雄記粉麵 (Closed)

光榮結業前點都要食多次，回味一下魚肉春卷雖然外型好樣衰，但最好味一刻係剛剛炸起，外脆內軟嗰時，不過好難遇到，因為你永遠唔知幾時剛剛炸起仲有舊牛筋味道非常濃郁，燜得勁淋好膠好正。可惜呢度特色係碗麵份量真係好細，雙拼的話牛筋得2粒，食完真係無乜感覺，好想叫多碗但又驚俾人笑大食，而且服務態度麻麻地，最好去到坐得即刻叫唔好諗食乜優勝之處係夠懷舊，港式風味難捨難忘，食咗N咁多年，始終都要光榮結業，希望後會有期。

今天是「雄記粉麵」營業的最後一天，雖然天氣不太好，天陰有毛毛細雨，但不減食客的熱情，舖頭內高朋滿座，各人都不理會政府的食肆人數要求，食客熱情地來到品嚐最後的雄記味道。我沒有堂食只買了外賣，當然包括我喜愛的魚肉春卷，今日叫一個粉面只可以+1條魚肉春卷，有食客想多叫一條春卷但老板都婉拒了，一份食物只可以加一條春卷，因為要留給之後來捧場的食客享用。熟客們都紛紛向老闆和老闆娘道別，這就是他們經營30年儲蓄下的人情味，這兒雖然沒有熱情的招待，但各人都守住自己的本份提供簡單美味的食品。㊗️你們身體健康，好好享受退休生活，再見。

喺網上見到朋友發文話呢間屹立荃灣好多年嘅粉面店即將喺月底結業，算叫做喺荃灣長大嘅我，居然從來未食過，擇日不如撞日，放工拉住先生嚟「朝聖」一下。去到已經被門口嘅「盛況」嚇親，睇嚟呢間麵店俘虜咗唔少荃灣街坊嘅心。鋪頭屬於舊式麵店，店內座位數量唔算多，排隊等咗大概10分鐘左右，終於可以入座。連餐牌都相當有歷史，聽聞以前係做普通嘅港式粉麵，近年先加入酸辣米線，而最出名嘅係自家製嘅魚肉春卷、墨丸、麻辣肚絲同鹹菜。餐廳生意超旺，叫外賣嘅亦唔少，所以需要耐心等待。先上枱嘅係油菜，我哋叫咗生菜，俾嘅係西生菜，油份夠，蠔油亦一啲都唔吝嗇，唔錯。米線果然名不虛傳，湯底同一般出名嘅酸辣米線唔同，少咗常見嘅肉碎，望落較為清澈，但入口味道鮮濃，別樹一格。平日食米線通常都係嗌雞絲、腩肉同豬軟骨之類，今次當然要試下佢最出名嘅肚絲同春卷。平日食豬肚通常係粗切，而呢到嘅豬肚切得好幼細，而且非常入味，同酸辣湯底亦係絕配！自家製嘅魚肉春卷形狀似孖潤腸，咬落幾彈牙，而且味道鮮濃，個人認為比南記嘅更好食。先生揀咗腩肉配春卷，腩肉偏瘦，好似石蔭雲南小鍋米線嘅名物腩肉咁，夠入味，而且肉質軟腍，非常有驚喜。店家特製嘅蒜蓉辣醬幾惹味，

即將光榮結業 成為集體回憶😋好多商鋪結業時都留給大眾一種集體回憶，有時會過份推捧，但雄記應該是給大家記住它的美食，魚肉春卷，南乳豬手，牛腩 … … 等等。因為疫情比較緊張 所以我買了外賣回公司吃，盡量避開人羣。叫了酸辣咸菜肚絲米缐加魚肉春卷，熱辣辣的米缐一打開 便聞到好醒胃的酸菜味道，豬肚絲本身已很入味，各樣材料合起來認真好味，而且是雄記的特有味道。我剛去的時候師父在炸腐皮魚肉春卷，我今天可品嚐新鮮炸起的春卷，外皮香脆，魚肉彈牙，日後到那裡才可品嚐到這種味道呢。

