雄記美食

Open Now

Now Closed

話說 同朋友一齊食呢間灣仔人氣小店 竟然第一次去就食到 好彩🥺事緣係呢間小店主打廣東式粉麵及牛雜一向深受食客歡迎🤩經常大排長龍食物賣哂就閂門🚪加上休息時間不定　食唔食到真係靠緣份🪷我同行朋友就話想試吓幫我寫食評😂🤣我一睇 寫到成哂抒情文咁 大家一齊欣賞吓佢文筆✍️<緣分到了自然會食到>【世間所有的相遇，都是久別重逢的因緣】曾幾何時，疫情期間當你想落樓下間茶記食個飯都需要有d運至可以食到。去到今時今日，你又知唔知道有間食肆一樣要等運到或者係講求緣份你至可以食到呢講緊既就系位於灣仔既雄記美食，呢間食肆嘅網上評價十分出色，今日咁啱有呢個緣份得閒而佢又有開就走咗去試吓咁啱去到唔算多人，唔使排隊就可以直接入去，一入去就見到店鋪裝修方面充滿香港特色，入面枱凳都係大家曾經返學時期坐嘅枱凳，d中小學回憶即刻返晒嚟（我就諗返起曾經坐我隔籬嘅女同學，唔知佢而家點呢），牆邊嘅擺設亦有好多老細嘅珍藏，要欣賞晒可能都要去多幾次🥹坐低咗開始望吓個menu，梗係要嗌返個最出名嘅牛腩撈通同叉燒蝦米腸，佢哋個腐竹糖水都可以一試。啲嘢食果然名不虛傳，全部都好食又抵，不過要小心佢哋嘅辣度都唔惹少，唔食得辣嘅朋

此小店已BOOKMARK咗好耐, 之前來過但摸門釘, 今次終於可以試一試 食物 : 牛雜粥 $40 ~ 粥底口感有D特別, 比其他地方的粥底更細滑, 牛雜味道正常, 整體唔錯 牛筋麵 $50~ 牛筋燜得好淋好入味, 都幾好食 雞蛋香煎蝦米腸粉 $24 ~ 腸粉自細都食唔少, 但此份煎腸粉真係唔錯, 煎得好香, 來此店一定要試 飲品 : 可惜此店無熱飲, 所以無叫飲品 環境 : 店內地方偏少, 但佈滿各種珍藏及海報, 來到可以留意看看 服務 : 職員有禮貌 價錢 : HK$114 (無加一服務費)

本人幫襯這間小店兩次，兩次都買外賣，第一次正常，無服務態度絕對明白，因為午餐繁忙時間；第二次先生去買外賣，先生口多多俾錢嘅時候對住老闆娘話吾該靚女，好明顯係講笑，點知阿老闆大發雷霆話以後唔做我哋生意。大家有去過都知老闆娘咩樣，唔通真係調戲佢咩？今日我又經過呢間小店，見到佢門口有啲幾得意嘅poster，就企咗響度打卡影幾幅相，點知老闆見我唔係幫襯即刻落閘，真心覺得呢間舖頭趕客，唔俾人影就唔好貼出嚟，坦白講睇吓幾時執笠，嘢食亦唔見得特別好食。

食評黎講除咗食物 當然服務態度都係其中用餐重要一環所以今次就集中講服務話說有人灣仔食晏食食下有對男女入咗嚟嗰樓面呀嬸叫佢哋搭枱同時有張四人枱吉枱佢地想坐過去嗰呀嬸就不斷話坐嘅話有人嚟就要叫佢地搬枱最後嗰對男女坐咗係張四人枱度佢哋好似講咗句到時有人先算嗰呀嬸無啦啦著曬制話唔做佢哋生意趕佢哋走結果嗰男嘅一路走一路鬧其實嗰時入座就大約有一半門口又無人等位我都唔喺幾明個客有咩嘢錯呢種餐廳真係對經濟毫無益處其實經濟都已經咁差呢種服務真係多謝晒

