雄記粉麵 (Closed)

#雄記 #小店#麻辣豬肚絲米線 $35(另加#魚肉春卷 $11）#南記 出名食魚春卷係人都知嫁啦但其實荃灣都有得食 大胃D諗好多人都食過❤依間雄記既魚肉春卷又係 #必食推介 *食個陣加少少佢既梅菜一齊食 味道少少咸又少少辣 滿足😊另外 佢間舖頭既辣椒油又係好正 我落兩茶匙就鼻涕都流哂出黎 間唔中經過都會幫襯 #聽講以前仲好食 不過依家都唔差#魚春卷同豬手必食👍.

我想食春卷拼牛腩麵、可惜佢只有春卷牛筋麵$31、或者牛腩撈麵$43、因為我唔食牛筋、所以最後我叫左牛腩撈麵。點知黎到一粒牛腩都冇、我問佢點解全部牛筋冇牛腩、佢話牛腩麵係有牛筋咁話喎、我話咁都唔係全部牛筋呀？咁餐牌既牛腩撈麵做咩要貴過春卷牛筋麵成$12蚊？比貴左$12蚊最後重黎左碗牛筋麵、咁我做咩唔直接叫碗春卷牛筋麵！？冇下次

呢間舖頭真係以為唔食佢唔得。😡😡😡首先寫單個阿姐已經唔知做咩，叫完之後再問一次，唔緊要，同你講多次；叫芥蘭黎通菜都算；叫豆漿又唔黎要再講😖好啦，叫佢既大腸米線，點知黎左見碗野咁清，咪摷下會唔會係底，都唔見，叫個人黎問，點知佢話返我轉頭做咩摷佢碗野，一睇就知係小鍋米線！（好笑，會唔會知呢？）之後同佢講你地上檯個時都話係大腸嫁噃，會唔會知你地口個句同碗野會唔同呢！之後廚房個男人出黎問咩事，話不如加番大腸俾你加多我$10！（有無病呀！你又懶唔願意整過碗，當加番個大腸俾我大恩大德咁，所以要加我$10！！係咪應該同你講聲多謝呀！）咁我當然話你黎錯野，點解要加我錢？之後個男人話係要咁嫁喎，一人行一步好喎，咪話加番個大腸俾你囉！（呢個咩邏輯）我同佢講，而家唔係一人行一步，你錯仲要收我$10，係你進一步，個男人窒一窒，唔夠人講，竟然同我講 「咁你唔好食啦」，拎埋走碗麵哼，你放心，我一定以後都唔會黎食😡😡😡可惜Open rice 無負分

今日同老公睇完戲之後個肚有少少餓，行到去出名多嘢食嘅路德圍睇下有咩好食，見到呢間粉面店就一心入去食個面。一入到去見到佢餐牌嘅選擇好多都有魚肉春捲，係差不多每款都會有魚肉春捲，原來係好出名嘅。本身我身我個心係想食牛筋米嘅，但佢寫住單叫牛筋米係要四十幾蚊，如果連埋魚肉春捲就只要31蚊，咁我見橫掂個魚肉春捲咁出名就試下啦，咁就叫左個魚肉春捲牛筋米。加一碟通菜，同一杯豆漿。先黎到個米粉見到條魚肉春捲超長，牛筋有2件，湯底好深色。一飲個湯底，味道唔太濃，冇咩牛味，反而有好重味精味。條魚肉春捲係完全凍嘅、同埋好油，好硬。牛筋出奇有好甜嘅味道，食落去好怪嘅感覺....通菜15蚊一碟但超細碟，得幾條菜...豆漿亦飲得出佢係買返黎嘅。呢間野價錢算貴又唔好食，下次唔會再黎。

今晚有事做要速食, 整碗粉麵就最快靚正呢間舖由以前在附近返學時已經向度了! 就黎懷念一下讀書的味道~黎到當然要叫招牌的魚肉春卷, 再拼牛筋, 怕太肥所以配米粉~ 春卷同以前一樣咁好食, 牛筋入味, 個湯唔會太濃以前好似20蚊有找一碗, 而家已經要30蚊有多一碗 , 不過都仲係一個合理價錢希望小店可以繼續營業~留返D 回憶比我地!