真可惜，咁遲先至知道呢個美食😿最鍾意食小鍋米線嘅我，一食就愛上😻但可惜下個禮拜就已經要結業啦😿星期六日都唔使排隊，叫咗個小窩米線加春卷。個春卷真係唔同南記嘅，好唔同，牛脷酥形狀，好有魚味，好香，大大件，好有口感！！！想一碗加多條春卷都唔得，或者外賣齋春卷都唔得，因為佢哋已經唔夠貨做唔切😿小窩米線小辣對我來講已經好辣，辣到出汗，好開胃，辣得來好好好味，啲肉碎同鹹菜味。牛丸好彈牙。仲有特別意外驚喜嘅就係炸魚皮！！！非常之新鮮爽脆！！！ 浸入湯仲會有沙沙聲，不得了，正！！！太可惜了咁遲先發現，琴日食完今日忍唔住再嗌外賣食，好可惜香港咁好嘅美食咁快就唔再做😿

荃灣從來都係米線激戰區，香車街老闆娘、唯一雲貴川、川味美食、雲家小鍋，多如天上繁星，仲要間間都出名。當然人人都有自己嘅favorite list，不過從朋友L先生得知的雄記粉麵，原來係佢最愛，因他介紹吃過後，可以話係我暫時十分著迷之作。你聽到雄記粉麵呢個名，可能完全諗唔起同米線有乜關係。唔好理，如果你係米線嘅支持者，三月底前請來朝聖一下，絕對不會失望。認識呢間餐廳嘅原因，就係因為佢三月會結業的消息。結業應該同疫情無關，不過真係好可惜，特別當你吃完後覺得好好嘅話，更不捨得。短短一個月來了兩次，就係好愛這𥚃米線的彈牙和煙韌感，掛湯又佳，而且個辣湯，好出色。 兩次都吃酸辣和酸菜麻辣大腸同肚絲米線，如愛大辣可以加，酸辣非常開胃，大腸和肚絲同樣都非常美味，二選一，我會選大腸，唔肥又好有口感，好此道必吃。墨魚丸係呢度另一名作，和元朗嘉麗園有得比，墨魚味濃，而且彈性高，叫一碗剩丸吃，最滿足。媽媽叫了雲呑來試，相對普通了一點，係小巧種類的雲呑，有散尾，多蝦少豬肉，看看這做法是不是你杯茶，不過一杯粉有六粒係佛心價。當然一定要推介係呢度嘅名物，自家製的魚肉春卷。勁大條的孖條，又粗又壯，口口咬落去都係魚肉

曾經以「英雄莫問出處」  為題，寫過一篇關於「雄記」的食評 ，與「雄記」的初邂逅要追溯至 2016年！  三月初得悉「雄記」將於三月三十日結業的消息，昨天 (星期六) 特意造訪，有緣遇上「雄記」老闆，就此將「英雄莫問出處」裡的疑問逐一解答了！麻辣鹹菜肚絲春卷米線 HK$51 牛腩春卷米粉 HK$34樣似牛脷酥的春卷源自客家美食，「南記」與「雄記」份屬同門，難怪兩者出品予人有著雙生兒的感覺，就連檯上的冬菜，甚至別樹一格的自家製辣椒醬，也有六、七成相似！  兩同門其後各有各的發展，故有䇄立荃灣三十載的「雄記」，亦有由香港仔拓展至多區的「南記」！據「雄記」老闆所述，「南記」已有八十年歷史，於香港仔出生長大的老公，也見證著「南記」在街頭推車仔擺賣，然後入舖的年代。而我如大多數香港人一樣是先認識「南記」！被譽為三十年來沒退色的「雄記」，對品質的堅持可體現在一壼鮮製的辣椒醬上，辣椒醬之所以不賣，是因為沒有放防腐劑，不耐存！仍記得第一次品嚐「雄記」出品的春卷，簡直有股「原來春卷是咁美味」的勁兒衝上頭顱！英雄莫問出處文章所載： 我最渴望的魚肉春卷就如一條牛脷酥，炸得金黃、體型飽滿，這回跟「南記」瘦

雖然唔係荃灣人～但幫襯過幾次都有感情係度～份量雖然唔多～但勝在大部分食材都係自家製😳誠意十足！好可惜既係有日經過見到佢月尾就會執笠啦⋯⋯所以真係要多多幫襯，留住回憶🤧！必叫既餸一定係自家製春卷、牛丸、魚蛋！全部都鮮味十足👅另外嗜辣人士一定要加佢個蒜蓉辣醬！！！超夾個清湯🥺～勁好食！必叫既菜一定係通菜～配埋佢自己調配既腐乳簡直係一絕⋯出面真係食唔到依隻腐乳味，嗚⋯魚皮我就覺得唔洗叫啦😂無特別，同埋都幾貴下，成$3X🥱

