隆記茶室

Open Now

Now Closed

0雞味好白烚雞，好slim好瘦冇雞油香嘅雞界女神，不值一試😮‍💨・・・・・・・・・・・・・・・・・・・・🍛 蔥油煎蛋雞髀飯 HK$62・味道：雞件一啲味都冇，似白烚，不過冇雪味嘅，完全靠蔥油吊味⋯⋯蔥油同蛋正常發揮，冇特別。雞偏瘦，幾乎0雞油同脂肪，雞皮都好薄，變相雞味、雞油味、雞油香都更少😮‍💨・口感：雞件冇偏嫩偏柴嘅，一般啦。・・・・・・・・・・・・・・・・・・・・🤰性價比：低～🤰9衝度：不了～🤰結論：skip得，next～・・・・・・・・・・・・・・・・・・・・

脆卜卜炸髀，味道正常發揮，穩穩陣陣lunch～・・・・・・・・・・・・・・・・・・・・🍜 翻啅雞髀茄膏炒飯 HK$72・味道：雞髀炸到好脆，有醃過下，冇雪藏肉味但都冇乜雞肉味。茄汁炒飯就係正想像到嘅味道。・口感：juicy有少少肉汁，肉夠嫩。飯底未夠乾身。・・・・・・・・・・・・・・・・・・・・🤰性價比：中～🤰9衝度：可試～🤰結論：同事講到好好食，但我個人覺得冇咩特別，冇伏，正常XD・・・・・・・・・・・・・・・・・・・・

隆記茶室算係我嚟過好多次嘅餐廳～基本上都係下午茶時間嚟。食物選擇都多，價錢好合理，食物水平試過幾款都好不錯👍🏻主力推介西多士🥰作為西多士嘅愛好者，呢度嘅下午茶餐有十幾款嘅選擇，當然仲有常餐或者其他嘢食～但係真係每次嚟都會叫西多士炸得脆又唔油，唔會因為慳錢而比好細舊牛油🥹食完都唔會覺得好膩👍🏻$34咁高質仲包埋嘢飲真係算好抵食🔅檸檬茶同阿華田都係足料，檸檬茶嘅檸檬唔會得一兩片或者切得好薄，阿華田都唔係落好多糖水去令到杯嘢好甜，整體真係算唔錯！

北角附近算係出品ok嘅一間，但每次食完都會頭痛，因有一位女員工會不停講嘢，講不停，仲要係全場都會聽到佢把聲，好似做talkshow咁，要全場客人都知佢講咩，佢把口簡直冇得頂，簡直係一大賣點，我自問真係攪唔掂，好難再會堂食

態度勁惡劣，食個餐蛋治都有蛋殼個阿姐仲要同我講雞蛋裏挑骨頭，咁啱嗰一嚿仔俾你食都有蛋殼啫，咁驚唔好食餐蛋治啦食腿蛋治啦！我想問腿蛋治係會冇蛋嘅咩？絕對以後都唔會再幫襯呢間咁嘅垃圾

初時開嘅時候都冇咁衰！全北角甘多食肆吾係一定要嚟幫襯你㗎⋯⋯全北角都知佢服務態度差到冇人有！嬲到一定要寫食評慳啲啦你雖然我知道去茶記唔會有期望有招呼但係亦都唔係衰到趕客！上星期放假好聲好氣入去有條八婆短頭髮掘住我同我講你食唔食吾好阻我收工拜拜! What the X

睇完食評專誠黎試下，個意粉🍝叫俾小朋友竟然可以冇味叉燒包算食得落口 叫做最好另叫左個黃金蛋多士黎到呆左得半塊麵包午飯炒多左塊蛋食剩左放係度咁間餐廳已冇乜人侍應定老細不斷粗口橫飛冇下次唔會再黎

第一次嚟呢度食茶餐，價錢比午餐平少少，表面上唔算非常抵食，但係其實個份量同午餐差唔多，所以結論係都幾抵食!🤪🤪🤪今日試左茶記常有的「星洲炒米」，一上台碟就已經感覺碟「星州炒米」麻麻地好食，因為d色水好淺，完全唔喺平時食到果隻，食落的確比平時食到嘅稍為遜色，不過加左啲辣椒油就似乎ok啦! 👌👌👌