點解會小鍋腩肉無腩肉？事情係咁既，我一坐底就叫腩肉米線，叫漏了小窩兩個字，馬上補上一句要小窩米線，頂佢個肺丫，黎到無左腩肉！馬上問返阿姐點解會咁！佢話以為我唔要腩肉轉食小窩米線，之後我話依家加返得唔得，佢話唔得，其實加返個腩肉係咪咁難呢？最後我餐晚餐係無餸，再好食都無用，食到一肚氣

雄記除了魚肉春卷出名外，另有一件為人津津樂道嘅江湖傳聞---話說想當年董伯伯還是特首時落區做show, 紆尊落貴嚟到雄記，老闆好型咁拒絕董伯伯嘅握手，此英雄事蹟流傳至今。一傳眼十多年，見證著香港這十多年來的悲情。哥哥中學讀荃官，他笑說雄記的價目跟他的年齡同步增長。$31，細細碗，的確有點貴。湯底無咩味。魚肉春卷沒有被神化般好吃，也是無咩味。客人會因各種似是而非的理由經常被店員要求調位，務求要坐到滿一滿，做盡每一單生意，令人有點煩厭。門口風閘位超大風吹到頭都痛。

同朋友來荃灣大會堂聽concert，時間唔多，諗住食粉麵最平最快。天橋附近得呢一間粉麵，有人外賣亦有人排隊，冇多考慮便入去坐。一碗最普通的粉麵都要$30，偏貴，可能地段唔錯又得佢一間粉麵，算啦。睇睇餐牌，決定試下佢ge豬手河。講真，我會比4分。可能本人冇高要求，試過幾間豬手麵，呢間算唔錯。豬手很林很入味，啲皮睇落幾乾淨冇毛。本人唔鐘意太鹹，呢度豬手食落就唔會口乾，滿意。啲湯肯定唔係麵湯，因為飲完冇鹼味，反而些許鮮美，浸住河粉非常唔錯。整體來講，普通粉麵$20+一碗，呢間偏貴，但既然有人排隊肯定有其可取之處，豬手真係唔錯。如果趕時間又冇乜選擇，都可以試下呢間。

呢晚同朋友去荃灣大會堂聽concert 時間太緊逼 食粉麵最快靚正一睇餐牌 粉麵最平都$30 真係有啲貴 一般只係$2x...魚蛋好大粒 亦爽口彈牙 口感極佳... 可惜好重鹼水味河粉長度適中 既唔太長 又唔會碎到夾唔到 可惜放得太多味精 好鹹同行有人點咗豬手河 佢覺得唔錯 都係$30 同樣價錢 好似食豬手抵啲

住荃灣區既人士對雄記一d都唔會陌生，而我中學時期係荃灣區讀書，就係個時認識左魚肉春卷。今時今日，雄記已經跟上潮流，有雲南酸辣米線食，配料亦都多左選擇。我同P大人今日都揀左酸辣湯小辣，春卷+大腸，我要河粉，P大人要米線。食物送到，睇個樣好掂咁喎!除左春卷同大腸，仲有d芽菜、腐竹、酸菜，好豐富。味道如何? 一個字:正!!好鍾意呢個酸辣!!春卷依然好食，大腸味道整得非常好而且好爽!!下次想食酸辣又多個選擇lu

如果要問我有關魚肉春卷，土生土長的我毫無疑問兼第一時間會回應：「南記」。想當年，我們一家當上東道主，帶同從美國回港旅遊和探親的表哥和表嫂到香港仔遊玩，這次是年少無知的我首嚐香港仔魚肉春卷的滋味。自此，一試難忘，更認定「南記」是香港唯一的魚肉春卷！這個「信念」維持了二十載，豈料數月前，在網上不經意地發現另一家魚肉春卷的食店，他是荃灣的「雄記」。網上幾乎是乎一致的好評，令我這個魚肉春卷迷不斷反覆推敲，究竟他是否源自香港仔？是否又如龜苓膏、米線、燒鵝、擔擔麵的老品牌，發生分家及令起爐灶的事件？腦子裡滿是疑問。這天帶著半飽的肚子經過荃灣，順道到訪「雄記」。白底紅字打正招牌的魚肉春卷，令我的心帶著點點忐忑！「雄記」店舖不大，座位設於左右兩旁，中間是走道，且每張檯頂多容納三人，裝潢就地道的粉麵店，不過卻打理得甚為整潔！「雄記」就如傳統的麵店，豬手、雲吞、牛腩、牛筋、牛膀和丸類等均俱備，全程有侍應招呼，而且侍應嬸嬸還是非常的親切！不過檯上的冬菜、辣椒醬和辣椒油又讓我將「南記」聯繫起來，應該是說以前的「南記」。現在「南記」並沒有將冬菜放置桌上，若有需要，只可向檯枱直接要求，他們備有裝好的小包裝冬菜！除