聽說雄記即將要關閉，雄記歷史悠久，但本人不算非常十分極之鍾愛，因為感覺它的春卷其實可能稍遜南記，結果它說要關閉之前，有天閒日經過還是來吃多一次。始終，南記春卷由以前在尖沙咀、銅鑼灣、中環、灣仔才有，到現在，荃灣、旺角、黃埔、上環都有分店，不太特別罕有，還是這些地區小店雄記的特式春卷，如牛脷酥一般賣相的春卷更見特色。結果，最後一次，發現餐牌上面刪去「魚肉春卷」這個選項，還以為春卷已經售罄，但原來，只不過是可能因為雄記想讓更多顧客吃到春卷，因此如果吃春卷就要併其他配料。點了個春卷魚蛋河粉，結果端來，才醒起這兒的麵條細碗如點心，看上去，河粉的份量都相當少，魚蛋三粒，另外就是呈孖的春卷。這次吃春卷，才感到，春卷質地比較硬實，沒有煮到軟林，而且溫度比較冷，好像放涼了的一般。味道的確沒有南記那麼可口，而且又不算脆皮，感覺上除了形狀特別之外，南記的條狀春卷，比較脆，比較香口，亦都比較濃香，質地較佳。辣椒醬還是這點的特別之處，辣椒醬夠辣，而且還有少許蒜頭在內，味道香濃。後來買了淨春卷外賣回家，然之後，將春卷放在湯上邊浸林浸熱，這樣它比較軟身，而且溫度熱得多，這樣比現場食更好，挽回不少分數。

春卷牛腩麵🍜以前返學成日食，今日知道佢做到三月底就結業。所以點都要嚟回味一下，就算見到有人排隊，都要排。我最愛食春卷，我實在太鍾意，真係好好食。牛腩夠入味，又夠腍，好正。加埋爽口彈牙嘅幼麵，實在非常夾，perfect。雄記粉麵 (荃灣)荃灣荃興徑17號C地下

住附近細細個開始食雄記既米線最中意炸醬酸辣米線d酸菜真系腌得好好味個湯底係酸辣得黎岩岩好味道。另外牛展米線都好掂，最出名既就系個魚肉春捲，米線價錢都系39-41左右一碗，價錢親民！值得你地一試！！

係荃灣好多年的粉麵舖，由我讀書年代已經係到今日經過荃灣又未夠鐘食晚飯就入去食少少嘢，順便懷念一下讀書時代發生嘅嘢諗住食少少，叫碗淨春卷。點知原來都有3條，食完唔洗食晚飯，勁飽！春卷呢到係最出名，淨春卷$36 但食落好重味精，勁口乾個湯好有胡椒味我諗配粉麵，豆漿嚟食會比較好就咁淨春卷就麻麻地

今次想食地道平價粉面，黎到荃灣呢間雄記，就係路德圍個兩間豆腐花舖對面，食完仲可以係隔黎掃街同買珍珠奶茶飲，呵呵呢度最出名當然係魚肉春卷啦，我嗌左春卷牛腩米（雖然餐牌上好似無呢個配搭但都照有得嗌哈哈），朋友嗌左春卷貢丸河。春卷果然好味！兩大條夠份量，肉又結實又好味，非常滿意！記得之前食親啲春卷通常都比較細條，春卷黎講呢度真係我食過最滿意的 🤩 與此同時牛腩都好好食，係好結實既口感，重牛味，係唔知點解我個碗好似無乜腩汁，反而我朋友個碗無牛但係有嗌腩汁就有色好多 lol 下次嗌返先哈哈。凍奶茶都好飲，而家越黎越少飲到茶餐廳式既凍奶茶lu，連鎖店既真係比唔上！Overall 好滿意！下次去開荃灣都會諗再食 😊

住在葵青區的朋友常常說荃灣有一間傳統上海麵店開業很久，十分好吃。今天難得在荃灣，一於要去試試這間傳聞已久的麵店。荃灣區不只食肆多，人亦很多。小店人流不絕，很多人幫襯。點了個春卷牛展上海麵。上海麵賣相不錯，份量不少，有腐竹及雪菜伴在旁邊。看上去牛展晶瑩剔透，筋膜與肉的比例平均。牛味濃郁，口感軟滑，味道不錯。魚肉春卷大大條，口感較為實淨而且不夠香口。上海麵帶一點韌勁，略嫌底鹹了一點。順帶一提這裏外帶飲品要加收$10。

我記得有段時間我都好鐘意E間荃灣小店，須然係貴D，但係當時係荃灣就真係冇E種麵店，有東菜，辣椒醬又好食魚肉春卷好少有，但係以家南記周圍都有，價錢又平好多，以家有比交就少左去E到啦