陳儀興玫瑰餐廳

Open Now

Now Closed

#新蒲崗美食 #小蓮星呑食新蒲崗🔻 陳儀興玫瑰餐廳 新蒲崗爵祿街33A-37A號百勝工廠大廈地舖/🧃消暑冬瓜盅 $248勁震撼，真係半個冬瓜盅放喺湯底入面，上面仲鋪滿鮑魚、海參同花膠，名貴兼鮮甜，滾起嗰時，店員會幫手剪開啲冬瓜，勁有儀式感！啖湯都非常鮮甜，因為入面有勁多雞件！飲咗好幾碗/🧃招牌手切肥牛（細） $208估唔到細份都咁大碟！雪花好靚，牛味同油香都好香濃！/🧃獨門芥末西芹餃 $58鍾意Wasabi嘅必叫！咁好食，仲好醒胃，西芹都好有口感/🧃粒粒章魚丸 $62最大推係呢款丸，真係冇見過，入邊真係一粒粒章魚粒，爽口彈牙鮮甜/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

炎炎夏天都阻止唔到人們打邊爐嘅決心！咁熱嘅天氣打邊爐，當然要揀返個消暑啲嘅冬瓜盅湯底！仲有鮑魚同花膠可以補一補，實在滿分！完全冇圖片只供參考嘅感覺，上枱一樣咁正，大大塊冬瓜，大大隻鮑魚，仲有花膠同海參市面好多打邊爐用嘅花膠其實都係魚肚，又大又厚，但係唔好食，呢度用嘅係真花膠，細細隻但都好正。鮑魚非常鮮甜又夠淋。湯底係真雞湯，好好飲，店員都有提我哋記住飲，最終真係俾我哋飲到見底先再加豬骨湯打邊爐由於冬瓜盅份量太大，所以冇辦法叫太多嘢食，但必須叫的一定係牛，仲要叫碟大既安格斯牛肉，鍾意脂肪少牛味又夠濃。另外叫左餐廳推介芫荽粟米餃、魚皮餃、貢丸、章魚丸，當然唔少得嘅係炸魚皮同響鈴卷。食物都可以選擇雙拼選項，咁樣對想試多幾款嘢食嘅人實在係好好嘅選擇。芫荽粟米餃好大隻，好好味，一食就知係手工餃👍🏻炸魚皮超香超脆超正👍🏻響鈴卷都係手工制，呢個真驚喜👍🏻另外仲有好多自家制飲品，試左圓肉紅棗薏米水，十分足料又唔太甜👍🏻好多食物都睇得出店家付出咗唔少心機，所以食物質素都好好，而且店入邊嘅店員都非常之有禮殷勤，呢啲就係良好香港食肆👍🏻

呢間位於新蒲崗爵祿街33A-37A號百勝工廠大廈地舖噶陳儀興玫瑰餐廳環境大，可以容納多人，每個座位都坐得舒服。服務都好好。重慶辣雞煲，芹菜洋蔥配埋炒過嘅辣雞肉，一煮滾就已經飄出好香嘅味道，雞肉嫩滑，煮熟嘅洋蔥清甜，配埋雞一齊食，辣度都減少咗，又惹味。將雞肉食曬，就可以叫服務員加湯打邊爐。鵝腸，口感爽脆又帶有少少油脂，火鍋絕配。極品黑豚肉，新鮮，肉質結實，瘦肉與脂肪嘅比例啱啱好，睇落去相當吸引，火鍋必點。獨門菠菜餃，都幾大隻，豬肉餡，應該係人手包嘅，每人兩隻都已經飽了。豬粉腸，粉腸處理得乾淨冇異味，呢個又係火鍋嘅必點之一噶菜，吸咗啲湯汁，超正。五花腩，一層肥一層瘦，肥瘦分明，放落去滾兩滾配上自己調嘅醬汁，口感特別。鮮豬潤，皇帝菜，都好新鮮，每樣配菜都處理得乾淨。已經有一段時間都冇食過雞煲火鍋啦，今晚呢間下次可以再嚟，因為佢嘅嘢都好新鮮。今晚兩條友又係托住個肚走