叫咗個咖哩牛腩撈麵中辣，食咗第一啖，即刻感覺唔對路，辣到飛天，完全食唔落，平時食開譚仔三小辣，感覺上呢個係十倍，點食呀!食唔到又唔想嘥，唯有叫點打包拎走返屋企睇下點整，個店員又好冷靜，完全冇同我交流😏

睇「消夜節目」主持人介紹，今日橫掂過開灣仔～試佢試佢節目內介紹咗～牛雜粥，煎蛋蝦米腸，淨係聽到「牛雜粥」呢三個字都己經好吸引，因為牛雜，牛雜麵，真係由細食到大，入落粥到真係第一次嘗。一放低，其實有啲失望，點解？點解得一半嘅？呢個型態係未食架，粥真係個碗一半都無，唔好同我講好似西餐啲「卡邦尼」咁，碟好大，啲意粉喺個「窿」入面得幾條，以呢個邏輯計算～正常！？好彩啲牛雜同粥都好食，攞返晒啲『分』返嚟，牛雜最緊要洗乾淨同新鮮，無果陣「徐」，粥底要「軟糯」同「綿」，識食粥就知我講乜！煎蛋蝦米腸，好鬼好食，其實係女友食，忍唔住都食咗幾嚿，如果唔係阿姐事前話「無得加單」，我肯定嘅多一碟～好食！因為唔可以加單，所以都加定個糯米飯，都係得個碗嘅一半，二舊大冬菇有咬口同都好出味，糯米飯略嫌份量少咗啲，同硬咗小小，味道剛好大會太咸。三樣食物嘢嘅水準同味道都俾到我驚喜，唔怪之得係「長龍店」，如果個粥同糯米飯個份量多返啲就完美。幾鍾意個老闆成間鋪啲擺設同性格，點解？擺設係佢啲枱係用我哋做學生時嘅枱，至於『性格』，下次你入去果時，唔「燙」埋個玻璃門，你就知道我講乜！至於唔可以「加單」，我個位其實唔係好睇得清楚，佢

撐港戲城寨海報、林海峰、活在當下、經典兩毫子…舖面展示著香港各種美好小確幸，放在掌心好local好true一坐低見到盧覓雪小姐，食家都嚟捧場㗎！食物方面好佬、好地道😂先嚟支裝腐竹糖水凍飲好好味雞蛋煎腸粉脆口嫩滑，勁快吃光光！枝竹羊腩飯都幾香，仲係隱藏menu🤫聽到人嗌我就嗌咋牛腩撈粗不過不失店內姐姐知道等食物上枱時間要長D有提前講聲，同熟客亦有講有笑，呢種feel都係香港地小店獨有的濃厚人情味🤍

星期六可能一朝早就去，唔使排隊，終於可以一試雄記牛雜！牛雜口感好爽口唔似街邊檔會一Pat野好林。而且啲牛汁入晒味，牛肺同牛胃個口感好正！😍😍😍列入咗my favourite 牛雜！♥️另外都有試佢個香滑煎腸粉，個煎腸粉有用蛋煎煎得好香同埋啱啱好，不過就要落甜醬食先冇嗰個煎嘅澀味😝最後仲有試佢個糯米飯，估計應該係時季menu，糯米飯嚟講佢係好食嘅，啲飯唔係太濃味，但係配返潤腸同臘腸個味就啱啱好，唔會太咸。喺灣仔嚟講佢呢個糯米飯好食過佢嘅強記美食。但就太貴，要$80一碗。不過佢係好足料既😂

