Video
Opening Hours
Today
Open 24 Hours
Mon - Sun
Open 24 Hours
Above information is for reference only. Please check details with the restaurant.
今日我們一行三人在香港國際機場的阿鴻小吃午餐，一心希望食小炒，品嚐阿鴻的精心食作，豈料完全失望，一邊吃，一邊嘆大家倒霉，如同嚼臘！今次感覺非常差，就因為廚房求其應付，我們三人本來想先叫兩個菜，然後加碼，可是，加不下去☹️ 兩餸是蒜香雞半隻價$188， 蝦球煎米粉，價$168， 兩個餸菜在餐牌上很吸睛，餐牌上展示的相片十分吸引，但是，出來的賣相完全不行。 蒜香雞做法極懶，雞冇雞味，只係把一些未炒過嘅蒜蓉淋上去，十分欺場，另一個蝦球煎米粉，米粉毫無味道，油與芡就特多，整碟粉白茫茫的，胃口頓時卡住了，我們決定以後也不用再光顧了😖😕遺憾在機場內有家這麼沒有素質的食店😡
continue reading
說起與“阿鴻小吃”的鴻哥結緣，至少都有15年以上吧？ 當年鴻哥在北角一條充滿了車房的橫街上開店，還未奪得米芝蓮光環時便已經光顧，直至一口氣連奪五年米芝蓮一星殊榮，店子亦搬了好幾次，我是依舊緊隨美味。 退休前曾在機場工作，亦經常幫趁“阿鴻小吃”在機場T2的分店，但隨著T2的拆卸，又消失了好一段日子。 早前聽到“阿鴻小吃”在機場入境大堂再現身，仲要係24小時營業，啱晒凌晨機既旅客，最難得佢既定價同市區一樣。 今次試返鴻哥好幾款拿手菜式，水準都好穩定，而且又可以買上飛機享用，真係可以衝出香港。 芥末雞腳筋（$108）爽彈依然，好香芥末味又不嗆喉，送啤酒一流。 素鵝（秘製腐皮$98）以腐皮製成素鵝，質地軟熟，又有淡淡的豆香，我太太好鍾意。 叉燒王（例牌$188）如果無記錯，其實鴻哥係燒味師傅出身，叉燒當然難不倒他，有嚼口而蜜味不太重，單點再來配碗白飯最好。 鹵水鵝（半隻$468 ）鹵得入味，尤其是骨膜位有油香，佐酒一流，店方更有外賣服務，帶比外地親友好方便。 鹵水鵝片三拼（$368）鵝片盡見刀功，薄薄的一片，紋理清晰，鹵得入味，另外兩併的墨魚片及鵝腎都是同樣可口。 蒜香雞（半隻$188）好香蒜味，有點把雞味蓋過，但香港食雞一向味淡，很奇怪，但看得出已盡量處理好，單看刀功已是心機作。 花膠姬松茸螺頭燉雞湯（$98位）一百蚊碗湯其實不算貴，尤其是燉湯，單睇材料是佔了大個燉盅，加上以時間換來的美味，每口都是食材的精華。 南乳粗齋（$138）又是鴻哥的另一名物，以紅米水煮齋，配料勁豐富，甘筍切成心形，金針打結，娃娃菜煮得夠稔，就連冬菇都大大粒，當年歲晚同家人食飯，都外賣一盒返去做餸。 香芒鍋巴大雞球（6隻$268）鍋巴炸得啱啱好，色澤淡黃之餘好脆口，雞球澆上芒果汁，多添了甜美感。 上湯蝦球沾米粉（$168）份量十足，米粉炸至焦香而不過份，很喜歡玻璃芡夠薄。 籠仔欖菜肉鬆蒸陳村粉（$128）原籠上冒著熱氣，澆上醬油後，陳村粉蘸滿了肉汁，滑溜的質感，拌以肉鬆，惹味到極，令人吃不停口。 黯然銷魂飯（$128）之前的叉燒再伴以燶邊流心蛋，戳穿蛋黃，讓蛋漿滲入飯粒，真是人間美味。 清心綠豆爽（$38）甜度輕盈，木薯爽口而綠豆爽軟稔，吃得很舒服。
continue reading
因為星期六比較平日人少，終於可以試阿鴻小吃，原本諗住食鹵水鵝，一個人食價錢比較貴，所以今次無食。只叫了碗蝦伊麵和鹵水蛋。員工歺的滷水拼盤比較吸引，加上係員工價錢。 如果員工餐可以貴少少能夠提供比香港嘅客人就好啦。🤨
continue reading