今日同個朋友約咗去新蒲崗食嘢，我哋去咗再試哩間玫瑰餐廳陳儀興，試下佢哋嘅打邊爐,真係冇令我哋失望過。首先,今日叫咗個鮑魚花膠冬瓜盅作為湯底。鮑魚同花膠下去熬煮,湯頭鮮美同埋濃郁,滋補養生一流呀。我哋先慢慢咁食咗啲鮑魚花膠,再飲埋個湯,好暖胃又開胃。整個過程中,侍應有幫我哋做桌邊服務，唔使自己落手落腳整，非常之好。至於配料方面,真係應有盡有!選擇十分之多。我哋叫咗個本地手切肥牛($298)非常鮮嫩多汁,肉質紮實但又不會太老。切片厚薄適中,入口有咬口,十分有牛味雙拼雲吞同埋麻辣香芹餃($58)都好唔錯。雲吞皮薄餡鮮,口感Q彈,麻辣香芹餃酸辣爽口,餡料扎實飽滿,完全能夠襯托火鍋的湯底。皇帝菜($36)新鮮就已經10分好墨魚卷拼炸芋頭($62)是另一大亮點。墨魚卷鮮嫩彈牙,外層炸得酥脆金黃,內裡軟滑Q彈;炸芋頭外酥內軟,香氣四溢,蘸上火鍋醬汁更是絕配，我夠膽講今日嘅VIP係炸芋頭。豬頸肉拼魚片($67)同樣新鮮可口。豬頸肉肥而不膩,入口即化;魚片鮮嫩多汁,與火鍋完美融合！正呀總括嚟講,玫瑰餐廳陳儀興嘅打邊爐真係好正!配料新鮮,款式齊全,仲有專人幫手,令我哋食得好舒服。如果你鍾意打邊爐,哩間餐廳

最近呢間餐廳好受歡迎，主打湯底濃郁特別，而且火鍋配料又抵食，見到好多枱都係三五成群嚟打邊爐吹吹水，而且店員服務一流，難怪咁多人嚟幫襯。海鮮濃湯黃金甲鍾意海鮮嘅就千祈唔好錯過，呢個湯底一上枱已經聞到好濃郁嘅蟹味，餐廳首先已經將隻蟹斬件放喺完個南瓜上面，仲有好多花甲同蜆鋪底，蟹肉鮮甜而且多肉，店員仲提醒我哋記得飲多幾碗呢煲海鮮濃湯，真係好正！飲完煲湯，食晒海鮮，就再加豬骨湯打邊爐，有超多款火鍋配料選擇，其中有啲都好值得推介！脆鯇魚腩非常新鮮肥美，唔算多骨，淡淡魚肉好高質。手打魚麵唔係好多火鍋店有得嗌魚麵，呢度嘅魚麵就比較似魚片，所以一路食都有好熟悉嘅感覺，魚嘅味道非常突出，份量多，值得一試。手切肥牛呢份手切肥牛令人非常驚艷，我只係嗌咗細份，估唔到份量係咁多，適合三至四個人食，而且質素非常高，肥瘦均勻，淥一陣就已經食得，牛味非常濃郁。雲吞&魚皮餃雲吞係自家製人手包，入面包住兩粒大蝦同豬肉，口感豐富，夠晒真材實料；魚皮餃都好高質，魚皮餃獨有嘅外皮令人一食難忘。粒粒章魚丸&炸魚皮章魚丸喺餐廳嘅推介之一，呢款丸喺出邊從未食過，入邊包住粒粒足料章魚，口感特別，而且好好食；炸魚皮新鮮得來脆卜卜，份量多

打邊爐，靈魂在於湯底，絕對唔可以馬虎！今晚既海鮮濃湯黃金甲湯底令我相當滿意，絕對係用心佳作😍 ✨海鮮濃湯黃金甲湯底 😍😍需要向餐廳提早一日預訂，熬煮至少一個半小時。蟹肉鮮甜，蜆肉肥美多汁，加埋木瓜增加蔬菜甜味，出到黎每一啖都係精華🤤 店員會建議我哋先飲湯，先食哂啲海鮮再打邊爐😋✨招牌手切肥牛(細) $208 😍我自己鍾意肉味較香濃既，呢款就幾合我心意！口感有嚼勁，所有比例都剛剛好！✨潮州手打魚麵 $48食魚麵，就係貪佢彈牙有嚼勁！暫時香港唔算好多地方有得食魚麵😆✨松露墨魚丸 $108 層次豐富，食落去有少少似香菇質感，淡淡松露香氣，唔會過分濃郁、舒服既口味。✨冬瓜片 $26 打邊爐嚟講，蔬菜係絕對唔可以吝嗇，係湯底越煲越甜嘅關鍵🙂‍↔️