今日第一次中午時間去， 見店舖內裝修特別好似好多舊式戲院學校裝修就入去試試，我地2大1小入去食 ，有以下評語 1）叫咗兩個飯加兩支薏米水 $134， 佢話要每人最底消費要$50，要我地加野 ， 但門口係冇寫， 有寫我就唔入 2）落完一次單， 講明唔可以再加單 。3） 強制客人坐邊個位， 隔離枱有個女仔一個人入黎就叫人隨便坐，跟住有3個人入嚟， 張枱原有4個位， 都叫人調位， 個女仔冇出聲調咗， 再人兩個人入黎又叫佢再調， 個女仔唔食走， 個店員仲講比佢走， 唔做佢生意， 店舖唔係自動門， 人地出去冇閂門，就話人痴線！ 4）問佢攞兩隻碗， 佢態度差話冇碗， 最後另一個店員自動比咗一隻我哋。5）廚房得一個人做， 出食物速度唔夠快。6）我覺得佢哋店員（可能老闆）有強迫症， 所有野擺得好好， 你每次睇完用完啲野都會埋黎再執！ 所有野要一定要喺佢哋控制範圍內！ 講嘢又大聲！ 以上種種問題，食個飯好大壓力咁， 連我小朋友都話佢地態度差， 唔會再去食。食物質素一般，份量唔中間遍少。估唔到今時今日環境，仲有啲咁嘅服務態度， 令我特然諗起屯門果間刀削麵態度分別唔大！

已經幫襯過幾次，一向都知道係排隊店，今次排第9張台，竟然要等1.5 個鐘。 想叫咗一碗咖喱牛腩撈粗麵，店員話粗麵賣晒，河粉得唔得，咁我都冇所謂照試吓囉。牛腩好韌，仲剪到好碎，牛腩一啲都唔軟， 大失水準🫠🫠🫠🫠最失望嘅係個河粉，明顯煮到過晒時，個河粉夾起完全係斷開晒，食落去一坺嘢咁。從來冇食過咁差嘅河粉，有圖有真相自己睇下面張圖。以牛雜粉麵店來講，呢一碗河粉完成係唔合格👎🏻👎🏻👎🏻👎🏻👎🏻只可以話咖喱幾好，咖喱味道足，有啲蕃茄薯仔同蘿蔔。

好彩識得三千同學嘅媽咪👩佢係一位超級Nice又鍾意美食嘅港島通👍🏻經常帶我去揾香港島區嘅特色小店👏🏻今日呢間雄記美食真係值得打卡📸✨有種懷舊嘅老香港feel，好正✨店內收集咗好多懷舊玩具同港星舊海報。【招牌咖哩牛腩撈】可以選通粉（主推粗粉）招牌咖哩牛腩撈麵嘅口感真係一絕！佢嘅麵條彈牙有嚼勁，好滑好入味。咖哩醬汁係濃郁香辣，帶有淡淡嘅咖哩香氣，胃口大開。牛腩粒煮得剛剛好，軟嫩多汁，入口即化。！【牛雜粥】真的好粘稠好細滑好入味，我呢個平時唔鍾意食粥嘅人都食左一大碗煎蛋腸粉入面有蝦米（連個蛋都煎到好香）🧃飲品：1⃣️腐竹糖水係自己店煲過然後濾咗渣變成飲品細膩絲滑2⃣️檸檬薏米水降火氣一流檸檬🍋清香，唔會太甜，好愛🌟呢間依然係年年排隊王～12點前去人唔多⚠️1:30之後基本好味都賣晒因為廚房只有老闆雄哥一個人～所以人多嘅時候要有啲耐心等待啦）

灣仔返工一直聽聞雄記美食好出名，今日終於有機會一試。一入到去已經覺得好舒服自在，阿姐服務態度好好！！其實見啲人推介要食煎腸粉，但礙於我自己一個人，又好想食牛筋，同埋屋企人推介咖哩，今次就試咗咖喱撈粗先！牛筋同牛腩份量都算多，牛筋諗得來又唔會一夾就爛，牛腩就係比較碎，薯仔都好淋。但整體來講質素算好出色。而且食物既種類都好特別，值得推介大家過黎一試呀！！🍴咖哩牛腩撈粗加牛筋一人份量：$57📌雄記美食🍽️灣仔克街6號廣生行大廈B座地下B2號舖