呢道好出名嘅魚肉春卷，真係好好食！咬落去又爽口，魚味好香，好有咬口。佢嘅牛肚都做得幾爽口，而湯底都幾好，有咸香，但食完又唔會口渴。河粉不過不失啦，最重要係無整到淋padpad，算係幾滿意！

食在於我嚟講絕不分貴賤,只要係令人垂涎欲滴的美食我便會飄到去吃,早前清麗村姑在IG放上雄記粉麵的麻辣肚絲春卷米線後,我才驚覺已近年沒去幫襯過了,所以在這個星期天便去回味一番^0^跟雄記扯埋都算有淵源,20多年前我就在這個鋪位的時裝店做過售貨員呢!!大家來雄記不要忘掉{孖寶}濃香冬菜和勁香辣椒醬,其實它跟南記食品如出一轍,但每方面又比它略勝一籌,雄記更别具性格如辣椒醬絕不售賣只可堂食咋!!記得以往雄記沒有賣麻辣米線的,所以我過往去也未有試過,因為不知好吃否嘛!但有清麗村姑推介下那一定要試下喇。飲品冷熱同價$14,我覺得可以Skip咗佢囉hehe~{春卷豬手河}$31,記得對上一趟吃還未過30大關呢!須然加了價但還是覺得抵食的,不過車爸爸覺得它的豬手退步了少許呢!!我的{鹹菜麻辣肚絲米線}$35另加春卷$11/1件,第一次吃它家的麻辣穩陣D點中辣,對我嚟講不夠刺激加點辣椒醬便剛好下次要大辣先得,肚絲滷得頗夠味而春卷就一貫的煙韌好吃,但最妙係鹹菜香口不"罕"將整碗米線帶上一層樓^0^

擠滿人，揍熱鬧不錯叫招牌話出名魚肉春卷及魚蛋，實要食下魚肉春卷好鮮味，用鮮魚做，外皮的腐皮好滑，內裏魚又鮮又有魚香，好彈牙。魚蛋咬落彈，好鬆好嫩滑。湯底香濃，河粉剛剛好，咬落不太淋，又有d彈性，入左湯味，好味，只是有點兒口喝！另一碗墨魚丸也不錯，咬下彈牙，有基本墨魚味，冇什麼驚喜！

身為一個將軍澳人，走入荃灣真係好遠好遠😂😂😂😂但為左搵食，撘耐啲車都值😤有時想食清淡啲，食下粉麵係唔錯嘅選擇😚雄記粉麵主打魚肉春卷🐟我要左一碗魚肉春卷河💰HKD30!其實啲河粉都幾少😂我本身都諗住唔飽啦，但係上面果兩條大春卷真係真材實料好大條，我食完已經飽了。春卷內全部都係魚肉，十分彈牙😉魚肉冇碎骨，個人覺得比南記更好☺️ 另外我嘅朋友叫左個酸辣腩肉米線加魚肉春卷。腩肉幾腍，同埋都幾夠味，不過始終份量偏少，男仔如果淨叫腩肉米線可能唔夠飽，所以叫多條魚肉春卷就夠飽了！😎 呢種酸辣都好味，不同於譚仔嘅酸辣，但個人比較偏好譚仔果種較濃味酸辣😬 另外想講講佢個辣椒醬😄辣椒醬係啡啡地色嘅，味道有啲酸酸地，唔算好辣，所以都為清淡嘅粉麵加了些點綴🍜始終小店經營，個人覺得價錢未算好貴，且質素不俗，可惜去到荃灣先有😞好遠啊！