又黎陳儀興打邊爐， 男朋友心中no.1 火鍋店！ 天氣開始濕熱，所以今次想試佢個解暑冬瓜盅（記得要提早預約）做湯底。呢個冬瓜盅唔簡單， 有齊鮑魚，海參花膠同雞， 大大個冬瓜，賣相已經勁吸引。大冬瓜店員會幫手剪開, 之後可以先飲用個冬瓜鮮雞湯，個湯好清甜，唔會太濃味，呢個湯底夏天打邊爐岩哂，去到後期都仲可以保持住鮮甜味，唔會好似平時既湯底油膩， 最後碌菜真係無得頂， 一唔打一路清熱消暑👍🏻今次叫左極品黑豚肉， 大大塊，脂肪油花分佈均勻，肉質食落甘甜富彈性。而呢道既餃子係必點，自家製，所以餡料十足。 芥末西芹餃食落味重但唔會太辣，口感特別， 芫荽粟米餃愛荽人士必點！粒粒章魚丸拼響鈴，章魚丸真係每粒入面有章魚粒，食落口感爽彈。響鈴唔洗多講，打邊爐必點， 可以吸收湯嘅精華🤤另一款丸都要大推，松露墨魚丸，店家自己手打製作，食落彈牙，墨魚鮮味又帶有淡淡既黑松露香氣， 令味道更加鮮香。蔬菜緊係要食皇帝菜，油麥菜同豆腐。呢個湯底碌菜真係一流，菜食落好新鮮，爽甜。完全唔會覺得油膩。食完禁多野仲有鮮甜冬瓜解滯，令我愛上冬瓜盅打邊爐了😋。

老友愛真材實料的食店，陳儀興玫瑰餐廳是佢首選，有火鍋、鑊氣小炒，價錢親民、店員友善，晚飯時段座滿九成食客。我們點左鮑魚花膠冬瓜盅安格斯牛肉美國桶蠔蟹籽墨魚滑 冬瓜盅鍋底是用雞湯煮，店員話先飲雞湯，然後食鮑魚、花膠、雞件、海參，雞湯清甜味香又濃，雞肉好嫩滑，花膠、海參夠腍夠入味，好美味👍👍👍安格斯牛肉：雪花超靚，色澤鮮紅，肥瘦均勻，肉味香濃，嫩滑可口😍😍蟹籽墨魚滑：爽口彈牙，有墨魚鮮甜味，伴有蟹籽增添美味很好食💯💯美國桶蠔，勁大大隻很新鮮，味鮮甜，蠔味足，超級正😋😋店員推介抵食（玫瑰海鮮船），話有兩隻澳洲龍蝦、四隻鮑魚、有蝦和蜆，老友話下次回頭會預早訂這鍋。

今次又重新推介呢間正野火鍋，陳儀興玫瑰餐廳主打港式打邊爐，真係非常高質，真心推介大家要去呢間潮醒一下😁😁重慶雞煲（bb辣）（配唐生菜）🔥🐔🥘真係好鐘意食雞煲，雞肉嫩滑，BB辣唔會好辣，但係好惹味，帶有微微的甜味，真心出色嘅雞煲，仲有唐生菜，份外滋味食完雞煲之後，又可以開始打邊爐，湯頭濃郁又鮮美，扺讚🥳🥳安格斯牛肉🥩牛肉的雪花均勻，有少少厚度，牛肉很濃郁，入口鮮嫩而且肉質軟滑👅魚皮餃🥟韭菜餃🥟韭菜豬肉餃加上，鮮甜香口，餡料豐富魚皮餃彈牙而且皮薄，餡料用誠，完全冇雪味芝士墨魚丸🧆芝士满满，食落爆酱，食落爽口彈牙 脆腩肉鯇🐠有口感同新鮮，清爽脆口，魚肉不易煮爛，肉質結實另外再叫左打邊爐必點之作粟米同烏冬，超級滿足😜😜龍鳳檸樂／咸檸七🥤🥤大大杯點一杯已經可以，整杯冰配上原裝飲品，絶對有誠意餐廳用料超級好，侍應都十分有禮，再加上餐廳冇茶芥醬油費，令到價格便宜一點，吃起來特別滿足，大家快點約班朋友仔試下😍😍🌹陳儀興玫瑰餐廳儀興玫瑰餐廳👅心新蒲崗爵祿街33A-37A號百勝工廠大廈地舖