又係慕名而來嘅雄記美食，聽講老闆唔係日日都開門，去之前最好喺社交平台check吓佢有冇開～唔好摸門釘喔呢間個餐牌好簡單，得幾款嘢食，但基本每一款都做到好好食。今次叫咗咖喱牛腩撈粗（小辣）$55少少辣，好惹味，而佢嘅咖喱牛腩唔同普通嘅茶餐廳，佢係一個好好味嘅醬汁，牛腩粒做到好淋，要陪咗好多薯仔粒，非常夾！好食！另外亦叫咗一碗咖喱牛腩腸粉（中辣）嚟到嘅時候，已經見到有好多辣粉喺面，滿滿嘅邪惡辣粉，結果係死亡辣粉，小妹食咗一粒腸粉已經辣到飛起，朋友食到一半都食到胃痛手震🥵真係唔係講笑，小辣同中辣嘅分別真係好大，朋友食開譚仔中辣都冇問題，但呢個真係大癲😰所以建議大家都係食返小辣啦⋯最後就係一定要叫返枝腐竹糖水，好重腐竹味，好好飲，亦好解辣😋📍 雄記美食 (灣仔)灣仔克街6號廣生行大廈B座地下B2號舖

雄記美食🍜🤩呢間個性小店，我相信係灣仔附近嘅人冇食過，都一定有聽過🦻🏻！因為老闆有機會不定時得會休息，所以如果唔想摸門釘👣，去之前最好就去佢地社交媒體網站@hungkeehk 睇睇（小妹就買過兩次教訓啦😅😅）一入到去，一陣港風吹過咁🇭🇰！學校枱凳，數不盡的舊式玩具，搞笑趣味標語，好多老闆珍藏，全部都係兒時回憶，就咁睇裝修就已經好吸睛👀✨。呢到樣樣野都可以講係招牌咁滯，點解，因為可以選擇數量真係唔多，但係每一樣都好有特色。蛋煎腸粉就幾乎係枱枱必點㗎，蛋味濃厚🍳，腸粉軟糯，再煎埋一起，口感香脆，你話點會唔好食😋。唔講笑係好食到係想encore！（Better than美味佳🤭）。之後呢碗咖喱牛腩撈河（其實撈面會好食啲，不過果日好想食河粉），呢碗係重口味人士之選，佢係一碗普通牛腩加上出色咖喱汁，香辣惹味，雖然我叫小辣，都幾辣下，但係都一啖接一啖咁食。河粉嗦曬啲汁，wa，係辣住食到停唔到🌶️🤤！呢碗牛雜粥，牛雜清理的好乾淨，完全冇異味，欣賞佢地加埋生菜絲，增加口感，粥底煲得好綿密，加小小胡椒粉調味，好cfu啊😽😽～～大家有心理準備都要排少少隊，你話佢係天上有，地下冇嘅美食，佢唔算。但係佢一定係一

1. 佢裏面細到成粒芝麻咁，你多幾磅都入唔到。2. 佢兩點已經冇晒冬瓜鴨腿湯飯，牛雜麵，同埋糯米飯。去到兩點15分，腸粉都買晒。3. 蛋裏面有蛋殼，食到牙都崩埋。4. 我同個店員講想要幾個碗仔，佢竟然話洗唔切，所以冇比到我地。見到佢成間舖得三個人，我去嗰日係星期六，如果你真係人手不足，就請多幾個人返嚟啦。5. 重點嚟啦！！叫嘢食竟然唔俾加單，如果你食食吓唔夠食，睇嚟你要出咗去再入返嚟重新坐低，咁嘅規矩，成個香港都俾你搞衰晒！雖然佢啲嘢食真係OK ，服務態度但係依個服務態度，同埋模式，真係趕客！