雙喜食堂

Open Now

Now Closed

我同同事各自order 左一碗拉麵，配菜幾多，我地試左魚介湯底，湯底略鹹，熱檸茶有些苦=======第一碗係牛肉拉麵，但牛肉係肥牛，若果係真正牛肉更好=======第二碗係雞扒拉麵，雞扒較淡，同事個餐包左小食，佢有支豆同螺肉選擇，佢要左螺肉，味道正常

今日係last day, 應該幫佢寫番個總結。其實如果係附近返工, emax, 高銀、宏天，都應該知道信和每層都有唔少食店，有堂食有外賣，大部分都送上門。今日繼續食早餐A..火腿蛋加火腿通，配方包。$27 算係咁，上星期仲係$25，哈哈，$27都已經好抵食。 雙喜買外賣，就算買一份都會送外賣姐姐好有禮貌食物都OK, 比起大連鎖店，係比較抵食，算性價比高。午餐超大份，一定飽但時間比較好難掌握，漏單都時有發生，試過叫了50分鐘都未黎。如果自己上去自取，就算一早叫定，都唔一定有，因為外賣單多，佢會做曬同一幢大廈，寧願做曬先，所以叫定然後自取唔一定快，好多時得個吉對比佢同一幢大廈既食店，其他都用電腦落單，佢都以手寫為主，有時難免mark少左電話號碼之類。堂食的話就比較迫，比較嘈。

公司早排搬左嚟九龍灣，都未知有咩好食，見到有幢信和工商中心就入左去搵下有無咩隠世野食啦！今次去左三樓個雙喜食堂試下，佢分左兩邊，買野食野飲就自己排隊，之後野飲就自己拎左先，野食就等佢叫號碼。如果你坐左係另一邊，就會有人送餐過嚟，係廚房果邊就要自己拎。晏就有湯送嘅，但我遲左就送晒啦，下次希望有機會試下。今次叫左個葡汁焗雞飯($43)，熱飲凍飲另加4蚊。等左十五分鐘終於有得拎，熱辣辣，仲係炒飯底嚟！食落都唔錯，唔係果啲翻熱嘅飯嚟，係啲汁略嫌多左啲，最尾要倒走啲先得，下次嚟再試其他野先！

今朝咁啱經過九龍灣，覺得肚餓，就是但搵間茶餐廳買早餐，叫咗個蛋治外賣，點知打開就非常驚喜，d蛋炒得好滑，一d都唔老，有d蛋汁流出黎，個麵包都好鬆軟，入面仲有搽咗牛油，而家好少茶餐廳有咁厚嘅蛋治

一想到於九龍灣用膳，不少人便會想到於淘大商場、國際展貿中心或者Mega Box等食店林立的商場。不過那裏大多是連鎖式食店，而且價錢便不便宜。而在信和工商中心裏，卻發現了一家隱世食堂。雙喜食堂佔用兩個單位，被一條走廊隔着，而我則坐在較為殘舊的一邊。點餐的方式是：先到有水吧的單位內排隊點食物(若果在另一邊食則必需先聲明「另一邊」)，然後取票尾。返座位，店員會高聲揚出票號或者飲品，若是自己所點的就要快速向店員認領。始終，小店內幾個小店員，同一時間捧着幾個餐兩邊走，好不容易。而較為殘舊的一邊，衛生尚可。當日我點的是小菜—咖喱吉列豬扒飯。每個餐都附送餐湯，餐飲則額外加$4。光看餐具便覺得很有小店的風味—盛載着飯和湯的餐具都是淨色的膠店，咖喱汁居然用不銹鋼盤盛着。吉列豬扒份量超多—共2層，一層有3塊，每塊都很長也很厚。雖然又不算貴份量又大，但味道絕對不差—豬扒很鬆軟，炸粉沾合着豬扒，吃起來有種「啖啖肉」的感覺。至於咖喱，用吉列豬扒沾着吃就好了，始終比較稀，拌飯的話則口感較為差。飯沒甚麼問題。總結來說，若不嫌環境壓逼或者有點髒，雙喜食堂裏總能教你找到一些隱世美食。