上星期去外賣，點了5個小菜，平均每個小菜超過$80，沒想到每個小菜的份量比起街邊檔的兩餸飯還要少，結果還要再度外出買其他外賣，只買了一份外賣盒，居然比五個小菜外賣盒還要重！正如標題所示：真令人失望！下次再不理會它了！

多次到訪的「陳儀興玫瑰餐廳」出品總不令我失望，火鍋材料新鮮上乘，小菜夠鑊氣，今天再次跟家人於小館聚餐，試試其招牌魔鬼牛什雞煲----------🔹魔鬼牛什雞煲 (半隻) $288將港式牛什加到重慶雞煲上，創意十足又充滿驚喜加入大量配料如芫茜、紅椒、青椒、洋蔥及大蒜等令雞煲更惹味牛什清潔乾淨毫無異味，無論牛肺、金錢肚及牛腸等皆入味細嫩；雞肉緊實嫩滑帶啖啖雞香及麻辣味道，出色！美味指數：9/10----------🔹薑蔥桶蠔 $1985大隻桶蠔飽滿厚肉，輕輕炸至外脆，蠔身嫩滑鮮味又富肉汁，惹味的薑蔥及蒜子更有提鮮作用美味指數：8.5/10----------🔹避風塘粟米 $72同樣是創意菜式，也是充滿著驚喜將粟米開半再切成細件方便進食，粟米新鮮爽甜又多汁，配搭辣椒及炸蒜足夠滋味美味指數：9/10----------🔹金銀蛋浸時菜 $72有多款菜可選，我選擇了菠菜加入肉碎、蒜子、蔥及薑絲等配料半肥瘦肉碎新鮮富肉香，菠菜苗鮮嫩，皮蛋及鹹蛋質素俱佳，上湯鮮甜而毫無膩感美味指數：9/10----------🔹多多芫茜湯底 (惠顧牛什雞煲免費升級)芫茜份量充足又新鮮，茜香滿滿；又加入香滑溏心皮蛋及富

作為香港人對「陳儀興」這名稱應不陌生，超過60年前以潮州菜起家，於新蒲崗開設第一間鋪；時至今日，「陳儀興」除了打冷菜以外，更有提供火鍋、牛什粉麵及米線等，迎合港人口味，今天到訪是提供火鍋的「陳儀興玫瑰餐廳」，店員好客親切，富人情味魔鬼牛什雞煲 $288 (半隻)餐廳招牌出品，當重慶雞煲遇上港式牛什，食落毫無違和感牛什清理得乾淨，牛肺、牛腸及金錢肚等皆辣得惹味；雞肉緊實嫩滑又入味，配料豐富能帶起雞煲的味道避風塘粟米 $72創新的做法，粟米新鮮爽甜，配合新鮮惹味又有辣度的炸蒜真美味薑蔥桶蠔 $198桶蠔厚肉飽滿又大隻，咬落鮮味十足又 Juicy，配合薑蔥及蒜子很滋味金銀蛋浸時菜 $72時菜有多款選擇，點選了菠菜選用半肥瘦新鮮肉碎，肉香豐富；菠菜苗鮮甜幼嫩，上湯鮮甜不膩，皮蛋香滑味佳多多芫茜湯底 (點選牛什雞煲免費升級)芫茜新鮮茜香十足，加入皮蛋及豆腐，下火消滯招牌手切肥牛 $208 (小)加上芫茜及裝飾花增添美感肥牛油花分佈平均，食落軟嫩有彈性，甘香鮮甜，油脂豐腴鮮魚腩 $626大件魚腩非常新鮮雪白，質感嫩滑帶魚香，毫無腥味自家手包韭菜餃拼自家鮮蝦雲吞 $58韭菜餃及雲吞皆飽滿，餡料份量足