行過見到呢間嘅午餐都算抵食... 即管試一試!😬😬😬我order咗【惹味XO醬豬扒🐷炒烏冬】... 同期望無太大嘅出入... 望落有啲似上海粗炒... 食落豬扒唔差... 唔係juicy但唔會好嚡... 烏冬炒得上色... 胃口大開!👍👍👍

有個阿姐態度真係好差！！！！！！！食個鰻魚炒飯好多蛋殼！仲要甜到食唔到，唔知點解個鰻魚炒飯會甜過我杯凍檸茶我真係完全唔明點解有人會話呢間嘢好食。試過一次就算，以後唔會再食。

朝早又落黎食個靚早餐先再WFH。😂✨叉燒湯意粉，叉燒係西式煮法， 肉質鬆軟，有煙燻過既味道，好正。✨雪菜肉絲米，雪菜夠甜肉絲夠軟。✨麪包甜甜地，再搽上牛油，好香脆可口。✨雞蛋係我最鍾意食既脆邊太陽蛋， 麵包沾蛋汁同食，好正。🏠 隆記茶室🛤️ 北角和富道18號地舖📍 港鐵炮台山B出口，步行約7分鐘-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining#breakfast

去咗北角做嘢已經一段時間，同事帶我去呢間茶記食嘢,佢話都OK嘅我就冇特別大期望當係一間茶餐廳.入到去裝修普普通通冇咩特別，餐牌選擇簡單唔算複雜，同事叫常餐，我睇一睇，好搞笑——「嚐餐」$52，因為唔係用正常嘅常字引起左我注意，所以就試一試.等咗約6分鐘奶茶就到啦，我嗰1分鐘火腿炒蛋同埋正餐都嚟咗.👌🏻奶茶正常茶記level (即係都好飲）🤩👍🏻火腿炒蛋好驚喜好驚喜食返細個喺大排檔或者茶記嘅炒蛋嘅味（80s嘅朋友應該明我講咩，嗰個年代其實係咩地方食炒蛋都好鬼死好食）👌🏻自家製叉燒湯意粉味唔係好重，應該冇加味精👍🏻但亦都唔算好好食，叉燒好林係好嘅，但係啲意粉都太過林本身我自己鍾意’煙韌‘啲.總結：食物：5/10環境：3/10清潔：3/10服務：3/10性價比：5/10回頭率：4/10（為左炒蛋8/10🤩）

同朋友去食早餐，食物質素可接受，不過姐態度差到一個點。出邊冇人等位，我地坐耐左，黑面阿姐就俾說話，話呢張枱兩個鐘，要係出邊貼張紙…啱呀，貼張紙叫人以後都唔好入去食。今時今日咁嘅服務態度，四個字:永不錄用!!!!

開業幫趁到而家服務及質素越嚟越差$40一個公仔麵早餐，當然不是出前一丁（要加$4）但都唔洗白烚麵，完全無味，投訴就比包味粉就算。個阿姐又惡到死比左機會幾次決定轉場無下次

鑱咀萬萬歲!🙌🏻ChamZeoiLongLongLife🙌🏻🐭 隆記茶室萬歲萬歲萬萬歲！......🐭「隆記茶室」絕對唔係普通嘅茶室，裝橫係中式茶療風格，幾有韻味。 製作有心機，水準自開業以來一直保持到，就算而家抗疫期仍然非常多捧場客！....🐭食物種類非常之多：港式、中式、意式、美式，上至菠蘿油紅豆冰，下至龍蝦牛扒，無論賣相同味道都絕對優秀!....🐭「嚐」餐 $52 (香草自家製叉燒湯意粉、火腿炒蛋、牛油扒多士)賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅🐭好有誠意嘅常餐，雖然價錢比一般茶餐廳貴，但絕對值得吃！半肥瘦叉燒，味道口感同港式叉燒好唔同！入口淋滑鬆化，帶點西式香草味，非常特別！湯底係金華火腿忌廉雞湯，濃郁鮮甜又冇味精。意粉軟硬度適中，口感滑嘟嘟，有啲似食緊米線。🐭牛油多士用嘅並唔係一般嘅牛油，味道甜甜地，非常獨特！多士夠厚，外脆內軟！炒蛋嫩滑又鬆香👅....🐭 食神鼠到隆記滿足一遊，必定會再來～👋🏻........