Video
2-min walk from Exit A1, Yau Ma Tei MTR Station
continue reading
Telephone
27143386
Opening Hours
Today
09:00 - 23:00
Mon - Sat
09:00 - 23:00
Sun
11:00 - 23:00
Above information is for reference only. Please check details with the restaurant.
#陳記燒臘飯店 喺網上多咗好多人品提呢間陳記，話佢嘅性價比幾高，坐落喺旺角新填地街街口位，價錢唔算太平民，燒味雙拼飯$52，燒鵝$88以上。叫咗肥叉燒肉飯，店員話叉燒盡量肥但唔係同我講，係同我之後嘅客講，$52嘅雙拼飯賣相幾唔錯。叉燒算唔算肥見仁見智，但最起碼夠腍見到有燶邊。燒肉佢畀咗更受歡迎嘅腩仔，可惜唔啱我杯茶，因為我唔鍾意腩仔嗰種特別嘅味道，我就係鍾意燒肉少少瘦得嚟帶鹹香。本身冇包例湯，加一碗要$10。非常足料滾熱辣，紅蘿蔔夠甜係靚料，雞腳入味，青紅蘿蔔湯味道唔錯，單論呢碗湯$10抵比。如果淨係食呢間餐廳，$62食到一個唔錯嘅雙拼飯加一碗熱辣辣又足料嘅湯，性價比確係高。但如果對畀埋唔同區分較有名氣嘅店舖，好似柴灣新桂香，上環龍邦等名氣店，同樣嘅食物呢度就比佢哋貴。整體嚟講食物質素都可以，冇比較冇傷害，一比性價比即降低。仍然努力追尋心目中最愛嘅燒肉味道。陳記燒臘飯店旺角新填地街250-254號地下D號舖
continue reading
叉燒望落去正正常常，一擺落口，嘩～～淋得嚟d肉有彈性～超好食～～腩仔肥瘦均勻～第一層係皮～再一層肥～一層瘦～一層肥～一層瘦～出現五層塔～～～簡直係無得彈！好食到唔記得影相😂😂例湯用料足～兼且無味精～雖然呢間鋪頭細細～員工唔係好多～～但個個都好nice~招呼好好～～咁啱食緊嘅時候見到有人送貨嚟～全部都係煲湯嘅材料～～難怪碗湯咁好飲～～～～～啱哂我呢啲無乜湯水嘅人士～我會將佢列入我嘅飯堂～～～～～
continue reading
2個月內嚟過陳記兩次，頭一次食叉燒燒鴨飯（$52），另一次就燒鵝瀨（$58），兩次都出色。燒鴨：皮脆肉嫩多汁，媲美燒鵝，可謂「燒鴨價錢，燒鵝味道」叉燒：多汁軟腍，不錯飯底：失色左啲，飯煮得唔算靚，也唔夠熱。燒鵝：份量十足，唔會皮包骨！同燒鴨一樣皮脆肉嫩多汁，性價比很高。瀨粉：爽滑彈牙，湯底似福米的湯但暇不掩瑜！本人都是乜樂燒鵝瀨的支持者，無可否認佢個瀨粉同湯底真係一絕，好可惜佢嘅燒鵝有陣時皮包骨（據說話師傅斬到邊忽就邊忽到邊，睇運啦），而且份量比較少，每次食完都覺得唔係好飽。就咁睇相，呢度嘅燒鴨真係做到似燒鵝咁，味道也很相近。燒鵝是比燒鴨更肥美一點，那種皮的薄脆，配埋油香四溢但恰到好處的脂肪，同爆汁的鵝肉，完全光芒四射！5粒星！都唔好講性價比了，直情質素都比乜樂高。去開果欄，不妨試下呢間燒味，保證不失望👍
continue reading
過返尋味啊，專做街坊生意冇廣告搶咗好多年，每一次食燒鴨燒，我都好幸福，因為佢啲皮好脆好新鮮熱辣，四寶飯嘅鹹蛋都超正，食過好多次都唔會話有啲腍啤啤或者燒燶燶嘅充數，價錢都唔貴一個四寶飯$58有燒鴨叉燒紅腸鹹蛋仲有兩條青菜添😘
continue reading
收工經過果爛又肚餓，諗唔到食咩好，竟然見到有燒味飯食，即刻衝入去，舖頭都光猛，乾淨衛生，傳統嘅裝修感覺好老字號好正宗。試一記佢嘅燒味，就算夜晚都仍然有好多選擇，叫咗碟半肥瘦叉燒切雞飯加碗例湯，62蚊合理價錢。叉燒半肥瘦適中，夠沐夠入味，切雞亦都啖啖肉，好鮮嘅雞味。後來見到其他人介紹燒鵝，下次一定要再去試下，燒肉同樣都係咁吸引。地址：旺角新填地街250-254號地下D號舖港鐵油麻地站A1出口，步行約2分鐘
continue reading