左通菜，兩個人食細都可以，之後飲埋豆漿，呢間可以成為我地之後飯堂之一。

雖然住海濱花園好耐成13年了，但未必所有食店都試過，見到這店車仔麵，即時已即刻想入去試下，因望見店內整齊企理，好乾淨感覺，不似傳統的車仔麵的外貌。叫了2碗，一個撈麵同正常湯車仔麵，$39有3個餸，加埋飲品$6, 即套餐$45就搞掂，1)雞中翼，豬皮和韮菜餃撈幼麵撈秘制滷水汁(BB辣)，味道剛好，好好味不咸，雞亦索晒滷水汁好入味，韮菜餃一般，豬皮爽口好得。2)牛腩魚蛋同豬大腸湯幼麵腩汁(少辣)，牛腩份量雖然唔多但好淋入味，豬大腸都夠淋同乾淨， 唯獨魚蛋就一般吾夠彈， 但整體上都合格， 下次會繼續光臨試其他餸。😁

海濱花園雖然自成一閣, 但餐廳小店不少, 今次就試下車仔麵, 估唔到都有驚喜。同一般車仔麵一樣, 枱上有點餐紙同筆, 自己揀想食既餸、 麵、 小食同飲品, 三餸一麵$39, 再加餸每樣$8, 價錢都算抵食。 食物選擇都算多, 辣度仲可以去到魔鬼辣, 鍾意食辣既真係要試下, 事關男人試咗話好好味😂🔸秘制蝴蝶腩+韭菜餃+蘿蔔+油麵🔸(腩汁) ⭐⭐⭐⭐蘿蔔清甜無渣, 蝴蝶腩炆得好淋確實係幾好味, 韭菜餃都不錯, 夠多韭菜。🔸豬皮+豬紅+大腸+撈油麵(魔鬼辣)🔸⭐⭐⭐⭐男人話辣得過癮, 豬皮同大腸已經炆得好入味, 份量仲大大碟。🔸蠔油唐生菜🔸⭐⭐⭐⭐有時都好怕出面食唐生菜, 一係洗得唔乾淨, 一係質素麻麻地, 但呢度既唐生菜都好新鮮靚仔。🔸飲品🔸⭐⭐⭐⭐酸梅湯+豆漿都不錯總括黎講, 食物質素高, 價錢抵食, 份量夠飽, 味道幾好, 我一定會再黎食的。

最好食的溫情車仔麵~車仔麵成日食，但真係食過最好食的一間，位置係屋苑入面唔算難搵。車仔麵料足，湯底係老闆自己煲，唔同一般味精湯，超好有心機，超好味，差d連湯都飲埋～豬皮蘿蔔一定要食，好入味！鹵水八爪魚🐙都好唔錯，值得一試~好快有得食，肚餓一定唔係怕~裝潢幾溫馨，唔會窄，坐得舒服，同朋友或者男朋友溫溫馨馨食碗麵都係一個好好的選擇！老闆人好好，一邊食一邊有講有笑，好好招呼~價錢便宜，一定一定會再返黎食！！ 超贊