🌹🌹陳儀興玫瑰餐廳陳儀興🌹🌹係新蒲崗爵祿街，對於我嚟講位置好方便😆本身諗住同幾個朋友打邊爐，叫到一半嘅時候，發現原來有小菜可以叫，所以我哋只係食咗我哋最想食嘅😈魔鬼牛雜雞煲😈再加一碟靚牛肉～其他就叫小菜發覺咁樣叫係最抵食🤭🤫同幾個朋友食都抱住個肚走🫣😈魔鬼牛雜雞煲半隻～$288（我哋幾個都鍾意食雞煲，但係又唔識得太辣，所以叫咗少少辣，呢個雞煲有埋好入味嘅牛雜😋，不過提提大家，唔食得辣嘅朋友，要早少少攞起啲辣椒，如果唔係啲辣椒煲到出晒味就會好辣🫣🌶️）😈安格斯牛肉～$238（睇相就知雪花好靚，擺盤好靚，而且好有牛肉味）😈避風塘粟米～$72（就係見到呢一個避風塘粟米，決定咗要叫小菜😂無叫錯，好味😆）😈椒鹽脆肉鯇～$88（喺香港呢個小菜真係好少有得食，之前喺內地食過一次，估唔到呢度有得食🥰）😈香脆咕嚕肉～$88（呢個就不過不失冇咩特別🤫🤫）😈潮式墨魚餅肉～$108（真係放落口食咗粒粒墨魚👍🏻👍🏻😈鐵板啫啫通菜$78（其實我鍾意啫啫通菜多過炒通菜）😈脆皮午餐肉$62（本身已經食咗好飽😂但係我朋友發現原來網上面好多人話呢個脆皮午餐肉好食，）

同事好想食雞煲 問我有咩推介食過幾次 真材實料呢間位於工廈的火鍋店用料超級好平時食開普通雞煲但係原來佢哋有魔鬼牛雜雞煲對於牛雜愛好者一定要試吓而且呢度芫荽比得好足完全唔需要另外加錢加芫荽先吃雞煲火鍋，再打邊爐特別鍾意呢度幾有人情味電源都幾親切會主動過嚟幫我哋加湯 換骨碟都做得好足同平時嘅街坊火鍋店有少少唔同雞煲啖啖肉 口味濃郁牛雜好腍 幾入味我哋發現食極都仲有因為我哋只有兩個人，所以冇點太多配料而且火鍋配料比平時的火鍋店更加大碟韭菜餃係最愛次次都會點大大粒啖啖肉，而且係新鮮包好手打蝦丸裏面都係有芫荽🌿真係好正美國黑豬肉片 非常嫩滑唔會比牛肉差 而且價錢仲好呢份只係半隻雞嘅份量已經超級多最後我哋都食唔晒打包！再加上呢度冇咁多茶芥 醬油費 所以價格相宜好多

📍新蒲崗陳儀興玫瑰火鍋小廚今日天氣凍咗，又想食返個雞煲，喺新蒲崗見到呢一間，俾佢個新菜式吸引咗。魔鬼牛雜雞煲$288叫咗半隻，份量都好多，叫咗小辣，越食越辣，辣得好過癮。雞煲啲雞好嫩滑，仲有唔少配料，第一次食到呢個配搭，兩樣嘢都好夾，啲牛雜煮得好腍。又有牛肚，腸，超多嘢食。之後仲加咗小小配菜，油麥菜，餃子，雲吞，手切牛肉，米粉。松露餃子，超香松露味，出乎意料，冇諗過可以喺呢度食到，份量都好大隻。另外加$5雙拼配咗要鮮蝦雲吞，都係粒粒都好大隻，皮薄餡靚。手切牛肉冇得頂，就咁都睇到啲油脂分布好平均，紋路好靚，有口感。呢個價錢食到都好抵。另外叫咗個米粉，因為覺得吸晒啲汁個米粉就好好食，如果所料真係好滋味。仲有呢度嘅服務態度， 出乎意料嘅好👍🏻